ပြည်တွင်းကုန်သွယ်မှုသတင်း

၂၀၂၅ ခုနှစ်၊ ဇွန်လ စတုတ္ထအပတ်အတွင်း ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အခြေခံစားသောက်ကုန်များဖြစ်သော ရွှေဘိုပေါ်ဆန်း(YA) တစ်ပြည် ၇၇၀၀ ကျပ်၊ ဧည့်မထ (ဒေသ) ဆန်တစ်ပြည် ၅၂၀၀ ကျပ်ဖြင့်ရောင်းဝယ်လျက်ရှိပါသည်။ စားဖိုဆောင်စားသောက်ကုန်များအနေဖြင့် ကြက်သွန်နီ တစ်ပိဿာ ၃၃၀၀ ကျပ်၊ ကြက်သွန်ဖြူ(ကြူကုတ်) တစ်ပိဿာ ၁၂၀၀၀ ကျပ်၊ (ရှမ်းစ) တစ်ပိဿာ ၁၂၀၀၀ ကျပ်၊ ငရုတ်သီးခြောက်(ရှည်)တစ်ပိဿာ ၁၇၀၀၀ ကျပ်၊ ခရမ်းချဉ်သီး တစ်ပိဿာ ၅၈၀၀ ကျပ်၊ အာလူး တစ်ပိဿာ ၅၅၀၀ ကျပ်၊ မန်ကျည်းသီးမှည့် တစ်ပိဿာ ၁၀၀၀၀ ကျပ်နှင့်ချင်း (ဂျင်း)တစ်ပိဿာ ၅၇၀၀ ကျပ် စသည်ဖြင့် ရောင်းဝယ်လျက်ရှိပါသည်။ ကျိုင်းတုံမြို့တွင် ဇွန်လ စတုတ္ထအပတ် စားသုံးဆီနှင့်ဥ ဈေးနှုန်းများအနေဖြင့် စားအုန်းဆီ တစ်ပိဿာ ၁၃၅၀၀ ကျပ်နှင့် ပဲဆီ(ရိုးရိုး) တစ်ပိဿာ ၂၃၀၀၀ ကျပ်၊ ကြက်ဥဈေးနှုန်းမှာ တစ်လုံး ၅၀၀ ကျပ်နှင့်ဘဲဥ တစ်လုံး ၈၀၀ ကျပ်ဖြင့်ရောင်းဝယ်လျက်ရှိပါသည်။ အသား/ငါးဈေးနှုန်းများမှာ ကြက်သား (CP) တစ်ပိဿာ ၂၀၀၀၀ ကျပ်၊ ကြက်သား(ဒေသ) တစ်ပိဿာ ၂၆၀၀၀ ကျပ်၊ ဝက်သား တစ်ပိဿာ ၄၀၀၀၀ ကျပ်၊ အမဲသား တစ်ပိဿာ ၃၂၀၀၀ ကျပ်၊ ငါးကြင်း တစ်ပိဿာ ၂၅၀၀၀ ကျပ်၊ ငါးမြစ်ချင်း တစ်ပိဿာ ၁၈၀၀၀ ကျပ် ဈေးနှုန်းများဖြင့် ရောင်းဝယ်လျက်ရှိကြောင်း သိရှိရပါသည်။ ကျိုင်းတုံမြို့ အခြေခံစားသောက်ကုန်ဈေးနှုန်းများသည် ယခင် ဇွန်လ တတိယအပတ်နှင့် ဈေးနှုန်းနှိုင်းယှဉ်ပါက ချင်း(ဂျင်း)၊ အာလူးနှင့်ခရမ်းချဉ်သီး ဈေးနှုန်းအနည်းငယ်မြင့်တက်ခဲ့ပြီး ကြက်သွန်နီနှင့်ပဲနီလေး ဈေးနှုန်းအနည်းငယ်ကျဆင်းခဲ့ပါသည်။ ယင်းသို့ ဈေးနှုန်းမြင့်တက်ရခြင်းမှာ ဒေသထွက်များ လက်ကျန်လျော့နည်းလာသောကြောင့် ဖြစ်ပါသည်။ ကြက်သွန်နီနှင့်ပဲနီလေး ဈေးနှုန်းကျဆင်းရခြင်းမှာ ပြည်မမှဒေသတွင်းသို့အဝင်များပြီး ဝယ်လိုအားနည်းသောကြောင့် ဖြစ်ပါသည်။ ကျန်အခြေခံစားသောက်ကုန်များမှာ ဈေးနှုန်းတည်ငြိမ်လျက်ရှိကြောင်း သိရှိရပါသည်။ DOCA(ရှမ်း)

