ပြည်တွင်းကုန်သွယ်မှုသတင်း

   မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ ပေတောအုပ်စု၊ ပေါက်ကုန်းရွာသစ် ကျေးရွာသည် စပါး၊ နေကြာ၊ ပဲတီစိမ်း စသည့် သီးနှံများကို ရာသီအလိုက်စိုက်ပျိုးလျက်ရှိပြီး ဧရာပဒေသာစပါး ကို တောင်သူ(၂၀၀)ဦးမှ ဧက(၃၀၀၀)ခန့်အား ဩဂုတ်လတွင် စိုက်ပျိုးခဲ့ကြောင်း သိရသည်။

            ပေါက်ကုန်းရွာသစ်ကျေးရွာနေ တောင်သူတစ်ဦးက ၎င်းအနေဖြင့် ဧရာပဒေသာစပါးကို (၁၀) ဧက ခန့်စိုက်ပျိုးထားကြောင်း၊ ကုန်းဇောင်းဧရာပဒေသာမျိုးဖြစ်ပြီး ပွင့်ဖြူမြို့မှ ဝယ်ယူခြင်းဖြစ် ကြောင်း၊ (၁)ဧကလျှင် ပျိုးပင်(၆၀၀)ခန့်ကုန်ကျကြောင်း၊ ပျိုးပင်(၁၀၀)လျှင် ကျပ်(၄၅၀၀၀)ခန့် ပေးရကြောင်း၊ စိုက်ပျိုးပြီး(၄)လအကြာတွင် ရိတ်သိမ်းကြောင်း၊ စိုက်ပျိုးမှု ကုန်ကျစရိတ်အနေဖြင့် ပျိုးဖိုး၊ လုပ်အားခ၊ မြေပြုပြင်ခနှင့် အခြားသွင်းအားစု စရိတ်အပါအဝင် စုစုပေါင်း ကျပ်(၆၀၀၀၀၀)ခန့် ကုန်ကျကြောင်း၊ ထွက်ရှိမှုအနေဖြင့် ယခင်နှစ်က မိုးရွာသွန်းမှုနည်းပါး၍ (၁)ဧကလျှင် စပါး(၃၀) တင်းခန့်ထွက်ရှိပြီး (၁)တင်းလျှင် ကျပ်(၃၀၀၀၀)ခန့်ရရှိကာ အကျိုးအမြတ်အနေဖြင့် ကျပ် (၃၀၀၀၀၀)ခန့်ရရှိခဲ့ကြောင်း၊ ရောင်းချမှုအနေဖြင့် ကုန်သည်ပွဲစားများမှ ကျေးရွာအထိလာရောက် ဝယ်ယူကြကြောင်း၊ ယခုနှစ် သီးနှံစိုက်ပျိုးချိန်တွင် မိုးရွာသွန်းမှုကောင်းသောကြောင့် ဧရာပဒေသာ စပါးစိုက်ခင်းများ အောင်မြင်ဖြစ်ထွန်းလျက်ရှိပါကြောင်း ပေါက်ကုန်းရွာသစ်ကျေးရွာနေ တောင်သူ တစ်ဦးထံမှ သိရှိရပါ သည်။

DOCA(မကွေး)

  ဘားအံမြို့ပေါ်ဆိုင်များတွင် ရောင်းချလျက်ရှိသော သစ်သီးဝလံများမှာ ရှမ်းပြည်နယ်၊ မန္တလေးမြို့၊ ရန်ကုန်မြို့၊ မြဝတီမြို့နှင့်ဘားအံမြို့အနီးကျေးရွာများမှ အသီးသီးဝင်ရောက် ရောင်းချ လျက်ရှိကြောင်း သိရသည်။

