ပြည်တွင်းကုန်သွယ်မှုသတင်း

မင်းကွတ်သီးသည် ချိုချိုချဉ်ချဉ်အရသာရှိသောကြောင့် လူအများက အအီပြေစေသည့် အသီး အဖြစ် စားကြကြောင်း၊ ဒူးရင်းသီးနဲ့ မင်းကွတ်သီးတို့သည် အသီးပေါ်ချိန်ခြင်း တူသော ကြောင့် ဒူးရင်းသီး စားပြီး အီလျှင် မင်းကွတ်သီး ချဉ်ချဉ်လေးတွဲဖက်ပြီး စားသုံးကြကြောင်း၊ တစ်လုံးစားရုံနှင့် မဝနိုင်ဘဲ လေးငါးလုံးဆက်စားမှသာ တင်းတိမ်လေ့ရှိကြောင်း၊ လေ့လာသိရှိရပါသည်။မင်းကွတ်သီးသည်မည်သည့် သီးနှံနှင့်မတူညီဘဲ စားသုံးသူ၏ ဘဝင်နှလုံးကို အေးမြကြည်လင်စေသည့်အတွက် လူကြိုက်များကြ ကြောင်း သိရှိရပါသည်။ မင်းကွတ်သည် အသီးခူးပြီးမှ မှည့်သောအသီး (Crimactric Fruit) ဖြစ်သည်။ အသီးခူးရာ တွင် လက်ဖြင့်ခူးရန် လိုအပ်ပြီး မြေကြီးပေါ်မကျရန် သတိထားရပါသည်။၎င်းအသီးသည် ၂၄နာရီအတွင်း မှည့်ပြီး (၁)ပတ်ခန့် အထားခံပါသည်။ (၁၀-၂၀)နှစ်သား တစ်ပင်လျှင် အသီးထွက် ၁,၀၀၀ခန့် ရနိုင် ပါသည်။ အပင် Canopy ကြီးလာသည်နှင့် အမျှ အသီးအထွက်နှုန်းလည်း များလာမည်ဖြစ်သည်။ မင်းကွတ်သီးသည် အခြားသစ်သီးဝလံနှင့် နှိုင်းယှဉ်ပါက အရင်းကျေ အမြတ်ရခြင်း နောက်ကျ သော်လည်း ရေရှည်အတွက်မူ စိုက်ပျိုးသင့်သောသီးနှံဖြစ်သည်။ မင်းကွတ်ပင်သည် ဆောင်းရာသီ နိုဝင်ဘာလမှစ၍ ဖေဖော်ဝါရီလကုန်၊ မတ်လဆန်းအထိ အပွင့်များပွင့်ပြီး မိုးဦးနှင့် မိုးလယ်လများဖြစ်သော မေလမှ ဩဂုတ်လအတွင်း အသီးများမှည့်ကြသည်။ လက်ရှိကာလတွင် မော်လမြိုင်မှ မန္တလေးမြို့အတွင်းသို့ မော်လမြိုင်မြို့မှ ထွက်ရှိသောမင်းကွတ်သီးများ ဝင်ရောက် လျှက်ရှိပြီး တစ်လုံးလျှင် (၅၀၀)ကျပ်၊ ဆယ်လုံးလျှင် (၄၅၀၀)ကျပ်ဖြင့် ရောင်းချ လျှက်ရှိကြောင်း သိရှိ ရပါသည်။ DOCA(မန္တလေး)

ဇီဇဝါပန်းကလေး၏ အဓိပ္ပာယ်သည် “ဒီအတိုင်း တိတ်တိတ်လေး အများကြီး သဘောကျ ရပါတယ်” ဟု ဆိုလိုသည်။ ဇီဇဝါပန်းသည် အနံ့မွှေး၍ အဖြူရောင်ရှိသည်။ ဇီဇဝါသည် ပန်းပွင့်သော အလှပန်းပင်ဖြစ်သည်။ ဇီဇဝါပန်းရနံ့သည် အလွန်မွှေးကြိုင်ပြီး ရနံ့သင်းသင်း စံပယ်ပန်း ရနံ့နှင့်ဆင်တူပါသည်။ ဇီဇဝါပန်းလေးတွေက တန်ခူး၊ ကဆုန်၊ နယုန်လများတွင် ဝေဝေဆာဆာပွင့် တတ်ကြသည်။ ဇီဇဝါပန်းရနံ့သည် စိတ်ကို လုံခြုံစိတ်ချနွေးထွေးမှုရှိသည်ဟု ယူဆကြသည်။ စိတ်ခံစားမှုကောင်းစေပြီး စိတ်ဓာတ်ကျတာကို သက်သာစေပါသည်။ ဇီဇဝါပန်းလေးတွေ အရမ်း မွှေးပြီးလှပသော အဖြူရောင်ပန်းကလေးများဖြစ်ပြီး နွမ်းသွားသောအခါ အဝါရောင်ပြောင်းသွားပြီး နွမ်းလျသည်အထိ မွှေးပျံ့ဆဲဖြစ်ပါသည်။ ဇီဇဝါပန်းလေးတွေကို ချိုးယူပြီးဘုရားပန်းလှူခြင်း၊ အလှပန်းအိုး ထိုးခြင်းများ ပြုလုပ်နိုင်သလို ခေါင်းတွင်လည်း အလှပန်ဆင်နိုင်ပါသည်။ ဇီဇဝါပန်း ကလေးတွေရဲ့ အဆီအနှစ်က ရောင်ရမ်းမှုကို ကျစေပါသည်။ အသက်ရှူလမ်းကြောင်းကို သက်သောင့်သက်သာ ဖြစ်စေပါသည်။ ဦးနောက်ကိုကျန်းမာစေပြီး မှတ်ဉာဏ်စွမ်းအားကို ကောင်းမွန်စေပါသည်။ အသားအရေကိုလှပစေပါသည်။ ယခုလို လှပမွှေးပျံ့ပြီး ရနံ့သင်းသင်း ကျက်သရေရှိသော ဇီဇဝါပန်းပင်များကို အိမ်မှာအလှစိုက်ထားလျှင် ဘုရားပန်းလှူ၊ အလှပန်းအိုးထိုး၊ စိတ်ကိုကျန်းမာစေ၍ အမြတ်တနိုး ပန်ဆင်နိုင်ရန်အတွက် စိုက်ပျိုးထားသင့်ပါသည်။ ဇီဇဝါပန်း ပျိုးပင် ဗမာမျိုး နှင့်ယိုးဒယားမျိုး ဟူ၍ရှိပြီး ဇီဇဝါပန်းပျိုးပင်တစ်ပင်လျှင် (၅၀၀၀/၈၀၀၀/၁၅၀၀၀) ကျပ်ဖြင့်ရောင်းချလျက်ရှိကြောင်း ပန်းပျိုးပင်အရောင်းဆိုင်မှ သိရှိရသည်။ DOCA(မန္တလေး)

