ပြည်တွင်းကုန်သွယ်မှုသတင်း

Powered by Drupal

ဈေးကွက်လိုအပ်ချက်မြင့်တက်နေတဲ့ ဘိုကလေးဒေသထွက် ငါးခေါင်းပွ ဈေးကွက်

ဧရာဝတီတိုင်းဒေသကြီး၊ ဖျာပုံခရိုင်၊ ဘိုကလေးမြို့နယ်မှ ထွက်ရှိသော ရေထွက်ကုန် ပစ္စည်းများအနက် ငါးခေါင်းပွသည် ပြည်တွင်းဈေးကွက်လိုအပ်ချက် မြင့်တက်နေသော ရေထွက် ပစ္စည်းအဖြစ်နေရာယူလာတာကိုလည်း တွေ့ရှိရမှာဖြစ်ပါတယ်။ ဘိုကလေးဒေသထွက် ငါးခေါင်း ပွအား ရန်ကုန်ဈေးကွက် သို့ တင်ပို့ရောင်းချမှုအနေဖြင့် ၂၀၂၅ ခုနှစ်၊ ဖေဖော်ဝါရီလ တစ်လ ပတ်လုံးအတွင်းတွင် ဘိုကလေးမြို့နယ်မှ ရန်ကုန်ဈေးကွက်သို့ ငါးခေါင်းပွပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့သည်။ ထိုအရေအတွက်မှာ ယခင်လဖြစ်သည့် ဇန်နဝါရီလက တင်ပို့ ရောင်းချနိုင်ခဲ့သည့် ပိဿာ ၅၅၀၀၀ နှင့် နှိုင်းယှဉ်လျှင် တော်တော်များပြားလာ သည်ကို တွေ့ရ ပါတယ်။

 ဒေသခံရေထွက်ကုန်ရောင်းဝယ်ရေးလုပ်ငန်းများအနေဖြင့် ဒေသထွက် ရေထွက်ကုန်များ ကိုလည်း စဉ်ဆက်မပြတ် ရန်ကုန်ဈေးကွက်သို့ တင်ပို့ ရောင်းချလျက်ရှိကြသော်လည်း “ ဘိုက လေးမြို့နယ်ဘက်ကနေ ငါးခေါင်းပွတွေကို ရန်ကုန်ဈေးကွက်ကို အများဆုံးတင်ပို့ရောင်းချ နေရပြီး၊ လွန်ခဲ့တဲ့ တစ်လအတွင်းမှာ ငါးခေါင်းပွတွေ တင်ပို့အား ထပ်ကောင်းလာပါတယ်။ ပြည်တွင်းမှာကို ငါးခေါင်းပွက ဝယ်လိုအားများနေလို့ ဈေးကောင်းရရှိနေတာပါ။ လက်ရှိ ငါးခေါင်းပွတွေဝယ်လိုအား ကောင်းလာသလို ဈေးလဲမြောက်လာပါတယ်။ ဒါ့ကြောင့် ငါးလုပ်ငန်း ရဲ့နယ်ပယ်အသီးသီးကသူတွေ အဆင်ပြေနေပါတယ်" ဟု ဘိုကလေးဒေသခံ ရေလုပ်ငန်းရှင် များထံမှလည်း သိရှိရပါတယ်။

ယခုအချိန်တွင် ဘိုကလေးမှ တင်ပို့သော ငါးခေါင်းပွတစ်ပိဿာအား ငွေကျပ် ၁၂၅၀၀ ထိ ဈေးတင်ရောင်းချနိုင်နေနိုင်ပြီ ဖြစ်ပါတယ်။ ဤသို့ တစ်နေ့တစ်နေ့ တင်ပို့ရောင်းချမှု များပြား လာသည်နှင့်အမျှ၊ ဒေသတွင်းမွေးမြူရေးလုပ်ငန်းရှင်များအပြင်မွေးမြူရေးလုပ်သားများ၊ ကုန် သည်များ၊ ကုန်တင်ယာဉ်လိုက်လုပ်ကိုင်သူများစွာအတွက် အလုပ်အကိုင်အခွင့်အလမ်းများ တိုးတက် လာနေပြီ ဖြစ်ပါကြောင်း တင်ပြရေးသား လိုက်ရပါတယ်။

DOCA(ဧရာဝတီ)

