ပြည်တွင်းကုန်သွယ်မှုသတင်း

         မြင်းခြံမြို့နယ်အတွင်း ဥယျာဉ်ခြံမြေများတွင် စိုက်ပျိုးဖြစ်ထွန်းမှုမရှိသော ဟင်းသီးဟင်းရွက် နှင့် သစ်သီးဝလံများကို ပြည်သူများစားသုံးရန်အတွက် ဈေးကွက်လိုအပ်ချက်အရ ရှမ်းပြည်နယ် တောင်ပိုင်း အောင်ပန်းမြို့တို့မှ မှာယူရောင်းချကြောင်း၊  ယခု၂၀၂၅ခုနှစ်၊ စက်တင်ဘာလနောက် ဆုံးပတ်တွင် အေးမြသီတာဈေး၌ ရောင်းချနေသော ဂေါ်ရခါးသီးတစ်လုံးလျှင် (၂၀၀)ကျပ်၊ (၁၀)လုံးလျှင် (၁၅၀၀)ကျပ်ခန့် ပေါက်ဈေးများဖြင့် ရောင်းချလျက်ရှိကြောင်း၊ ယခင်တတိယပတ် တွင် ဂေါ်ရခါးသီးတစ်လုံးလျှင် (၂၅၀) ကျပ်၊ (၁၀)လုံးလျှင် (၂၀၀၀) ကျပ်ပေါက်ဈေးများဖြင့် ရောင်းချခဲ့ကြောင်း၊ ယခင်တစ်ပတ်ထက် ယခုတစ်ပတ်တွင် ဂေါ်ရခါးသီးတစ်လုံးလျှင် (၅၀) ကျပ်၊ (၁၀)လုံးလျှင် (၅၀၀)ကျပ်ခန့်ဈေးနှုန်းများကျဆင်းခဲ့ကြောင်း၊  အလုံးအကြီးအသေးနှင့် အရည် အသွေးပေါ်မှုတည်ပြီး ဈေးနှုန်းများကွာခြားကြောင်း၊ ဒေသတွင်းစိုက်ပျိုးဖြစ်ထွန်းမှုမရှိသော သီးနှံဖြစ်သောကြောင့် ရာသီပေါ်ဂေါ်ရခါးသီး သီးနှံသည်စားသုံးမှုများပြား၍ အရောင်းအဝယ် ကောင်းကြောင်း၊ လက်လီ၊လက်ကား ရောင်းချမှုအနေဖြင့်နေ့စဉ်အလုံး အရေအတွက် (၃၀၀-၅၀၀) လုံးခန့် ရောင်းကုန်ကြောင်း ကုန်စိမ်းရောင်း ချသူ၏ပြောပြချက် အရသိရှိရသည်။

DOCA (မန္တလေး)

