ပြည်တွင်းကုန်သွယ်မှုသတင်း

      ပြည်ဈေးကွက်တွင် နောင်မွန်ဒေသထွက် လိုင်ချီးသီး၊ ရှမ်းပြည်ဒေသထွက် တောင်ပို့မှို၊ ရှမ်းပြည်ဒေသထွက် အင်ဥ၊ တောင်ငူဒေသထွက် ရေနီမျှစ်ချိုများ ရောင်းချနေသည်ကိုတွေ့ရှိရပါ သည်။ ၂၀၂၄ခုနှစ်၊ မေလကုန်တွင် ဈေးနှုန်းများအနေဖြင့် နောင်မွန်ဒေသထွက် လိုင်ချီးသီးများကို တစ်ပိဿာလျှင် ၈၅၀၀ကျပ်၊ ရှမ်းဒေသထွက် မှိုတစ်ပိဿာလျှင် ၁၀၀၀၀ကျပ်၊ ရှမ်းပြည်ဒေသထွက် အင်ဥ (၁၀)ကျပ်သားလျှင် ၈၀၀၀ကျပ်၊ ရေနီမျှစ်ချို (၂၅)ကျပ်သားလျှင် ၂၅၀၀ကျပ်နှင့် တစ်ပိသာလျှင် ၉၅၀၀ကျပ်ဈေးတို့ဖြင့်ရောင်းချလျက်ရှိပြီး ဝယ်ယူသူအများအပြားရှိကြောင်းသိရှိရပါသည်။

DOCA(ပဲခူး)

        ပြည်ကုန်စည်ဒိုင်တွင် ပဲမျိုးစုံရောင်းဝယ်လျက်ရှိပြီး မတ်ပဲ၊ ပဲစင်းငုံဈေးမှာ ဈေးနှုန်းမြင့်တက်လျက်ရှိကြောင်းသိရှိရပါသည်။

       မေလ တတိယပတ်တွင် မတ်ပဲတစ်တင်းကို ၁၀၄၀၀၀ကျပ်ဖြင့် ရန်ကုန်အဝယ်တစ်ရက်လျှင်အိတ် (၂၀၀/၅၀၀) ခန့်အဝယ်ရှိခဲ့ပါသည်။ စတုတ္ထပတ်တွင် မတ်ပဲဈေးနှုန်းမြင့်တက်လာပြီး ပဲတစ်တင်းကို ၁၀၇၀၀၀ကျပ်ဖြင့် ရန်ကုန်အဝယ်တစ်ရက်လျှင် အိတ်၂၅၀ခန့်အဝယ်ရှိပါသည်။ မေလ တတိယပတ်တွင် ပဲစင်းငုံတစ်တင်းကို ၁၃၈၀၀၀ကျပ်ဖြင့် ရန်ကုန်အဝယ်တစ်ရက်လျှင် အိတ်၃၀၀ခန့်ရှိခဲ့ပါသည်။ စတုတ္ထပတ်တွင် ပဲစင်းငုံတစ်တင်းကို ၁၃၉၀၀၀ကျပ်ဖြင့် ရန်ကုန်အဝယ်တစ်ရက်လျှင် အိတ်၂၅၀ခန့်အဝယ်ရှိခဲ့ပါသည်။

       မေလ တတိယပတ်တွင် ပြည်ကုန်စည်ဒိုင်၏ ကုလားပဲ(HL) တစ်တင်းကို (၈၄၀၀၀-၈၅၀၀၀) ကျပ်၊ မြကြေးမှုံတစ်တင်းကို (၈၇၀၀၀-၈၈၀၀၀) ကျပ်ဖြင့် မြို့တွင်းနှင့်ရန်ကုန်အဝယ် တစ်ရက်လျှင် အိတ်၃၀၀ခန့်အဝယ်ရှိခဲ့ပါသည်။ စတုတ္ထပတ်တွင် ကုလားပဲ (HL) တစ်တင်းကို (၈၄၀၀၀-၈၅၀၀၀) ကျပ်၊ မြကြေးမှုံတစ်တင်းကို (၈၈၀၀၀-၈၉၀၀၀) ကျပ်ဖြင့် မြို့တွင်းအဝယ်တစ်ရက်လျှင် အိတ်၂၅၀ခန့်ရှိခဲ့ပါသည်။

         ပြည်ကုန်စည်ဒိုင်၏ မေလ တတိယပတ်တွင် ပဲကြီး(ရွှေကျွန်း)တစ်တင်းကို ၉၀၀၀၀ကျပ်၊ ပဲကြီး(ကုန်းပဲ)တစ်တင်းကို ၈၅၀၀၀ကျပ်ဖြင့် မြို့တွင်းပဲကြော်သမားများ တစ်ရက်လျှင် အိတ်၂၅၀ခန့်အဝယ်ရှိခဲ့ပါသည်။ စတုတ္ထပတ်တွင် ပဲကြီး(ရွှေကျွန်း)တစ်တင်းကို ၉၀၀၀၀ကျပ်၊ ကုန်းပဲတစ်တင်းကို ၈၅၀၀၀ကျပ်ဖြင့် မြို့တွင်းအဝယ်တစ်ရက်လျှင် အိတ်၂၀၀ခန့်အဝယ်ရှိခဲ့ပါသည်။

