ပြည်တွင်းကုန်သွယ်မှုသတင်း

             မန္တလေးမြို့သို့ ခရမ်းချဉ်သီးထွက်ရှိရာဒေသများဖြစ်ကြသည့် အင်းလေးဒေသ၊ ရွာငံဒေသနှင့် ပြင်ဦးလွင်၊ မုံရွာ၊ ရမည်းသင်း၊ ပျော်ဘွယ်မြို့၊ စစ်ကိုင်းတိုင်းနှင့် ဆင်ရွာကြီးတို့မှ ခရမ်းချဉ်သီးများ နေ့စဉ်ဝင်ရောက်လျက်ရှိသည်။ ခရမ်းချဉ်သီးများထဲမှ အင်းလေးဒေသထွက် ခရမ်းချဉ်သီးသည် အချိုဖြစ်သည့်အလျောက် အထားခံဆုံးဖြစ်သည်။ အင်းလေးခရမ်းချဉ်သီးမှာ ဈေးအရဆုံးဖြစ်သည်။ ပြင်ဦးလွင်၊ မုံရွာဒေသအသီးတို့မှာ အထိုက်အလျောက် ဈေးကောင်းရသော်လည်း အင်းလေးဒေသအသီးကဲ့သို့ အထားမခံပါ။ ပျော်ဘွယ်၊ ရမည်းသင်းဒေသများမှထွက်ရှိသည့် ဗမာသီးခေါ် အချဉ်မျိုးသည် အနုဆုံးဖြစ်သည်။ အင်းလေးသီးတစ်ပိဿာလျှင် ၇၀၀၀ ကျပ်မှ ၈၀၀၀ ကျပ်၊ ထိုင်ဝမ်မျိုး အသီးတစ်ပိဿာလျှင် ၅၀၀၀ ကျပ်မှ ၆၀၀၀ ကျပ်၊ ဗမာအချဉ်သီးခေါ် ကျားခြေရာသီး တစ်ပိဿာလျှင် ၈၀၀၀ ကျပ်မှ ၁၀၀၀၀ ကျပ် အသီးသီးဖြင့် အရောင်းအဝယ်ဖြစ်လျက်ရှိကြောင်း ယခင်လနှင့် ယခုလတွင် ခရမ်းချဉ်သီးတစ်ပိဿာလျှင်(၂၀၀၀)ကျပ်အထိ ဈေးနှုန်းကျဆင်းကြောင်း၊ တစ်နေ့ထက်တစ်နေ့ ခရမ်းချဉ်သီးဈေးနှုန်းမှာ ကျဆင်းနေကြောင်း ရောင်းချသူထံမှ သိရှိရပါသည်။

DOCA(မန္တလေး)

