ပြည်တွင်းကုန်သွယ်မှုသတင်း

    ကရင်ပြည်နယ်၊ ဘားအံမြို့၌ ခဲတံကျည်တောက် (ခေါ်) ကောက်ညှင်းကျည်တောက်ပြုလုပ်ရောင်းချသူများ မိသားစုအပိုဝင်ငွေရရှိကာ အဆင်ပြေလျက်ရှိကြောင်းသိရသည်။

    ကောက်ညှင်းကျည်တောက်ပြုလုပ်ရန် ကောက်ညှင်းဆန်ကို အနည်းငယ်ပွလာအောင် ရေစိမ်ထားပြီး အနည်းငယ်ပွလာသည့်ကောက်ညှင်းဆန်အား  အုန်းသီး၊ ဆား စသည်တို့နှင့်သမအောင်မွှေပြီး ကောက်ညှင်းကျည်တောက်ပြုလုပ်သည့် ဝါးအတွင်းသို့ထည့်သွင်း၍ နာရီဝက်ခန့်မီးဖုတ်၍ ကောက်ညှင်းကျည်တောက်ပြုလုပ်ကြပြီး မီးဖုတ်ထားသည့် ကောက်ညှင်းကျည်တောက်ကို မီးလောင်ကျွမ်းထားသည့် ဝါးကျည်တောက်အပေါ်ခွံအား ဖြူဖွေးလှပစေရန် ဓားဖြင့်အနည်းငယ်ခွာ၍ရောင်းချကြသည်။

    အရသာမျိုးစုံထည့်သွင်း၍ပြုလုပ်ထားသည့် ကောက်ညှင်းကျည်တောက်သည် ဒေသအစားအစာတစ်မျိုးဖြစ်ကာ အရသာထူးကဲကောင်းမွန်ခြင်းကြောင့် လူမျိုးဘာသာမရွေး ကြိုက်နှစ်သက်ကြပါသည်။ ရာသီစာကောက်ညှင်းကျည်တောက်ကို  ကရင်ပြည်နယ်၌  မိုးအကုန် ဆောင်းအကူး ကာလများတွင် လူစည်ကားရာ ဘုရားပွဲတော်များ၊ ကရင်ပြည်နယ်ပွဲ၊ ကရင်နှစ်သစ်ကူးပွဲ၊ ခရစ်စမတ်ပွဲတော်များ၌ အများဆုံးရောင်းချကြပါသည်။ ဘားအံမြို့ဈေးများတွင်လည်း အမြဲလိုလို ရောင်းချကြသည်ကိုတွေ့ရှိရပါသည်။ အရွယ်အစားကိုလိုက်၍ ကောက်ညှင်းကျည်တောက် အသေး(၁) ချောင်းလျှင်  (၁၀၀၀) ကျပ်၊ အလတ် (၁)ချောင်းလျှင် (၁၅၀၀)ကျပ်၊ အကြီး(၁) ချောင်းလျှင် (၂၀၀၀) နှုန်းဖြင့်ရောင်းချကြပြီး မိသားစုအပိုဝင်ငွေရရှိကာ အဆင်ပြေလျက်ရှိကြောင်း ကောက်ညှင်းကျည်တောက်ပြုလုပ်ရောင်းချသူများထံမှသိရပါသည်။

DOCA(ကရင်)