          မေလ ပထမပတ်တွင် စားတော်ပဲ(ကျွန်း)တစ်တင်းကို ၉၀၀၀၀ကျပ်ဖြင့် မြို့တွင်းအဝယ်တစ်ရက်လျှင် အိတ် (၂၅/၃၀) ခန့်အဝယ်ရှိခဲ့ပါသည်။ စတုတ္တပတ်တွင် စားတော်ပဲ(ကျွန်း)တစ်တင်းကို ၁၀၀၀၀၀ကျပ်ဖြင့် မြို့တွင်းအဝယ်တစ်ရက်လျှင် အိတ်၂၅ခန့်ရှိပါသည်။

         မေလ တတိယပတ်တွင် ဘိုကိတ်ပဲတစ်တင်းကို (၆၈၀၀၀-၆၉၀၀၀) ကျပ်ဖြင့် မြို့တွင်းနှင့် ရန်ကုန်အဝယ်တစ်ရက်လျှင် အိတ် (၅၀/၁၀၀) ခန့်အဝယ်ရှိခဲ့ပါသည်။ စတုတ္ထပတ်တွင် ဘိုကိတ်ပဲတစ်တင်းကို ၇၀၀၀၀ကျပ်ဖြင့် မြို့တွင်းနှင့်ရန်ကုန်အဝယ်တစ်ရက်လျှင် အိတ် (၅၀/၁၀၀) ခန့်အဝယ်ရှိခဲ့ပါသည်။

         ပြည်ကုန်စည်ဒိုင်တွင် မတ်ပဲ၊ ပဲစင်းငုံမှာ အရောင်းအဝယ်သွက်ပြီး ကုလားပဲ၊ ပဲကြီး၊ စားတော်ပဲ၊ ဘိုကိတ်ပဲများမှာ အဝယ်ပုံမှန်သာရှိကြောင်းသိရှိရပါသည်။

DOCA(ပဲခူး)

      စိန်တလုံးသရက်သီးများသည် မေလဒုတိယပတ်အတွင်း စတင်၍ ပြည်တွင်းဈေးကွက်သို့ ရောက်ရှိလာနေပြီး၊ စိန်တလုံးသရက်သီးများကို မန္တလေးတိုင်းဒေသကြီးအတွင်းရှိ ခြံများတွင် စီးပွားဖြစ် စိုက်ပျိုး၍ ပြည်တွင်းဈေးကွက်သို့ တင်ပို့ရောင်းချလျက်ရှိနေပါသည်။

    ရောင်းချရာတွင်  Size အမျိုးအစားခွဲ၍ A –Size ၊ B-Size ၊ C -Size ဟူ၍ ရောင်းချရာ ယခင် မိုးရာသီတွင် မိုးရွာသွန်းမှုနည်းပါးပြီး မိုးရေချိန်ရရှိမှု နည်းပါသည့်အတွက် အသီးထွက်ရှိမှု နည်းပါခြင်း၊ အသီးအရွယ်အစားသေးငယ်သည့်အတွက် ယခုနှစ် ရောင်းချရာတွင် B-Size၊ C –Size ဟူ၍ နှစ်မျိုးသာ ရောင်းချလျက် ရှိနေပါသည်။

     အသီးပါဝင်မှုအနေဖြင့် 15kg B-Size ၁ ခြင်းတွင် (၅၀ မှ ၅၅) လုံးခန့်နှင့် 12kg ဂျပ်ဖာ-၁ဖာ တွင် (၄၄)လုံးခန့်၊ 15kg C-Size ၁ ခြင်းတွင် အလုံး ၆၀ နှင့် အထက်နှင့် 12kg ဂျပ်ဖာ-၁ဖာတွင် အလုံး ၅၀နှင့် အထက်ပါရှိပြီး ဈေးနှုန်းများအနေဖြင့်  ဈေးကွက်မှ သိရှိရပါသည်။

DOCA(ဧရာဝတီ)