       ဗုဒ္ဓဘာသာမြန်မာလူမျိုးများသည် နှင်းပန်းများကို အလွန်မွှေးကြိုင်သောကြောင့် ဘုရားပန်း အဖြစ်လှူကဒါန်းသူများပြားကြောင်း၊ မြင်းခြံမြို့အတွင်းရှိ ဒါးကျွန်းကျေးရွာ၊ နတ်ညွှန်းကျေးရွာ တို့မှ စိုက်ပျိုးထွက်ရှိသော နှင်းပန်းများအား တောင်သူများကိုယ်တိုင် အေးမြသီတာဈေးသို့ လာရောက် ရောင်း ချကြောင်း၊   ယခု ၂၀၂၅ ခုနှစ်၊ စက်တင်ဘာလ နောက်ဆုံးပတ်တွင်နှင်းပန်း (၁၀) ခက်ပါတစ်စည်း လျှင် (၁၂၀၀-၁၇၀၀)ကျပ်ခန့်ပေါက်ဈေးများ ဖြင့်အရောင်းအဝယ်ဖြစ် လျက်ရှိ ကြောင်း၊ ယခင် ဩဂုတ်လနောက်ဆုံးပတ်နှင်းပန်း (၁၀) ခက်ပါတစ်စည်းလျှင် (၁၅၀၀-၂၀၀၀) ကျပ်ခန့် ပေါက်ဈေးများဖြင့် အရောင်းအဝယ်ဖြစ်ခဲ့ကြောင်း၊ ကာလတူနှိုင်းယှဉ်ပါက ယခင်လထက် ယခုလတွင်နှင်းပန်းတစ်စည်လျှင် (၃၀၀) ကျပ်ခန့်ဈေးနှုန်း အနည်း ငယ်ကျဆင်းခဲ့ကြောင်း၊ မိုးရာသီကာလတွင် ရာသီပေါ်နှင်းပန်းများ ပေါများစွာထွက်ပေါ်ချိန် ဖြစ်သောကြောင့် ဈေးနှုန်းကျဆင်းခြင်းဖြစ်ကြောင်း၊ အပွင့်အခက် အကြီး၊ အသေး၊ လတ်ဆတ်မှု အပေါ်တွင်မှုတည်၍ ဈေးနှုန်းများ အနည်းငယ်ကွာခြားကြောင်း၊ စိုက်ပျိုးရာတွင် ကုန်ကျစရိတ် သက်သာပြီး စီးပွားဖြစ်စိုက်ပျိုးသင့်သော အပင်ဖြစ်ကြောင်း၊ နှင်းပန်းများသည် ဘုရားပန်း ထိုးရာတွင် မွှေးကြိုင်ပြီး တာရှည်ခံ၍ လှပသောကြောင့် ဈေးကွက်တွင် လူကြိုက်များပြီး အရောင်းအဝယ် သွက်လျက်ရှိကြောင်း နှင်းပန်းရောင်းချသူ၏ ပြောပြချက်အရ သိရှိရသည်။

DOCA (မန္တလေး)

     စစ်ကိုင်းတိုင်းဒေသကြီး၊ ရွှေဘိုခရိုင်တွင် စပါးကိုအဓိကစိုက်ပျိုးကြပြီး ပဲမျိုးစုံသီးနှံများကို အနည်းငယ်သာစိုက်ပျိုးသော်လည်း သက်ဆိုင်ရာဌာန၏ ၂၀၂၄-၂၀၂၅ခုနှစ် ရွှေဘိုခရိုင် ဆောင်းသီးနှံ စိုက်ပျိုးမှုစာရင်းများအရ ပဲကြားနှင့် ပဲနီလေးစိုက်ပျိုးမှုမရှိကြောင်း သိရှိရပါသည်။ ပဲမျိုးစုံအသစ်များမှာ ဒီဇင်ဘာလမှ စတင်၍ ဈေးကွက်အတွင်းသို့ ဝင်ရောက်ခဲ့ပြီး ရွှေဘိုမြို့တွင်ရောင်းချသည့် ပဲကြားနှင့် ပဲနီလေးများကို အခြားဒေသများမှ မှာယူရောင်းချခြင်းမရှိဘဲ သယ်ယူခကုန်ကျစရိတ်များ သက်သာစေရန်  ဒေသတွင်းရှိ ပွဲရုံများမှ ဝယ်ယူရောင်းချကြပါသည်။

ပဲကြား

     ရွှေဘိုမြို့ဈေးကွက်အတွင်း အောက်တိုဘာလ၊  ပထမအပတ်တွင်ရောင်းချသည့် ပဲကြားဈေးနှုန်းမှာ (၁)ပြည်လျှင်(၈၅၀ဝိ/-)ကျပ်နှင့် တစ်တင်းလျှင်(၁၃၆၀၀ဝိ/-)ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲကြား(၁)ပြည် လျှင်(၈၅၀ဝိ/-)ကျပ် ပေါက်ဈေးရှိခဲ့သဖြင့် ယခင်အပတ်နှင့်ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတူညီပြီးဈေးငြိမ်နေကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့် သူများ၊ ပဲပြုတ်၊ ပဲရေဖွရောင်းချမည့်သူများ၊ အလှူမင်္ဂလာပွဲလမ်း ဆောင်ရွက်မည့်သူများမှ ဝယ်ယူကြကြောင်းပဲမျိုးစုံရောင်းချသည့်ဆိုင်များမှ သတင်းရရှိပါသည်။

