ပြည်တွင်းကုန်သွယ်မှုသတင်း

             ချင်းကို မြန်မာနိုင်ငံအနှံ့အပြားတွင်စိုက်ပျိုးကြရာ တောင်ပေါ်‌ဒေသများတွင်အများ ဆုံးစိုက်ပျိုး ကြပါသည်။ ချင်း(ဂျင်း)ကို ဟင်းခတ်အမွှေးအကြိုင်၊ တိုင်းရင်းဆေးများဖော်စပ်ရာတွင်အသုံး ပြုကြပါသည်။ ချင်းကို မိတ္ထီလာခရိုင်၊ သာစည်မြို့နယ်ရှိတောင်ပေါ်ဒေသများတွင် အနည်းငယ် စိုက်ပျိုးကြ ကြောင်း၊ ၂၀၂၄-၂၀၂၅ ခုနှစ်တွင် သာစည်မြို့နယ်ချင်းစိုက်ဧက (၁၅၃)ဧကရှိပြီး အထွက်(၂၂၉၅၉၉) ပိဿာ ထွက်ရှိကြောင်း ကြေးတိုင်နှင့် မြေစာရင်းဦီးစီးဌာနစာရင်းအရသိရပါသည်။

                ချင်းကို မေလနှင့်ဇွန်လများတွင်စိုက်ပျိုးကြကြောင်း၊ ဒေသတွင်းမှာ အနည်းငယ်သာ ထွက်ရှိသဖြင့် ဈေးကွက်တွင် ရှမ်းပြည်နယ် အောင်ပန်း၊ ဟဲဟိုး၊ နာမ့်ဆန်မှအဝင်များကြောင်း၊ မိတ္ထီလာဈေးကွက် အတွင်းသို့ တစ်လလျှင်ကုန်ချိန်ပိဿာ(၂၀၀၀၀)မှ(၅၀၀၀၀)ခန့်ထိ ဝင်ရောက်လျက်ရှိကြောင်း၊ ချင်းဈေးနှုန်းအနေဖြင့် ပွဲရုံလက္ကားဈေး အနှိမ့်စတစ်ပိဿာလျှင်(၂၂၀၀)ကျပ် ၊အလတ်စတစ်ပိဿာလျှင် (၂၆၀၀)ကျပ်၊ ထိပ်စတစ်ပိဿာလျှင်(၂၉၀၀)ကျပ်ဈေး၊ လက်လီ တစ်ပိဿာ လျှင်(၄၀၀၀-၆၀၀၀) ကျပ် ဈေးဖြင့် အရောင်းအဝယ် ဖြစ်လျက်ရှိကြောင်း၊ ယခင်လနှင့် ကာလတူနှိုင်း ယှဉ်လျှင် ချင်းတစ်ပိဿာ လျှင်(၅၀၀)ကျပ်ခန့်ဈေးနှုန်းအနည်းငယ်ကျဆင်လာကြောင်း၊ ပြည်ပဝယ်လိုအားရှိလျှင် ဈေးနှုန်းမြင့် တက်လာနိုင်ကြောင်း ချင်းပွဲရုံများမှ သိရှိရပါသည်။

DOCA(မန္တလေး)

   ၂၀၂၅ ခုနှစ်၊‌ ဇွန်လ တတိယပတ်တွင် ကရင်ပြည်နယ် ဘားအံမြို့အတွင်း ဒူးရင်းသီးများ ဝင်ရောက် လျက်ရှိကြောင်း သိရှိရသည်။ ထိုဒူရင်းသီးများသည် ကရင်ပြည်နယ် ကော့ကရိတ်မြို့မှ ဒေသထွက် ဒူးရင်းသီး ဝင်ရောက်လျက်ရှိကြောင်း သတင်းရရှိပါသည်။

   ဒူးရင်းသီးလို့ဆိုလိုက်ရင်ဖြင့် ဒူးရင်းသီးများထွက်ရှိရာ မွန်ပြည်နယ်အပြင် ကရင်ပြည်နယ်ကိုပါ တွဲမြင်မိကြသည်။ ဒူးရင်းသီးကို မွန်ပြည်နယ်အပြင် ကရင်ပြည်နယ်ရှိ မြို့နယ်များမှာလည်း ထွက်ရှိကြ သည်။ ကရင်ပြည်နယ်အတွင်း ဒူးရင်းသီးထွက်ရှိသောမြို့နယ်များမှာ သံတောင်ကြီး၊ ဖာပွန်၊ ကော့ကရိတ်၊ ကြာအင်းဆိပ်ကြီး မြို့နယ်များတွင် ရာသီစာဒူးရင်းသီးများထွက်ရှိကြသည်။ ဒူးရင်းသီးကို စားသုံးခြင်း အားဖြင့် အစာအခြေစနစ်ကျန်းမာခြင်း၊ နှလုံးသွေးကြောရောဂါ ကာကွယ်ခြင်း၊ သွေးတွင်းသကြားဓာတ် ထိန်းပေးနိုင်ခြင်း၊ သွေးပေါင်ချိန်ထိန်းညှိပေးခြင်း၊ ကိုယ်အလေးချိန်တက်စေခြင်း၊ ကိုယ်ခံအားကောင်း စေခြင်း၊ ကင်ဆာဖြစ်နိုင်ခြေကိုလျှော့ချပေးခြင်း၊ အရိုးအဆစ်သန်မာစေခြင်း၊ သွေးအားနည်းတာကို သက်သာစေခြင်း စသည့် အကျိုးကျေးဇူးများရှိသည်။ အနံ့အီဆိမ့်ပြီး စားလိုက်ရင် ဘယ်လောက်စားစား မဝနိုင်တဲ့ ဒူးရင်းသီးလေးကိုတော့ ကြိုက်တဲ့သူများရှိသလို မကြိုက်တဲ့သူများလည်းရှိကြသည်။