       ၂၀၂၄ခုနှစ်၊ မေလတွင် ပြည်တွင်းစားသုံးမှုများသော ပဲအများစု၏ ဈေးနှုန်းများမှာ ပြည်ပဝယ်လိုအားကောင်းသော ပဲများထက်ပင် ဈေးကောင်းရနေသည်ကိုတွေ့ရပါသည်။ အဆိုပါပဲများမှာ ထောပတ်ပဲ၊ ပဲနီပြား၊ စားတော်ပဲသီးနှံများဖြစ်ကြပါသည်။ ပြည်ခရိုင်အတွင်း အဆိုပါပဲများမှာ စိုက်ပျိုးမှုလည်းနည်းပြီး ထွက်ရှိမှုလည်းနည်းခဲ့သောကြောင့် ဈေးကွက်၌ ပဲပေါ်ချိန်၊ အထွက်လှိုင်ချိန်များတွင်သာ လက်လီ/ လက်ကားအရောင်းအဝယ်ဖြစ်ပြီး ယခုကဲ့သို့ အဝင်ပါးချိန်တွင် လှောင်ပဲလက်ကျန်များဖြင့် လက်လီသမားများ နေ့စဉ်အဝယ်ရှိကြသည့် ပဲများဖြစ်ပါသည်။ ယခင်နှစ်ကတည်းက ပဲဈေးနှုန်းအားလုံးမှာ ဈေးကောင်းရရခဲ့ပြီး ထောပတ်ပဲ၊ ပဲနီပြား၊ စားတော်ပဲသီးနှံများလည်းဈေးကောင်းခဲ့ကာ စားတော်ပဲသီးနှံမှာ ပိဿာ (၂၀ ) ဝင် တစ်တင်း ၁၄၅၀၀၀ကျပ်အထိ ဈေးကောင်းရရှိခဲ့သည်ဟုသိရပါသည်။ ထို့ကြောင့် ၂၀၂၃ခုနှစ်၌ ပဲဈေးကွက်အတွင်း ပြည်တွင်း/ ပြည်ပဝယ်လက်ပဲများအားလုံးထက် စားတော်ပဲသီးနှံမှာ ဈေးအမြင့်ဖြင့် စံချိန်တင်ရရှိခဲ့သည့် သီးနှံဖြစ်ခဲ့ပါသည်။ နှစ်အလိုက် အဆိုပါပဲများ၏ ကာလတူအချိန်ရရှိခဲ့သော ဈေးနှုန်းများကို အောက်ပါအတိုင်း‌လေ့လာသိရှိရပါသည် -

စဉ်      ပဲအမျိုးအစား            ၂၀၂၁        ၂၀၂၂       ၂၀၂၃         ၂၀၂၄

                                         မေလ        မေလ        မေလ          မေလ

၁။      ထောပတ်ပဲ              ၂၇၀၀၀    ၄၆၀၀၀    ၉၀၀၀၀      ၁၀၅၀၀၀

၂။       ပဲနီပြား                   ၃၄၀၀၀    ၅၀၀၀၀    ၈၃၀၀၀      ၁၂၀၀၀၀

၃။      စားတော်ပဲ              ၅၀၀၀၀    ၈၅၀၀၀   ၁၄၅၀၀၀    ၁၀၀၀၀၀

       အဆိုပါဈေးနှုန်းများအရ ပဲအားလုံးမှာ တစ်နှစ်ထက်တစ်နှစ်ဈေးပိုရလာခဲ့ပြီး ၂၀၂၁ခုနှစ်နှင့် ၂၀၂၂ခုနှစ်တွင် ထောပတ်ပဲသီးနှံမှာ ဈေးနှုန်းလျော့နည်းခဲ့ရာမှ ၂၀၂၃ခုနှစ်နှင့် ၂၀၂၄ခုနှစ်တွင် ပဲနီပြား ဈေးထက် ဈေးပိုရရှိခဲ့ပြီး ယခုနှစ်တွင်မူ နှစ်စဉ် ဈေးအမြင့်၌ ရပ်တည်ခဲ့သော စားတော်ပဲသီးနှံထက်လည်းဈေးပိုခဲ့ပါသည်။

         ပဲနီပြားသီးနှံဈေးမှာ နှစ်စဉ် ထောပတ်ပဲသီးနှံဈေးထက်ဈေးပိုခဲ့ကာ  ၂၀၂၃ခုနှစ်တစ်နှစ်တည်းသာ ထောပတ်ပဲသီးနှံထက် ဈေးနှုန်းအနည်းငယ်လျော့နည်းသွားခဲ့ပါသည်။ ယခုနှစ်တွင်မူပဲနီပြားသီးနှံမှာ ထောပတ်ပဲထက်လည်း ဈေးပိုသွားသည့်အပြင် စားတော်ပဲသီးနှံထက်လည်းဈေးပိုရခဲ့သောကြောင့် ပဲဈေးကွက်မှာ ယခုနှစ်အတွင်း ဈေးကောင်းရလျက်ရှိသော  ပြည်ပဝယ်လက်၊ မတ်ပဲ၊ ပဲစင်းငုံသီးနှံများနည်းတူ ဈေးနှုန်းများမြင့်တက်လျက်ရှိပါသည်။