ဝယ်လိုအား မြင့်တက်နေတဲ့ ဝါးခယ်မမှ ငါးခူဈေးကွက်

ဧရာဝတီတိုင်းဒေသကြီး၊ မြောင်းမြခရိုင်၊ ဝါးခယ်မမြို့နယ်ရှိ ဒေသခံငါးမွေးမြူရေး လုပ်ငန်းများသည် ပြည်တွင်းစျေးကွက်တွင် တဖြည်းဖြည်းအောင်မြင်မှုရရှိနေပြီ ဖြစ်ပါတယ်။ အထူးသဖြင့် ၂၀၂၅ ခုနှစ်အတွင်း၌ ဇန်ဝါရီလအတွင်းတွင် ဝါးခယ်မမြို့နယ်မှ ရန်ကုန်ဈေး ကွက်သို့ ငါးခူပိဿာချိန် ၄၅၀၀၀ ထိ တင်ပို့ခဲ့ပြီး၊ ဖေဖော်ဝါရီလအတွင်းတွင် ဝါးခယ်မမြို့နယ်မှ ရန်ကုန်ဈေးကွက်သို့ ငါးခူပိဿာချိန် ၆၈၀၀၀ ထိ တင်ပို့မှုပမာဏ မြင့်တက်လာတာ တွေ့ရ ပါတယ်။ ၂၀၂၅ ခုနှစ် မတ်လပိုင်းအကုန်လောက်တွင်လည်း ယခုပမာဏထက် ကျော်လွန်၍ တင်ပို့ရမည်ဟူ၍ လည်း ငါးမျိုးစုံရောင်းဝယ်ရေး ပွဲရုံပိုင်ရှင် များ ထံမှ သိရှိရပါတယ်။ ငါးခူသည် ပြည်တွင်းစားသုံးသူများကြားတွင် လူကြိုက်များသော ငါးအမျိုး အစားဖြစ်ပြီး၊ ယခုအချိန်တွင် လည်း ရန်ကုန်ဈေးကွက်မှ ဝယ်ယူလိုအားကောင်းနေသောကြောင့် တင်ပို့မှုများ တိုးလာသည့် အခြေအနေဖြစ်ကြောင်း သိရပါတယ်။ ထို့အပြင် ဈေးကွက်တွင် ငါးခူ ၁၀ ပိဿာကို ငွေကျပ် ၁၅၅၀၀၀ ခန့်ပေါက်ဈေးရရှိနေခြင်းသည် ဝါးခယ်မဒေသရှိ ငါးမွေးမြူရေးလုပ်ငန်းများ အတွက် ခွန်အားဖြစ်လာစေသကဲ့သို့ စီးပွားရေးတိုးတက်မှုအနေဖြင့် ငါးမွေးမြူသူများ၊ ငါးဝယ်ယ ူရောင်းချသူများ၊ ရေလုပ်သားများနှင့် ကုန်တင်ယာဉ်လိုက်လုပ်သားများ အတွက် အလုပ်အကိုင် အခွင့်အလမ်းအသစ်များဖန်တီးပေးလာ နိုင်နေပြီ ဖြစ်ပါတယ်။ လုပ်သားများအတွက် အလုပ် အကိုင် နှင့် ဝင်ငွေတိုးတက်မှုများသည် ဒေသခံပြည်သူများ၏ နေထိုင်မှုအခြေအနေကို တိုးတက် စေပြီး ဝါးခယ်မ ဒေသစီးပွားရေးအခြေအနေကိုပါ တစ်ဆင့်တစ်ဆင့်မြှင့်တင် ပေးနိုင်မည်ဖြစ်ပါ ကြောင်း ရေးသားတင်ပြလိုက်ရပါတယ်။

DOCA(ဧရာဝတီ)