မန္တလေးတိုင်းဒေသကြီး၊ ကျောက်ဆည်ခရိုင်အတွင်း မြို့နယ်များရှိ စည်ပင်သာယာဈေးများတွင် ၂၀၂၃ ခုနှစ်၊ နိုဝင်ဘာလ ဒုတိယပတ်အတွင်း ရောင်းချလျက်ရှိသော အခြေခံစားကုန်များမှာ ဧရာပဒေသာဆန် တစ်ပြည်(၅၇၀ဝိ/-)ကျပ်၊ ဧရာပဒေသာဆန်(၂၄)ပြည်တစ်အိတ်လျှင်(၁၃၅၀၀ဝိ/-) ကျပ်၊မနောသုခဆန် တစ်ပြည်(၄၀၀ဝိ/-)ကျပ်၊ မနောသုခဆန်(၂၄)ပြည်တစ်အိတ်လျှင် (၉၅၀၀ဝိ/) ကျပ် ၊ခရမ်းချဉ်သီး(ရှမ်း) လက်လီဈေးနှုန်းမှာတစ်ပိဿာလျှင်(၁၂၀ဝိ/-)ကျပ်၊ ကြက်သွန်နီလက်လီ ဈေးနှုန်းမှာ(ကြီး)တစ်ပိဿာလျှင်(၃၇၀ဝိ/-)ကျပ် ၊ (လတ်)တစ်ပိဿာလျှင် (၃၅၀ဝိ/-)ကျပ် ၊ (အသေး) တစ်ပိဿာလျှင်(၃၂၀ဝိ/-)ကျပ် ၊ ကြက်သွန်ဖြူလက်လီ(ရှမ်း) တစ်ပိဿာလျှင်(၁၄၅၀ဝိ/-)ကျပ် ၊ အာလူး တစ်ပိဿာလျှင်(၂၈၀ဝိ/-)ကျပ် ၊ မန်ကျည်းသီး (ဟောင်း) တစ်ပိဿာလျှင် (၄၅၀ဝိ/-)ကျပ်၊ မန်ကျည်းသီး(သစ်) တစ်ပိဿာလျှင် (၄၀၀ဝိ/-)ကျပ် ၊ ဂျင်း တစ်ပိဿာလျှင်(၃၅၀ဝိ/-) ကျပ် ၊ ဆား တစ်ပိဿာလျှင်(၅၀ဝိ/-)ကျပ်ဈေးနှုန်းများဖြင့် အရောင်းအဝယ်ဖြစ်လျက်ရှိပါသည် ။ ကျောက်ဆည်ခရိုင်၏ သား၊ငါးဈေးနှုန်းများမှာ ကြက်သား(ဗမာ) တစ်ပိဿာလျှင်(၁၈၀၀ဝိ/-)ကျပ်၊ ကြက်သား(CP) တစ်ပိဿာလျှင်(၁၂၀၀ဝိ/-)ကျပ်၊ ဝက်သား တစ်ပိဿာလျှင်(၁၈၀၀ဝိ/-)ကျပ်၊ အမဲသား တစ်ပိဿာလျှင် (၁၆၀၀ဝိ/-)ကျပ် ၊ ဆိတ်သား တစ်ပိဿာလျှင်(၂၇၀၀ဝိ/-)ကျပ် နှင့် ငါးအုံတုံ တစ် ပိဿာလျှင် (၁၀၀၀၀)ကျပ် ၊ ငါးမြစ်ချင်း တစ်ပိဿာလျှင်(၈၀၀၀)ကျပ် ၊ ဈေးနှုန်းများဖြင့် အရောင်း အဝယ်ဖြစ်လျက်ရှိပြီး ဆီဈေးနှုန်းများအနေဖြင့် ပဲဆီသန့် တစ်ပိဿာလျှင်(၁၃၀၀ဝိ/-)ကျပ်၊ နှမ်းဆီ သန့်တစ်ပိဿာလျှင်(၁၃၄၀ဝိ/-)ကျပ်၊ နေကြာဆီသန့်တစ်ပိဿာလျှင်(၁၄၀၀ဝိ/-)ကျပ် စျေးနှုန်းများ ဖြစ်ပြီး စားဆီ တစ်ပိဿာလျှင်(၅၁၀၈/-)ကျပ် ဈေးနှုန်းမှာ ဆိုင်ထိုင်ရောင်းစျေးနှုန်းဖြင့် အရောင်း အဝယ်ဖြစ်နေကြောင်းသိရှိရပါသည် ။ အခြေခံစားသောက်ကုန်များ၏ ဈေးနှုန်းများအား ယခင် နိုဝင်ဘာလ ပထမပတ်နှင့် နိုဝင်ဘာလ ဒုတိယပတ် နှိုင်းယှဉ်ပါက ကြက်သွန်နီ ၊ ကြက်သွန်ဖြူ ၊ ဂျင်း၊အာလူး၊စားအုန်းဆီစျေးနှုန်းများ အနည်းငယ်မြင့်တက်လျက်ရှိကြောင်း၊ ပဲဆီ၊နှမ်းဆီ၊နေကြာဆီ စျေးနှုန်းများမှာ အနည်းငယ်ကျဆင်းလျက်ရှိပြီး ကျန်အခြေခံစားသောက်ကုန်ဈေးနှုန်းများမှာ တည်ငြိမ်လျက်ရှိကြောင်း သိရှိရပါသည်။
DOCA(မန္တလေး)