            မန္တလေးစျေးကွက်အတွင်း ကုန်စိမ်းဝင်ရောက်မှုအနေဖြင့်  မန္တလေး‌၊ အမရပူရ၊  ပုသိမ်ကြီး၊ မတ္တရာ၊ ပြင်ဦးလွင်နှင့် စဉ့်ကိုင်‌မြို့နယ်များမှ ထွက်ရှိသည့်ကုန်စိမ်းများ၊စစ်ကိုင်းတိုင်းဒေသကြီးနှင့် ရှမ်းပြည်နယ်တို့မှ ဝင်ရောက်မှုများမှာ ပိုမိုများပြားကြောင်း သိရှိရပါတယ်။ မဟာအောင်မြေမြို့နယ်ရှိ ဝေယံထွန်းစျေး(၄၁ လမ်းနှင့်ကမ်းနားလမ်းနေရာ) နှင့် အောင်မြေသာစံမြို့နယ်ရှိ သီရိမာလာဈေး ( ၂၅ လမ်းနှင့် ၂၆ လမ်းကြား၊ ကမ်းနားလမ်း၊ ပိုက်ကျုံးနေရာ)တို့မှာ ဟင်းသီးဟင်းရွက်ကုန်စိမ်းများ အဓိကထားရောင်းချလျက်ရှိသည့် လက်လီ/ လက္ကားစျေးများဖြစ်ပါတယ်။ ဝေယံထွန်းစျေးမှာ ညဈေးဖြစ်ပြီး၊ အခြားဒေသထွက်ကုန်စိမ်းများဝင်ရောက်သော်လည်း  မန္တလေးတိုင်းဒေသကြီးနှင့် စစ်ကိုင်းတိုင်းဒေသကြီးမှ   ထွက်ရှိသည့်ကုန်စိမ်းများ ပိုမိုဝင်ရောက်ရောင်းချလျက်ရှိကြောင်း သိရှိရသည်။ သီရိမာလာစျေးမှာ   ရှမ်းပြည်နယ်နှင့်  မန္တလေးတိုင်းဒေသကြီးအတွင်းမြို့နယ်တို့မှ    ထွက်ရှိသည့် ကုန်စိမ်းများပိုမိုရောင်းချလျက်ရှိပြီး၊ ကုန်စိမ်းများ၊ပန်းများ၊ ငါး၊ပုဇွန်နှင့်ရေထွက် ပစ္စည်းများလက်လီ/ လက္ကားရောင်းချသည့် စျေးဖြစ်ပါတယ်။သီရိမာလာစျေးအတွင်းပန်းမျိုးစုံ၊ငါး၊ ပုဇွန်နှင့်ရေထွက်ပစ္စည်းများအပြင် ဝင်ရောက်မှုများပြားသည့် ကုန်စိမ်းများမှာ     ပန်းမုန်လာ၊ ဂေါ်ဖီထုပ်၊ ခါကြက်ဥ၊ အာလူး၊ ကြက်သွန်နီ/ ဖြူ၊ ဂျင်း၊ နနွင်းတက်၊ မုန့်ညင်း၊ ဂေါ်ရခါးသီး၊ မုန်လာဥ၊ ပြောင်းဖူး၊ ခရမ်းချဉ်သီး၊ ဘူးသီး၊ ဘိုစားပဲသီးတို့ဖြစ်ပြီး၊ ကုန်စည်အမျိုးအစားအလိုက်  နေ့စဉ် Center (၆ ဘီး)(၁၂ဘီး) ယာဉ် (၄၀)စီး နှင့် (၆၀)စီးအကြား  ဝင်ရောက်လျက်ရှိကြောင်း သိရှိရပါတယ်။  သီရိမာလာဈေးအတွင်းဒီဇင်ဘာလ  ဒုတိယပတ်အတွင်းရောင်းချသည့် လက္ကားဈေးနှုန်းများအနေဖြင့်   သီးနှံတစ်ခုချင်းစျေးမှာ   မုန်လာ ပန်းစိမ်းနှင့် မုန်လာပန်းဖြူ ၁၀၀ဝိ/နှင့် ၁၅၀ဝိ/-၊ပန်းဂေါ်ဖီထုပ် ၁၀၀ဝိ/- နှင့်၁၅၀ဝိ/-၊မုန်လာဥတစ်စီး ၅၀ဝိ/-နှင့် ၇၀ဝိ/-၊ မုန်ရင်းစိမ်း ၆၀ဝိ/-နှင့် ၈၀ဝိ/- ၊   ဘူးသီး ၈၀ဝိ/-နှင့် ၁၀၀ဝိ/- ၊  ပြောင်းဖူး(ရှမ်း) ၆၀ဝိ/- နှင့်၇၀ဝိ/-၊ထိုင်ဝမ်ပြောင်း ၇၀ဝိ/-နှင့် ၈၀ဝိ/-၊တစ်ပိဿာ စျေးများမှာ  ရွှေပဲသီး  ၈၀၀ဝိ/- နှင့် ၁၀၀၀ဝိ/-၊ ပဲသီးတောင့်ရှည်  ၂၅၀ဝိ/- နှင့် ၃၀၀ဝိ/-၊ခရမ်းချဉ်သီး  ၅၀၀ဝိ/-နှင့် ၆၀၀ဝိ/-၊ ငရုတ်သီး စိမ်း   ၁၀၀၀ဝိ/-နှင့် ၁၂၀၀ဝိ/-။   ခါကြက်ဥ ၃၀၀ဝိ/-နှင့် ၄၀၀ဝိ/- ၊ အာလူး ၈၀၀ဝိ/-နှင့် ၉၀၀ဝိ/-၊ ကြက်သွန်နီ(သစ်) ၄၀၀ဝိ/-နှင့် ၅၀၀ဝိ/-၊ကြက်သွန်ဖြူ(ရှမ်း)၁၆၀၀ဝိ/- နှင့်၂၀၀၀ဝိ/- ၊ကြက်သွန်ဖြူ (ကြူကုတ်) ၂၂၀၀ဝိ/- နှင့်၂၄၀၀ဝိ/-၊ ထောပတ်ပဲစိမ်းအစိုတစ်ပြည်စျေး  ၈၀၀ဝိ/-  နှင့် ၈၅၀ဝိ/-၊ ဘိုကိတ်ပဲအစို တစ်ပြည်ဈေး ၈၀၀ဝိ/-နှင့် ၉၀၀ဝိ/- စျေးများဖြစ်ကြောင်း သိရှိရပါတယ်။ ဒီဇင်ဘာလ အတွင်းကုန်စိမ်းသီးနှံများမှာ လတ်ဆတ်မှု၊အထားခံမှုများရှိပြီး၊ ရောင်းစျေးအနေဖြင့် ယခင်ပထမ ပတ်စျေးနှုန်းအောက်အနည်းငယ်ကျဆင်းသွားသော်လည်း စျေးကွက်အတွင်း ဝင်ရောက်မှုများပြားသည့်အတွက် အဝင်လှိုင်သည့်ကုန်စိမ်းသီးနှံများ ဖြစ်ပါကြောင်း  သီးနှံပွဲရုံကုန်သည်တစ်ဦး၏ပြောပြ ချက်များအရ သိရှိရပါသည်။