ဓနုဖြူမြို့နယ်ရဲ့ မတ်ပဲစိုက်ပျိုးမှုနှင့် ဈေးကွက်အခြေအနေ

ဧရာဝတီတိုင်းဒေသကြီး၊ မအူပင်ခရိုင်အတွင်းရှိ နေထိုင်သူများသည် စိုက်ပျိုးရေး နှင့် မွေးမြူရေး လုပ်ငန်းများကို အသက်မွေးဝမ်းကြောင်း လုပ်ငန်းများအဖြစ်ဆောင်ရွက်ကြပြီး ယင်း လုပ်ငန်းများမှ ထွက်ရှိလာသောထုတ်လု်ပမှုများသည့် ဧရာဝတီတိုင်းဒေသကြီး၏ စီးပွားရေး ဖွံ့ဖြိုးမှုတွင် အရေးပါသော အခန်းကဏ္ဍမှ ရပ်တည်ပေးနေတာဘဲဖြစ်ပါတယ်။ အလားတူပင် မအူပင်ခရိုင်အတွင်းရှိ ဓနုဖြူမြို့နယ်သည်လည်း မတ်ပဲစိုက်ပျိုးမှုအတွက် ထင်ရှားသည့် ဒေသ တစ်ခုပင် ဖြစ်ပါတယ်။ ၂၀၂၄ ခုနှစ်တွင် ဓနုဖြူမြို့နယ်၌ မတ်ပဲစိုက်ပျိုးဧကပေါင်း ၈၉၃၃၄ ဧက အား စိုက်ပျိုးနိုင်ခဲ့တယ်လို့ သိရပါတယ်။ မတ်ပဲစိုက်ပျိုးမှုကို အောက်တိုဘာလမှ စတင်ပြီး၊ ဖေဖော်ဝါရီလတွင် သီးနှံထွက်ပေါ်လာလေ့ရှိပါတယ်။ မတ်ပဲမျိုးစိတ်အနေနှင့် မတ်ပဲပင်ထောင် မျိုးများကိုသာ စိုက်ပျိုးကြပြီး၊ တစ်ဧကလျှင် မျိုးခြောက်ပြည်ခန့်ကို ကြဲပက်စနစ်ဖြင့် စိုက်ပျိုး ကြပါတယ်။ တစ်ဧကလျှင် မတ်ပဲစိုက်ပျိုးရန် ကုန်ကျစရိတ်သည် မျိုးစပါး၊ သွင်းအားစုနှင့် လုပ်သားခ အပါအဝင် ငွေကျပ် ၇၀၀၀၀၀ ခန့်ရှိနိုင်ပြီး တစ်ဧကလျှင် မတ်ပဲ ၁၂ တင်း မှ ၁၅ တင်း ခန့် ထွက်ရှိနိုင်ပါတယ်။ ဈေးကွက်အနေဖြင့် မတ်ပဲတစ်တင်းလျှင် ငွေကျပ် ၁၅၀၀၀၀ ဖြင့် ရောင်းဝယ်လေ့ရှိကြောင်းလည်း မတ်ပဲတောင်သူများထံမှ သိရှိရပါတယ်။ ဓနုဖြူမြို့မှ စိုက်ပျိုး ထွက်ရှိလာသောမတ်ပဲများအား ဓနုဖြူမြို့နယ်အတွင်းရှိ ပွဲရုံများထံသို့ ရောင်းချကြပြီး  ပွဲရုံများမှ ရန်ကုန်မြို့သို့ ထပ်မံတင်ပို့ရောင်းချကြပါတယ်။ ရန်ကုန်မှတစ်ဆင့် ပြည်ပဈေးကွက် ဖြစသော သို့ တရုတ်နိုင်ငံနှင့် အိန္ဒိယနိုင်ငံ များထံသို့လည်း တင်ပို့ ရောင်းချမှုများ ရှိနေပြီ ဖြစ်ပါကြောင်း ရေးသားတင်ပြလိုက်ရပါတယ်။

DOCA(ဧရာဝတီ)

