ပြည်တွင်းကုန်သွယ်မှုသတင်း

     သထုံခရိုင်အတွင်းရှိ မြို့နယ်များတွင် ဇွန်လ၊ ပထမအပတ်တွင် စပါး၊ ဆန်ဈေးနှုန်းမှာ အတက်ဘက်သို့ ဦးတည်လျက်ရှိခဲ့ပါသည်။ သထုံခရိုင်အတွင်းမှ အခြားတိုင်းဒေသကြီးနှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်ခရိုင်သို့ (၃၅၀၀) အိတ်ခန့်၊ ကရင်ပြည်နယ်သို့ (၁၆၇၀) အိတ်ခန့်၊ စုစုပေါင်း(၅၁၇၀)  အိတ်ခန့်၊ တန်ချိန်အားဖြင့် (၂၄၉) တန်ခန့်စီးထွက်ခဲ့ပါသည်။ ယခုဇွန်လ၊ ဒုတိယအပတ်တွင် မော်လမြိုင်ခရိုင်သို့ (၃၅၀၀) အိတ်ခန့်၊ ကရင်ပြည်နယ်သို့ (၁၉၀၀) အိတ်ခန့်၊ စုစုပေါင်း (၅၄၀၀)  အိတ်ခန့်၊ တန်ချိန်အားဖြင့် (၂၆၀) တန်ခန့်စီးထွက်ခဲ့ပြီး ယခင်ပထမအပတ်နှင့်နှိုင်းယှဉ်ပါက ပုံမှန်အတိုင်းစီးထွက်ခဲ့ပါသည်။

      သထုံခရိုင်အတွင်းသို့ ဇွန်လ၏ ပထမအပတ်တွင် ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၄၀၀) အိတ်ခန့်၊ ပဲခူးတိုင်းဒေသကြီးမှ (၅၀၀) အိတ်ခန့်၊ စုစုပေါင်း (၉၀၀) အိတ်ခန့်၊ တန်ချိန်အားဖြင့် (၄၃) တန်ခန့်စီးဝင်ခဲ့ပြီး၊ ဇွန်လ၏ ဒုတိယအပတ်တွင် ရန်ကုန်တိုင်းဒေသကြီးမှ (၁၃၀၀) အိတ်ခန့်၊ ပဲခူးတိုင်းဒေသကြီးမှ (၁၈၀၀) အိတ်ခန့်၊ စုစုပေါင်း (၃၁၀၀) အိတ်ခန့်၊ တန်ချိန်အားဖြင့် (၁၄၉) တန်ခန့်စီးဝင်ခဲ့ပြီး၊ သထုံခရိုင်အတွင်းသို့ ဆန်စီးဝင်မှုနှုန်းမှာ ယခင်အပတ်နှင့်နှိုင်းယှဉ်ပါက အနည်းငယ်ပို၍စီးဝင်ခဲ့ပါသည်။

  သထုံခရိုင်အတွင်း၌ ဇွန်လ၏ ဒုတိယအပတ်တွင် ဆန်ဈေးနှုန်းများမှာ စပါးတင်း (၁၀၀) လျှင် ဒေသပေါက်ဈေး ကျားပျံဟိုတယ် ကျပ်(၄၀၀၀၀၀၀)ခန့်၊ ပေါ်ဆန်းဝါ ကျပ်(၃၈၀၀၀၀၀) ခန့်၊ ကမာကြည် ကျပ်(၃၀၀၀၀၀၀)ခန့်၊ ဧည့်မထ ကျပ်(၂၃၀၀၀၀၀)ခန့်နှင့် (၂၄) ပြည်ဝင် ဆန် တစ်အိတ်လျှင် ကျားပျံဟိုတယ် ကျပ်(၁၅၈၀၀၀)ခန့်၊ ပေါ်ဆန်းဝါ ကျပ် (၁၅၀၀၀၀) ခန့်၊ ကမာကြည် ကျပ်(၁၂၅၀၀၀)ခန့်၊ ဧည့်မထ ကျပ်(၈၅၀၀၀)ခန့်ရှိပြီး ယခုအပတ်၏ စပါး၊ ဆန်ဈေးနှုန်းများမှာ ယခင်အပတ်တိုင်း တည်ငြိမ်လျက်ရှိကြောင်းသိရှိရပါသည်။

DOCA(မွန်)

