မကွေးမြို့နယ်၊ ပုထိုးစမ်းကျေးရွာ၌ မိုးနှမ်းများစတင်ထွက်ပေါ်၍ ဈေးကောင်းရလျက်ရှိ
မကွေးတိုင်းဒေသကြီး၊ မကွေးခရိုင်၊ မကွေးမြို့နယ်ရှိ ဘုရားပြို၊ ဝက်သိုက်၊ နွားကူး၊ သန်း တောကုန်း၊ မကြီးကန်၊ ဆားတိုင်ကန်၊ ပုထိုးစမ်းစသည့်ကျေးရွာများသည် စိုက်ပျိုးရေးကို အဓိက ထားလုပ်ကိုင်ပြီး မြေပဲ၊ နှမ်း၊ ပဲစဉ်းငုံနှင့် အခြားစားဖိုဆောင်သုံးသီးနှံများကို ရာသီအလိုက် စိုက်ပျိုး ကြကြောင်း၊ ပုထိုးစမ်းကျေးရွာ၌ မိုးနှမ်းကို ၂၀၂၅ခုနှစ်၊ ဧပြီလတွင်စိုက်ပျိုးကြပြီး ဇူလိုင်လ (ဒုတိယပတ်)တွင် စတင်ရိတ်သိမ်းလျက်ရှိကြောင်း သိရှိရသည်။
ပုထိုးစမ်းကျေးရွာနေ နှမ်းစိုက်တောင်သူတစ်ဦးက ၎င်းအနေဖြင့် နှမ်းနက်(၂)ဧကခန့်ကို ကြောင်းဆွဲအစေ့ချစနစ်ဖြင့် စိုက်ပျိုးထားကြောင်း၊ စိုက်ပျိုးပြီး ရက်ပေါင်း(၉၀)အကြာတွင် ရိတ်သိမ်း ရကြောင်း၊ မျိုးအနေဖြင့် သိပ္ပံနှမ်းနက်မျိုးကို အများဆုံးစိုက်ပျိုးပြီး (၁)ဧကလျှင် မျိုး(၃)ပြည်ခန့်ကုန် ကျကြောင်း၊ မျိုးအနေဖြင့် ယခင်နှစ်နှမ်းစိုက်ခင်းမှ ထွက်ရှိသည့် နှမ်းစေ့များကို မျိုးအဖြစ်ဖယ်ချန်၍ စိုက်ပျိုးခြင်းဖြစ်ကြောင်း၊ ကုန်ကျစရိတ်အနေဖြင့် (၁)ဧကလျှင် မျိုးဖိုး၊ မြေပြုပြင်ခ၊ လုပ်အားခ၊ ရိတ်သိမ်းခနှင့် အခြားသွင်းအားစုစရိတ်အပါအဝင် စုစုပေါင်း ကျပ်(၆၅၀၀၀၀)ခန့်ကုန်ကျကြောင်း၊ အထွက်နှုန်းအနေဖြင့် (၁)ဧကလျှင် တင်းရေ(၁၀)တင်းထွက်ရှိမည်ဟုခန့်မှန်းရပြီး လက်ရှိဈေးနှုန်း အနေဖြင့် ၂၀၂၅ခုနှစ်၊ ဇူလိုင်လ(တတိယပတ်)တွင် နှမ်းနက်(၁)တင်းလျှင် ကျပ်(၂၆၀၀၀၀)ထိ ပေါက် ဈေးရှိသည့်အတွက် အကျိုးအမြတ်အနေဖြင့် ကျပ်(၁၉)သိန်းခန့်ရရှိမည်ဟုခန့်မှန်းရကြောင်း၊ ဈေး ကွက်အနေဖြင့် မကွေးမြို့ပေါ်ရှိပွဲရုံများသို့ တင်ပို့ရောင်းချကြကြောင်း၊ မိုးကောင်းသည့်နှစ်ဖြစ်သည့် အတွက် မကွေးမြို့နယ်ရှိ နှမ်းစိုက်တောင်သူများ ပြုံးပျော်ရသည့်နှစ်ပင်ဖြစ်ကြောင်း သိရှိရသည်။
DOCA(မကွေး)