မော်လမြိုင်ကျွန်းမှ ပန်းကဏန်း ရန်ကုန်ဈေးကွက်သို့ တိုးတက်လှမ်း

ဈေးကွက်လိုအပ်ချက်အရ ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ်မှ မွေးမြူ ထွက်ရှိလာသော ပန်းကဏန်းများကို  ရန်ကုန်ဈေးကွက်သို့တင်ပို့မှုမှာ တိုးတက်လာနေပြီ ဖြစ် ကြောင်း သိရှိရပါတယ်။ ၂၀၁၅ ခုနှစ် ဇန်ဝါရီလအတွင်း၌ ပန်းကဏန်းပတင်ပို့မှုပမာဏ ၅၅၀၀၀ ပိဿာချိန်၊ ဖေဖော်ဝါရီလအတွင်း၌ ပန်းကဏန်းတင်ပို့မှုပမာဏ ၇၅၀၀၀ ပိဿာချိန် နှင့် မတ်လအတွင်း၌ ပန်းကဏန်းတင်ပို့မှုပမာဏ ၈၅၀၀၀ ပိဿာချိန် အထိ တိုးတက်တင်ပို့မှုများ ဆောင်ရွက်နေရပါတယ်။ ဈေးကွက်တွင်ရှိသော ပန်းကဏန်းများ၏ ပေါက်ဈေးမှာ ၁၀ ပိဿာချိန်လျှင် ငွေကျပ် ၈၅၀၀၀ အထိ ရှိနေပါတယ်။  ပန်းကဏန်း ဈေးကွက် ကောင်းမွန် လာမှုကြောင့် မော်လမြိုင်ကျွန်းရှိ ရေလုပ်ငန်းရှင်များသာမက ကုန်သည်များနှင့် ကုန်တင်ကား အငှား လုပ်ငန်းရှင်များအထိ အလုပ်အကိုင်များရရှိနေပြီး အကျိုးအမြတ်များစွာ ရရှိနေပြီ ဖြစ်ကြောင်း သိရှိရသမျှ ရေးသားတင်ပြလိုက်ရပါတယ်။

DOCA(ဧရာဝတီ)

 

ပုသိမ်မြို့အတွင်း ဂေါ်ဖီထုပ် ဈေးနှုန်းအနည်းငယ်ကျဆင်း

ဧရာဝတီတိုင်းဒေသကြီး၊ ပုသိမ်မြို့အတွင်း ဂေါ်ဖီထုပ်ဈေးနှုန်းများ သိသိသာသာ ကျဆင်းလျက် ရှိကြောင်း ပုသိမ်မြို့မှ ဟင်းသီးဟင်းရွက် ရောင်းချသူများထံမှ သိရသည်။ ဂေါ်ဖီထုပ်များကို ရှမ်းပြည်နယ် မှ အဓိက တင်သွင်းရောင်းချလျက်ရှိပြီး ယခင်ရက်များက တစ်ပိဿာလျှင် ကျပ် (၂၀၀၀) ဝန်းကျင်အထိ ဈေးနှုန်းရှိခဲ့သော်လည်း ယခုရက်ပိုင်းအတွင်း တစ်ပိဿာလျှင် ကျပ် (၈၀၀) မှ (၁၀၀၀) ဝန်းကျင်အထိသာ ဈေးနှုန်းရှိကြောင်း သိရသည်။

"ရှမ်းပြည်နယ်က ဂေါ်ဖီထုပ်တွေ အများကြီးဝင်လာတော့ ဈေးကွက်ထဲမှာ ဂေါ်ဖီထုပ်တွေ ပေါနေ တယ်။ အရင်က တစ်လုံးကို ၁၅၀၀ လောက်ထိ ရောင်းရတယ်။ အခုတော့ ၅၀၀ ကနေ ၈၀၀ လောက်ပဲ ရောင်းရတော့တယ်" ဟု ပုသိမ်မြို့မှ ဟင်းသီးဟင်းရွက် ရောင်းချသူ တစ်ဦးက ပြောသည်။ ဂေါ်ဖီထုပ် ဈေးနှုန်းကျဆင်းမှုကြောင့် ဝယ်ယူစားသုံးသူများအတွက် အဆင်ပြေစေသော်လည်း ရောင်းချသူများ အတွက် အရှုံးပေါ်ကာ အခက်အခဲများ ဖြစ်ပေါ်နေကြောင်း သိရသည်။

DOCA(ဧရာဝတီ)

