ပြည်တွင်းကုန်သွယ်မှုသတင်း

မန္တလေးမြို့သို့ခရမ်းချဉ်သီးထွက်ရှိရာဒေသများဖြစ်ကြသည့်အင်းလေးဒေသထွက်၊ရွာငံ၊ ပြင်ဦးလွင်၊မုံရွာ၊ရမည်းသင်း၊ပျော်ဘွယ်၊စစ်ကိုင်း၊ဆင်ရွာကြီးတို့မှ ခရမ်းချဉ်သီးများ နေ့စဉ်ဝင် ရောက်လျက်ရှိသည်။ ခရမ်းချဉ်းသီးများထဲမှ အင်းလေးဒေသထွက်ခရမ်းချဉ်သီးသည်အချိုဆုံး ဖြစ်သည်။ အင်းလေးခရမ်းချဉ်သီးမှာဈေးအရဆုံးဖြစ်သည်။ ပြင်ဦးလွင်၊မုံရွာအသီးတို့မှာ အထိုက်အလျောက် ဈေးကောင်းကျသော်လည်း အင်းသီးလောက်အထားမခံပါ၊ပျော်ဘွယ်၊ရမည်းသင်း၊ဗမာ သီးခေါ်အချဉ်မျိုးသည်အနုဆုံးဖြစ်သည်။ အင်းသီးမှာ ၁ပိဿာလျှင် ယခု(၄၀၀၀-၄၅၀၀) ကျပ်အထိ ဖြစ်ပြီးယခင်လတွင် ၁ပိဿာလျှင်(၂၀၀၀-၂၅၀၀)အထိလျော့ကျခဲ့ပြီးယခုအခါ ခရမ်းချဉ်သီး ဈေးနှုန်းများတက်လျက်ရှိကြောင်းခရမ်းချဉ်သီးရောင်းချသူများထံမှသိရှိရပါသည်။ DOCA(မန္တလေး)

မန္တလေးသစ်သီးဈေးကွက်အတွင်းသို့မြင်းခြံခရိုင်၊ညောင်ဦး၊ပုပ္ပါးနယ်များမှနဂါး မောက်သီး များ အများအပြားဝင်ရောက်လျက်ရှိရာ မြို့တွင်းသစ်သီးဆိုင်များ၊ဖျော်ရည်ဆိုင်များတွင် ရာသီစာ အဖြစ် အရောင်းသွက်လျက်ရှိကြောင်းသိရပါတယ်၊ နဂါးမောက်သီးသည် အရသာထူးခြားပြီး ကျန်းမာရေးအတွက် အကျိုးပြုကြောင်း သိလာကြတာနဲ့အမျှ စားသုံးမှု ပိုမိုမြင့်တက်လာပါ တယ်၊ နဂါးမောက်သီးမှာ အမျှင်ဓာတ်နှင့် ဓာတ်တိုးဆန့်ကျင်ပစ္စည်းများ ပါဝင်တာကြောင့် ကျန်းမာရေးအတွက် များစွာကောင်းမွန်ပါတယ်၊ ဓာတ်တိုးဆန့်ကျင် ပစ္စည်းများကြောင့် အသား အရေခြောက်သွေ့ပျက်စီးခြင်းကိုကာကွယ်ပေးနိုင်ပြီးအသားအရေတင်းရင်းလှပစေမဲ့ ကော်လဂျင် တွေထွက်လာအောင်လှုံ့ဆော်ပေးနိုင်ပါတယ်။ အမျှင်ဓာတ်မှာလည်း အူလမ်းကြောင်း အကျိုးပြု ဘက်တီးရီယားတွေ ပေါက်ဖွားသန်စွမ်းဖို့ အားပေးပြီး ဝမ်းချုပ်ခြင်းကို ကာကွယ်ပေး ပါတယ်။ ကိုယ်ခံစွမ်းအားကိုမြှင့်တင်ပေးပြီးရောဂါပိုးအလွယ်တကူဝင်ရောက်နိုင်ခြင်းမရှိအောင် ကာကွယ် ပေးသောကြောင့် ရောင်းဝယ်အားကောင်းလျက်ရှိကြောင်း ၊ ဈေးကွက်တွင် သစ်သီးဆိုင်များနှင့် လက်တွန်းလှည်းများပေါ်တွင် နဂါးမောက်သီး အကြီး၊ အသေး ပေါ်မူတည်ပြီး(၁)လုံးလျှင် ကျပ်၅၀၀/၈၀၀/၁၀၀၀ နှုန်းဖြင့် ရောင်းအားကောင်းလျက်ရှိကြောင်းသိရပါတယ်။ DOCA(မန္တလေး)