ပြည်တွင်းကုန်သွယ်မှုသတင်း

   ၂၀၂၅ ခုနှစ်၊ ဇူလိုင်လ ဒုတိယအပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်မွှေး တစ်ပြည် ၇၇၀၀ ကျပ်၊ ဧည့်မထ (ဒေသ) ဆန် တစ်ပြည် ၅၂၀၀ ကျပ်ဖြင့် ရောင်းဝယ်လျက်ရှိပါသည်။ စားဖိုဆောင်စားသောက်ကုန်များ အနေ ဖြင့် ကြက်သွန်နီ တစ်ပိဿာ ၃၃၀၀ ကျပ်၊ ကြက်သွန်ဖြူ(ကြူကုတ်) တစ်ပိဿာ ၁၂၀၀၀ ကျပ်၊ (ရှမ်းစ) တစ်ပိဿာ ၁၂၀၀၀ ကျပ်၊ ငရုတ်သီးခြောက်(ရှည်)တစ်ပိဿာ ၁၆၀၀၀ ကျပ်၊ ခရမ်းချဉ်သီး တစ်ပိဿာ ၄၅၀၀ ကျပ်၊ အာလူး တစ်ပိဿာ ၄၅၀၀ ကျပ်၊ မန်ကျည်းသီးမှည့် တစ်ပိဿာ ၁၀၀၀၀ ကျပ်နှင့် ချင်း တစ်ပိဿာ ၆၀၀၀ ကျပ် စသည်ဖြင့် ရောင်းဝယ်လျက်ရှိပါသည်။

          ကျိုင်းတုံမြို့တွင် ဇူလိုင်လ ဒုတိယအပတ် စားသုံးဆီဈေးနှုန်းများအနေဖြင့် စားအုန်းဆီ တစ်ပိဿာ ၁၃၅၀၀ ကျပ်နှင့် ပဲဆီ(ရိုးရိုး) တစ်ပိဿာ ၂၃၀၀၀ ကျပ်၊ ကြက်ဥဈေးမှာ တစ်လုံး ၅၀၀ ကျပ်နှင့် ဘဲဥ တစ်လုံး ၇၅၀ ကျပ်ဖြင့် ရောင်းဝယ်လျက်ရှိပါသည်။ အသား/ငါးဈေးနှုန်းများမှာ ကြက်သား (CP) တစ်ပိဿာ ၁၈၀၀၀ ကျပ်၊ ဝက်သား တစ်ပိဿာ ၄၀၀၀၀ ကျပ်၊ အမဲသား တစ်ပိဿာ ၃၂၀၀၀ ကျပ်၊ ငါးကြင်း တစ်ပိဿာ ၂၅၀၀၀ ကျပ်၊ ငါးမြစ်ချင်း တစ်ပိဿာ ၁၈၀၀၀ ကျပ် ဈေးနှုန်းများ ဖြင့် ရောင်းဝယ်လျက်ရှိကြောင်း သိရှိရပါသည်။

          ကျိုင်းတုံမြို့ အခြေခံစားသောက်ကုန်ဈေးနှုန်းများသည် ယခင်ဇူလိုင်လပထမအပတ်နှင့် ဈေးနှုန်းနှိုင်းယှဉ်ပါက ငရုတ်သီးခြောက်(ရှည်)၊ ငရုတ်သီးခြောက်(ပွ)၊ ကုလားပဲ၊ အာလူး၊ ကြက် (မွေးမြူရေး)၊ ကြက်(ဒေသ)၊ ဘဲဥ၊ ခရမ်းချဉ်သီး၊ ဂေါ်ဖီထုပ်နှင့် ပဲနီလေးတို့ဈေးနှုန်းအနည်းငယ် ကျဆင်းခဲ့ပါသည်။ ယင်းသို့  ငရုတ်သီးခြောက်(ရှည်)၊ ငရုတ်သီးခြောက်(ပွ)တို့ဈေးနှုန်းကျဆင်း ရခြင်းမှာ ရာသီပေါ်ထွက်ချိန်ဖြစ်သောကြောင့်လည်းကောင်း၊ ကုလားပဲ၊ ပဲနီလေး၊ အာလူး၊ ဂေါ်ဖီထုပ်နှင့် ခရမ်းချဉ်သီးတို့ဈေးနှုန်းကျဆင်းရခြင်းမှာ ပြည်မှအဝင်များပြီး ဝယ်လိုအားနည်းသော ကြောင့်လည်းကောင်း၊ ကြက်(မွေးမြူရေး)၊ ကြက်(ဒေသ)နှင့်ဘဲဥတို့ ဈေးနှုန်းကျဆင်းရခြင်းမှာ ဝယ်လိုအားနည်းသောကြောင့် ဖြစ်ပါသည်။ ကျန်အခြေခံစားသောက်ကုန်များမှာ ဈေးနှုန်းတည်ငြိမ် လျက်ရှိကြောင်း သိရှိရပါသည်။

