ပြည်တွင်းကုန်သွယ်မှုသတင်း

၄-၁၁-၂၀၂၄ ရက်နေ့၊ ကုန်စည်ဒိုင်တွင်ဖြစ်ပေါ်ခဲ့သော ထန်းလျက်တစ်ပိဿာဈေးနှုန်းများမှာ တောင်သာ၊ မလိုင်(ဒုံး) သစ် အနိမ့်ဆုံးဈေး ကျပ်၆၄၀၀မှ အများဆုံး ကျပ်၆၆၀၀၊ ညောင်ဦးဆေးရှယ် ကျပ် ၇၂၀၀၊ ညောင်ဦးဆေးရှယ်(ထန်းရော) အနိမ့်ဆုံးဈေး ကျပ်၅၀၀၀မှ အများဆုံး ကျပ်၅၁၀၀၊ ပခုက္ကူကြမ်း ကျပ် ၆၆၀၀၊ ရေစကြိုထန်းလျက် ကျပ်၇၅၀၀၊ ကြံသကာ(ရှမ်း) အနိမ့်ဆုံးဈေး ကျပ်၃၀၀၀ မှ အများဆုံး ကျပ်၃၁၀၀၊ ကြံသကာ(သကြားရော) ကျပ်၅၄၀၀၊ မန်ကျည်းသီးများဖြစ်သော မန်းကျည်းသီးပွင့်ကပ် အနိမ့်ဆုံးဈေး ကျပ်၃၀၀၀မှ ကျပ်၃၆၀၀၊ မန်းကျည်းသီးအသား အနိမ့်ဆုံးဈေး ကျပ်၉၀၀၀မှ ကျပ်၁၁၀၀၊ ပြည်တွင်းသကြား အနိမ့်ဆုံးဈေး ကျပ်၄၈၀၀မှ ကျပ်၅၁၀၀တို့ အသီးသီးဖြစ်ကြောင်း ကုန်စည်ဒိုင်မှ သတင်းရရှိပါသည်။
DOCA(ရန်ကုန်)

ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာနကွပ်ကဲမှုအောက်ရှိ ဘုရင့်နောင် ကုန်စည်ဒိုင်သို့ နေ့စဉ်မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏ ကြက်သွန်နီလက်ကျန်အခြေအနေများအား အမှန်ကန်ဆုံးသိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ်ဝင်ရောက်မှုစာရင်းများအရလည်းကောင်း၊ ကြက်သွန်နီလက်ကျန်အခြေအနေအား နေ့စဉ်စုံစမ်းလျက်ရှိပါသည်။ အောက်တိုဘာလ (၂၆) ရက်နေ့မှ နိုဝင်ဘာလ (၂) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိပ်ဖြူ၊ မြင်းခြံ၊ မြင်းခြံ(ကံဆင့်) ဒေသတို့မှ ကြက်သွန်နီ (၆၄၂၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်းသိရှိရပါသည်။ ထို့ကြောင့် ကြက်သွန်နီလက်ကျန်မှာ (၂၅၆၈၀၀) ပိဿာကျန်ရှိကြောင်း ကုန်စည်ဒိုင်သတင်းအရသိရှိရသည်။ ဆိပ်ဖြူကြက်သွန်နီ (အသစ်) အချောတစ်ပိဿာလျှင် ကျပ်၂၅၀၀၊ အသန့်မှာ တစ်ပိဿာလျှင် ကျပ်၃၅၀၀၊ အကြီးမှာ ကျပ်၄၀၀၀၊ ရှယ်မှာ ကျပ်၄၄၀၀၊ မြင်းခြံကြက်သွန်နီ (အသစ်) အချောတစ်ပိဿာလျှင် ကျပ်၂၅၀၀၊ အသန့်မှာ တစ်ပိဿာလျှင် ကျပ်၃၅၀၀၊ အကြီးမှာ ကျပ်၄၀၀၀၊ ရှယ်မှာ ကျပ်၄၄၀၀၊ မြင်းခြံ(ကံဆင့်)ကြက်သွန်နီ(အသစ်) အချောတစ်ပိဿာလျှင် ကျပ်၂၈၀၀၊ အသန့်မှာ တစ်ပိဿာလျှင် ကျပ်၃၉၀၀၊ အကြီးမှာ ကျပ်၄၂၀၀၊ ရှယ်မှာ ကျပ်၄၈၀၀ ဈေးတို့အသီးသီးရှိကြောင်း စုံစမ်းသိရှိရပါသည်။
ယခင်အပတ်နှင့် ယခုအပတ် ကြက်သွန်နီဈေးနှုန်းများကိုနှိုင်းယှဉ်ရာတွင် ဈေးနှုန်းများမှာ ယခင်အပတ်ထက် မြှင့်တက်မှုများရှိကြောင်းသိရှိရပါသည်။
DOCA(ရန်ကုန်)

