ပြည်တွင်းကုန်သွယ်မှုသတင်း

             မိတ္ထီလာမြို့ဈေးကွက်အတွင်းသို့ ဇွန်လပထမပတ်မှစ၍ သစ်တော်သီးများ စတင်ဝင်ရောက် လာကြောင်းသိရပါသည်။သစ်တော်သီးများကို ရှမ်းပြည်နယ် ပင်လောင်းဘက်မှအများဆုံး ဝင်ရောက်လာသည်ဟုသိရပါသည်။ သစ်တော်သီးများသည် အအေးပိုင်းဒေသတွင်စိုက်ပျိုးပြီး အအေးပိုင်းဒေသ အထက်အပူပိုင်းဒေသတွင် စားသုံးမှုပိုများကြောင်းသိရပါသည်။ သစ်တော်သီးသည် အစာခြေစနစ်ကို ကောင်းမွန်စေပြီး ရင်အေး၍ ဝမ်းမှန်စေသည်။ နှလုံးကျန်းမာရေးအတွက်လည်း စားသုံးသင့်သော ဆေးဘက်ဝင် သစ်သီးတမျိုး ဖြစ်သည်။ ဇွန်လပထမပတ်တွင် သစ်တော်သီးအကြီးတစ်လုံး လျှင် (၇၀၀) ကျပ် မှ (၉၀၀) ကျပ်ထိ ရောင်းချပြီး သစ်တော်သီး အလုံးသေးတစ်လုံးလျှင် (၄၀၀) ကျပ် မှ (၆၀၀) ကျပ်ထိ ရောင်းချခဲ့ပြီး ယခုဒုတိယပတ်တွင် သစ်တော်သီးအကြီးတစ်လုံး လျှင် (၆၀၀) ကျပ် မှ (၈၀၀) ကျပ်ထိ ရောင်းချပြီး သစ်တော်သီး အလုံးသေးတစ်လုံးလျှင် (၃၀၀) ကျပ် မှ (၅၀၀)ကျပ်ထိ ရောင်းချနေကြောင်းသိရှိရပါသည်။

ယခင်အပတ်နှင့် ယခုအပတ်နှိုင်းယှဉ်လျှင် အကြီး/သေး တစ်လုံးလျှင် (၁၀၀)ကျပ်ခန့် ဈေးနှုန်း ကျဆင်းလာကြောင်းသိရပါသည်။ ဈေးနှုန်းကျဆင်းလာရခြင်းမှာ ‌ဈေးကွက်အတွင်း သစ်တော်သီးများ အဝင်များလာခြင်းကြောင့် သိရှိရပါသည်။

DOCA(မန္တလေး)

  မြင်းခြံမြို့နယ်အတွင်းရှိ ရောင်းချနေသော နာနတ်သီးများကို မန္တလေးမြို့ရှိ သစ်သီး ပွဲရုံများမှ ဝယ်ယူ၍ ဒေသတွင်းဖြန့်ဖြူး ရောင်းချကြောင်း ၊ နာနတ်သီးတွင် မျိုးအုပ်စု(၃)မျိုး ရှိကြောင်း၊ အဝါ ရောင်ရှိ၍ အရည်ရွှမ်းသောအုပ်စုမျိုး၊ အသီးအရွယ်အစားငယ်သော အုပ်စုမျိုးနှင့် အသားအဖြူရောင် ရှိသော အုပ်စုမျိုး တို့ဖြစ်ကြောင်းသိရှိရသည်။