     တောင်ထန်းဖက်များကို အိမ်အမိုးမိုးရန်နှင့် လယ်တဲများအမိုးပြုလုပ်ရန်တို့အတွက် အသုံးပြုကြသည်။ တောင်ထန်းများမှာ ဖေဖော်ဝါရီလနှင့် မတ်လတို့တွင်ထွက်ရှိသည်။ ယခုမိုးရာသီရောက်ရှိလာပြီဖြစ်၍ အိမ်အမိုးများအသစ်လဲလှယ်ကြရန် တောင်ထန်းဖက်များကို ဝယ်ယူမှုများနေသဖြင့် ဈေးကောင်းရလျက်ရှိသည်။ ဈေးနှုန်းမှာ အကတ်၁၀၀လျှင် ၂၅၀၀၀ကျပ်အထိဈေးနှုန်းရရှိကြောင်းသိရှိရသည်။ ဘီးလင်းမြို့နယ်ရှိ အလူးလေး၊ အလူးကြီး၊ ပိုင်ဒဝယ်ကျေးရွာများတွင် တောင်ထန်းအများအပြားထွက်ရှိပြီး ထွက်ရှိလာသောတောင်ထန်းများကို ဒေသအတွင်းအသုံးပြုသည့်အပြင် ပဲခူးတိုင်းဒေသကြီးသို့လည်း တင်ပို့ရောင်းချလျက်ရှိကြောင်းသိရှိရပါသည်။

DOCA(မွန်)

     ကရင်ပြည်နယ်၊ ဘားအံမြို့ ရေပေါ်ဈေးတွင် ရောင်းချလျက်ရှိသော ကြက်ဥ / ဘဲဥ ဈေးနှုန်းများမှာ ဘဲဥကြီးထိပ်စတစ်လုံး- ၄၂၀/- ကျပ်၊ အလတ်စတစ်လုံး -၄၀၀/-ကျပ်ဖြစ်ကြောင်းနှင့် ကြက်ဥထိပ်စ  တစ်လုံးလျှင်- ၃၅၀/-ကျပ်၊ အလတ်စတစ်လုံး- ၃၃၀/-ကျပ် ဖြစ်ကြောင်းသိရသည်။

     ကရင်ပြည်နယ်တွင် ဒေသတွင်းစားသုံးရန်အတွက် ကြက်ဥ/ဘဲဥများကို တောင်ကြီး၊ ပဲခူး၊ မော်လမြိုင် စသည့်ဒေသများတွင် ဝင်ရောက်ကြောင်းနှင့် ‌ဒေသတွင်း မွေးမြူရေးများမှလည်း ထွက်ရှိကြောင်း သိရ သည်။ လမ်းခရီးအခက်အခဲအခြေအနေနှင့် မွေးမြူးရေးအစားအစာများ ဈေးတက်ခဲ့ခြင်းကြောင့် ကြက်ဥ/ ဘဲဥဈေးမှာ တစ်လုံးလျှင် ၂၀/-ကျပ်၊ ၃၀/-ကျပ် ‌ဈေးတက်ခဲ့ကြောင်း သိရသည်။

DOCA(ကရင်)

   မွန်ပြည်နယ်၊ ကျိုက်ထိုမြို့နယ်တွင် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှု၊ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ အစီအစဉ်ဖြင့် ပြည်နယ်ဆီကုန်သည်များအသင်းသည် ပြည်သူများထံ သက်သာ‌သောဈေးနှုန်းဖြင့် စားအုန်းဆီများကို ၁၁-၆-၂၀၂၄ ရက်နေ့တွင် ကျိုက်ထိုမြို့၊ တောင်သူစုရပ်ကွက်၊ ဗိုလ်ချုပ်လမ်း၌ ရောင်းချပေးခဲ့ကြောင်းသိရှိရသည်။

    ဆီရောင်းချပေးရာတွင် တစ်ပိဿာလျှင် (၅၉၄၀) ကျပ်ဖြင့် လူတစ်ဦးလျှင် ဆီတစ်ပိဿာနှုန်းရောင်းချပေးရာ စားသုံးသူပြည်သူများက အေးချမ်းပျော်ရွှင်စွာလာရောက်ဝယ်ယူခဲ့ကြပြီး မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့် အဖွဲ့ဝင်များ၊ စားသုံးသူရေးရာဦးစီးဌာနမှတာဝန်ရှိသူများ၊ ဌာနဆိုင်ရာများက လိုအပ်သည်များကူညီဆောင်ရွက်ပေးခဲ့ကြောင်းသိရှိရသည်။

     အဆိုပါနေ့တွင် စားသုံးသူပြည်သူ (၃၃၀) ဦးတို့အား ဆီပိဿာချိန် (၃၃၀) ပိဿာရောင်းချပေးခဲ့ကြောင်း၊ ‌ပြည်သူများအနေဖြင့် အခြေခံစားသောက်ကုန်များအား သက်သာသောဈေးနှုန်းဖြင့် အဆင်ပြေစွာ အလွယ်တကူဝယ်ယူစားသုံးနိုင်ပြီး ကုန်ဈေးနှုန်းတည်ငြိမ်နိုင်ရေးရည်ရွယ်ကာ ယခုကဲ့သို့ စီစဉ်ရောင်းချပေးခြင်းဖြစ်ကြောင်းသိရှိရပါသည်။

DOCA(မွန်)