အညာဒေသတွင် မီးဖိုချောင်အသုံးစရိတ်များကာမိအောင် တောင်သူဦးကြီးများက သီးနှံများ ကိုရာသီအလိုက် စိုက်ပျိုးလျက်ရှိပါသည်။မီးဖိုချောင်အသုံးစရိတ်မှသည် စီးပွားဖြစ်အထိ မျှော်မှန်း၍ တစ်နိုင်တစ်ပိုင်မှ ဧကအလိုက် စိုက်ပျိုးလာကြပါသည်။ ပဲစောင်းလျားသီးပင်သည် အသီးတစ်မျိုး တည်းသာစားရသောအပင်နှင့် အမြစ်၊ အညွန့်၊ အသီးအထိ စားရသောအပင်ဟူ၍(၂)မျိုးရှိပါသည်။ အသီးသာစားရသောအပင်သည် (၁)နှစ်ပတ်လုံးရှိပြီး သူရဲ့အသီးများမှာ မာဆတ်သည့်သဘောရှိပါ သည်။ အညာဒေသထွက် ပဲစောင်းလျားသီးမှာနူးညံ့ပြီး အရသာပိုချိုပါသည်။ယခုပေါ်ချိန် ပေါ်ဦးပေါ်စတွင် (၁၅)တောင့်တစ်စည်းလျှင် (၂၅၀/-)ကျပ်ဖြင့် ရောင်းဝယ်လျက်ရှိပါသည်။ မကြာမီကာလအတွင်း ပဲမြစ်များလည်း ထွက်ပေါ်လာတော့မည်ဖြစ်ကြောင်း၊ ပဲစောင်းလျားသီးများကို ကိုယ်တိုင်ခူးဆွတ်၍ အစည်းလေးများ စည်းကာရောင်းချသလို၊ အခင်းထဲအရောက် လာဝယ်သူများရှိပါကလည်း ပြန်လည် ရောင်းချနိုင်ရန်အတွက် စျေးနှုန်းချိုသာစွာဖြင့် ရောင်းချပေးကြောင်း ၊ ဖြိုင်ဖြိုင်ပေါ်ချိန်တွင် ပဲစောင်းလျားသီးများကို အနေတော်လှီးဖြတ်၍ အချဉ်တည်၍စားသုံးကြပါကြောင်း လေ့လာသိရှိရပါသည်။ ပဲစောင်းလျားသီးများကို ငပိရည်ဖြင့် အတို့အမြုပ်အဖြစ်စားသုံးကြသလို အသီးကို ပြုတ်ပြီး ပုဇွန်ခြောက်၊ ဆီကျက်ကလေးဖြင့် လက်သုပ်သုပ်စားကြပါသည်။ ပဲစောင်းလျားသီးကို ငါးရံ့၊ငါးကလေးများဖြင့် အိုးကပ်ချက်စားလျှင်လည်း ခံတွင်းကို မြိန်စေပါသည်။ပဲမြစ်(၁)ဧက စိုက်ပျိုးမှုအနေဖြင့် မျိုး၊သွင်းအားစု၊ လုပ်သားခအပါအဝင်(၈၀၀၀၀၀/-)ကျပ်ကျော်ခန့် ကုန်ကျကြောင်း၊ ယခင်နှစ်တွင်ပဲမြစ် (၁)ပိဿာ လျှင်(၁၆၀၀/-)ကျပ် စျေးနှုန်းဖြင့် ရောင်းချ ခဲ့ကြောင်း ၊ ပဲမြစ်အညွန့်ရောင်းရငွေ(၃၀၀၀၀/-)ကျပ် နှင့် ပဲစောင်းလျားသီး ပေါ်ချိန်မှ အသီး တုံးချိန်အထိ ခန့်မှန်းရောင်းရငွေ (၃၅၀၀၀/-)ကျပ် အထိရရှိကြောင်း၊ယခင် ပဲမြစ် အထွက်နှုန်းပိဿာ(၈၀၀-၁၀၀၀)အထိ ထွက်ရှိကြောင်း၊ ပဲမြစ်ပေါ်ချိန်တွင်လည်းစျေးကောင်းရရှိ ပါက ပဲမြစ်စိုက်တောင်သူများ အကျိုးအမြတ်ပိုမို ရရှိလာနိုင်မည်ဖြစ်ကြောင်း ၊ တောင်သူ ဦးကြီးများ အပိုဝင်ငွေတိုးသည့်အပြင် စီးပွားဖြစ်အကျိုး အမြတ်များရရှိသောကြောင့် ပဲမြစ်သီးနှံကိုစိုက်ပျိုးသင့် ပါကြောင်း ရေးသားတင်ပြအပ်ပါသည်။
DOCA(မန္တလေး)