DOCA(ရှမ်း)

      ၂၀၂၅ ခုနှစ်၊ ဇူလိုင်လ ဒုတိယအပတ်တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့၊ မြို့မဈေးအတွင်းရှိ ရောင်းချနေသော သစ်သီးဝလံဈေးနှုန်းများမှာ ပန်းသီးတစ်ကီလိုလျှင် (၆၀၀၀) ကျပ်၊ လိမ္မော်သီး တစ်ကီလိုလျှင် (၅၀၀၀) ကျပ်၊ သရက်သီး တစ်ကီလိုလျှင် (၅၀၀၀)ကျပ်၊ နဂါးမောက်သီး တစ်ကီလိုလျှင် (၄၀၀၀) ကျပ်၊ ကြက်မောက်သီး တစ်ကီလိုလျှင် (၇၀၀၀)ကျပ်၊ မင်းကွတ်သီးနှင့် မက်မန်သီး တစ်ကီလိုလျှင် (၆၀၀၀) ကျပ်၊ သစ်တော်သီး တစ်ကီလိုလျှင် (၁၀၀၀၀) ကျပ်၊ စပျစ်သီး တစ်ကီလိုလျှင် (၁၅၀၀၀) ကျပ်၊ နာနတ်သီးတစ်လုံးလျှင် အလုံးအကြီးအသေး ပေါ်မူတည်၍ (၃၀၀၀-၅၀၀၀) ကျပ်နှင့် ဒူးရင်းသီး တစ်ကီလိုလျှင် (၂၀၀၀၀) ကျပ် ဈေးများဖြင့် ရောင်းချလျက်ရှိကြောင်း ကျိုင်းတုံမြို့မဈေးရှိ သစ်သီးရောင်းချသူများထံမှ သိရှိရပါသည်။

DOCA(ရှမ်း)

           မြန်မာနိုင်ငံသည် စိုက်ပျိုးရေးကိုအခြေခံပြီး အခြားစီးပွားရေးကဏ္ဍများကိုလည်း ဖွံ့ဖြိုးတိုး တက်အောင်ဆောင်ရွက်နေသော နိုင်ငံတစ်ခုဖြစ်ပြီး သီးနှံမျိုးစုံစိုက်ပျိုးလျက်ရှိရာ စစ်ကိုင်းတိုင်း ဒေသကြီး၊ ကန့်ဘလူမြို့နယ်၌ စိန်တစ်လုံးသရက်သီးများ လှိုင်လှိုင်ပေါ်ချိန်ဖြစ်၍ ရောင်းတမ်းဝင် အသီးများကို အခြားတိုင်းဒေသကြီးနှင့် ပြည်နယ်များသို့ တင်ပို့ရောင်းချကြကြောင်း၊ ကန့်ဘလူမြို့၊ အမှတ်(၅)ရပ်ကွက်တွင် စိန်တစ်လုံးသရက်သီးမှ သရက်ပြင်(ခေါ်)သရက်ပြားအဖြစ် တန်ဖိုးမြှင့် ထုတ်ကုန်များထုတ်လုပ်၍ ဒေသတွင်းနှင့် အခြားတိုင်းဒေသကြီးများသို့ တင်ပို့ရောင်းချလျက်ရှိ ကြောင်းသိရသည်။

            ဈေးကွက်အနေဖြင့် ဒေသတွင်းနှင့် မြစ်သား၊ ပြည်၊ ပေါက်ခေါင်းမြို့ များသို့ အများဆုံးတင်ပို့ ရောင်းချကြောင်း၊ ဇူလိုင်လ ပထမပတ်အတွင်း သရက်ပြင်တစ်ပိဿာလျင် (၁၀၀၀၀မှ ၁၂၀၀၀)ကျပ် ၊(၅၀)ကျပ်သားလျှင် (၆၀၀၀)ကျပ်ဖြင့်‌ရောင်းချကြောင်း၊ နှစ်စဉ်ကုန်ချောသရက်ပြင် (၃၀၀မှ ၈၀၀) ပိဿာခန့်ထိ သက်ရက်သီးကုန်ကြမ်း ရရှိမှုပေါ်မူတည်၍ မိသားစုတစ်နိုင်တစ်ပိုင် ထုတ်လုပ်ရောင်း ချလျက်ရှိပြီး ဝင်ငွေရရှိကာ မိသားစုအဆင်ပြေလျက်ရှိကြောင်း လုပ်ငန်းရှင်ဦးမျိုးနိုင်ထံမှ သိရှိရ သည်။

