ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် သံပုရာသီးနှင့် ရှောက်သီး များစိုက်ပျိုးထားပြီး ယခုအချိန်တွင် လှိုင်လှိုင်ထွက်ပေါ်နေပြီဖြစ်ကြောင်း သိရပါသည်။ သံပုရာသီး များအား ဖျော်ရည်၊ သံပုရာချဉ်ဖက်၊ အသုပ်မျိုးစုံနှင့်  သရေစာတို့တွင်ထည့်သွင်းစားသုံးခြင်းသာမက ရှောက်သီးများကိုလည်း ကျန်းမာရေးအတွက် ဆေးဖော်စပ်ရာတွင်လည်း အသုံးပြုကြသဖြင့် သုံးစွဲမှု များသည့် သီးနှံများဖြစ်ကြောင်း သိရသည်။

     ၂၀၂၅ခုနှစ်၊ စက်တင်ဘာလ စတုတ္ထပတ်အတွင်းဖြစ်ပေါ်လျက်ရှိသော သံပုရာသီးဈေးနှုန်း များမှာ သံပုရာသီး(အကြီး)(၁)လုံးလျှင် (၁၀၀)ကျပ်၊ သံပုရာသီး(အသေး)(၁)လုံးလျှင် (၅၀)ကျပ် ဖြင့်လည်းကောင်း၊ ရှောက်သီး(အကြီး)(၁)လုံးလျှင် (၅၀၀)ကျပ်နှင့် ရှောက်သီး(အသေး) (၁)လုံးလျှင် (၃၀၀)ကျပ်ဖြင့်အရောင်းအဝယ်ဖြစ်လျက်ရှိပြီး ယခုအခါ ကန့်ဘလူမြို့မဈေးတွင် အသီးအရွယ်အစားအလိုက် ဈေးအနည်းငယ်ကွာခြားမှုရှိကြောင်း ကုန်စိမ်းရောင်းချသူထံမှ သိရပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ မုံရွာမြို့၊ ချင်းတွင်းရတနာဈေးတွင် အသား၊ ငါးများအပြင် ဒေသထွက်အသီးအရွက်များဖြစ်သည့်   မန်ကျည်းသီးအစိမ်းနှင့် မန်ကျည်းသီးအမှည့်များကိုလည်း ရောင်းချလျက်ရှိကြောင်း သိရှိရပါသည်။

   ၂၀၂၅ ခုနှစ်၊ စက်တင်ဘာလ စတုတ္ထပတ်တွင်  ချင်းတွင်းရတနာဈေးတွင် ဖြစ်ပေါ်နေ သော  မန်ကျည်းသီးအစိမ်းဈေးနှုန်းမှာ  နို့ဆီဘူး (၁)ဘူးလျှင် (၆၀၀)ကျပ်၊ တစ်ပြည်လျှင် (၄၆၀၀)ကျပ်ဖြင့်လည်းကောင်း၊ မန်ကျည်းသီးအမှည့်ဈေးနှုန်းများမှာ မန်ကျဉ်းသီးမှည့် အစေ့လွတ် (၁) ပိဿာလျှင် (၇၀၀၀) ကျပ် မှ (၇၅၀၀) ကျပ် ၊ မန်ကျဉ်းသီးမှည့်အစေ့ပါ(၁) ပိဿာ လျှင် (၅၀၀၀) ကျပ်မှ (၅၅၀၀) ကျပ်ဖြင့်  ရောင်းချလျက်ရှိကြောင်း  သိရှိရပါသည်။

DOCA(စစ်ကိုင်း)

