ပြည်တွင်းကုန်သွယ်မှုသတင်း

မွန်ပြည်နယ်၊ ပေါင်မြို့နယ်၌ ကုန်ဈေးနှုန်းများတည်ငြိမ်ကျဆင်းစေရေး အခြေခံ စားသောက်ကုန်စည်များ ရောင်းချပေးခြင်းကို ၁၉.၃.၂၀၂၅ ရက်‌နေ့ နံနက် (၀၉:၀၀) နာရီအချိန်က ကဒါရပ်ကွက်၊ မင်္ဂလာဈေးရှေ့တွင် ရောင်းချပေးလျက်ရှိကြောင်း သိရသည်။

ထိုသို့ ရောင်းချပေးရာတွင် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် အခြေခံ စားသောက်ကုန်များဖြစ်သည့် အမဲသား တစ်ပိဿာ (၁၅၀၀၀) ကျပ်၊ ဝက်သား တစ်ပိဿာ (၁၅၀၀၀) ကျပ်၊ ဆန် (၁) ပြည် (၃၂၀၀) ကျပ်၊ ဆီတစ်ပိဿာ (၈၀၀၀) နှင့် ကြက်ဥ (၄) လုံး (၁၀၀၀) ကျပ်စသည်တို့ကို ဈေးနှုူန်းချိုသာစွာဖြင့်‌ ရောင်းချပေးခဲ့ရာ အများပြည်သူများ ဝယ်ယူအား‌ပေးခဲ့ကြောင်း သိရသည်။

အဆိုပါ ဈေးရောင်းချခြင်းအား မြို့နယ်အထွေထွေအုပ်ချုပ်ရေးအဖွဲ့၊ မြို့နယ်တပ်ဖွဲ့၊ မြို့နယ်စည်ပင်သာယာရေးအဖွဲ့၊ မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ဈေးကော်မတီဝင်များ၊ ရပ်ကွက်အုပ်ချုပ်ရေးမှူးတို့မှ လိုက်လံကြီးကြပ်ပေးခဲ့ကြောင်း သိရသည်။

DOCA(မွန်)

          နေပြည်တော်ကောင်စီနယ်မြေအတွင်း၊ ၂၀၂၅ခုနှစ်၊ ဖေဖော်ဝါရီလ၌ ကြံ့နှစ်ကောင်(နီ) တစ် အိတ်လျှင် (၁၈၅၀၀) ကျပ်မှ ၂၀၂၅ နှစ်၊ မတ်လ တတိယပတ်၌ (၁၈၆၀၀) ကျပ်ဖြစ်ပြီး၊ (၁၀၀) ကျပ် ကျဆင်းခဲ့ပြီး လက်ကျန်(၄၂၂၄) အိတ်ကျန်ရှိပါသည်။ ALPHA တစ်အိတ်လျှင် ယခင် (၁၈၀၀၀) ကျပ်မှ ယခု (၁၈၂၀၀) ကျပ်ဖြစ်သဖြင့် (၂၀၀) ကျပ်မြင့်တက်ခဲ့ပြီး လက်ကျန်(၁၅၂၈) အိတ်ကျန်ရှိနေပါသည်။ Max တစ်အိတ်လျှင် ယခင် (၁၇၈၀၀) ကျပ်မှ ယခု (၁၈၀၀၀) ကျပ်ဖြစ်သဖြင့် (၂၀၀) ကျပ်မြင့်တက်ခဲ့ ပြီး လက်ကျန် (၇၁၀) အိတ် ကျန်ရှိကြောင်းသိရှိရပါသည်။ နေပြည်တော်သို့ ဘိလပ်မြေကားများ ပုံမှန် ဝင်ရောက်မှုရှိနေကြောင်းသိရှိရပါသည်။ ရောင်းချမှုများအား တိုက်ရိုက်ဖြန့်ဖြူးမှုစနစ်ဖြင့် ရောင်းချ လျက်ရှိကြောင်း သိရှိရပါသည်။

DOCA(နေပြည်တော်)

