ပြည်တွင်းကုန်သွယ်မှုသတင်း

ကျွန်းလှမြို့နယ်အတွင်းရှိ ကျေးရွာများ နှင့် ကျွန်းလှမြို့ပေါ်ရပ်ကွက်များတွင် စိုက်ပျိုးရေး လုပ်ငန်းများကို           ယခင် ၂၀၂၅ ခုနှစ်၊ ဇူလိုင်လ ပထမပတ်အတွင်း ဖြစ်ပေါ်နေသော ကျွန်းလှမြို့၏ ဖရဲသီး ဈေးနှုန်း များမှာ ဖရဲသီး အကြီး တစ်လုံးလျှင်(၆၅၀၀)ကျပ်၊  ဖရဲသီး အလတ် တစ်လုံးလျှင်(၅၀၀၀)ကျပ်နှင့် ဖရဲသီး လက်လီ အသေး တစ်လုံးလျှင်(၃၅၀၀)ကျပ် နှင့် ဖရဲသီးစိတ် တစ်စိတ်လျှင်(၃၀၀)ကျပ် (၂)စိတ်လျှင် (၅၀၀)ကျပ်ဈေး၊ ဒူးရင်းသီး  အကြီး တစ်လုံးလျှင်(၅၀၀၀၀)ကျပ်၊  ဒူးရင်းသီး အလတ် တစ်လုံးလျှင် (၃၅၀၀၀) နှင့် ဒူးရင်းသီး အလုံးသေး တစ်လုံးလျှင် (၃၀၀၀၀)ကျပ် ၊ ကြက်မောက်သီးလတ်(၁)လုံးလျှင် (၂၅၀)ကျပ်၊ အကြီး(၁)လုံးလျှင် (၄၀၀)ကျပ်နှင့် (၁၁)လုံးလျှင် (၄၀၀၀)ကျပ် ဖြင့်ရောင်းချလျက်ရှိကြောင်း၊ မင်းကွတ်သီး (၁)လုံးလျှင် (၄၀၀)ကျပ်၊ (၁၁)လုံးလျှင် (၄၀၀၀)ကျပ်ဖြင့် ရောင်းချလျက်ရှိပြီး အရောင်းအဝယ်ဖြစ်လျက်ရှိကြောင်း ကျွန်းလှမြို့၊ သစ်ရာမြိုင် ဈေး၌ သစ်သီးမျိုးစုံ  ရောင်းချနေသော ဈေးသည် တစ်ဦးထံမှ သိရသည်။

Doca(စစ်ကိုင်း)

  မွန်ပြည်နယ်၊ ကျိုက်မရောမြို့နယ် နတ်စမ်းကျေးရွာ၌ ပဲတောင့်ရှည်သီးများ စိုက်ပျိုးမှု အထွက်နှုန်းကောင်း၍ အိမ်ရှင်မများ မိသားစုဝင်‌ငွေတိုးကာ အပိုဝင်ငွေ ရရှိလျက်ရှိခဲ့ကြောင်း သိရပါသည်။ ပဲတောင့်ရှည်သီးများ ယခုနှစ်တွင် အထွက်နှုန်းကောင်းမွန်ကာ ရောင်းဝယ်မှု စျေးကွက်ရှိသောကြောင့် စိုက်ပျိုးသူများအဆင်ပြေလျှက်ရှိကြောင်း သိရပါသည်။

          တိုင်ထောင်ပဲသီးစိုက်ပျိုးရန်အတွက် ကုန်ကျစရိတ်အနေဖြင့် ‌ငွေကျပ် (၃) သိန်းခန့် ကုန်ကျကြောင်း၊ မျိုးစေ့တစ်ဗူးလျှင် တစ်သောင်းကျော်ပေးရပြီး အစေ့မှ အပင်ငယ်များကို ပျိုးထောင်ကာ  အညွှန့်တက်လာလျှင် တိုင်ထောင်ပေးရကြောင်း၊ စိုက်ပျိုးပြီး (၄၅)ရက် အကြာတွင် အသီးများ ခူးယူရရှိကာ နှစ်ရက်ခြားတစ်ကြိမ် ပဲတောင့်များခူးရန် အစည်းလိုက် ဖောက်သည်ပေးရပြီး တစ်နေ့လျှင် အစည်းပေါင်း (၁၃၀)ခန့် ရရှိကာ နှစ်ရက်ခြားတစ်ကြိမ် ခူးဆွတ်ရောင်းလျှင် တစ်သိန်းခွဲ၊ နှစ်သိန်းခန့်ရရှိသဖြင့် အိမ်ရှင်မများ မိသားစုဝင်ငွေတိုးပွား၍ ပဲသီးထွက်ချိန်၌ စီးပွားရေးအဆင်ပြေလျက်ရှိကြောင်း ပဲသီးစိုက်ပျိုးသူ ဒေါ်စန်းစန်းမော်ထံမှ သိရပါသည်။