          စားတော်ပဲသီးနှံအနေဖြင့် အခြားပဲများအားလုံးနှင့်နှိုင်းယှဉ်လျှင် အခြားပဲများ ဈေးအေးခဲ့သည့် နှစ်များကတည်းက ဈေးအမြင့်ဖြင့်သာ ဈေးကွက်၌ ရပ်တည်လျက်ရှိပြီး ပဲတစ်တင်းလျှင် ကျပ်၅သောင်းအောက်လျော့မသွားဘဲ  ၂၀၂၁ခုနှစ်၌ပင် ပိဿာ (၂၀) ဝင် တစ်တင်းလျှင် ၅၀၀၀၀ကျပ်၊ ၂၀၂၂ခုနှစ်တွင်လည်း ဈေးနှုန်းများထပ်မံမြင့်တက်ခဲ့ကာ တစ်တင်းလျှင် ၈၅၀၀၀ကျပ်၊ ၂၀၂၃ခုနှစ်တွင် တစ်တင်းလျှင်  ၁၄၅၀၀၀ကျပ်ဖြင့် ဈေးအမြင့်ဆုံးရနေခဲ့ပြီး ယခုနှစ်၌ အခြားပဲသီးနှံဈေးနှုန်းများမြင့်တက်လာသော်လည်း စားတော်ပဲသီးနှံမှာ တစ်တင်းလျှင် ၁၀၀၀၀၀ကျပ်သာရရှိကြောင်း၊ ယခင်နှစ် ထောပတ်ပဲ၊ ပဲနီပြားသီးနှံထက်ပင် ဈေးလျော့ကာ ရောင်းဝယ်နေခဲ့ကြောင်းသိရပါသည်။အဆိုပါပဲများသည် ယခုကာလ၌ ပဲဈေးကွက်၌ လက်ကားရောင်းဝယ်မှုထက် လက်လီရောင်းဝယ်မှုပိုများကြောင်း လေ့လာသိရှိရပါသည်။

DOCA(ပဲခူး)

      ပဲခူးတိုင်းဒေသကြီး၊ ပြည်ပဲမျိုးစုံဈေးကွက်၌ နေ့စဉ် ပဲကြော်ဖိုလုပ်ငန်းသမားများဖြင့် အရောင်းအဝယ်ဖြစ်နေသောပဲသီးနှံမှာ ပဲကြီးသီးနှံဖြစ်ပြီး ပဲလက်ကျန်များမှာ နေ့စဉ်အရောင်းအဝယ် ဖြစ်နေခဲ့ပါသည်။ ၂၀၂၄ခုနှစ်၊ မေလတွင် ဒေသတွင်းပဲကြော်ဖိုလုပ်ငန်းသမားများ အဓိကဝယ်ယူမှုရှိကာ တစ်ရက်လျှင် အိတ် (၂၀၀/၃၀၀)_ ကျော်ရောင်းဝယ်မှုဖြစ်ခဲ့ပြီး ပဲဈေးမှာ (ရွှေကျွန်း) တစ်တင်းလျှင် ၉၂၀၀၀ကျပ်၊ (ကမ်းနား) တစ်တင်းလျှင် ၈၅၀၀၀ကျပ်ဖြင့်ရောင်းဝယ်နေခဲ့ကြပါသည်။  ယခင်နှစ်တွင် ပဲကြီးသီးနှံသည်  မတ်ပဲသီးနှံထက်ပင် ဈေးပိုမြင့်ခဲ့သော်လည်း ယခုနှစ်တွင်မူ ပဲကြီးသီးနှံဈေးနှုန်းမှာ သိသိသာသာမြင့်တက်လာခြင်းမရှိဘဲ မတ်ပဲသီးနှံအနေဖြင့် ယခုနှစ်၌ ပဲဈေးနှုန်းများသိသိသာသာမြင့်တက်လာခဲ့ကာ ကျပ်၁သိန်းကျော်အထိရရှိလာသည့်အတွက် ပဲကြီးသီးနှံဈေးနှုန်းထက် ဈေးပိုသွားခဲ့ပါသည်။ ယခင်နှစ် ကာလတူချိန်၌ ပဲကြီးသီးနှံဈေးနှုန်းမှာ (ရွှေကျွန်း) တစ်တင်းလျှင် ၁၀၀၀၀၀ကျပ်၊ (ကမ်းနား)တစ်တင်းလျှင် ၉၅၀၀၀ကျပ်ဖြင့် အသီးသီးရောင်းဝယ်မှုဖြစ်ခဲ့ကြသည့်အတွက် ယခုနှစ်ပဲကြီးဈေးနှုန်းမှာ ယခင်နှစ်ထက်ပင် ဈေးနှုန်းလျော့နည်းနေခဲ့ကြောင်းသိရှိရပါသည်။

DOCA(ပဲခူး)