ပုသိမ်မြို့နယ်ရှိ ဖရဲသီးဈေးကွက်

ပုသိမ်မြို့သည် ဧရာဝတီတိုင်းဒေသကြီး၏ မြို့တော်ဖြစ်ပြီး၊ စိုက်ပျိုးရေးလုပ်ငန်းများ ထွန်းကား သော ဒေသဖြစ်သည်။ ဖရဲသီးသည် ပုသိမ်မြို့နှင့် ပတ်ဝန်းကျင်ဒေသများတွင် စိုက်ပျိုးမှု များပြားပြီး၊ ရာသီအလိုက် ထွက်ရှိသောကြောင့် ဈေးကွက်တွင် များပြားမှုရှိပါသည်။ ပုသိမ်မြို့နှင့် အနီးပတ်ဝန်းကျင် ဒေသ များတွင် ဖရဲသီးကို စိုက်ပျိုးမှု များပြားပြီး၊ အဓိကအားဖြင့် မိုးရာသီနှင့် ဆောင်းရာသီတို့တွင် စိုက်ပျိုးကြပါသည်။ ဖရဲသီးစိုက်ပျိုးရာတွင် ရေသွင်းစိုက်ပျိုးနည်းစနစ်များ အသုံးပြုပြီး၊ မျိုးစေ့ရွေးချယ်မှု နှင့် စိုက်ပျိုးနည်းစနစ်များ ကောင်းမွန်စေရန် ကြိုးပမ်းလျက်ရှိပါသည်။ ဖရဲသီးကို လတ်လတ်ဆတ်ဆတ် စားသုံးခြင်းအပြင်၊ ဖျော်ရည်များ၊ ရေခဲမုန့်များတွင် အသုံးပြုကြပါသည်။ ဖရဲသီးသည် ရေဓာတ်ပြည့်ဝပြီး၊ ဗီတာမင်အေနှင့် စီတို့ ကြွယ်ဝသောကြောင့် ကျန်းမာရေးအတွက် အထောက်အကူပြုပါသည်။

ပုသိမ်မြို့တွင် ဖရဲသီးများကို ဈေးကွက်တွင် တွေ့ရှိရသည့် အဓိကနေရာများမှာ ပုသိမ်ဗဟိုဈေး၊ ကျေးရွာဈေးများနှင့် လမ်းဘေးဈေးသည်များတွင် ဖြစ်သည်။ ဖရဲသီးများကို လတ်လတ်ဆတ်ဆတ် ရောင်းချသလို၊ ဖျော်ရည်များ ပြုလုပ်ရောင်းချသည့် ဈေးသည်များလည်း ရှိသည်။ ဖရဲသီးဈေးနှုန်း များသည် ရာသီအလိုက် ပြောင်းလဲမှုရှိပြီး၊ စိုက်ပျိုးထုတ်လုပ်မှုပေါ်တွင်လည်း မူတည်သည်။ ပုံမှန်အားဖြင့် အလုံးသေး (၁) လုံးလျှင် ၃၅၀၀/၄၀၀၀ ၊ အလုံးကြီး (၁) လုံးလျှင် ၈၀၀၀/၁၀၀၀၀ ကျပ်အထိ ဈေးနှုန်း ရှိကြောင်း သိရပါသည်။

DOCA(ဧရာဝတီ)

ဧရာဝတီတိုင်းဒေသကြီးအတွင်း ဩဇာသီးဈေးကွက်

ဧရာဝတီတိုင်းဒေသကြီးသည် မြန်မာနိုင်ငံ၏ စိုက်ပျိုးရေးထွန်းကားသော ဒေသဖြစ်ပြီး၊ ဩဇာသီး ကို ဒေသတွင်းတွင် စိုက်ပျိုးမှု အနည်းငယ်ရှိသော်လည်း၊ အများစုမှာ အခြားဒေသများမှ တင်ပို့ရောင်းချ နေခြင်း ဖြစ်သည်။ ဩဇာသီးသည် ကျန်းမာရေးအတွက် အထောက်အကူပြုပြီး၊ ဗီတာမင်နှင့် သတ္တုဓာတ်များ ကြွယ်ဝသောကြောင့် လူကြိုက်များသော သစ်သီးတစ်မျိုးဖြစ်သည်။ ဩဇာသီးများကို အဓိကအားဖြင့် မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ ရှမ်းပြည်နယ်နှင့် ကချင်ပြည်နယ်တို့မှ တင်ပို့လာခြင်း ဖြစ်သည်။ ထိုဒေသများတွင် ဩဇာသီးစိုက်ပျိုးမှု များပြားပြီး၊ ရာသီအလိုက် ထွက်ရှိ သောကြောင့် ဖြစ်သည်။ ဩဇာသီးများကို လတ်လတ်ဆတ်ဆတ် ရောင်းချသလို၊ ခြောက်သွေ့အောင် ပြုလုပ်ပြီး ရောင်းချသည့် ဈေးသည်များလည်း ရှိသည်။

