ပြည်တွင်းကုန်သွယ်မှုသတင်း

            စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေ တို့အား ရေးသားတင်ပြလျက်ရှိရာ ယခုအခါ ကန့်ဘလူမြို့ပေါ်ရှိ ကုန်စုံဆိုင်များတွင်ရောင်းချလျက်ရှိသည့် နှမ်းပျစ်(ခေါ်)နှမ်းကပ်ယိုကို ကန့်ဘလူမြို့နယ်မှထွက်ရှိသလို ရွှေဘိုမြို့ရှိလက္ကားဆိုင်များမှ ဝယ်ယူရောင်းချကြောင်း သိရသည်။

            ၂၀၂၅ ခုနှစ်၊ မတ်လ တတိယပတ်တွင် ရောင်းချနေသော နှမ်းပျစ်(ခေါ်)နှမ်းကပ်ယို ဈေးနှုန်း မှာ(၁)ပိဿာလျှင် (၉၀၀၀၀)ကျပ်၊ (၅၀)ကျပ်သားလျှင် (၄၅၀၀)ကျပ်နှင့် (၁၀)ကျပ်သားလျှင် (၁၀၀၀)ကျပ်ဖြင့်ရောင်းချကြောင်း၊ နှမ်းပျစ်(ခေါ်)နှမ်းကပ်ယိုကို နှမ်းလှော်၊ ထန်းလျက် စသည့်တို့ ဖြင့်ပြုလုပ်ထားသည့်အတွက် လူကြီးလူငယ်မရွေး ကြိုက်နှစ်သက်၍ အရောင်းသွက်လျက်ရှိကြောင်း လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

            စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် လယ်ယာစိုက်ပျိုးရေးလုပ်ငန်းများအပြင် စားဖိုဆောင်သီးနှံများဖြစ်သည့် ကြက်သွန်နီ၊ မုံလာဥဖြူ၊ မုံလာထုပ်တို့လည်း တစ်နိုင်တစ်ပိုင်စိုက်ပျိုးကြကြောင်း၊ ကန့်ဘလူမြို့နယ်အတွင်းရှိ ကာဘိုးကျေးရွာနှင့် အခြားကျေးရွာများတွင် မိသားစုစားသုံးရန်နှင့် ပိုလျှံသည်များကို ရောင်းချရန်အတွက် ကြက်သွန်နီများစိုက်ပျိုးကြကြောင်း၊ ယခုအခါ ကြက်သွန်နီများထွက်ရှိ၍ ကန့်ဘလူမြို့သို့ တင်ပို့ရောင်းချလျက်ရှိကြောင်း သိရသည်။

             ၂၀၂၅ ခုနှစ်၊ မတ်လ တတိယပတ်အတွင်း ကြက်သွန်နီအလုံးကြီး တစ်ပိဿာလျှင် ၂၅၀၀ ကျပ်၊ အလုံးသေးတစ်ပိဿာလျှင် ၂၂၀၀ကျပ်ဖြင့်ရောင်းချကြောင်း၊ ယခင်အပတ်ဈေးနှုန်းများနှင့်နှိုင်း ယှဉ်ပါက ယခုပတ်အတွင်း ကြက်သွန်နီ(၁)ပိဿာလျှင် (၅၀၀)ကျပ်ကျဆင်းသွားကြောင်း ကြက်သွန် နီရောင်းဝယ်ရေး လုပ်ငန်းရှင်များထံမှ သိရှိရပါသည်။

DOCA(စစ်ကိုင်း)

          စားသုံးသူရေးရာဦးစီးဌာန၊ စစ်ကိုင်းတိုင်းဒေသကြီး၊ ကန့်ဘလူမြို့နယ်အနေဖြင့် ဒေသတွင်း စိုက်ပျိုးထွက်ရှိသည့် သီးနှံဈေးနှုန်းများ၊ ရာသီပေါ်အစားအစာများ၏ ဈေးနှုန်း၊ဈေးကွက်အခြေအနေတို့အား ရေးသားတင်ပြလျက်ရှိသည်။ ယခုအခါ ကန့်ဘလူမြို့ပေါ်တွင် ကြံရည်ရောင်းချသည့်ဆိုင်များ တစ်ဆိုင်ပြီးတစ်ဆိုင် မြင်တွေ့လာရသည်။

           နွေပူပူနှင့် ကြံရည်အေးအေးလေးက လိုက်ဖက်ပြီး စိတ်ကိုကြည်လင်လန်းဆန်းစေသောကြောင့် လူကြီးလူငယ်မရွေး ကြိုက်နှစ်သက်၍ အရောင်းသွက်လျက်ရှိကြောင်း၊ ၂၀၂၅ ခုနှစ်၊ မတ်လ တတိယပတ်တွင် ရောင်းချနေသော ကြံရည်ဈေးနှုန်းမှာ ခွက်ကြီးတစ်ခွက်လျှင် (၁၂၀၀)ကျပ်၊ ခွက်သေးတစ်ခွက်လျှင် (၈၀၀)ကျပ်ဖြင့် ရောင်းချကြောင်း၊ သဘာဝအတိုင်း ပြုလုပ်ရောင်းချခြင်း ဖြစ်ကြောင်း ကြံရည်အတွက်လိုအပ်သည့် ကုန်ကြမ်းကြံချောင်းများကို ကန့်ဘလူမြို့နယ် နတ်အင်းကျေးရွာနှင့် မြို့ပေါ်ရပ်ကွက်များမှ ဝယ်ယူရကြောင်း ကြံရည်ရောင်းချသည့် လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

