ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မစည်ပင်ဈေး၌ ပခုက္ကူမြို့နယ်အတွင်းရှိရွာများနှင့် ကမ္မ၊ မြစ်ခြေရှိနယ်များမှ ဟင်းသီးဟင်းရွက်ဈေးသည်များ၊ ပခုက္ကူကျွန်း၊ ရေတောင် ဘက်ရှိ မြင်းကျွန်း၊ လေးလံကျွန်း၊ ဘောလုံးကုန်ကျွန်းနှင့် မန္တလေးတိုင်းဒေသကြီးအတွင်းရှိ ကျောက်ပန်းတောင်း၊ ပုပ္ပါးတို့မှ လာရောက်အရောင်းအဝယ်ဖြစ်နေကြောင်း မြို့မဈေးသည်များနှင့် အမှတ်(၂) ဈေးသည်များ၊ ကိုဗစ်(၁၉)ဈေးရှိ ဈေးသည်များထံမှသိရှိရပါသည်။

    ပခုက္ကူမြိုမဈေး၊ အမှတ်(၂) ဈေးနှင့် ကိုဗစ်(၁၉) ဈေးတို့တွင်ရောင်းဝယ်နေသော ကုန်စိမ်းသီးနှံများမှာ ခရမ်းသီး၊ ခရမ်းချဉ်သီး၊ ငရုတ်သီးစိမ်း၊ ပန်းဂေါ်ဖီ၊ ခဝဲသီး၊ ဂေါ်ဖီထုပ်၊ ဂေါ်ရခါးသီးနှင့် အခြားသီးနှံများအရောင်းအဝယ်ဖြစ်နေပါသည်။ ၂၀၂၃ခုနှစ်၊ အောက်တိုဘာလ(ဒုတိယပတ်)တွင် ဖြစ်ပေါ်နေသောဈေးနှုန်းများမှာ ခရမ်းသီးတစ်ပိဿာလျှင် ကျပ်(၂၀၀၀)၊ အာလူးတစ်ပိဿာလျှင် ကျပ် (၂၀၀၀-၂၄၀၀)၊ ခရမ်းချဉ်သီးဈေးနှုန်းများမှာ ရှမ်းပြည်နယ်မှလာသော အင်းလေးသီးတစ်ပိဿာလျှင် ကျပ်(၁၆၀၀-၁၈၀၀)၊ ကျောက်ပန်းတောင်းထိုင်ဝမ်သီးတစ်ပိဿာလျှင် အမျိုးအစားကိုလိုက်၍ ကျပ်(၁၅၀၀-၁၆၀၀-၁၇၀၀)၊ ငရုတ်သီးစိမ်း (မိတ္ထီလာသီး) တစ်ပိဿာလျှင် ကျပ်(၃၀၀၀)၊ ငရုတ်သီးစိမ်း(ရွှေအပ်သီး) တစ်ပိဿာလျှင် ကျပ်(၄၀၀၀)၊ ရှမ်းပြည်မှလာသော ငရုတ်ပွသီးတစ်ပိဿာလျှင် ကျပ်(၁၂၀၀၀)၊ ခဝဲသီးတစ်ပိဿာလျှင် ကျပ် (၈၀၀)၊ ပန်းဂေါ်ဖီမှာ အပွင့်အရွယ်အစားကိုလိုက်၍ တစ်ပွင့်လျှင် ကျပ်(၃၀၀-၄၀၀-၅၀၀-၇၀၀-၈၀၀)၊ ဂေါ်ဖီတစ်ထုပ်လျှင် ကျပ်(၈၀၀-၁၀၀၀)၊ မုန့်ညှင်းထုပ်တစ်ပိဿာလျှင် ကျပ်(၄၀၀၀)၊ ဂေါ်ရခါးသီးတစ်လုံးလျှင် ကျပ်(၁၅၀)၊ ပဲတောင့်ရှည်တစ်ပိဿာလျှင် ကျပ်(၂၄၀၀-၂၅၀၀)၊ မုန့်လာဥနီတစ်ပိဿာလျှင် ကျပ် (၂၅၀၀)၊ ကျောက်ဖရုံသီးတစ်လုံးလျှင် ကျပ်(၇၀၀-၈၀၀-၁၀၀၀)  ချဉ်ပေါင်ရွက်တစ်စည်းလျှင် ကျပ်(၁၀၀)၊ ကန်စွန်းရွက်တစ်စည်းလျှင် ကျပ်(၆၅-၇၀)၊ ဆူးပုပ်ရွက်တစ်စည်းလျှင် ကျပ်(၂၅၀-၃၀၀)၊ ကင်းမွန်းချဉ်ရွက် (၁၀)စည်းပါ တစ်စည်းလျှင် ကျပ်(၂၅၀-၃၀၀)နှင့် ကြက်ဥတစ်ပိဿာလျှင် ကျပ်(၆၀၀၀)၊ သားငါးဈေးမှာ မွေးမြူရေးကြက်တစ်ပိဿာလျှင် ကျပ် (၁၂၀၀၀)၊ ကြက်သား(ဗမာ) တစ်ပိဿာလျှင် ကျပ်(၁၇၀၀၀)၊ ဝက်သားတစ်ပိဿာလျှင် ကျပ်(၁၈၀၀၀)၊ ဆိတ်သားတစ်ပိဿာလျှင် ကျပ်(၂၀၀၀၀)၊ ငါးမြစ်ချင်းတစ်ပိဿာလျှင် ကျပ်(၇၅၀၀)၊ ငါးကြင်းတစ်ပိဿာလျှင် ကျပ် (၉၅၀၀)နှင့် ပုစွန်ထုပ်တစ်ပိဿာလျှင် ကျပ်(၂၅၀၀၀) စသည်ဖြင့် ရောင်းဝယ်ဖောက်ကားလျက်ရှိကြောင်း ဈေးသည်များထံမှသိရှိရပါသည်။