             ဧရာဝတီတိုင်းဒေသကြီးအတွင်း ဆန်စပါးဈေးကွက်တွင် မတ်လဒုတိယပတ်မြို့နယ်အချို့ စပါး၊ ဆန်ဈေးနှုန်းများအကျဘက်သို့ ဦးတည်လျက်ရှိပြီး ဖျာပုံခရိုင်၊ ဖျာပုံ ၊ ဘိုကလေး၊ ကျိုက်လတ်မြို့နယ်များတွင် လူနည်းစုစားသုံးမှုရှိသော ပေါ်ဆန်းစပါး (၄၆) ပေါင် (၁) တင်းလျှင် ယခင် ကျပ် (၂၃၆၀၀) ဈေးနှုန်းမှ ယခုဈေးစပါး (၁) တင်းလျှင် ကျပ် (၂၃၀၀၀) ဖြစ်သွား၍ ပေါ်ဆန်းစပါး (၁) တင်း ကျပ် ၆၀၀ ဈေးနှုန်းကျဆင်းလျက်ရှိပြီး ဒေးဒရဲမြို့နယ်တွင် ပေါ်ဆန်းစပါး ၄၆ ပေါင် (၁) တင်း ကျပ် ၂၃၇၀၀ ဈေးမှ ယခုဈေး ၂၃၀၀၀ ဖြစ်သွားပြီး စပါး (၁) တင်းကျပ် ၇၀၀ ဈေးနှုန်းကျဆင်းလျက်ရှိကြောင်း အဆိုပါ မြို့နယ်များတွင် ယခင်ပေါ်ဆန်ဆန်တစ်အိတ် ကျပ် ၁၁၂၀၀၀/၁၁၀၀၀၀ ဈေးမှ ယခုဈေးဆန်တစ်အိတ် ကျပ် ၁၁၀၀၀၀/၁၀၅၀၀၀ ဈေး ဖြစ်သွားသည့်အတွက် ဆန်တစ်အိတ်ကျပ် ၂၀၀၀/၅၀၀၀ ဈေးနှုန်း ကျဆင်းလျှက်ရှိကြောင်း ဈေးကွက်မှသိရသည်။

             မြောင်းမြခရိုင်၊ မြောင်းမြ၊ အိမ်မဲမြို့နယ်များတွင် အများစုစားသုံးမှုရှိသော မိုးဧည့်မထစပါး (၄၆) ပေါင် (၁) တင်း ကျပ် ၁၇၀၂၀/၁၆၁၀၀ ဈေးနှုန်းမှ ယခုစပါး (၁) တင်းကျပ် ၁၆၅၆၀/၁၅၆၄၀ ဈေးဖြစ်သွား သည့်အတွက် စပါး (၁) တင်းကျပ် (၅၀၀) ဝန်းကျင်ဈေးနှုန်းကျဆင်းလျက်ရှိပြီး ဆန်တစ်အိတ်လျှင် ယခင်ကျပ် ၇၅၀၀၀/၇၀၀၀၀ ဈေးမှ ယခုဈေးပြောင်းလဲမှုမရှိကြောင်းနှင့် အခြားမြို့နယ်များတွင် ပေါ်ဆန်း စပါး၊ ဆန်ဈေးနှုန်းနှင့် ဧည့်မထစပါး၊ ဆန်ဈေးနှုန်းများ တည်ငြိမ်လျက်ရှိကြောင်း တိုင်းဆန်စပါး သတင်းများမှာ သိရှိရပါသည်။

DOCA(ဧရာဝတီ)