DOCA(မန္တလေး)

               ပြည်မြို့ဈေးကွက်အတွင်းသို့ ၂၀၂၄ခုနှစ် ဆောင်းရာသီ နိုဝင်ဘာလတွင် သင်္ဘောသီးအမှည့်များ ဝင်ရောက်လျက်ရှိပြီး သင်္ဘောသီးအစိမ်းများ ဈေးတက်လျက်ရှိကြောင်းသိရှိရသည်။ ယခုအချိန်သည် သင်္ဘောသီးများမှည့်ချိန်ဖြစ်၍ သင်္ဘောသီးအစိမ်းမှာ အသုပ်သမားများက ဝယ်ယူမှုရှိ၍ ဈေးမြင့်တက်လာပါသည်။ ပြည်ဈေးကွက်အတွင်းသို့ သင်္ဘောသီးများကို ရွှေဘုံသာရွာနှင့် ပြည်မြို့အနီးတစ်ဝိုက်ရှိ ကျေးရွာများမှဝင်ရောက် လျက်ရှိပါသည်။ ဆောင်းရာသီတွင် သင်္ဘောသီးမှည့်များ လှိုင်လှိုင်ပေါ်ချိန်ဖြစ်၍ ဈေးနှုန်းမှာ အကြီးတစ်လုံးလျှင် ၁၅၀၀ကျပ်၊ အသေးတစ်လုံးလျှင် ၁၀၀၀-၁၂၀၀ကျပ်အထိ ရောင်းချလျက်ရှိကြောင်း သိရှိရပါသည်။ သင်္ဘောသီးအစိမ်းဈေးများမှာ အကြီးတစ်လုံးလျှင် (၁၀၀၀)ကျပ်နှင့် အသေးတစ်လုံးလျှင် (၈၀၀)ကျပ်ဖြင့် ရောင်းချလျက်ရှိကြောင်း သိရှိရပါသည်။

 DOCA(ပဲခူး)