DOCA(မကွေး)

   အောင်လံကုန်စည်ဒိုင်တွင် နှမ်းဈေးကွက်အနေဖြင့် နှမ်းနက်(စမုံ)မှာ (၄၅)ပိဿာဝင်(၁)အိတ်လျှင် ယခင်အပတ်(၁၁-၁၀-၂၀၂၃)ရက်နေ့တွင် ကျပ်(၂၇၀၀၀၀-၃၃၀၀၀၀)ဖြစ်ခဲ့ပြီး ယခုအပတ်(၁၇-၁၀-၂၀၂၃) ရက်နေ့တွင် ကျပ်(၂၇၅၀၀၀-၃၃၀၀၀၀)ဖြစ်၍ ကျပ်(၅၀၀၀)ဈေးမြင့်ခဲ့ကြောင်း၊ နှမ်းပြာ(၁)အိတ်လျှင် ယခင်အပတ်တွင် ကျပ်(၂၇၀၀၀၀)ဖြစ်ခဲ့ပြီး ယခုအပတ်တွင် ကျပ်(၂၇၅၀၀၀)ဖြစ်၍ ကျပ်(၅၀၀၀) စသည်ဖြင့် အသီးသီးဈေးမြင့်ခဲ့ပါသည်။ နှမ်းနီမှာ ယခင်အပတ်တွင် ကျပ်(၃၀၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၃၀၀၀၀၀)၊  နှမ်းဖြူမှာ  ယခင်အပတ်တွင် ကျပ်(၃၁၀၀၀၀-၃၂၀၀၀၀)ဖြစ်ခဲ့ပြီး ယခုအပတ်တွင်လည်း ကျပ်(၃၁၀၀၀၀-၃၂၀၀၀၀)ဖြစ်၍  ဈေးနှုန်းပြောင်းလဲမှုမရှိဘဲ အရောင်းအဝယ်ပမာဏအနေဖြင့် (၄၅) ပိဿာဝင်အိတ်များဖြင့် နှမ်းနက်(စမုံ)(၃၈၀၀)အိတ်၊ နှမ်းနီ(၁၉၀)အိတ်၊ နှမ်းဖြူ(၂၇၀)အိတ်၊ နှမ်းပြာ (၄၃၀)အိတ်တို့အရောင်းအဝယ်ရှိခဲ့ကြောင်း အောင်လံကုန်စည်ဒိုင်မှသိရသည်။