ဩဇာသီးကို လတ်လတ်ဆတ်ဆတ် စားသုံးခြင်းအပြင်၊ ဖျော်ရည်များ၊ ခြောက်သွေ့အောင် ပြုလုပ်ပြီး စားသုံးခြင်း၊ ဆေးဖက်ဝင်အဖြစ် အသုံးပြုခြင်းများလည်း ရှိသည်။ ဩဇာသီးသည် ကျန်းမာရေး အတွက် အထောက်အကူပြုပြီး၊ ဗီတာမင်စီ၊ သံဓာတ်နှင့် အမျှင်ဓာတ်များ ကြွယ်ဝ သောကြောင့် လူကြိုက်များလာသည်။ ဩဇာသီးသည် ကျန်းမာရေးနှင့် ညီညွတ်ပြီး စားသုံးမှုများပြားလာသည်နှင့်အမျှ ဈေးကွက်တွင် ပိုမိုတွင်ကျယ်လာမည်ဟု မျှော်လင့်ရပါသည်။ ထို့ပြင်ဩဇာသီးဈေးနှုန်းများသည် ရာသီ အလိုက် ပြောင်းလဲမှုရှိပြီး၊ သယ်ယူပို့ဆောင်ရေး ကုန်ကျစရိတ်ပေါ်တွင်လည်း မူတည်သည်။ ပေါ်ဦး ပေါ်ဖျားချိန်တွင် (၁) လုံးလျှင် (၃၀၀၀) ကျပ်အထိ ဈေးကောင်းရလျက်ရှိပြီး ပုံမှန်ချိန်တွင်  (၁) လုံးလျှင် ၇၀၀/၁၀၀၀ ကျပ်အထိ ဈေးနှုန်းရှိကြောင်း သိရပါသည်။

DOCA(ဧရာဝတီ)

ဧရာဝတီတိုင်းဒေသကြီးအတွင်း စတော်ဘယ်ရီသီးဈေးကွက်

ဧရာဝတီတိုင်းဒေသကြီးသည် မြန်မာနိုင်ငံ၏ မြစ်ဝကျွန်းပေါ်ဒေသဖြစ်ပြီး စိုက်ပျိုးရေး လုပ်ငန်းများ ထွန်းကားသော ဒေသဖြစ်သည်။ သို့သော် စတော်ဘယ်ရီသီးကို ဒေသတွင်းတွင် စိုက်ပျိုးမှု နည်းပါးပြီး အများစုမှာ အခြားဒေသများမှ တင်ပို့ရောင်းချနေခြင်း ဖြစ်ပြီး အဓိကအားဖြင့် ရှမ်းပြည်နယ် မြောက်ပိုင်း (ပြင်ဦးလွင်၊ နမ္မတူ) နှင့် ချင်းပြည်နယ်တို့မှ တင်ပို့ခြင်း ဖြစ်ပါသည်။ ထိုဒေသများတွင် ရာသီဥတု အေးမြပြီး စတော်ဘယ်ရီစိုက်ပျိုးရန် သင့်တော်သောကြောင့် ဖြစ်ပါသည်။

ဧရာဝတီတိုင်းဒေသကြီးအတွင်း စတော်ဘယ်ရီသီးများကို ဈေးကွက်တွင် တွေ့ရှိရသည့် အဓိက နေရာများမှာ ပုသိမ်မြို့၊ ဟင်္သာတမြို့၊ မြောင်းမြမြို့ စသည့် မြို့ကြီးများတွင် ဖြစ်သည်။ စတော်ဘယ်ရီသီး များကို လတ်လတ်ဆတ်ဆတ် ရောင်းချသလို၊ ရေခဲပုံးများဖြင့် သယ်ယူရောင်းချသည့် ဈေးသည်များ လည်း ရှိပါသည်။

စတော်ဘယ်ရီသီးဈေးနှုန်းများသည် ရာသီအလိုက် ပြောင်းလဲမှုရှိပြီး၊ သယ်ယူပို့ဆောင်ရေး ကုန်ကျစရိတ်ပေါ်တွင်လည်း မူတည်သည်။ ပုံမှန်အားဖြင့် ၁ ပိဿာလျှင် ၁၅,၀၀၀ ကျပ်မှ ၂၀,၀၀၀ ကျပ်အထိ ဈေးနှုန်းရှိပါသည်။ စတော်ဘယ်ရီသီးကို လတ်လတ်ဆတ်ဆတ် စားသုံးခြင်းအပြင်၊ ဖျော်ရည် များ၊ ကိတ်မုန့်များ၊ ရေခဲမုန့်များတွင် အသုံးပြုကြသည်။ ထို့အပြင် ကျန်းမာရေး အကျိုးကျေးဇူးများစွာ ရှိသော စတော်ဘယ်ရီသီးကို လူကြိုက်များလာသည်နှင့်အမျှ ဈေးကွက်တွင် ဝယ်ယူမှုများ တဖြည်းဖြည်း တိုးတက်လာကြောင်း သိရသည်။