 DOCA (မွန်)

ကန့်ဘလူခရိုင်၊ ကျွန်းလှမြို့ရှိ  ကုန်မျိုးစုံရောင်းဝယ်ရေးဆိုင်များ နှင့် ဈေးများတွင်  ရှင်မတောင် သနပ်ခါးတုံးများကို ရွှေဘိုမြို့နှင့် မုံရွာမြို့တို့မှ မှာယူရောင်းချ လျက်ရှိကြောင်း သိရှိရပါသည်။

          မြန်မာနိုင်ငံတွင် သနပ်ခါးပင်စိုက်ပျိုးရှင်သန်ရာနေရာများမှာ အပူပိုင်းဒေသများဖြစ်သည့် မကွေး တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး နှင့် စစ်ကိုင်းတိုင်းဒေသကြီး တို့ဖြစ်သည်။ ပခက္ကူ၊ ရေစကြို၊ မြိုင်၊ ပြည်၊ ရွှေဘို၊ မုံရွာ၊ စစ်ကိုင်း၊ နွားထိုးကြီး၊ တောင်သာ နှင့် အရာတော်မြို့နယ်တို့တွင် သနပ်ခါးပင်များကို အများဆုံးတွေ့ရှိရပါသည်။

          သနပ်ခါးသည် မြန်မာလူမျိုးများအတွက်ချစ်ခင်မြတ်နိုးတန်ဖိုးထား နှစ်သက်ကြသည့်အရာတစ်ခု လည်းဖြစ်ပါသည်။ သနပ်ခါးကို အလှအပအတွက်သော်လည်းကောင်း၊ နေပူဒဏ် နေလောင်ဒဏ်မှ ကာ ကွယ်ရန်အတွက်သော်လည်းကောင်း၊ ဆေးဝါးအဖြစ်သော်လည်းကောင်း သုံးစွဲကြပါသည်။သနပ်ခါးကို ကလေး၊ လူကြီး ကြိုက်နှစ်သက်သလို အမျိုးသမီးများအပြင် အမျိုးသားမှာလည်း လိမ်းချယ်ကြလေ့ ရှိပါသည်။ သနပ်ခါးသည် ဆောင်တွင် နွေး၍ နွေတွင် အေးစေသည့်ဆိုရိုးအတိုင်း သနပ်ခါးလိမ်းထားလျှင် စိတ်ကိုကြည်လင်လန်းဆန်းစေပြီး အသားအရေကိုအေး‌မြချောမွေ့ စေသည့်အတွက် အမျိုးသမီးတိုင်း အရမ်းကြိက်နှစ်သက်စွာလိမ်းခြယ်ကြသည်ကိုသိရသည်။

ယခု ၂၀၂၅ ခုနှစ်၊ ဇူလိုင်လ ပထမပတ်အတွင်း ကျွန်းလှမြို့ ကုန်မျိုးစုံရောင်းချသည့် ဆိုင်များတွင် ရောင်းချနေ‌သော သနပ်ခါးတုံး ဈေးနှုန်း အနေဖြင့် အကြီး အသေးပါ်မူတည်၍အစားစားရှိပြီး သနပ်ခါး အကြီး အပွေး အထူအပါးပေါ်မူတည်၍ တစ်တုံးလျှင် (၅၀၀၀/၄၀၀၀/၃၀၀၀)ကျပ်၊ သနပ်ခါး အတုံး အသေး အပွေးအထူ အပါးပေါ်မူတည်၍ တစ်တုံးလျှင် (၂၀၀၀/၂၅၀၀/၂၈၀၀)ဈေးနှုန်း အသီးသီတို့ဖြင့် ရောင်းချ လျက ရှိကြောင်း ကျွန်းလှမြို့ သနပ်ခါးတုံး ရောင်းချနေသာ လုပ်ငန်းရှင်များထံမှ သတင်းရရှိပါသည်။