    ပဲမျိုးစုံဈေးကွက်အနေဖြင့် မတ်ပဲ(၂၀)ပိဿာဝင်(၁)တင်းလျှင် ယခင်အပတ်တွင် ကျပ်(၈၁၅၀၀) ဖြစ်ခဲ့ပြီး ယခုအပတ်တွင် ကျပ်(၈၆၅၀၀)ဖြစ်၍ ကျပ်(၅၀၀၀)ဈေးမြင့်ခဲ့ကြောင်း၊ ပဲကြီး ယခင်အပတ်တွင် ကျပ်(၁၀၀၀၀၀-၁၀၃၀၀၀)ဖြစ်ခဲ့ပြီး ယခုအပတ်တွင် ကျပ်(၁၀၅၀၀၀-၁၀၇၀၀၀)ဖြစ်၍ ကျပ်(၄၀၀၀-၅၀၀၀) စသည်ဖြင့် ဈေးမြင့်ခဲ့ပါသည်။ ကုလားပဲ(H-L)မှာ ယခင်အပတ်တွင် ကျပ်(၉၂၅၀၀)ဖြစ်ခဲ့ပြီး ယခုအပတ်တွင်လည်း ကျပ်(၉၂၅၀၀)၊ ကုလားပဲ(မြကြေး) ယခင်အပတ်တွင် ကျပ်(၉၁၀၀၀)ဖြစ်ပြီး ယခုအပတ်တွင်လည်း ကျပ်(၉၁၀၀၀)ဖြစ်၍ ဈေးနှုန်းပြောင်းလဲမှုမရှိဘဲ  အရောင်းအဝယ်ပမာဏအနေဖြင့်  (၃၀)ပိဿာဝင်အိတ်များဖြင့် မတ်ပဲ(၂၈၀)အိတ်၊ ကုလားပဲ(H-L)(၁၁၀၀)အိတ်၊ ကုလားပဲ(မြကြေး) (၈၅၀)အိတ်၊ ပဲကြီး(၄၂၀)အိတ်တို့ အရောင်းအဝယ်ဖြစ်ခဲ့ပါသည်။

    မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၆၀၀၀)ဖြစ်ခဲ့ပြီး ယခုအပတ်တွင် ကျပ် (၅၈၀၀)ဖြစ်၍ ကျပ်(၂၀၀)ဈေးလျော့နည်းခဲ့ပါသည်။ မြေပဲတောင့်အစိုမှာ (၁)တင်းလျှင် ယခင်အပတ်တွင်  ကျပ်(၁၈၀၀၀-၂၀၀၀၀)ဖြစ်ခဲ့ပြီး ယခုအပတ်တွင် ကျပ်(၁၆၀၀၀-၁၉၀၀၀)ဖြစ်၍ ကျပ်(၁၀၀၀-၂၀၀၀) ဈေးလျော့နည်းခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် မြေပဲလုံးဆံဖြူ (၇၅၀) အိတ်၊ မြေပဲတောင့်အစို တင်း(၄၇၀၀)ခန့်အရောင်းအဝယ်ရှိခဲ့ပါကြောင်း၊ အပတ်စဉ်ပုံမှန် ရန်ကုန်မြို့နှင့် မန္တလေးမြို့များသို့ တင်ပို့ရောင်းချလျက်ရှိပြီး ယခုအပတ်တွင် အရောင်းအဝယ်အနည်းငယ်နည်းပါးကြောင်း အောင်လံကုန်စည်ဒိုင်မှသိရှိရပါသည်။

DOCA(မကွေး)

   မကွေးတိုင်းဒေသကြီး၊ မကွေးခရိုင်၊ မကွေးကုန်စည်ဒိုင်သို့ နှမ်းနှင့်ပဲမျိုးစုံသီးနှံများကို မကွေးမြို့နယ်အတွင်းရှိ ကျေးရွာများနှင့် ရေနံချောင်း၊ နတ်မောက်မြို့တို့အပြင် မင်းဘူးမြို့နယ်အတွင်းရှိ ကျေးရွာများမှလည်း လာရောက်ရောင်းချကြကြောင်းသိရသည်။