      စစ်ကိုင်းတိုင်းဒေသကြီးအတွင်းရှိ  ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘို၊ ရေဦးနှင့် မုံရွာခရိုင်များ၌ စပါး၊ ဆန်ဈေးနှုန်းများမှာ ယခင်အပတ်များအတိုင်း ဈေးအေးနေသော်လည်း ကသာခရိုင်(အင်းတော်မြို့နယ်)၌ ဧရာမင်း(စပါး)(သစ်)  တင်း၁၀၀ဈေးနှုန်းမှာ ယခင် မေလ စတုတ္ထပတ်နှင့်နှိုင်းယှဉ်ပါက ဈေးနှုန်းအနည်းငယ်မြင့်တက်နေကြောင်းသိရှိရပါသည်။

     ဇွန်လ  (ပထမပတ်) တွင် ဖြစ်ပေါ်နေသော စပါး/ ဆန်ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း၁၀၀လျှင် ကျပ်၄၃၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၅၀၀၀ကျပ်၊ ရွှေဘိုဧရာမင်း(စပါး)(သစ်)  တင်း၁၀၀လျှင် ကျပ်၃၃၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ကျပ်ဖြင့် အရောင်းအဝယ်ဖြစ်နေကြောင်းသိရပါသည်။

     ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း၁၀၀လျှင် ကျပ်၄၃၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၅၀၀၀ကျပ်၊ ရွှေဘိုဧရာမင်း(စပါး)(သစ်)  တင်း၁၀၀လျှင် ကျပ်၃၃၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ ကျပ်ဖြင့် အရောင်းအဝယ်ဖြစ်နေကြောင်းသိရပါသည်။

      ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်) တင်း၁၀၀လျှင် ကျပ်၂,၆၅၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ်၈၅,၀၀၀၊ ငစိန်(စပါး)(သစ်) တင်း၁၀၀လျှင် ကျပ်၂၄၅၀,၀၀၀၊ ငစိန် (ဆန်)(သစ်)၂၄ပြည်ပါ တစ်အိတ်မှာ ကျပ်၇၀,၀၀၀၊ ဧရာမင်း(စပါး)(သစ်) တင်း၁၀၀လျှင် ကျပ်၂,၇၀၀,၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ်၉၅,၀၀၀ဖြင့် အရောင်းအဝယ်ဖြစ်နေကြောင်းသိရပါသည်။

      ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း၁၀၀လျှင် ကျပ်၁,၆၀၀,၀၀၀၊ ဆင်းဧကရီ-၃ ဆန် (သစ်) ၂၄ပြည်ပါ တစ်အိတ်မှာ ကျပ်၇၅,၀၀၀၊ ဧရာမင်း(စပါး)(သစ်)  တင်း၁၀၀လျှင် ကျပ်၃၁၅၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၂၀၀၀၀ ကျပ်  ဖြင့် အရောင်းအဝယ်ဖြစ် နေကြောင်းသိရပါသည်။

     မုံရွာခရိုင်၊ မုံရွာမြို့တွင် ဧရာမင်း(စပါး)(သစ်) တင်း၁၀၀လျှင် ကျပ်၃,၀၀၀,၀၀၀၊  ဧရာမင်း (ဆန်)(သစ်) ၂၄ပြည်ပါ တစ်အိတ်မှာ ကျပ်၁၃၅၀၀၀၊ ရွှေဘိုပေါ်ဆန်း(စပါး) (သစ်) တင်း၁၀၀လျှင် ကျပ်၃၈၀၀၀၀၀၊ ရွှေဘိုပေါ်ဆန်း (ဆန်)(သစ်) ၂၄ပြည်ပါ တစ်အိတ်မှာ ကျပ်၁၅၀၀၀၀၊ မနောသုခ (စပါး)(သစ်) တင်း၁၀၀လျှင် ကျပ်၂၆၀၀,၀၀၀၊  မနောသုခ (ဆန်)(သစ်) ၂၄ပြည်ပါ တစ်အိတ်မှာ ကျပ်၈၈၀၀၀၊ ရွှေဝါထွန်း (စပါး)(သစ်) တင်း၁၀၀လျှင် ကျပ်၂၆၀၀,၀၀၀၊  ရွှေဝါထွန်း (ဆန်)(သစ်) ၂၄ပြည်ပါ တစ်အိတ်မှာ ကျပ်၈၅၀၀၀၊ ရွှေသွယ်ရင်  (စပါး)(သစ်) တင်း၁၀၀လျှင် ကျပ်၂၆၀၀,၀၀၀၊  ရွှေသွယ်ရင် (ဆန်)(သစ်) ၂၄ပြည်ပါ တစ်အိတ်မှာ ကျပ်၈၅၀၀၀၊ ငစိန်   (စပါး)(သစ်) တင်း၁၀၀လျှင် ကျပ်၂၂၀၀,၀၀၀၊  ငစိန်  (ဆန်)(သစ်) ၂၄ပြည်ပါ တစ်အိတ်မှာ ကျပ်၇၅၀၀၀ဖြင့် အရောင်းအဝယ်ဖြစ်နေကြောင်းသိရပါသည်။

DOCA(စစ်ကိုင်း)