မိတ္ထီလာခရိုင်အတွင်း ဆောင်းကြက်သွန်လက်ကျန်နည်းလာပြီး မိုးကြက်သွန်နီကို မလှိုင်မြို့နယ် ထန်းပင်ကန်၊ သပြေပင်ကျေးရွာတွင် စိုက်ပျိုးလျက်ရှိပါသည်။ လာမည့်ဒီဇင်ဘာလမှ စတင်ထွက်ပေါ် မည်ဖြစ်သော်လည်း ယခုနှစ်ကြက်သွန်နီ ဈေးကောင်းနေခြင်းကြောင့် မိုးကြက်သွန်မှာလည်း ဈေးကောင်း ရနိုင်ဖွယ်ရှိကြောင်းသိရသည်။ ဒေသတွင်း ကြက်သွန်နီ နယ်ဝေးတင်ပို့မှုမှာ ရန်ကုန်သို့ (၁၂) ဘီး ကား ဖြင့် အခြားကုန်များဖြင့်ရော၍ ကုန်ချိန် (၁၀) တန်ခန့် ၊ပဲခူးသို့ (၆) ဘီးကားဖြင့် အခြားကုန်များဖြင့် ရော၍ (၁၀) တန်ခန့် တင်ပို့ကာ ကုန်တင်ခအနေဖြင့် တစ်ပိဿာလျှင် ရန်ကုန်သို့ (၁၁၀) ကျပ် ၊ ပဲခူးသို့ (၁၀၀) ကျပ်ရှိကြောင်း၊ ကြက်သွန်ဈေးမှာ တစ်ပိဿာ လက္ကားဈေး (၃၀၀၀) ၊ လက်လီဈေး ( ၃၂၀၀-၃၅၀၀) ကျပ် ရှိကြောင်း သိရသည်။
DOCA(မန္တလေး)

မိတ္ထီလာဈေးကွက်တွင် ကြက်သွန်နီ လှောင်ကုန်သမားများမှ ဈေးမြင့်ခေါ်ရောင်းဝယ်နေသော်လည်း နယ်ဝေးပို့သော ကုန်သည်များမှာ ထိုဈေးဖြင့် မဝယ်ယူနိုင်ကြောင်းသိရသည်။ လက်ရှိဈေးကွက်တွင် အရောင်းအဝယ်ဖြစ်သော ကြက်သွန်နီများမှာ ယခင်နှစ် ဆောင်းကြက်သွန်များဖြစ်၍ အရည်အသွေးကျဆင်းခြင်း၊ မလှခြင်းများ ဖြစ်နေပါသည်။ ထို့အပြင် ရေရှည်အထားမခံသော်လည်း စားသုံးရန်သင့်လျော်သည့် ကြက်သွန်နီများ ထွက်ပေါ်လာသည့်အတွက် နယ်ပွဲစားများအနေနှင့် ၎င်းတို့ခေါ်ဈေးဖြင့်သာ ဝယ်ယူတင်ပို့နိုင်ကြောင်း သိရသည်။ ဒေသတွင်း စားသုံးရန်အတွက် ရန်ကုန်၊ ပဲခူး ဝယ်လက်တို့မှ ပုံမှန်ဝယ်လိုအားနှင့် မြဝတီမှလည်း ဝယ်လိုအားရှိနေကြောင်း ဈေးကွက်မှသိရသည်။
DOCA(မန္တလေး)