    မကွေးကုန်စည်ဒိုင်တွင်၂၀၂၃ခုနှစ်၊ အောက်တိုဘာလ(ဒုတိယပတ်)၌ နှမ်းဖြူ(၁)တင်းလျှင် ကျပ်(၁၂၆၉၀၀)ဖြစ်ပြီး (၁)ရက်လျှင် (၄၅)ပိဿာဝင် အိတ်ဖြင့် အိတ်ရေ (၄၀၀)ခန့်၊ နှမ်းနီ(၁)တင်းလျှင် ကျပ်(၁၀၉၉၅၀)ဖြစ်ပြီး (၁)ရက်လျှင် အိတ်ရေ (၂၄၀)ခန့်၊ နှမ်းနက်(စမုံ) (၁)တင်းလျှင် ကျပ်(၁၁၇၀၀၀) ဖြစ်ပြီး (၁)ရက်လျှင် အိတ်ရေ (၄၀၀)ခန့်၊ နှမ်းညိုကြား(၁)တင်းလျှင် ကျပ်(၁၀၂၀၀၀)ဖြစ်ပြီး (၁)ရက် လျှင် အိတ်ရေ (၁၀၀)ခန့်၊ နှမ်းနက်(ရိုးရိုး)(၁)တင်းလျှင် ကျပ်(၁၀၆၉၅၀)ဖြစ်ပြီး (၁)ရက်လျှင် အိတ်ရေ (၁၂၀)ခန့်အရောင်းအဝယ်ဖြစ်လျက်ရှိပါသည်။ ယခင်(ပထမပတ်)နှင့်နှိုင်းယှဉ်ပါက ယခု (ဒုတိယပတ်)တွင် နှမ်းဖြူ(၁)တင်းလျှင် ကျပ်(၅၃၀)၊ နှမ်းနီ(၁)တင်းလျှင် ကျပ်(၁၃၀)၊ နှမ်းနက်(စမုံ) (၁)တင်းလျှင် ကျပ်(၁၃၀)၊ နှမ်းညိုကြား(၁)တင်းလျှင် ကျပ် (၁၃၀)ဖြင့် အသီးသီးဈေးမြင့်ခဲ့ပြီး နှမ်းနက်(ရိုးရိုး)မှာ ဈေးနှုန်းတည်ငြိမ်လျက်ရှိကြောင်းသိရသည်။ အောက်တိုဘာလ(ဒုတိယပတ်)၌ မကွေးမြို့မှ မန္တလေးမြို့သို့ တင်ပို့မှုအနေဖြင့် နှမ်း(၅၀၀၀)အိတ်နှင့် ရန်ကုန်မြို့သို့ နှမ်း(၁၈၂၄)အိတ်၊ စုစုပေါင်းနှမ်း (၆၈၂၄)အိတ်တင်ပို့ခဲ့ကြောင်းသိရသည်။