      ကြက်သွန်နီထွက်ရှိရာ ဒေသများဖြစ်ကြသည့် မြင်းခြံ၊ ပခုက္ကူ၊ မြစ်သား၊ မိတ္ထီလာ၊ ကျောက်ဆည်ခရိုင်များမှ ကြက်သွန်နီများ မန္တလေးမြို့အတွင်းသို့ နေ့စဉ်ဝင်ရောက်လျက်ရှိရာ ယခုအပတ်တွင်မူ မုံရွာ၊ မြင်းမူ၊ ပခုက္ကူနှင့် မြင်းခြံမြို့များမှ ကြက်သွန်နီ(၄၀၀၀၀)ပိဿာဝန်းကျင် ဝင်ရောက်မှုရှိပြီး ပွဲရုံများနှင့် လက်လီရောင်းချသူများ၊ စားသောက်ဆိုင်လုပ်ငန်းများ၊ ကြက်သွန်နီ ကြော်လုပ်ငန်းများမှ အဓိကမှာယူမှုရှိကြောင်း တောင်သူများထံမှ သိရှိရသည်။ ယခင်နှစ် ကြက်သွန်နီ ဈေးနှုန်းမှာ အရွယ်အစားအလိုက်  တစ်ပိဿာလျှင် ၁၅၀၀-၂၀၀၀-၂၅၀၀ ကျပ်ရှိခဲ့ပြီး ယခုနှစ်တွင် တစ်ပိဿာလျှင် ၃၀၀၀ မှ ၃၅၀၀ ကျပ်အထိရှိရာ ယခုနှစ်တွင် မိုးကြက်သွန်နီ အသစ်ထွက်ချိန် နောက်ကျသည့်အတွက် ကြက်သွန်နီဈေးမြင့်တက်လာခြင်းဖြစ်ကြောင်း စိုက်ပျိုးတောင်သူများထံမှ သိရှိရသည်။

DOCA(မန္တလေး)

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် စပါးနှင့် ဆီထွက်သီးနှံများအပြင် ပဲမျိုးစုံကိုလည်း စိုက်ပျိုးကြောင်း သိရသည်။ ယခုအခါ မတ်ပဲသီးနှံများ ဈေးကွက်အတွင်း ဝင်ရောက်လျက်ရှိပြီး နိုဝင်ဘာလဒုတိယပတ်အတွင်း ဈေးနှုန်းများမှာ မတ်ပဲထွက်တိုးတစ်တင်းလျှင် (၁၀၂၀၀၀)ကျပ်၊ မတ်ပဲ(ဂျပန်)တစ်တင်းလျှင် (၉၈၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ဈေးကွက်အနေဖြင့် ကန့်ဘလူခရိုင်မှထွက်ရှိသော မတ်ပဲများကို ရွှေဘိုမြို့နှင့် မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့ရောင်းချလျက်ရှိကြောင်း သိရသည်။

     မတ်ပဲသီးနှံများသည် ကန့်ဘလူမြို့နယ်အတွင်းရှိ ကျေးရွာများမှ အဓိကဝင်ရောက်လျက်ရှိပြီး နိုဝင်ဘာလပထမပတ် ဈေးနှုန်းများနှင့်နှိုင်းယှဉ်ပါက ယခုပတ်အတွင်း ဈေးနှုန်းတည်ငြိမ်ပြီး ပုံမှန်အရောင်းအဝယ်ဖြစ်လျက်ရှိကြောင်း သီးနှံရောင်းဝယ်ရေးလုပ်ငန်းရှင်ထံမှ သတင်းရရှိသည်။

DOCA(စစ်ကိုင်း)

    စစ်ကိုင်းတိုင်းဒေသကြီး ၊ ကန့်ဘလူခရိုင်သည် လယ်ယာစိုက်ပျိုးရေးလုပ်ငန်းများကို အဓိကထားလုပ်ကိုင်သော ဒေသတစ်ခုဖြစ်ရာ ကန့်ဘလူမြို့နယ်အတွင်းရှိ ထန်းကုန်းကျေးရွာ၊ မိုးကောင်း ကျေးရွာနှင့် အခြားသောကျေးရွာများတွင် ပဲတီစိမ်းသီးနှံကို စိုက်ပျိုးကြကြောင်း၊ ယခုအခါ ပဲတီစိမ်းသီးနှံများ ဈေးကွက်အတွင်း ဝင်ရောက်လျက်ရှိပြီး နိုဝင်ဘာလဒုတိယပတ်အတွင်း ပဲတီစိမ်းရိုးရိုး တစ်တင်းလျှင် (၇၈၀၀၀)ကျပ်၊ ပဲတီစိမ်းထွက်တိုး အလုံးလှတစ်တင်းလျှင် (၈၁၀၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ ပဲတီစိမ်းမှာ အလုံးလှပြီးအကွဲအနာကင်းလျှင် ဈေးနှုန်းပိုမိုရရှိ ကြောင်းနှင့် ဈေးကွက်အနေဖြင့် ကန့်ဘလူခရိုင်မှထွက်ရှိသော ပဲတီစိမ်းများကို မန္တလေးမြို့ရှိပွဲရုံများ၊ ကုန်စည်ဒိုင်များသို့ တင်ပို့ရောင်းချလျက်ရှိသည်။

    နိုဝင်ဘာလပထမပတ် ဈေးနှုန်းများနှင့်နှိုင်းယှဉ်ပါက ယခုလဒုတိယပတ်အတွင်း ပဲတီစိမ်း ရိုးရိုးတစ်တင်းလျှင် (၂၀၀၀)ကျပ် ၊ ပဲတီစိမ်းထွက်တိုး တစ်တင်းလျှင် (၃၀၀၀)ကျပ် ဈေးနှုန်းကျဆင်း သွားကြောင်း သီးနှံရောင်းဝယ်ရေးလုပ်ငန်းရှင်များထံမှ သိရသည်။

DOCA(စစ်ကိုင်း)