ပဲနီလေး

     ရွှေဘိုမြို့ဈေးကွက်အတွင်း အောက်တိုဘာလ၊ ပထမအပတ်တွင်ရောင်းချသည့် ပဲနီလေးဈေးနှုန်း မှာ(၁)ပြည်လျှင် (၁၆၅၀ဝိ/-)ကျပ်နှင့် တစ်တင်းလျှင်(၂၆၄၀၀ဝိ/-) ကျပ်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့် ဈေးနှုန်းတို့ကို နှိုင်းယှဉ်ပါက ယခင်အပတ်၌ ပဲနီလေး (၁)ပြည်လျှင် (၁၆၅၀ဝိ/-)ကျပ် ပေါက်ဈေးရှိခဲ့သဖြင့်  ယခင်အပတ်နှင့် ယခုအပတ်တို့၏ အရောင်းအဝယ် ဖြစ်သည့် ဈေးနှုန်းတူညီကြောင်း၊  ဈေးကွက်အနေဖြင့် ဒေသတွင်းရှိစားသုံးသူများ၊ တစ်ဆင့်ပြန်လည် ရောင်းချမည့်သူများမှ ဝယ်ယူကြကြောင်း ပဲမျိုးစုံရောင်းချသည့်ဆိုင်များမှ သတင်းရရှိပါသည်။

DOCA(စစ်ကိုင်း)