            ပြည်ဈေးကွက်အတွင်း ယခုဒီဇင်ဘာလပထမအပတ်တွင် ပြည်မုန်လာဥဖြူများ ဆောင်းရာသီသီးနှံအဖြစ် အဝယ်လိုက်သဖြင့် အရောင်းသွက်လျက်ရှိနေသည်။ ဈေးကွက်သို့ မှော်ဇာကျေးရွာဘက်မှ စိုက်ပျိုးထွက်ရှိသော မုန်လာဥဖြူများ အများဆုံးဝင်ရောက်လျက်ရှိပြီး တစ်တွဲလျှင် (၅)လုံးပါရှိကာ မုန်လာဥအကြီး အတွဲ(၁၅၀)တွဲနှင့် အသေးအတွဲ(၃၀၀)တွဲခန့် နေ့စဉ်အဝင်ရှိနေသည်။ မုန်လာဥဖြူမှာ ပေါ်ဦးပေါ်ဖျားဖြစ်သဖြင့် အဝင်ရှိသလောက်အရောင်းအဝယ်ဖြစ်နေပြီး ဈေးနှုန်းမှာ မြင့်တက်လျက်ရှိ၍ အလုံးအကြီးအသေးပေါ်မူတည်၍ တစ်တွဲလျှင် (၆၀၀-၈၀၀-၁၂၀၀)ကျပ် စသဖြင့် ဈေးနှုန်းအသီးသီးဖြင့် ရောင်းချလျက်ရှိကြောင်း သိရှိရပါသည်။

DOCA(ပဲခူး)

             ပြည်ခရိုင်၊ ပေါက်ခေါင်းမြို့နယ်တွင် အုန်းသီးများအရာင်းသွက်လျက်ရှိပါသည်။ ပေါက်ခေါင်းမြို့နယ်တွင် လာရောက်ရောင်းချသော အုန်းသီးများကို ပေါက်ခေါင်းမြို့နယ်ရှိ ရေဦးရွာမှထွက်ရှိသော အုန်းသီးများဖြစ်သလို အခြားခရိုင်ဖြစ်သော နတ်တလင်းခရိုင် ဆင်မြီးဆွဲ၊ သဲကုန်း မြို့နယ်များမှဝယ်ယူ၍ တစ်ဆင့်ပြန်လည် ရောင်းချကြောင်းသိရှိရပါသည်။ ယခုအချိန်ကာလသည် ဝါလကင်းလွတ်၍ ဘာသာရေးပွဲ၊ နတ်ပွဲနှင့် သာသနာရေးပွဲများပြုလုပ်ချိန်ဖြစ်၍ အုန်းသီးများအရောင်းသွက်သလို ဈေးကောင်းလည်းရရှိလျက်ရှိပါသည်။ ပေါက်ခေါင်းမြို့ရှိ ဈေးကွက်များတွင ရောင်းချသော အုန်းသီးဈေးနှုန်းများအနေဖြင့် လက်ကားဈေးနှုန်းမှာ အုန်းသီးအကြီး (အချော) တစ်လုံးလျှင် ၄၅၀၀ ကျပ်နှင့် အသေးတစ် လုံးလျှင် ၃၅၀၀ကျပ် ဖြစ်ပြီး လက်လီဈေးနှုန်းများမှာ အကြီး(အချော) တစ်လုံးလျှင် ၅၀၀၀ကျပ်နှင့် အသေးတစ်လုံး လျှင်၄၀၀၀ကျပ်ဖြင့် ရောင်းချလျက်ရှိပါသည်။ သို့ဖြစ်ပါ၍ ယခုအချိန်သည် အုန်းသီးအပင်ပိုင်ရှင်များနှင့် တစ်ဆင့်ပြန်လည်ရောင်းချသူများပါ တွက်ချေကိုက်လျက်ရှိကြောင်း အုန်းသီးရောင်းချသူတစ်ဦးထံမှ သိရှိရပါသည်။

DOCA(ပဲခူး)