Doca(စစ်ကိုင်း)

   မွန်ပြည်နယ်၊ ပေါင်မြို့နယ်၌ ကုန်စျေးနှုန်းတည်ငြိမ်ကျဆင်းစေရေး အခြေခံစားသောက် ကုန်စည်များ ရောင်းချ‌ပေးခြင်းကို (၂၃.၇.၂၀၂၅)  နံနက် (၉း၀၀) နာရီက ကဒါရပ်ကွက် မင်္ဂလာစျေးတွင် ရောင်းချပေးလျက်ရှိကြောင်း သိရပါသည်။ထိုသို့ရောင်းချရာတွင် မြို့နယ်စီမံအုပ်ချုပ်ရေးအဖွဲ့၏ဦးဆောင်မှုဖြင့် အခြေခံစားသောက် ကုန်စည်များဖြစ်သည့် စားအုန်းဆီတစ်ပိဿာ ရည်ညွှန်းစျေး (၆၇၃၂) ကျပ်၊ ကြက်ဥ (၄)လုံး (၁၅၀၀) ကျပ် စသည်တို့ကို စျေးနှုန်းချိုသာစွာဖြင့် ရောင်းချပေးခဲ့ရာ အများပြည်သူများ ဝယ်ယူ အားပေးခဲ့ကြောင်း သိရပါသည်။

    အဆိုပါစျေးရောင်းချခြင်းအား မြို့နယ်စီမံအုပ်ချုပ်အဖွဲ့ ဥက္ကဌဦးထင်လင်းအောင်၊ မြို့နယ် ရဲတပ်ဖွဲ့မှူး၊ မြို့နယ်စည်ပင်သာယာရေးအဖွဲ့နှင့် စျေးကော်မတီဝင်များ၊ ရပ်ကွက်အုပ်ချုပ်ရေးမှူးများက သက်သာချောင်ချိရေးဆိုင်တွင် ရောင်းချပေးလျက်ရှိကြောင်း သိရသည်။

    DOCA (မွန်)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ဟင်းသီးဟင်းရွက်များ၊ အသား၊ ငါးမျိုးစုံ ရောင်းချလျက်ရှိရာ တစ်နိုင်တစ်ပိုင် အသေးစားစီးပွားရေး လုပ်ငန်းအနေဖြင့် ကြက်ကင်၊ ငါးကင် စသည်ဖြင့် ရောင်းချနေကြောင်း၊ ကြက်သားနှင့် ငါးတို့ကို ကန့်ဘလူမြို့မဈေးမှ ဝယ်ယူရကြောင်း သိရှိရသည်။

    ၂၀၂၅ ခုနှစ်၊ ဇူလိုင်လ တတိယပတ်အတွင်း ကန့်ဘလူမြို့တွင်ရောင်းချနေသော အကင်ဈေး နှုန်းများမှာ အရွယ်အစားနှင့် အမျိုးအစားပေါ်မူတည်၍ ကွာခြားမှုရှိကြောင်း ငါးကင်အသေး တစ်ကောင်လျှင်(၃၅၀၀)ကျပ်၊ ငါးကင်အကြီးတစ်ကောင်လျှင် (၇၀၀၀မှ ၁၀၀၀၀)ကျပ်၊ ကြက်ပေါင် (၁)ကင်လျှင် (၄၅၀၀)ကျပ်၊ ကြက်တောင်ပံကင်(၁)ချောင်းလျှင် (၁၅၀၀)ကျပ်၊ ကြက်သဲမြစ်(၃) ချောင်း (၁၀၀၀)ကျပ်၊ ကြက်ခြေထောက်(၃)ချောင်း (၂၀၀၀)ကျပ်ဖြင့်ရောင်းချကြောင်း၊ အခြားသော အကင်မျိုးစုံလည်း ရောင်းချကြောင်း၊ နေ့စဉ်ဝယ်ယူစားသုံးသူများသည့်အတွက် မိသားစုဝင်ငွေရရှိကာ အဆင်ပြေလျက်ရှိကြောင်း၊ အကင်အမျိုးမျိုးရောင်းချသည့် လုပ်ငန်းရှင်ထံမှ သိရှိရသည်။

DOCA(စစ်ကိုင်း)