   ကရင်ပြည်နယ်ဒေသထွက် ဒူးရင်းသီးဈေးနှုန်းမှာ အလုံးသေး တစ်လုံးလျှင် (၉,၀၀၀/၁၂,၀၀၀) ကျပ်၊ အလုံးလတ် တစ်လုံးလျှင် (၁၈,၀၀၀/၂၀,၀၀၀)ကျပ်၊ အလုံးကြီးတစ်လုံးလျှင် (၂၅,၀၀၀/ ၃၀,၀၀၀) ကျပ် အထိ ဈေးနှုန်းများရှိကြောင်း သတင်းရရှိပါသည်။

DOCA(ကရင်)

      ၂၀၂၅ ခုနှစ်၊‌ ဇွန်လ တတိယပတ်တွင် ကရင်ပြည်နယ် ဘားအံမြို့ ရေပေါ်ဈေးအတွင်း မင်းကွတ် သီးများ ဝင်ရောက်လျက်ရှိကြောင်း သိရှိရသည်။ ထိုမင်းကွတ်သီးများအား မွန်ပြည်နယ်မှ ဝင်ရောက် နေကြောင်း သတင်းရရှိပါသည်။

      မင်းကွတ်သီးဟာ ချိုချိုချဉ်ချဉ် အရသာရှိသောကြောင့် တော်တော်များများက အအိပြေစေတဲ့ အသီးအဖြစ်စားသုံးကြသည်။ နောက်တစ်ခုကတော့ ဒူးရင်းသီးနဲ့ မင်းကွတ်သီးဟာ ပေါ်တဲ့ရာသီ ချင်း တူတာကြောင့် ဒူးရင်းသီးစားပြီး အီတယ်ဆိုရင် မင်းကွတ်သီး ချဉ်ချဉ်လေးကို တွဲဖတ်စားသုံးကြပါသည်။ မင်းကွတ်သီး စားသုံးခြင်းအားဖြင့် ကယ်လိုရီနည်းခြင်း၊ ဗီတာမင်စီပါဝင်ခြင်း၊ သွေးလည်ပတ်မှု ကောင်းမွန်စေခြင်း၊ ကင်ဆာဖြစ်ပွားမှုကို လျော့ချပေးခြင်း၊ ဓမ္မတာမှန်ခြင်း၊ ဆီးချိုအရမ်းမတက်ခြင်း၊ အသားအရေပြဿာနာတွေ ရှင်းပေးခြင်း၊ ဆဲလ်သေတွင်ဖယ်ရှားခြင်း စသည့်အကျိုးကျေးဇူးများရရှိ စေနိုင်ပါသည်။ မင်းကွတ်သီးကို သကြားနှင့်တွဲဖတ်၍ မစားသုံးသင့်ကြောင်း သတိပြုသင့်ပါသည်။            ကရင်ပြည်နယ်အတွင်းဝင်ရောက်လာသော မင်းကွက်သီးလက်လီဈေးနှုန်းအခြေအနေမှာ အလုံးသေး တစ်လုံးလျှင် (၁၀၀)ကျပ်၊ အလုံးလတ် တစ်လုံးလျှင် (၂၅၀) ကျပ်နှင့် အလုံးကြီး တစ်လုံးလျှင် (၃၅၀) ကျပ် အထိ ဈေးနှုန်းများရှိကြောင်းသတင်းရရှိပါသည်။

DOCA(ကရင်)

            မိတ္ထီလာခရိုင်တွင် ပဲမျိုးစုံစိုက်ပျိုးကြရာမှ ထောပတ်ပဲကို မိုး၊ ဆောင်းရာသီနှစ်မျိုးလုံး စိုက်ပျိုး ကြပါသည်။ ထောပတ်ပဲ(မိုး)ကို ဩဂုတ်လနှင့် စက်တင်ဘာလများတွင် စိုက်ပျိုးပြီး ဒီဇင်ဘာ၊ ဇန်နဝါရီ လများတွင်ရိတ်သိမ်းကြကြောင်း၊ထောပတ်ပဲ(ဆောင်း)ကို အောက်တိုဘာ၊နိုဝင်ဘာလများတွင်စိုက်ပျိုး ပြီး ဇန်နဝါရီ၊ဖေဖော်ဝါရီလများတွင် ရိတ်သိမ်းရပါသည်။ မိတ္ထီလာခရိုင်တွင်ထောပတ်ပဲကို မိတ္ထီလာ၊ သာစည်၊မလှိုင်၊ဝမ်းတွင်း (၄)မြို့နယ်လုံးစိုက်ပျိုးကြကြောင်း၊ ၂၀၂၄-၂၀၂၅ ခုနှစ်၊ ထောပတ်ပဲစိုက်ဧက (၅၉၅၀)၊အထွက်(၂၉၃၃၃)တင်းထွက်ရှိခဲ့ကြောင်း ကြေးတိုင်နှင့်မြေစာရင်းဦီးစီးဌာနစာရင်းအရ သိရပါသည်။