             ကြက်သွန်ဖြူသည် အိမ်ရဲ့စားဖိုဆောင်တွင် အလွယ်တကူရနိုင်ပြီး ကျန်းမာ‌ရေးအတွက် အကျိုးကျေးဇူးများစွာရှိသော သဘာဝဆေးတစ်လက်ဖြစ်ကြောင်း၊ အိပ်မပျော်ခြင်းနှင့် ခေါင်း တစ်ခြမ်းကိုက်ခြင်းများအတွက်  တစ်နေ့ကို ကြက်သွန်ဖြူ(၃-၇)မွှာ စားသုံးပေးပါက သွေးကို သန့်စင်  အဆိပ်အတောက်တွေကို ဖယ်ရှားပေးသောကြောင့်  အိပ်မပျော်ခြင်းနှင့်  ခေါင်းတစ်ခြမ်း ကိုက်ခြင်း ကိုသက်သာစေကြောင်းသိရှိရသည်။ ကြက်သွန်ဖြူနှင့်  အုန်းဆီစစ်စစ်ကို ရောပြီး ကျေားရိုးတစ် လျောက် နှိပ်နယ်ပေးရကြောင်း၊ ကြက်သွန်ဖြူ၊ သံပရာရည်နှင့်  အုန်းဆီစစ်စစ်တို့ကို  ရောစပ်ပြီး သောက်သုံးပါက အားအင်ကုန်ခမ်းခြင်းကိုသက်သာကြောင်း၊ ကြက်သွန်ဖြူရည် တစ်ဇွန်း (ထမင်းစားဇွန်း)ကို သံလွင်ဆီ(သို့မဟုတ်) ထောပတ်ဆီတစ်ဇွန်းနှင့် ရောပြီးအပူလောင် ထားသည့် နေရာကို လိမ်းပေးခြင်းဖြင့် အပူလောင်နာကို သက်သာပျောက်ကင်းကြောင်း၊ ကြက်သွန်ဖြူ ကိုပုံမှန်စားပေးခြင်းဖြင့် အူလမ်းကြောင်းထဲကရောဂါပိုးများကို တိုက်ဖျက်ပေးခြင်းကြောင့် ကင်ဆာရောဂါ ဖြစ်နိုင်ခြေကိုလျော့ချပေးကြောင်း၊ ကြက်သွန်ဖြူတစ်မွှာကိုကြိတ်ခြေ ပြီးသွားပိုးစားသည့်နေရာပေါ်တင်ပေးခြင်းဖြင့်သက်သာကြောင်း၊ ၎င်းအားစားပေးခြင်းဖြင့် ကိုလက် စထရောကျဆင်းကြောင်း၊ အရေပြားမှိုပိုးဝင်ပြီး ယားယံသောနေရာများကို ကြက်သွန်ဖြူ ဆီလိမ်းပေးပါက မိနစ် (၃၀)အတွင်းယားယံခြင်းများ သက်သာပျောက်ကင်းကြောင်း၊ သိုင်းရွိုက် ဂလင်းအားကောင်းစေရန်အတွက် ကြက်သွန်ဖြူကို ပုံမှန်စားသုံးပေးခြင်းဖြင့် အားကောင်းစေ ကြောင်း၊ ဆီးချိုရောဂါအတွက် ကြက်သွန်ဖြူကို နံနံပင်နှင့် ရောစပ်ပြီး နေ့စဉ်စားသုံးပေးပါက သွေးအတွင်းရှိ ဂလူးကို့စ်ပိုလျှံတာကို ဖယ်ရှားပေးကြောင်း၊ အစာမကြေဖြစ်ပါက အစာစားပြီး နှစ်နာရီကြာသည့်အခါ ကြက်သွန်ဖြူပြုတ်ရည်ကို သောက်ပေးခြင်းဖြင့် သက်သာကြောင်း၊ နှာစေး နှာမွှန်ပါက ကြက်သွန်ဖြူကိုစားပေးခြင်းဖြင့်ပျောက်ကင်းကြောင်း၊ ကြက်သွန်ဖြူ(၃)မွှာခန့်ကို ညက်အောင်ကြိတ်ပြီး ရေတစ်ဖန်ခွက်နှင့် ရောကာမနက်ပိုင်းတွင် သောက်ပေးပါက သွေးတိုးရောဂါ သက်သာကြောင်း၊ အမျိုးသမီးများ ဓမ္မတာလာစဉ် နာကျင်မှုကိုသက်သာစေရန် ကြက်သွန်ဖြူ (၃)မွှာကိုစားပေးခြင်းဖြင့် နာကျင်မှုကိုသက်သာပျောက်ကင်းသလို  ကျန်းမာရေးအတွက် အကျိုးများစွာရှိသော ကြက်သွန်ဖြူသည် မီးဖိုချောင်တွင်အလွယ်တကူရရှိနိုင်၍ ဆေးဖက်ဝင်သော ဆေးစွမ်းတစ်လက်ဖြစ်ကြောင်းစာပေများမှဖတ်ရှု့သိရှိရသည်။ ၂၀၂၅ခုနှစ်၊ စက်တင်ဘာလ နောက်ဆုံးပတ်တွင် မြင်းခြံမြို့အေးမြသီတာဈေး၌ ရောင်းချနေသော ကြက်သွန်ဖြူ တစ်ပိဿာလျှင်  ၃၀၀၀ ကျပ်မှ ၉၀၀၀ ကျပ်ခန့်အထိ ပေါက်ဈေးများဖြင့်ရောင်းချလျက်ရှိကြောင်းသိရှိရသည်။

DOCA (မန္တလေး)

မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ဆီထွက်သီးနှံဖြစ် သည့် မိုးမြေပဲကို အဓိကစိုက်ပျိုးလျက်ရှိပြီး ဆောင်းမြေပဲကို အနည်းငယ်သာ အနည်းငယ်သာစိုက်ပျိုးမှု ရှိပါသည်။ ၂၀၂၅ ခုနှစ်တွင် မိုးမြေပဲကိုစိုက်ပျိုးရန်လျာထားမှုအနေဖြင့်(၆၃၅၀၀)ဧကဖြစ်ပြီး၊  စိုက်ပျိုးမှု မှာ(၆၅၅၇၃)ဧက စိုက်ပျိုးခဲ့ပြီး ရိတ်သိမ်းဧကအနေဖြင့်(၂၃၂၀၀)ဧက အထွက်နှုန်းမှာ(၅၂.၄၇)တင်း နှုန်းဖြင့် အထွက်တင်းစုစုပေါင်း (၁၂၁၇၃၀၄)တင်း ထွက်ရှိခဲ့သည်။ ဆောင်းမြေပဲစိုက်ပျိုးရန်လျာထား မှု(၃၁၉)ဧကရှိပါသည်။ ထွက်ရှိသောမြေပဲများကို ကျောက်ပန်းတောင်းမြို့နှင့် ထိစပ်လျက်ရှိသော ကျေးရွာများမှ မြို့ပေါ်ရှိပွဲရုံများနှင့် ဆီစက်များသို့ လာရောက်ရောင်းချကြပါသည်။