     ပဲဈေးနှုန်းများမှာလည်း အောက်တိုဘာလ (ဒုတိယပတ်)၌ ပဲတီစီမ်း(၁)တင်းလျှင် ကျပ် (၆၁၀၀၀)ဖြစ်ပြီး (၁)ရက်လျှင်(၃၀)ပိဿာဝင်အိတ်ဖြင့် အိတ်ရေ (၈၁)အိတ်ခန့်၊ ကုလားပဲ(HL) (၁)တင်း လျှင် ကျပ်(၉၂၄၀၀)ဖြစ်ပြီး (၁)ရက်လျှင် အိတ်ရေ (၂၈၀)အိတ်ခန့်၊ ကုလားပဲ(929)(၁)တင်းလျှင် ကျပ် (၉၃၂၀၀)ဖြစ်ပြီး (၁)ရက်လျှင် အိတ်ရေ (၁၂၀)အိတ်ခန့်၊ ပဲကြီးဖြူ (၁)တင်းလျှင် ကျပ်(၉၆၉၀၀)ဖြစ်ပြီး (၁)ရက်လျှင် အိတ်ရေ (၁၀၀)အိတ်ခန့်၊ ပဲကြီးမဲ(၁)တင်းလျှင် ကျပ်(၈၄၉၃၀)ဖြစ်ပြီး (၁)ရက်လျှင် အိတ်ရေ (၄၀)အိတ်ခန့်၊ မတ်ပဲ(၁)တင်းလျှင် ကျပ်(၈၃၀၀၀)ဖြစ်ပြီး (၁)ရက်လျှင် အိတ်ရေ (၄၀) အိတ်ခန့်၊ မြေပဲလုံးဆံဖြူ(၁)တင်းလျှင် ကျပ်(၉၂၄၀၀)ဖြစ်ပြီး (၁)ရက်လျှင် အိတ်ရေ (၃၀၀)အိတ်ခန့်၊ မြေပဲလုံးဆံနီ(၁)တင်းလျှင် ကျပ်(၁၀၉၂၀၀)ဖြစ်ပြီး (၁)ရက်လျှင် အိတ်ရေ (၈၀)အိတ်ခန့်အရောင်းအဝယ်ဖြစ်လျက်ရှိသည်။ ယခင်(ပထမပတ်)နှင့်နှိုင်းယှဉ်ပါက ယခု(ဒုတိယပတ်)တွင် ပဲတီစိမ်းမှာ ကျပ်(၅၀)ဈေးမြင့်ခဲ့ပြီး ကုလားပဲ(HL)ကျပ်(၄၀)၊ ကုလားပဲ(929)ကျပ်(၂၀)၊ မြေပဲလုံးဆံနီ ကျပ်(၈၀၀) အသီးသီးဈေးလျော့နည်းခဲ့ပြီး ပဲကြီးဖြူ၊ ပဲကြီးမဲ၊ မတ်ပဲ၊ မြေပဲလုံးဆံဖြူတို့မှာ ဈေးနှုန်းတည်ငြိမ်လျက်ရှိကြောင်းသိရသည်။ မကွေးမြို့မှ မန္တလေးမြို့သို့ အောက်တိုဘာလ(ဒုတိယပတ်)၌ တင်ပို့မှုအနေဖြင့် မြေပဲ(၂၀၀၀)အိတ်၊ ကုလားပဲ(၂၀၀၀)အိတ်နှင့် ရန်ကုန်မြို့သို့ မြေပဲ(၅၀၀)အိတ်၊ ကုလားပဲ (၁၀၀၀) အိတ်၊ ပဲတီစိမ်း(၁၀၀)အိတ်၊ စုစုပေါင်း(၅၆၀၀)အိတ်တင်ပို့ခဲ့ကြောင်း မကွေးကုန်စည်ဒိုင်မှသိရှိရပါသည်။

DOCA(မကွေး)

    ကန့်ဘလူမြို့တွင်ရောင်းချနေသော သစ်သီးဝလံများမှာ ကန့်ဘလူမြို့နယ်၊ ကျွန်းလှမြို့နယ်၊ မြစ်ကြီးနားမြို့နှင့် မန္တလေးမြို့ရှိသစ်သီးပွဲရုံများမှ အသီးသီးဝင်ရောက်လျက်ရှိသည်။

    ၂၀၂၃ခုနှစ်၊ အောက်တိုဘာလ တတိယအပတ်တွင်ဖြစ်ပေါ်လျက်ရှိသော သစ်သီးဝလံဈေးနှုန်းများမှာ ဆီးပန်းသီး (၁)ပိဿာလျှင် (၁၂၀၀၀)ကျပ်၊ ပန်းသီး(ရိုးရိုး) အသေး(၁)လုံးလျှင် (၃၀၀မှ ၅၀၀)ကျပ်ထိ၊ ပန်းသီး(ရိုးရိုး) အကြီး(၁)လုံးလျှင် (၁၀၀၀မှ ၁၅၀၀)ကျပ်ထိ၊ စပျစ်သီး(အလုံးသေး) (၁)ပိဿာလျှင် (၁၂၀၀၀)ကျပ်၊  စပျစ်သီး (အလုံးကြီး) (၁)ပိဿာလျှင် (၂၀၀၀၀)ကျပ်၊  ပန်းသစ်တော်သီး(၁)လုံးလျှင် (၂၅၀၀)ကျပ်၊  ဖီးကြမ်းငှက်ပျောသီး(၁)ဖီးလျှင် (၁၅၀၀)ကျပ်၊ ခွန်စိမ်းရိုးရိုး (၁)ဖီးလျှင် (၁၃၀၀)ကျပ်၊ ဖရဲသီး(၁)လုံးလျှင် (၃၅၀၀)ကျပ်၊ သခွားမွှေး(၁)လုံးလျှင် (၂၅၀၀မှ ၃၅၀၀)ကျပ်ထိ၊  နဂါးမောက်သီး(၁)လုံးလျှင် (၁၀၀၀)ကျပ်၊ မက်မန်းသီး(၁)ပိဿာလျှင် (၄၅၀၀) ကျပ်၊ နာနတ်သီး(၁)လုံးလျှင် (၂၀၀၀မှ ၂၅၀၀)ကျပ်ထိ၊ ရှောက်ပန်းသီး(၁)လုံးလျှင် (၁၅၀၀)ကျပ်၊ တည်သီး(၁)လုံးလျှင် (၁၀၀၀)ကျပ်ဖြင့် အသီးသီးအရောင်းအဝယ်ဖြစ်လျက်ရှိကြောင်း ကန့်ဘလူမြို့တွင်ရောင်းချလျက်ရှိသော သစ်သီးဆိုင်များမှ သတင်းရရှိပါသည်။