             ထောပတ်ပဲကိုရာသီပေါ်ချိန်၌ ဈေးကာင်းရသဖြင့်အစိုခူးဆွတ်၍ မိတ္ထီလာဈေးကွက် ရောင်းချမှု များလည်းရှိကြောင်း၊ ဈေးကွက်အတွင်း ယခုဇွန်လတတိယပတ်တွင် ပွဲရုံများ၌ ထောပတ်ပဲအများ ဆုံးစိုက်ပျိုးသည့်  မိတ္ထီလာမြို့နယ် ချောက်ပင် ၊ခင်လူး၊ ရွာသာကျေးရွာများနှင့် သာစည်မြို့နယ် ပေါက်တော၊ပေါက်သန်း၊ ရှမ်းရွာများမှ တစ်ပတ်လျှင် ထောပတ်ပဲ အိတ်(၁၀၀-၂၀၀)ခန့်အဝင်ရှိကြောင်း၊ ဈေးနှုန်းအနေဖြင့် ထောပတ်ပဲတစ်တင်းလျှင်(၉၅၀၀၀-၁၀၀၀၀၀)ကျပ်ဖြင့် အရောင်းအဝယ်ဖြစ် လျက်ရှိ ကြောင်း၊ယခင်လနှင့်ကာလတူနှိုင်းယှဉ်လျှင် ထောပတ်ပဲတစ်တင်းလျှင် (၅၀၀၀-၁၀၀၀၀)ကျပ်ထိ ဈေးနှုန်းမြင့်တက်လာကြောင်း၊ ဈေးကွက်အနေဖြင့် မန္တလေးသို့အဓိက တင်ပို့ရောင်းချကြကြောင်း၊ ဈေးနှုန်းမြင့်တက်လာရခြင်းမှာ ပြည်ပအဝယ်လိုက်ခြင်းကြောင့်ဖြစ်သည် ဟုပဲမျိုးစုံပွဲရုံများမှ သိရှိရပါသည်။

DOCA(မန္တလေး)

  မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့  ကုန်စိမ်းသီးနှံဈေးကွက်တွင် စားသုံးသူများ နေ့စဉ်နှင့်အမျှ ဝယ်ယူသုံးစွဲလျက်ရှိသည့် ကြက်သွန်ဖြူသီးနှံများလည်း နေ့စဉ်အရောင်းအဝယ် ဖြစ်လျက်ရှိပြီး ၂၀၂၅ခုနှစ်၊ ဇွန်လ(တတိယပတ်)တွင် ဈေးအနည်းငယ် မြင့်တက်၍ အရောင်းအဝယ် ဖြစ်ကြောင်း သိရှိရသည်။ စိုက်ပျိုးမှုအနေဖြင့် မကွေးတိုင်းဒေသကြီး အအေးပိုင်းဒေသများဖြစ်သည့် ဆော၊ ကျောက်ထု၊ ပေါက်ဒေသများတွင် အများဆုံး စိုက်ပျိုးကြောင်း၊ ယခုအချိန်တွင် ပခုက္ကူ ဈေးကွက်သို့  ယောဒေသထွက် ကြက်သွန်ဖြူများ ဝင်ရောက်ပြီး ဈေးမြင့်၍ အရောင်းအဝယ် ဖြစ်ကြောင်း  သိရှိရသည်။

  ဈေးနှုန်းအနေဖြင့် ၂၀၂၅ခုနှစ်၊ ဇွန်လ(တတိယပတ်)တွင် ဗမာကြက်သွန်ဖြူ အလုံးအကြီး အသေးနှင့် အရည်အသွေးလိုက်၍ တစ်ပိဿာလျှင် ကျပ်(၁၂၀၀၀-၇၀၀၀)ဈေးဖြင့် အရောင်းအဝယ် ဖြစ်ကြောင်း၊ ရှမ်းကြက်သွန်ဖြူ(ဥကြီး)မျိုး တစ်ပိဿာလျှင် ကျပ်(၁၃၀၀၀-၈၀၀၀)ဈေးရှိပြီး ယခင် မေလ(စတုတ္ထပတ်)နှင့် ဈေးနှုန်းနှိုင်းယှဉ်ပါက တစ်ပိဿာလျှင် ကျပ်(၂၀၀၀)ခန့် ဈေးတက်ပြီး အရောင်းအဝယ်ဖြစ်ကြောင်း ကုန်စိမ်းသီးနှံရောင်းဝယ်ရေးဈေးကွက်မှ သိရှိရပါသည်။

DOCA(မကွေး)