           ပြည်တွင်း၊ ပြည်ပဝယ်လိုအားရှိသော မိကျောင်းကွမ်းဖတ်မှာ တစ်နှစ်ခံပင်ပျော့ပင်ငယ် တစ်မျိုးဖြစ်၍ မြန်မာနိုင်ငံအနှံအပူပိုင်းဒေသများနှင့် ဧရာဝတီတိုင်းဒေသကြီးအတွင်းမှာလည်း သဘာဝ အလျောက်ပေါက်ရောက်လျက်ရှိပြီး ပုသိမ်ခရိုင် ၊ ပုသိမ်မြို့နယ် ၊ ငပုတောမြို့နယ်အောက်ဘက်ရှိ ဟိုင်းကြီးကျွန်းနှင့်ပတ်ဝန်းကျင်ကျေးရွာများ၊ သာပေါင်းမြို့နယ်အတွင်းရှိ ကျေးရွာများနှင့် ငရုတ်ကောင်း မြို့နယ်ခွဲဝန်းကျင်ကျေးရွာများ ပန်းတနော် ၊ ကျောင်းကုန်းမြို့နယ်များရှိ ရေနက်ကွင်းများတွင် အလေ့ကျ ပေါက်ရောက်လျက်ရှိသလို အချို့မြို့နယ်များတွင် ယခင်ကစီးပွားဖြစ်စိုက်ပျိုးရောင်းချသူများလည်း ရှိကြောင်း ၊ သဘာဝမှလက်ဆောင် ပေးထားသည့် ဈေးကွက်ဝင်မိကျောင်းကွမ်းဖတ်မှာ ရာသီပေါ်သီးနှံ တစ်ခုဖြစ်၍ မိကျောင်းကွမ်းဖတ်ထွက်ရှိချိန် ၎င်းကျေးရွာများရှိ ဒေသခံများမှ အပိုဝင်ငွေရရှိအောင် မိကျောင်းကွမ်းဖတ်များကို ခူးဆွတ်၍ မြို့ပေါ်ရှိအဝယ်ဒိုင်သို့ လာရောက်ရောင်းချလျက်ရှိကြောင်း မတ်လ မှ မေလအထိသာ အရောင်းအဝယ်ဖြစ်ပြီး မိုးမကျမီအတွင်းသာ အရောင်းအဝယ်ရှိ၍ မိုးရွာလျှင် မိကျောင်း ကွမ်းဖတ်ရာသီပြီးဆုံးသွားကြောင့် ဈေးကွက်အတွင်းမှ စုံစမ်းသိရှိရသည်။

          ယခင်နှစ်က မိကျောင်းကွမ်းဖတ် (၁) ပိဿာကို ကျပ် (၄၀၀၀/၄၁၀၀) ဈေးအတွင်းသာ အရောင်း အဝယ်ဖြစ်ပြီး ယခုနှစ်မတ်လအဖွင့်ဈေးမှာ (၁) ပိဿာကို ကျပ် (၅၀၀၀) ဈေးနှုန်းဖြင့် ဝယ်ယူလျက်ရှိသည့် အတွက် ယခင်နှစ်ထက် ဈေးနှုန်းပိုမိုရရှိကြောင်း မိကျောင်းကွမ်းဖတ်အစေ့မှာ အနီရောင်ဖြစ်၍ ဘိန်းစေ့ ခန့်သာရှိပြီး မြန်မာ့ဆေးကျမ်းများ အဆိုအရဆိမ့်၍ အနည်းငယ်ခါးသော အရသာရှိပြီး ပူ၍အားကိုဖြစ်စေ ကာ ဝမ်းမီတောက်စေပြီး အရေပြားပေါ်၌ ဖြစ်တက်သောရောဂါများ အနာအို အနာဟောင်းများ၊ မျက်စိနာ၊ လေနာ၊ ပွေးညှင်း၊ တင်းတိပ်နာရောဂါတို့အတွက် မြန်မာတိုင်းရင်းဆေး ဖော်စပ်ရာတွင် အသုံးပြုလျက်ရှိပြီး ပြည်ပဈေးကွက်တွင် တရုတ်နိုင်ငံသို့ တင်ပို့သည်ဟုသိရှိရပြီး Omega-3 ဓါတ်များ ပါဝင်သည့်အအတွက် အလှကုန်လုပ်ငန်းနှင့် ဆေးဖော်စပ်ရာတွင် အသုံးပြုလျက်ရှိကြောင်း ပုသိမ်ဈေးကွက်မှ ဝယ်ယူထားသော မိကျောင်းကွမ်းဖတ်များကို ရန်ကုန်မြို့မှ  ပြည်တွင်းပြည်ပဈေးကွက်သို့ တင်ပို့ရောင်းချလျက်ရှိကြောင့် သိရှိရပါသည်။