DOCA(စစ်ကိုင်း)

             မြန်မာနိုင်ငံတွင် သရက်သီးစိုက်ပျိုးထုတ်လုပ်မှုအရ ပဲခူးတိုင်း၊ မကွေးတိုင်း၊ စစ်ကိုင်းတိုင်း ဒေသကြီး၊ မန္တလေးတိုင်းနှင့် ရှမ်းပြည်နယ်တို့တွင် အဓိကစိုက်ပျိုးကြပြီး စိုက်ပျိုးသည့် သရက်သီး အမျိုးအစားများမှာ မြကျောက်၊ စိန်တလုံး၊ ရွှေဟင်္သာ၊ ရင်ကွဲ၊ မချစ်စု၊ ပတ္တမြားငမောက်နှင့် စိမ်းချို စသော သရက်သီးအမျိုးအစားများ ဖြစ်ကြသည်။ စစ်ကိုင်းတိုင်းဒေသကြီး၊ ကန့်ဘလူခရိုင်တွင် စိန်တလုံးသရက်ကို အများဆုံးစိုက်ပြီး ပတ္တမြားငမောက်နှင့် စိမ်းချိုစသည့် သရက်မျိုးများစိုက်ပျိုး ကြသည်။

           ၂၀၂၅ ခုနှစ်၊ ဇူလိုင်လ ပထမပတ်အတွင်း ကန့်ဘလူမြို့ရှိ သစ်သီးဆိုင်များတွင် ရောင်းချနေ သော စိန်တလုံးသရက်သီးမှည့် အကြီးတစ်လုံးလျှင် (၇၀၀)ကျပ်၊ အသေး(၁)လုံး လျှင်(၅၀၀)ကျပ်နှင့် (၅)လုံးလျှင်(၂၀၀၀)ကျပ်ဖြင့် ရောင်းချလျက်ရှိကြောင်း၊ ယခုအခါ ဈေးကွက်အတွင်း စိန်တလုံး သရက်သီးများ အဝင်နည်းလာကြောင်း သစ်သီးဆိုင်များမှ သိရှိရသည်။

DOCA(စစ်ကိုင်း)

          စစ်ကိုင်းတိုင်းဒေသကြီး၊ ကန့်ဘလူခရိုင်သည် လယ်ယာစိုက်ပျိုးရေး လုပ်ငန်းများအပြင် စားဖိုဆောင်သီးနှံများဖြစ်သည့် ကြက်သွန်နီ၊ မုံလာဥဖြူ၊ မုံလာထုပ်တို့လည်း တစ်နိုင်တစ်ပိုင်စိုက်ပျိုးကြကြောင်း၊ ကန့်ဘလူမြို့နယ်အတွင်းရှိ ကာဘိုးကျေးရွာနှင့် အခြားကျေးရွာများတွင် မိသားစု စားသုံးရန်နှင့် ပိုလျှံသည်များကို ရောင်းချရန်အတွက် ကြက်သွန်နီများကို စိုက်ပျိုးကြကြောင်း သိရှိ ရသည်။

       ၂၀၂၅ ခုနှစ်၊ ဇူလိုင်လ ပထမပတ်အတွင်း ကန့်ဘလူမြို့မဈေးတွင် ဒေသထွက်ကြက်သွန်နီ အလုံးကြီး(၁)ပိဿာလျှင်(၁၈၀၀)ကျပ်နှင့် အလုံးသေး(၁)ပိဿာလျှင် (၁၆၀၀)ကျပ်၊ မြစ်သားကြက် သွန်နီ(၁)ပိဿာလျှင် (၂၃၀၀)ကျပ်ဖြင့် ရောင်းချလျက်ရှိကြောင်း၊ ကြက်သွန်နီကို အစားသောက် ချက်ပြုတ်ရာတွင်လည်းကောင်း၊ အကြော်ဆိုင်များမှလည်းကောင်း၊ ဝယ်ယူအသုံးပြုကြကြောင်း ကြက်သွန်နီရောင်းဝယ်ရေး လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)