              ဖျာပုံခရိုင်အတွင်းရှိ မြို့နယ်များဖြစ်သော ဖျာပုံ၊ ကျိုက်လတ်နှင့် ဒေးဒရဲမြို့နယ်များမှ ထွက်ရှိသော ပေါ်ဆန်း၊ ဧည့်မထဆန်များအား  တနင်္သာရီတိုင်းဒေသကြီး၊ မြိတ်ခရိုင်အတွင်းရှိ ဒေသခံပြည်သူများ ဈေးနှုန်းသက်သာစွာ ဝယ်ယူစားသုံးနိုင်ရန် ( မြိတ်မြို့ )သို့ ရေလမ်းဖြင့် တင်ပို့လျက်ရှိပါသည်။ ဖျာပုံခရိုင် ဒေးဒရဲမြို့နယ်မှ မြိတ်မြို့သို့ စက်တင်ဘာလ(၁)ရက်နေ့မှ (၂၂)ရက်နေ့ထိ အမ်ဗွီ-စန္ဒီ( ၁ )နှင့် ပြည့်ဖြိုးအောင်(၉)ရေယာဉ်များဖြင့် ပေါ်ဆန်းဆန်(- )အိတ်၊ ဧည့်မထဆန်( ၁၀၂၀၀ )အိတ်၊ စုစုပေါင်း အိတ်အရေအတွက် ( ၁၀၂၀၀ )အိတ်တင်ပို့ခဲ့ပြီး၊  ထိုသို့ တင်ပို့ရာတွင်  မြန်မာနိုင်ငံ ဆန်စပါးအသင်းချုပ် (MRF)၏ ရည်ညွှန်းသတ်မှတ်ဈေးများဖြင့် ရောင်းဝယ်လျက်ရှိကြောင်း၊ ဈေးကွက်သတင်းများအရ သိရှိရပါသည်။

DOCA(ဧရာဝတီ)

      သထုံခရိုင်အတွင်းရှိမြို့နယ်များတွင် စက်တင်ဘာလ၏ စတုတ္ထအပတ်တွင် စပါး၊ ဆန် စျေးနှုန်းမှာ ကျဆင်းလျက်ရှိကြောင်း သိရှိရပါသည်။ သထုံခရိုင်အတွင်းမှ အခြားတိုင်းဒေသကြီး နှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်သို့ (၂၅၀၀) အိတ်ခန့်၊ ကရင် ပြည်နယ်သို့  (၂၀၀၀) အိတ်ခန့်၊ စုစုပေါင်း (၄၅၀၀) အိတ်ခန့်၊ တန်ချိန်အားဖြင့် (၂၁၆) တန် စီးထွက်ခဲ့ပါသည်။ ယခုစက်တင်ဘာလ၏ စတုတ္ထအပတ်တွင် မော်လမြိုင်သို့ (၂၃၀၀) အိတ်ခန့်၊ ကရင်ပြည်နယ်သို့ (၂၁၀၀) အိတ်ခန့်၊ စုစုပေါင်း (၄၄၀၀) အိတ်ခန့်၊ တန်ချိန်အားဖြင့် (၂၁၂)တန်ခန့် စီးထွက်ခဲ့ပြီး ယခင် တတိယအပတ်နှင့် နှိုင်းယှဥ်ပါက အနည်းငယ်လျော့၍ စီးထွက်ခဲ့ပါသည်။

     သထုံခရိုင်အတွင်းသို့ စက်တင်ဘာလ၏ တတိယအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၂၀၀၀) အိတ်ခန့်၊  ပဲခူးတိုင်းဒေသကြီးမှ (၁၉၀၀) အိတ်ခန့်၊ စုစုပေါင်း (၃၉၀၀) အိတ်ခန့်၊ တန်ချိန်အားဖြင့် (၁၈၈) တန်ခန့်စီးဝင်ခဲ့ပြီး ယခုစက်တင်ဘာလ၏ စတုတ္ထအပတ်တွင် ရန်ကုန်တိုင်းဒေသကြီးမှ (၁၉၀၀) အိတ်ခန့်၊ ပဲခူးတိုင်းဒေသကြီးမှ (၁၉၀၀) အိတ်ခန့်၊ စုစုပေါင်း (၃၈၀၀) အိတ်ခန့်၊ တန်ချိန်အားဖြင့် (၁၈၃) တန်ခန့် စီးဝင်ခဲ့ပြီး သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်တတိယအပတ်နှင့်နှိုင်းယှဥ်ပါက အနည်းငယ် လျော့၍ စီးဝင်ခဲ့ပါသည်။