DOCA(ဧရာဝတီ)

          ဖျာပုံမြို့နယ်အတွင်းရှိ တစ်ပိုင်တစ်နိုင်လုပ်ကိုင်နေသော မုန့်မျိုးစုံများနှင့် “ရွှေဒေါင်းမင်း” ကွတ်ကီး မုန့်လုပ်ငန်းသည် ဈေးကွက်ကျယ်ကျယ်ပြန့်ပြန့်ရှိပြီး ထုတ်လုပ်သူအဖို့ အကျိုးစီးပွား ဖြစ်ထွန်းလျှက်ရှိကြောင်းသိရသည်။

          အဆိုပါ “ရွှေဒေါင်းမင်း” အလုပ်ရုံတွင် ထုတ်လုပ်နေသော ကွတ်ကီး မုန့်များ၏ တစ်နေ့ ထုတ်လုပ်နိုင်မှုအနေဖြင့် (၃၀)ထုပ် ထုတ်လုပ်နိုင်ပြီး တစ်လလျှင် (၉၀၀)ထုပ် ထုတ်လုပ်နိုင်ကာ ကွတ်ကီးမုန့်တစ်ထုပ်၏ အသားတင်ကုန်ကျစရိတ်မှာ (၂၃၀၀)ကျပ်၊ တစ်ထုပ်ပြန်ရောင်းဈေးမှာ (၃၄၀၀)ကျပ်ဖြစ်သည်။ သယ်ပို့ခ၊ တံဆိပ်ရိုက်ပြီး စက္ကူအိတ်ခ၊ မီတာခ၊ စုစုပေါင်း ကုန်ကျစရိတ် (၁၅၀၀)ကျပ်ဖြစ်သည်။ အလုပ်သမားခအနေဖြင့် မိသားစုများဝိုင်းဝန်းလုပ်ကိုင်လျှက်ရှိပြီး လုပ်သား (၁)ဦး ဌားရမ်းလျှက်ရှိပါသည်။ လုပ်သားခအနေဖြင့် တစ်နေလျှင် (၈၅၀၀)ကျပ် ပေးရသည်။   ထုတ်လုပ်သူ၏   အကျိုးအမြတ်အနေဖြင့်   ကုန်ကြမ်းပစ္စည်း     တန်ဖိုးနှင့်အခြား ကုန်ကျစရိတ်များ အနုတ်အသိမ်း ပြုလုပ်လျှင် ထုတ်လုပ်သူအတွက် ကွတ်ကီးမုန့်တစ်ထုပ်လျှင် (၁၁၀၀)ကျပ် အမြတ် ရှိပြီး တစ်နေ့အထုပ်(၃၀)ထုပ် လုပ်နိုင်သဖြင့် တစ်နေ့တာထုတ်လုပ်မှုအတွက် လုပ်ငန်းရှင်အနေဖြင့် အကျိုးအမြတ် (၃၃၀၀၀)ကျပ်ခန့်ရရှိ၍ တစ်လလျှင် (၉၀၀)ထုပ် ပုံမှန်ထုတ်လုပ်နိုင်ကာ တစ်လ အမြတ်မှာ (၉၉၀၀၀၀)ကျပ် ရရှိကြောင်း လုပ်ငန်းရှင် ဦးစည်သူစိုးထံမှ သိရသည်။

          စီးပွားရေးဈေးကွက်သဘောအရဝယ်လိုအားအနေဖြင့် လစဉ်ပုံမှန်ထုတ်လုပ် တင်ပို့ဖြန့်ဖြူး လျှက်ရှိပါသည်။ ဖျာပုံ၊ ဘိုကလေး၊ကျိုက်လတ် ဒေသများသို့ ဖြန့်ဖြူးလျှက်ရှိပြီး ယခုထက် ဈေးကွက်ချဲ့ထွင်ဖြန့်ဖြူးရောင်းချနိုင်ရန် ကြိုးပမ်းလျက်ရှိကြောင်း သတင်းရရှိပါသည်။

DOCA(ဧရာဝတီ)