DOCA(စစ်ကိုင်း)

 စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့်  စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများကိုပါဆောင်ရွက်လျက်ရှိရာ စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့၊ အမှတ်(၂)ရပ်ကွက်တွင် တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း ရုံးပတီသီးကိုစိုက်ပျိုးကြကြောင်း၊ ရုံးပတီသီးကို ရာသီမရွေးစိုက်ပျိုးကြပြီး  စိုက်ပျိုးချိန် (၁)လကျော်လျှင် အသီးများစတင်ခူးဆွတ်ရပါသည်။ ရုံးပတီသီးကို စားသုံးသူပြည်သူများအတွက် စားအကောင်းဆုံးအချိန်မှာ ပန်းပွင့်ပွင့်ပြီး (၅/၆)ရက်ခန့်ဖြစ်သည့်အတွက် အပွင့်ပွင့်ပြီး (၇)ရက်နေလျှင် စတင်ခူးဆွတ်ရပါသည်။

   ရုံးပတီသီးကို ဝါဆိုလတွင်စိုက်ပျိုးပြီး တော်သလင်းလ၌ အသီးများသီးကာ စတင်ခူးဆွတ်ရောင်းချရပါသည်။ ရုံးပတီသီးကို တစ်ကျင်းလျှင် (၂/၃)ပင်ခန့်စိုက်ပျိုးပြီး အပင်ရေ (၄၀၀/၅၀၀)ခန့် စိုက်ပျိုးပါသည်။ ရုံးပတီသီးကို မြေအောက်ရေတင်စနစ်ဖြင့်စိုက်ပျိုးကာ ရုံးပတီသီးပင်စတင်စိုက်ပျိုးရန်အတွက် မျိုးစေ့ဖိုး၊ မြေပြုပြင်ခ၊ ဓာတ်မြေဩဇာနှင် ရေသွင်းခြင်း စသည့်စုစုပေါင်းကုန်ကျစရိတ်မှာ ကျပ်(၂၀၀၀၀) ကျော် ကျပ်(၃၀၀၀၀)ခန့်ကုန်ကျပြီး တစ်ခါခူးဆွတ်လျှင် (၅)ပိဿာမှ (၇)ပိဿာအထိ ပုံမှန်ခူးဆွတ်ရပြီး ၂ရက်ခြားလျှင်တစ်ကြိမ် ခူးဆွတ်ရပါသည်။

  ထို့ကြောင့် ရုံးပတီသီးပင်မှာ စဉ်ဆက်မပြတ်စိုက်ပျိုးနိုင်ပြီး နေ့စဉ် ခူးဆွတ်ရောင်းချရသောသီးနှံပင်ဖြစ်၍ စီးပွားရေးအရ စိုက်ပျိုးသင့်သောသီးနှံပင်ဖြစ်ကြောင်းနှင့် ရုံးပတီသီးတစ်ပိဿာလျှင် (၁၈၀၀/၂၀၀၀)ကျပ်တို့ဖြင့် မြို့မစည်ပင်သာယာဈေးရှိ ဖောက်သည်များထံသို့ပို့ဆောင်ရောင်းချပြီး အရောင်းအဝယ်ဖြစ်၍ မိသားစုဝင်ငွေရရှိကာ အဆင်ပြေလျက်ရှိကြောင်း ကန့်ဘလူမြို့၊ အမှတ်(၂)ရပ်ကွက်ရှိ ရုံးပတီသီးစိုက်တောင်သူ မစိုးနှင်းဖြူထံမှသိရှိရပါသည်။

DOCA(စစ်ကိုင်း)