အဝါရောင်သည် ပျော်ရွှင်ခြင်း၊ ရယ်မောခြင်း၊ မျှော်လင့်ချက်ရဲ့ နေရောင်ခြည်ကို နွေးထွေးခြင်းဆိုတဲ့ အဓိပ္ပာယ်ကို ဆောင်ပါသည်။ အကောင်းမြင်ခြင်းနှင့် စိတ်ပျော်ရွှင်တက်ကြွခြင်းကို ပေးစွမ်းနိုင်ပါသည်။ အဝါရောင်သည် လင်းလွန်းသောကြောင့် စိတ်ကိုကြည်လင်လန်းဆန်းစေပါသည်။ ငုဝါပန်းများကလည်း အဝါရောင်ဆွဲလွဲအခိုင်လိုက်တွေ တစ်ပင်လုံးအူနေအောင် ပွင့်တတ်သည်။ သင်္ကြန်မိုးကလေးပြီးကတည်းက ပွင့်လန်းခဲ့သည့် စိန်ပန်းနီ၊ စိန်ပန်းပြာတွေ၊ ငုဝါပန်းတွေ၊ ငုစပ်ပန်းတွေက ယခုလိုကျောင်းဖွင့် ရာသီအချိန်ကာလတွင် တချို့ပန်းခိုင်က ကြွေကျမြေမှာ ကြဲပြန့်နေပြီး နောက်တစ်ပြန်ပွင့်တဲ့ စိန်ပန်းနီတွေကတော့ ပွင့်လျှက်ကျန်နေပါသည်။ ငုဝါပန်းက နွေရာသီရဲ့ ရာသီပန်းဖြစ်သည်။ ထင်သာမြင်သာအောင် ပွင့်သောကြောင့် လမ်းဘေးဝဲယာ၊ ကျောင်းကန်ဘုရား၊ ခြံဝန်း၊ပန်းခြံ စသည်ဖြင့် အရိပ်ရအလှပင် အဖြစ် စိုက်ပျိုးကြသည်။ ငုဝါပန်းများကို ဘုရားကျောင်းအိမ်တွင် ချိတ်ဆွဲထားက ပျော်ရွှင်ခြင်းနှင့် ကံကောင်းခြင်းတွေကို သယ်ဆောင်ပေးနိုင်သည်ဟု ဆိုသည်။ မြန်မာနိုင်ငံ၏ နှစ်သစ်ကို ကံကောင်းခြင်းများစွာနှင့် ကြိုဆိုကာ ပွင့်လန်းသောပန်းများဖြစ်သ◌ည်။ ငုဝါပန်းပွင့်များကို မြင်ရသူအဖို့ ရင်ဝယ်နွေးထွေးမှုကို ရစေပါသည်။ ငုဝါအသီး၊ အခေါက်၊အရွက်များကို တိုင်းရင်းဆေးဖော်စပ်ရာတွင် အသုံးပြုကြောင်း သိရှိရသည်။ ပိတောက်နှင့် ငုဝါပန်းသည် အဝါရောင် ပွင့်လန်းသော ပန်းများဖြစ်ပြီး အပြိုင်လှရင်နိုင်လွန်းပြီး လူတို့နှစ်သက်မြတ်နိုးအပ်သော ပန်းကလေးများဖြစ်သည့်အတွက် စိုက်ပျိုးသင့်ပါသည်။ ငုဝါပန်းပျိုးပင်တစ်ပင်လျှင် (၂၀၀၀/၃၀၀၀/၅၀၀၀)ကျပ်ဖြင့် ရောင်းချလျှက်ရှိကြောင်း ပန်းပျိုးပင်အရောင်းဆိုင်မှ သိရှိရသည်။ DOCA(မန္တလေး)