          ၂၀၂၄-၂၀၂၅ ခုနှစ်၊ စက်တင်ဘာလတွင် မြေပဲဆီဆံတစ်တင်းလျှင်(၁၁၂၅၀၀)ကျပ်၊ မြေပဲလုံဆံ တစ်တင်းလျှင်(၁၁၇၀၀၀)ကျပ်နှင့် အရောင်းအဝယ်ဖြစ်လျက်ရှိပါသည်။ ၂၀၂၅-၂၀၂၆ ခုနှစ်ကာလတူ လတွင် မြေပဲဆီဆံတစ်တင်းလျှင် (၁၀၆၅၀၀) ကျပ်၊ မြေပဲလုံးတစ်တင်းလျှင်(၁၀၉၅၀၀)ကျပ်နှင့် မြေပဲ မျိုးဆံတစ်တင်းလျှင်(၁၂၀၀၀၀)ကျပ်ဝန်းကျင် ဖြင့် အရောင်းအဝယ်ဖြစ်လျက်ရှိနေသည်။

     ၂၀၂၅-၂၀၂၆ ခုနှစ်တွင် ကျောက်ပန်းတောင်းမြို့နယ်၏ မြေပဲတစ်ဧကကုန်ကျစရိတ်အနေဖြင့် (၉၄၁၀၀၀)ကျပ်ဝန်းကျင်ကျသင့်ပြီး တစ်ဧကပျမ်းမျှအထွက်တင်းမှာ(၅၂.၄၇)တင်းနှုန်းထွက်ရှိခဲ့သည်။ ယခုမြေပဲတောင့်တစ်တင်းလျှင်(၃၁၅၀၀)ကျပ်နှုန်းရောင်းချခဲ့ရပြီး တစ်ဧကဝင်ငွေ(၁၆၅၂၈၀၅)ကျပ် နှုန်း ရရှိ၍ တစ်ဧကတောင်သူအကျိုးအမြတ်မှာ(၇၁၁၈၀၅)ကျပ်ရရှိခဲ့သည်။ ဒေသထွက်မြေပဲများကို ယခင်က အခြားဒေသများသို့ တင်ပို့ရောင်းချမှုများရှိခဲ့သော်လည်း ယခုအချိန်တွင် ပြည်ပသို့ရောင်းချမှုနည်းပါး လာပြီး ဒေသတွင်း၌သာ ဆီကြိတ်ခွဲသုံးစွဲမှုများလာသည်။ တောင်သူအကျိုးအမြတ်ရရှိသော မြေပဲကို ပိုမိုစိုက်ပျိုးပြီး ပြည်ပသို့ရောင်းချမှုမပြုဘဲ ပြည်တွင်း၌သုံးစွဲခြင်း၊ ဆီကြိတ်ခွဲရောင်းချခြင်းများပြု လုပ်ပါက ဒေသတွင်းဆီစားသုံးမှုဖူလုံလာခြင်း၊ တိရစ္ဆာန်အစားအစာများပေါများလာခြင်း၊ ဒေသတွင်း လုပ်သားများ အလုပ်အကိုင်အခွင့်အလမ်းများပိုမိုရရှိစေခြင်းအပြင် ဘေးအန္တရာယ်ကင်းသော ဆီများ စားသုံးရခြင်းကြောင့် ကျန်းမာရေးညီညွတ်ကောင်းမွန်လာစေခြင်း စသည့်အကျိုးကျေးဇူးများရရှိ စေသည့်အတွက် အကျိုးကျေးဇူးများစွာရရှိစေသော ဆီထွက်သီးနှံမြေပဲကို ပိုမိုတိုးချဲ့စိုက်ပျိုးသင့်ပါ သည်။

DOCA (မန္တလေး)