     သထုံခရိုင်အတွင်း၌ ယခုစက်တင်ဘာလ၏ စတုတ္ထအပတ်တွင် စပါး၊ ဆန်စျေးနှုန်းများမှာ စပါးတင်း (၁၀၀) လျှင် ဒေသပေါက်စျေး ကျားပျံဟိုတယ် (၂၇၅၀၀၀၀ိ/-) ခန့်၊ ပေါ်ဆန်းဝါ    (၂၄၀၀၀၀၀ိ/-)ခန့်၊ ကမာကြည် (၁၅၀၀၀၀၀ိ/-) ခန့်၊ ဧည့်မထ (၁၂၀၀၀၀၀ိ/-) ခန့်နှင့် (၂၄) ပြည် ဝင်ဆန် တစ်အိတ်လျှင် ကျားပျံဟိုတယ် (၁၀၅၀၀၀ိ/-) ခန့်၊ ပေါ်ဆန်းဝါ (၁၀၅၀၀၀ိ/-) ခန့်၊   ကမာကြည် (၆၆၀၀၀ိ/-) ခန့်၊ ဧည့်မထ (၄၉၀၀၀ိ/-) ခန့်ရှိပြီး ယခုအပတ်တွင် စပါး၊ ဆန် စျေးနှုန်းမှာ ကျဆင်းလျက်ရှိကြောင်း သိရှိရပါသည်။

DOCA (မွန်)

           ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်အတွင်းရှိ ကျေးရွာအုပ်စုများမှ ချဉ်ပေါင်စိုက်ပျိုးတောင်သူများ အပိုဝင်ငွေရရှိ၍ ဒေသတွင်း ဈေးကွက်အတွင်း ပို့ဆောင်ရောင်းချခြင်းဖြင့် နေစဉ်ပုံမှန်ဝင်ငွေ ရရှိလျက်ရှိသည်။

         ချဉ်ပေါင်စိုက်ပျိုးမှုကို တလုပ်လပ်ကျေးရွာတွင် စိုက်ပျိုးပြီး ချဉ်ပေါင်စိုက်မျိုး ၁ပြည်ကို ၂၀၀၀၀ကျပ် ဖြင့် ဝယ်ယူပြီး ၁ဧကတွင် ၈ပြည် ကျဲပတ်ကြောင်းသိရသည်။ ဩဂုတ်လတွင် စတင်စိုက်ပျိုးပြီး  ၁လအကြာတွင် ရောင်းတန်းဝင်ကြောင်း၊ မြန်မာချဉ်ပေါင်၊ ချဉ်ပေါင်နီ၊ လက်ချား ချဉ်ပေါင်တို့ စိုက်လေ့ရှိကြပြီး ချဉ်ပေါင်စေ့ ကျဲပြီး (၃)ရက်မှ (၅)ရက်အတွင်း အပင်ငယ်များ ဖြစ်လာကြောင်း၊ (၁)ဧကလျှင် မျိုးစေ့ (၈)ပြည် ကျဲစိုက်ရကြောင်းနှင့် စိုက်ပျိုးပြီး (၄၅)ရက်မှ (၆၀)ရက်အတွင်း ခူးဆွတ်ကာ ဈေးကွက်တင်ပို့နိုင်ကြောင်း၊ ကုန်ကျစရိတ်အနေဖြင့် ၂၀၀၀၀၀ကျပ် ကုန်ကျပြီးကြောင်း သိရသည်။ ၁ဧက ထွက်ရှိမှု အနေဖြင့် ၁ဧကတွင် ချဉ်ပေါင် အစီရေး ၅၀၀၀နီးပါး ရရှိကြောင်းနှင့် ချဉ်ပေါင်၁စီးကို (၁၀၀)ကျပ်ဖြင့် လက်ကားရောင်းချသည်။ အကျိုးအမြတ်အနေဖြင့် ငွေကျပ် ၃၀၀၀၀၀ ရရှိသည်။ ချဉ်ပေါင်စိုက် တောင်သူများအနေဖြင့် ပုံမှန်ဝင်ငွေများ ရရှိလျက်ရှိကြောင်း သိရသည်။ ချဉ်ပေါင်မျိုးကို ဆက်လက်စိုက်ပျိုးရန် ၁ဧကစာ မျိုးပင်ထားဆက်လက်ထားရှိကြောင်း စိုက်ပျိုးသူထံမှ သိရသည်။

        ဈေးကွက်အနေဖြင့် တောင်သူများက ရန်ကုန်ကုန်စိမ်းကား တစ်ရက်ခြားတစ်ခါလာရောက်၍ ရန်ကုန်ဈေးကွက်အတွင်းသို့ တင်ပို့ရပြီး မြို့နယ်တွင်းသို့လည်းကြောင်း သိရှိရပါသည်။

DOCA(ဧရာဝတီ)