၂၀၂၅ ခုနှစ်၊ ဇွန်လ (၂၇)ရက်နေ့၊ နံနက်(၀၉း၃၀)နာရီအချိန်တွင် ရှမ်းပြည်နယ် (အရှေ့ပိုင်း)၊ ကျိုင်းတုံခရိုင်စီမံအုပ်ချုပ်ရေးအဖွဲ့၊ ခရိုင်အထွေထွေအုပ်ချုပ်ရေးဦးစီးဌာနရုံးဝန်းအတွင်း ဝန်ထမ်းများအတွက် ကြက်ဥနှင့်ဝက်သားများကို သက်သာသောဈေးနှုန်းဖြင့် ရောင်းချပေးလျက်ရှိကြောင်း သိရှိရပါသည်။ ထိုသို့ ရောင်းချရာတွင် ကျိုင်းတုံခရိုင်စီမံအုပ်ချုပ်ရေးအဖွဲ့၊ ခရိုင်အထွေထွေအုပ်ချုပ်ရေးဦးစီးဌာန၊ မွေးမြူရေးနှင့်ကုသရေးဦးစီးဌာနနှင့် မွေးမြူရေးလုပ်ငန်းရှင်များအဖွဲ့တို့ပူးပေါင်း၍ ကြက်ဥ အလုံးသေး(၃၀)ပါတစ်ကတ်လျှင်(၁၃၀၀၀)ကျပ်၊ ကြက်ဥအလုံးကြီး(၃၀)ပါတစ်ကဒ်လျှင် ၁၃၅၀၀ ကျပ်ဖြင့် (၂၄၀)ကတ်နှင့် ဝက်သားတစ်ပိဿာ(၃၀၀၀၀)ကျပ်ဖြင့်(၆၅)ပိဿာ ရောင်းချပေးခဲ့ကြောင်း သိရှိရပါသည်။ DOCA(ရှမ်း)

ရွှေဘိုမြို့ ဈေးကွက်အတွင်းတွင် ဇွန်လနောက်ဆုံးပတ်မှစတင်၍ နဂါးမောက်သီးများ စတင်ဝင်ရောက်လာကာ၊ ဒေသတွင်း ရွှေဘို မြို့အနီးတဝိုက်ရှိ ‌ကျေးရွာများမှ တစ်နိုင်တစ်ပိုင် စိုက်ပျိုးထွက်ရှိသော နဂါးမောက်သီး များအပြင် ပြင်ဦးလွင်မြို့၊ ကျောက်ပန်း တောင်းမြို့နှင့် ပုပ္ပါးမြို့တို့မှ နဂါးမောက်သီး များကိုလည်းမှာယူ၍ ရောင်းချလျက်ရှိပါသည်။ နဂါးမောက်သီးများကို ခြင်းပြတ်စနစ်ဖြင့် တစ်ဆင့်ဝယ်ယူရပြီး အလုံး အကြီး/ အသေးပေါ် မူတည်၍ နဂါးမောက်သီးအကြီးတစ်လုံးလျင် (၁၅၀၀)ကျပ်၊ အလတ်တစ်လုံး လျင်(၁၂၀၀)ကျပ်၊ အသေးတစ်လုံးလျင်(၈၀၀)ကျပ်ဈေးနှုန်းဖြင့် အသီးသီးရောင်းချရကြောင်း၊ နဂါးမောက်သီးများကို ဈေးအတွင်း လက်လီရောင်းချသော ဈေးသည်များကို ဖောက်သည် ပေးသည့် အပြင်၊ သစ်သီးဖျော်ရည်ရောင်းချသည့် ဆိုင်များက ဝယ်ယူကြောင်း၊ ရွှေဘိုမြို့ အောင်ဇေယျဈေးအတွင်းရှိ သစ်သီးရောင်းချသူတစ်ဦးထံမှ သိရသည်။ DOCA(စစ်ကိုင်း)