ဘားအံမြို့၊ မတ်လ  ၁၈

           ကရင်ပြည်နယ်၊ ဘားအံမြို့ရေပေါ်ဈေး၌ မတ်လ တတိယပတ်အတွင်း ကုန်စိမ်းသီးနှံများ လှိုင်လှိုင်ဝင်ရောက်ကာ အရောင်းသွက်လျက်ရှိကြောင်း သိရသည်။

          ဈေးနှုန်းအနေဖြင့် ခရမ်းသီး တစ်ပိဿာလျှင်(၂၅၀၀)ကျပ်၊ခရမ်းချဉ်သီး တစ်ပိဿာလျှင် (၂၀၀၀)ကျပ်၊ ဂေါ်ဖီထုပ် တစ်ထုပ်လျှင် (၂၅၀၀)ကျပ်၊ပန်း‌ဂေါ်ဖီ တစ်ပွင့်လျှင်(၂၀၀၀) ကျပ်၊ လွှတ်တစ်ပိဿာလျှင်(၁၅၀၀)ကျပ်၊ငရုတ်ပွ တစ်ပိဿာလျှင်(၃၀၀၀)ကျပ်၊ခဝဲသီး တစ်ပိဿာ လျှင်(၂၅၀၀)ကျပ်၊ကြက်ဟင်းခါသီး တစ်ပိဿာလျှင်(၂၅၀၀)ကျပ်၊ ရုံးပတေသီး တစ်ပိဿာလျှင် (၁၅၀၀)ကျပ်၊ပဲတောင့်ရှည် အစည်းသေး(၈၀၀၀)ကျပ်၊(ငရုတ်စိမ်းတောင့်ရှည်) တစ်ပိဿာလျှင် (၃၀၀၀) ကျပ်၊ကန်စွန်းရွက် တစ်စည်းလျှင်(၁၀၀)ကျပ်၊ကင်းပွန်းချဉ်ရွက် တစ်စည်းလျှင် (၈၀၀) ကျပ်၊ ချဉ်ပေါင်ရွက် တစ်စည်းလျှင်(၂၀၀)ကျပ်၊ပူစီနံ တစ်စည်းလျှင်(၂၅၀)ကျပ်၊နံနံပင် တစ်စည်းလျှင် (၂၀၀)ကျပ်၊ဝါးမြစ်ပြုတ် တစ်ပိဿာလျှင်(၁၀၀၀၀)ကျပ်တို့ဖြစ် အရောင်းအဝယ်သွက်လျက်ရှိကြောင်း သိရသည်။

          ကရင်ပြည်နယ်ဒေသအတွင်း ယခုလိုကုန်စိမ်းသီးနှံဈေးနှုန်း အနည်းငယ်ကျရခြင်းမှာ စိုက်ခင်းသီးနှံများ လှိုင်လှိုင်ထွက်ခြင်းတို့နှင့် အခြားဒေသမှ သီးနှံများလည်း ဝင်ရောက်လာခြင်း တို့ကြောင့် ဖြစ်ကြောင်းသိရသည်။

DOCA(ကရင်)

           စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်သည် စိုက်ပျိုးရေးလုပ်ငန်းများဖြစ်သည့် စပါး၊ပဲမျိုးစုံနှင့် ဆီထွက်သီးနှံတို့ကို အဓိကစိုက်ပျိုးကြပြီး ရာသီစာသီးနှံများနှင့် စားဖို ဆောင်သီးနှံများကိုလည်း စိုက်ပျိုးကြသည်။

           ယခုအခါ ကန့်ဘလူမြို့နယ်အတွင်းရှိကျေးရွာများနှင့် မြို့ပေါ်ရပ်ကွက်များတွင် နွေပဲသီးကို တစ်နိုင်တစ်ပိုင်စိုက်ပျိုးကြကြောင်း၊ နွေပဲသီးသည် နွေရာသီတွင် လှိုင်လှိုင်ထွက်ရှိကြောင်း၊ နွေပဲသီးတွင်(၂)မျိုးရှိပြီး အဖြူရောင်နွေပဲသီးနှင့် အစိမ်းရောင်နွေပဲသီးတို့ဖြစ်ကြောင်း၊၂၀၂၅ခုနှစ် မတ်လတတိယပတ်အတွင်း ကန့်ဘလူမြို့မဈေးတွင်ရောင်းချလျက်ရှိသည့် နွေပဲသီး(၂၅)ကျပ်သားလျှင် (၁၀၀၀)ကျပ်၊ (၁)ပိဿာလျှင်(၄၀၀၀)ကျပ်ဖြင့်ရောင်းချကြောင်း၊ မြို့မဈေးရှိကုန်စိမ်း ရောင်းချသူတစ်ဦးထံမှ သိရှိရပါသည်။

DOCA(စစ်ကိုင်း)