          ၂၀၂၅ မိုးရွာသီ အောက်တိုဘာလ ဒုတိယပတ် ဘားအံမြို့ပေါ် ဆိုင်များတွင် ဖြစ်ပေါ်လျက်ရှိ သော သစ်သီးဝလံဈေးနှုန်းများမှာ နဂါးမောက်သီး တစ်လုံးလျှင် (၂၀၀၀)ကျပ်၊စပျစ်သီး(အစေ့လွတ်) တစ်ပိဿာ(၄၀၀၀)ကျပ်၊ စပျစ်သီး(အစေ့ပါ) တစ်ပိဿာလျှင် (၃၀၀၀)ကျပ်၊ ပန်းသီးရိုးရိုးတစ်လုံး လျှင် (၁၈၀၀)ကျပ်၊ ပန်းသီး(ယိုးဒယား) တစ်လုံးလျှင် (၂၅၀၀)ကျပ်၊ ပန်းသစ်တာ်သီး(ယိုးဒယား) တစ်လုံးလျှင် (၃၅၀၀)ကျပ်၊ လိမ္မော်သီး(မြန်မာ) တစ်လုံးလျှင် (၁၃၀၀၊၁၅၀၀)ကျပ်၊ လိမ္မော်သီး (ယိုးဒယာ) တစ်လုံးလျှင် (၂၀၀၀)ကျပ်၊ သရက်သီး တစ်လုံးလျှင် (၂၀၀၀၊၃၀၀၀)ကျပ်၊ ဩဇာသီးတစ် လုံးလျှင် (၂၀၀၀)ကျပ်၊ မာလာကာသီးတစ်လုံးလျှင် (၁၀၀၀၊၁၅၀၀)ကျပ်၊ ဖရဲသီးတစ်လုံးလျှင် (၃၅၀၀)ကျပ်၊ ကျွဲကောသီး တစ်လုံးလျှင် (၂၀၀၀၊၆၀၀၀)ကျပ်၊ နာနတ်သီး တစ်လုံးလျှင် (၃၀၀၀၊၅၀၀၀)ကျပ်၊ ဖီးကြမ်းငှက်ပျောသီး တစ်လုံးလျှင် (၅၀၀၀)ကျပ်၊ သီးမွှေးငှက်ပျောသီး တစ်ဖီးလျှင်် (၅၀၀၀၊၆၀၀၀)ကျပ်တို့ဖြင့် အသီးသီးအရောင်းအဝယ်ဖြစ်လျက်ရှိကြောင်း သစ်သီးဆိုင် များထံမှ သိရှိရပါသည်။

DOCA(ကရင်)

  ၂၀၂၅ ခုနှစ်၊ အောက်တိုဘာလ စတုတ္ထပတ်တွင် ကရင်ပြည်နယ် ဘားအံမြို့ပေါ် ဈေး ကွက်အတွင်း ရာသီသီးနှံဖြစ်သည့် ဒေသထွက်ကျွဲကောသီးနှင့်အခြေားဒေသထွက်ကျွဲကောသီးများ ဈေးကောင်းရလျက်ရှိကြောင်း သိရသည်။

          ဘားအံမြို့ အနီးတစ်ဝိုင်ကျေးရွာရှိ ဒေသထွက်ကျွဲကောသီးဈေးနှုန်းများမှာ ကျွဲကောသီးအ လုံးကြီး တစ်လုံးလျှင် (၅၀၀၀)ကျပ်၊ ကျွဲကောသီး အလုံးလတ် တစ်လုံးလျှင် (၃၀၀၀)ကျပ်၊ အလုံးသေးတစ်လုံးလျှင် (၁၅၀၀)ကျပ် တို့ဖြစ် ဈေးကောင်းရ၍ အရောင်းအဝယ်ဖြစ်လျက်ရှိကြောင်း သိရသည်။

DOCA(ကရင်)

     တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့နယ်အတွင်းရှိ ‌ကျေးရွာများနှင့် မြို့ပေါ်ရပ် ကွက်များတွင် စိုက်ပျိုးရေးလုပ်ငန်းကို လုပ်ကိုင်စားသောက်ကြပါသည်။ရုံးပတီသီးကို ရာသီမရွေး စိုက်ပျိုးနိုင်သောကြောင့် တောင်သူများတွက်ချေကိုက်သော သီးနှံတစ်မျိုးဖြစ်သည်။  စားဖိုဆောင် သီးနှံတစ်မျိုးဖြစ်သည့် ရုံးပတီသီးကိုလည်း တစ်နိုင်တစ်ပိုင်စိုက်ပျိုးလျက်ရှိပါသည်။ ထွက်ရှိလာ သောသီးနှံများကို ဆိပ်ငယ်ဈေးကြီး၊ ရှမ်းချောင်းကုန်စိမ်းဈေးနှင့်တခြားဈေးငယ်များသို့ ပို့ဆောင် ပြီးရောင်းချကြကြောင်း သီးနှံစိုက်ပျိုးသော တောင်သူတစ်ဦးထံမှသိရှိရပါသည်။ ရုံးပတီသီးစား ပေးခြင်းဖြင့် အစာအိမ်ရောဂါကိုကောင်းမွန်စေခြင်း၊ အစာအိမ်ထဲမှ အက်စက်ဓာတ်ကိုလျော့ချ ပေးခြင်း၊ ခန္ဓာကိုယ်ထဲမှအညစ်အကြေးကိုဖယ်ရှားပေးခြင်း၊ သွေးနီဥထုတ်လုပ်မှုကို လှုံဆော်ပေး တာကြောင့် ခွန်အားကိုပိုရှိခြင်း၊ မောပန်းနွမ်းနွယ်မှုများကိုကောင်းစေခြင်း၊ ဝမ်းချုပ်ခြင်းများကို ကာကွယ်ပေးပါသည်။

    ယခု၂၀၂၅ခုနှစ်၊ အောက်တိုဘာလတတိယပတ်တွင် ရုံးပတီသီးတစ်တောင့်လျှင်(၂၀၀) ကျပ် ရှိပြီး (၁၀)တောင့်ပါတစ်စည်းလျှင်(၂၀၀၀)ကျပ်ရှိကြောင်း သိရှိရပါသည်။

DOCA(တနင်္သာရီ)

     တနင်္သာရီတိုင်းဒေသကြီး၊ မြိတ်ခရိုင်ရှိ တနင်္သာရီမြို့နှင့် ကျွန်းစုမြို့တို့တွင် နှစ်ရှည်သီးနှံ များနှင့် ရာသီစာသီးနှံများဖြစ်သော ဒူးရင်းသီး၊ တညင်းသီး၊သရက်သီး၊ မင်းဂွတ်သီး၊ အုန်းသီး၊ ကြက်မောက်သီး၊ ပိန္နဲသီး၊ ဌက်ပျောသီး၊ စုံပတသီးတို့ကို အများအပြားစိုက်ကြသလို တစ်နိုင် တစ်ပိုင်လည်း စိုက်ပျိုးကြ၍ ထွက်ရှိသောသီးနှံများကို မြိတ်မြို့ပေါ်ရှိဈေးများတွင် လာရောက် ရောင်းချကြပါသည်။ ၄င်းအသီးအနှံများထဲမှ ဌက်ပျောသီးသည် လူကြီး/လူငယ်မရွေး ကြိုက်နှစ် သက်ကြသဖြင့် အရောင်းအဝယ်သွက်ကြောင်း သိရှိရပါသည်။

     ၂၀၂၅ခုနှစ်၊ အောက်တိုဘာလတတိယပတ်တွင် ဖီးကြမ်းဌက်ပျောသီးတစ်ဖီးလျှင်(၃၀၀၀) ကျပ်၊ ဌက်ပျောဝါသီး တစ်ဖီးလျှင် (၄၀၀၀)ကျပ်၊ ဆွဲအံသီးတစ်ဖီးလျှင် (၅၀၀၀)ကျပ်နှင့်ဆိတ်နို့သီး တစ်ဖီးလျှင် (၃၀၀၀)ကျပ်ခန့်ရှိကြောင်း ဌက်ပျောသီးရောင်းချသူထံမှ သိရှိရပါသည်။

DOCA(တနင်္သာရီ)