DOCA(ဧရာဝတီ)

မတ်ပဲ၊ ပဲတီစိမ်း ဈေးနှုန်းဈေးကွက် အခြေအနေ ဈေးကွက်စောင့်ကြည့်စစ်ဆေးခြင်း

          စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ ကျုံပျော်မြို့နယ် စားသုံးသူရေးရာဦးစီး ဌာနမှ ဝန်ထမ်းများသည် ကျုံပျော်မြို့နယ်၊ ပဲ၊ နှမ်းကုန်သည်များအသင်း ဥက္ကဋ္ဌနှင့် သွားရောက် တွေ့ဆုံ၍ မတ်ပဲ၊ ပဲတီစိမ်းနှင့် ပတ်သတ်၍ ဈေးနှုန်းဈေးကွက်အခြေအနေများအား လေ့လာစုံစမ်းခဲ့ ပါသည်။

          ကျုံပျော်မြို့နယ် ပဲ၊ နှမ်းကုန်သည်များအသင်းဥက္ကဋ္ဌမှ ယခုနှစ်တွင် လက်ရှိဖြစ်ပေါ်နေသော ဈေးနှုန်းများမှာ မတ်ပဲ (၁) တင်းလျှင် (၉၆၅၀၀) ကျပ်မှ (၉၇၀၀၀) ကျပ်နှင့် ပဲတီစိမ်း (၁) တင်းလျှင် (၁၁၀၀၀၀) ကျပ်မှ (၁၁၂၀၀၀) ကျပ်ဖြင့် အရောင်းအဝယ်ဖြစ်နေပြီး၊ ရန်ကုန်ပွဲရုံအရောက်တွင် မတ်ပဲ (၁) တင်းသည် (၉၉၂၀၀) ကျပ်နှင့် ပဲတီစိမ်း (၁) တင်းလျှင် (၁၂၀၀၀၀) ကျပ်ထိ တင်ပို့နေကြောင်း သိရှိရပါသည်။

DOCA(ဧရာဝတီ)

ပုသိမ်မြို့အတွင်း ဖရဲသီးဈေးကွက်အခြေအနေ

          ဧရာဝတီတိုင်းဒေသကြီး၊ ပုသိမ်မြို့တွင် ဖရဲသီးအများအပြားရောင်းချလျက်ရှိပါသည်။ ပုသိမ်ခရိုင်၊ ကန်ကြီးထောင့်မြို့နယ်ရှိ ဆောင်းစပါးစိုက်ပျိုး၍မရသော မြေပေါ်တွင် ကိုင်းသီးနှံအဖြစ် ဝါးဒူး ကျေးရွာ နှင့် ကျောင်းကုန်းဒေသဘက်မှ အများဆုံးစိုက်ပျိုးကြပြီး ယိုးဒယားဖရဲသီးနှင့် မြန်မာဖရဲသီးဟူ၍ ရောင်း ချလျက်ရှိပါသည်။ ယိုးဒယားဖရဲသီးမှာ မျိုးစေ့ကိုယူ၍ စိုက်ပျိုးရာ အောင်မြင်ဖြစ်ထွန်းလျက်ရှိပါသည်။

          ဖရဲသီးသည် အရည်ရွှမ်း၍ အချိုတည်းစားသုံးရန် နွေရာသီ၏ ရာသီဓာတ်စာတစ်ခုအဖြစ် အသုံးဝင်သည့် အသီးတစ်မျိုးဖြစ်ပါသည်။ ဈေးနှုန်းမှာ အရွယ်အစားအပေါ်မူတည်၍ ၃၀၀၀၊ ၅၀၀၀၊ ၇၀၀၀၊ ၁၀၀၀၀ ကျော်အထိ ရောင်းချလျက်ရှိကြောင်း သိရှိရပါသည်။

DOCA(ဧရာဝတီ)

Pages

Subscribe to RSS - ပြည်တွင်းကုန်သွယ်မှုသတင်း