  မြင်းခြံမြို့၊ မြို့မဈေးအတွင်းရှိ သစ်သီးဆိုင်များတွင် ၂၀၂၅ ခုနှစ်၊ ဇွန်တတိယပတ်တွင်  ရောင်းချနေသော နာနတ်သီးတစ်လုံးလျှင် (၁၅၀၀-၂၀၀၀-၂၅၀၀) ကျပ် ပေါက်ဈေးများရှိ ကြောင်း၊ အသီးအရွယ်အစား အကြီး၊ အသေးနှင့် အရည်အသွေးပေါ်မှုတည်၍ ဈေးနှုန်းများ ကွာခြားကြောင်း၊ ရာသီပေါ်နာနတ်သီးများ ဈေးကွက်တွင် အရောင်းအဝယ်သွက်လျက်ရှိ‌ကြောင်း သစ်သီးရောင်းချသူ တစ်ဦး၏ ပြောပြချက်အရသိရှိရသည်။ နာနတ်သီးတွင် ဗီတာမင်များစွာ ပါဝင်သည့်အတွက် ကျန်းမာရေးအတွက် အကျိုးကျေးဇူးများစွာရှိကြောင်း၊ စားသုံးခြင်းဖြင့် ကိုယ်ခံအားကိုမြင့်မားစေပြီး ရောဂါဝင်ရောက်မှုကို ကာကွယ်ပေးကြောင်း၊ သကြားဓာတ်ပါဝင် သောကြောင့် ပင်ပန်းနွမ်းနယ်မှုကို သက်သာပြီး အအေးမိတုပ်ကွေးရောဂါဖြစ်ခြင်းမှကာကွယ်၍ ကိုယ်ခံအားကောင်းစေကြောင်း၊ အရိုးများကိုသန်မာစေ၍ အရိုးပွခြင်းကိုကာကွယ်ပေးကြောင်း၊ အမျှင်ဓာတ်ပါဝင်သောကြောင့် အစာအိမ်နှင့် အူလမ်းကြောင်း ကျန်းမာရေးကိုအထောက် အကူပြု သောကြောင့် အာဟာရပြည့်ဝပြီး လတ်ဆတ်သော နာနတ်သီးများကို ရွေးချယ်စားသုံးသင့် ပါကြောင်း သိရှိရသည်။

DOCA(မန္တလေး)

            သာစည်မြို့နယ်၊ ကွမ်းခြံရိုးကျေးရွာတွင် လယ်ယာစိုက်ပျိုးရေးလုပ်ငန်းများ ဖြစ်ထွန်း အောင်မြင် လျက်ရှိရာ သကြားပြောင်းဖူးကို စီးပွားဖြစ် စိုက်ပျိုးလျက်ရှိကြောင်းသိရသည်။ သကြားဖြောင်းဖူးကို စိုက်ပျိုးရာတွင် နှစ်လခွဲ သုံးလကြာမြင့်ပြီး တစ်နှစ်ပတ်လုံး (၃-၄) သီးစိုက်ပျိုးကြသည်။ သကြားဖြောင်း ဖူး စိုက်ပျိုးရန်အတွက် တစ်ဧကလျှင် (၇၀၂) မျိုးစေ့ထုပ် ငါးထုပ်စိုက်ပျိုးရကြောင်း၊မျိုးစေ့တစ်ထုပ်လျှင် (၇၅၀၀၀)ကျပ်ဖြင့် (၃၇၅၀၀၀)ကျပ်ကုန်ကျကြောင်း၊ ထယ်၊ထွန်တစ်ဧကလျှင် စုစုပေါင်း(၅၇၅၀၀၀) ကျပ်ခန့် ကုန်ကျစရိတ်ရှိကြောင်း၊ သကြားပြောင်း စိုက်ပျိုးရကြောင်း၊ သကြားပြောင်းဖူးမှာစိုက်ပျိုးပြီး(၂)လခွဲ(၃)လတွင် ရိတ်သိမ်းရသဖြင့် စီးပွားရေး အတွက် ဝင်ငွေရရှိရန် လွယ်ကူသည့် သီးနှံတစ်မျိုးဖြစ်ပါ သည်။တစ်ဧက အထွက်နှုန်းအနေဖြင့် အဖူး(၈၀၀၀)မှ (၁၀၀၀၀)အထိ ထွက်ရှိပြီး ပွဲစားဈေးရသဖြင့် တောင်သူအကျိုးအမြတ်များကြောင်း ဈေးကွက်အနေဖြင့်ရန်ကုန်၊မန္တလေးနှင့်တောင်ကြီးမြို့များသို့ တင်ပို့ကြောင်း သိရှိရပါသည်။

DOCA(မန္တ‌လေး)