ရွှေဘိုခရိုင်အတွင်းတွင် ဇွန်လ နောက်ဆုံးပတ်တွင် စပါး/ဆန်ဈေးနှုန်းများ တည်ငြိမ် နေပါသည်။ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဇွန်လ ဒုတိယပတ်တွင် ရန်ကုန်သို့ (70457)အိတ်၊ မန္တလေးသို့ (33605) အိတ်၊ နေပြည်တော်သို့ (1000)အိတ်၊ပဲခူးတိုင်းသို့ (5865)အိတ်၊ မကွေးတိုင်းသို့ (1805)အိတ်၊ ရှမ်း(တောင်)သို့ (22515)အိတ်၊ ကချင်ပြည်နယ်သို့ (592)အိတ်၊ မွန်ပြည်နယ်သို့ (13305)အိတ်၊ မူဆယ်သို့ (180)အိတ်၊ကရင်ပြည်နယ်သို့ (2570)အိတ် ၊ဧရာဝတီသို့ (180)အိတ်၊စုစုပေါင်း အိတ်ရေ 152074 တန် အားဖြင့် 7604တန် စီးထွက်ခဲ့ပါသည်။ ဇွန်လ တတိယပတ်တွင် ရန်ကုန်သို့ (35250)အိတ်၊ မန္တလေးသို့ (22766) အိတ်၊ နေပြည်တော်သို့ (822)အိတ်၊ပဲခူးတိုင်းသို့ (2481)အိတ်၊ မကွေးတိုင်းသို့ (380)အိတ်၊ ရှမ်း(တောင်)သို့ (10845)အိတ်၊ ကချင်ပြည်နယ်သို့ (3060)အိတ်၊ မွန်ပြည်နယ်သို့ (9140)အိတ်၊ ကရင်ပြည်နယ်သို့ (2375)အိတ် ၊စုစုပေါင်း အိတ်ရေ 87119 တန် အားဖြင့် 4356တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်လျှင် ယခု အပတ်အတွင်း အိတ်ရေ 64955၊ တန်အားဖြင့် 3248တန် လျော့၍ စီးထွက် ခဲ့ပါသည်။ ရွှေဘိုမြို့၏ ဇွန်လ တတိယပတ်တွင် ဖြစ်ပေါ်ခဲ့သော စပါး/ဆန် ဈေးနှုန်း များမှာ ရွှေဘိုပေါ်ဆန်းစပါး တင်း၁၀၀လျင် ကျပ် ၄၅၀၀၀၀၀၊ ရွှေဘိုပေါ်ဆန်း ဆန် ၂၄ပြည်ပါ တစ်အိတ်လျင် ကျပ်၁၅၀၀၀၀ ၊ ဧရာမင်းစပါး တင်း 100လျှင် ကျပ် 2500000၊ ဧရာမင်းဆန် ၂၄ပြည်ပါ တစ်အိတ်လျင် ကျပ်၁၂၅၀၀၀ဖြင့် အရောင်းအဝယ် ဖြစ်နေကြောင်း သိရှိရပါသည်။ DOCA(စစ်ကိုင်း)