    သခွားပင်သည် ဘူးပင်၊ ဖရုံပင်ကဲ့သို့ နွယ်ပင်အမျိုးအစားဖြစ်ပါသည်။ သခွားသီးသည် ရာသီ မရွေးစိုက်ပျိုးနိုင်သော အပင်ဖြစ်သောကြောင့် အချိန်အခါမရွေး စားသုံးလို့ရသော သီးနှံဖြစ်ပါသည်။ သခွားသီးသည် ရင်ကိုအေးမြစေပြီး ကျန်းမာရေးနှင့်လည်း ညီညွတ်သော ကြောင့် စားသုံးပေးသင့် သော အသီးဖြစ်ပါသည်။ သခွားသီးကို အတို့အမြှပ်ဖြင့်လည်းကောင်း၊ သံပုရာသီးနှင့် သခွားချဉ်ပြု လုပ်၍လည်းကောင်း၊ အကင်ဆိုင်များတွင်လည်းကောင်း ၊ ဝက်သား ဒုတ်ထိုးဆိုင်များ တွင်လည်းကောင်း လူကြိုက်များသော သီးနှံဖြစ်ကြောင်း သိရသည်။ သခွားသီးသည် အစိမ်းသီးနှင့်အဖြူသီး (၂) မျိုး ရှိပါသည်။ သခွားသီးအဖြူသည် မြေယာကောင်းမွန်လျှင် သန်သန် ထွားထွားရှည် ရှည်ကြီးများ ဖြစ်ပြီး၊ အစိမ်းသီးသည် ပုပုတိုတိုဝိုင်းဝိုင်းပုံသဏ္ဍာန်ဖြစ်ပါသည်။ မြင်းခြံမြို့ အေးမြသီတာဈေးတွင် မတ်၊ ဧပြီလတွင်လှိုင်လှိုင်ပေါ်ပြီး သခွားသီးအဖြူ အကြီးတစ်လုံးလျှင် (၁၀၀၀)ကျပ်၊အလတ်တစ်လုံး လျှင်(၈၀၀)ကျပ်နှင့် အသေးတစ်လုံးလျှင် (၅၀၀)ကျပ်ဈေးရှိခဲ့ကြောင်း၊ ယခုအခါ ဇွန်လဆန်းတွင်  သခွားသီးအဖြူအကြီးတစ်လုံး (၁၅၀၀)ကျပ်၊ အလတ်တစ်လုံး (၁၀၀၀)ကျပ်၊ အသေးတစ်လုံးလျှင် (၅၀၀/၈၀၀)ကျပ်ဖြစ်ပြီး အစိမ်း သီးတစ်လုံးလျှင် (၅၀၀/၈၀၀)ကျပ် ဈေးဖြင့် အရောင်းအဝယ်ဖြစ် လျှက်ရှိကြောင်း ဟင်းသီးဟင်းရွက်နှင့်အသီးနှံအရောင်းဆိုင်များမှ သိရှိရသည်။

DOCA(မန္တလေး)

       စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့်  ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်းသိရပါသည်။

     ပြည်တွင်းလိုအပ်ချက်ကိုဖြည့်ဆည်းပေးနိုင်ရေးစားအုန်းဆီကို ပြည်ပမှဝယ်ယူတင်သွင်း ရာတွင် စားအုန်းဆီတင်ပို့သည့်နိုင်ငံများ၏ စျေးနှုန်းအတက်အကျပေါ်မူတည်၍ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေးကို ထိန်းကျောင်းဆောင်ရွက်လျက်ရှိသည်။

    ပြည်ပမှစားအုန်းဆီထုတ်လုပ်တင်ပို့သည့်နိုင်ငံများတွင် ဈေးကွက်နှင့် ဈေးနှုန်းဖြစ်ပေါ် မှုများအရ ၂၀၂၅ ခုနှစ်၊ ဇွန်လ ၂၃ ရက်နေ့မှ  ၂၉  ရက်နေ့အထိ ရန်ကုန်အထိုင်ဈေး အခြေခံ လက်ကားရည်ညွှန်းဈေးနှုန်းမှာ စားအုန်းဆီတစ်ပိဿာလျှင် ငွေကျပ်၆,၀၈၀ဖြစ်ကြောင်း စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက အသိပေး ထုတ်ပြန်ကြေညာထားကြောင်းသိရှိရပါ​သည်။      

    ပြည်တွင်းဈေးကွက်အတွင်း အဆိုပါထုတ်ပြန်ကြေညာထားသည့် စျေးနှုန်းထက်   ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီး ကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည်ကြောင်းသိရှိရသည်။

   စားအုန်းဆီ အခြေခံလက်ကားရည်ညွှန်းဈေးနှုန်းကို အပတ်စဉ်တနင်္လာနေ့တိုင်းထုတ် ပြန်ကြေညာလျက်ရှိပြီး စားသုံးသူပြည်သူများအနေဖြင့် စားသုံးသူရေးရာဦးစီးဌာန၏ Website: www.doca.gov.mm၊  Facebook Page  နှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တို့တွင် ဝင်ရောက် ကြည့်ရှုလေ့လာနိုင်ကြောင်းသိရှိရပါသည်။