ပြည်တွင်းကုန်သွယ်မှုသတင်း

   မန္တလေးတိုင်းဒေသကြီး၊ ကျောက်ဆည်ခရိုင်ရှိ စိုက်ပျိုးရေးလုပ်ကိုင်နေကြသော တောင်သူကြီးများသည် ပဲ၊ ပြောင်း၊ နှမ်း၊ စပါး၊ ကြက်သွန်၊ ဝါသီးနှံများကိုလည်း ရာသီအလိုက် စိုက်ပျိုးကြပါ သည်။ ထိုသီးနှံများအပြင် စားဖိုဆောင်သီးနှံများကိုလည်း စီးပွားဖြစ်စိုက်ပျိုးကြပြီး ခရမ်းသီးပင်များကိုလည်း စိုက်ပျိုးကြကြောင်း သိရှိရပါသည်။ ခရမ်းပင်ကို ကျောက်ဆည်မြို့နယ် ကျောင်းကုန်း ကျေးရွာတွင် အများဆုံး စိုက်ပျိုးလျှက်ရှိပြီး မျိုးအနေဖြင့် စိန်းညိုလုံးကြီးမျိုး၊ ၇၈၉မျိုး နှင့်(၅၅၅)မျိုး များကိုစိုက်ပျိုးကြကြောင်းသိရှိရပါသည်။ခ  ရမ်းပင်စိုက်ပျိုးမည်ဆိုပါကပထမဦးဆုံး ပျိုးအရင်ထောင်ရကြောင်း၊ ပျိုးပင်သက် (၁)လခွဲသားအရွယ်တွင် ပြောင်းရွေ့စိုက်ပျိုးရကြောင်း၊ ပြောင်းရွေ့စိုက်ပျိုးပြီး (၂)လ၊ (၃)လအကြာတွင် ခရမ်းသီးများ စတင်ခူးဆွတ်ရကြောင်း၊ တစ်ဧက တစ်ပတ်အထွက်နှုန်းမှာ ပိဿာ (၁၅၀)မှ (၂၀၀)အထိ ထွက်ရှိကြောင်း သိရှိရပါသည်။ သက်တမ်းအနေဖြင့် (၅)လအထိ ခရမ်းသီးများ ခူးဆွတ်နိုင်ကြောင်း၊ တစ်ဧက ကုန်ကျစရိတ်အနေဖြင့် (၁၀၀၀၀၀၀/-) ကျပ် ခန့်ရှိပြီး စတင်ခူး ဆွတ်ချိန်မှ ဖျက်သိမ်းချိန်အထိ ခရမ်းသီးထွက်ရှိမှု စုစုပေါင်း(၁၅၀၀)ပိဿာ ထွက်ရှိကြောင်း သိရှိရပါသည်။ ခရမ်းသီးတစ်ပိဿာလျှင် ဖောက်သည်ဈေးအနေဖြင့် (၁၅၀၀/-)ကျပ်ရှိပြီး ကုန်စိမ်း ပွဲစားများမှ စိုက်ခင်းထဲအထိ လာရောက်ဝယ်ယူကြကြောင်း၊ လက်လီ‌ဈေးအနေဖြင့် တစ်ပိဿာလျှင် (၂၀၀၀/-)ကျပ်ဖြင့် အရောင်းအဝယ်ဖြစ်နေကြောင်း၊ တစ်ဧကအကျိုးအမြတ် အနေဖြင့် ယခုလက်ရှိခရမ်းသီးဈေးနှုန်းများ ကောင်းမွန်သောကြောင့် (၁၂၅၀၀၀၀/-)ကျပ် ခန့်မြတ်ကြောင်း ၊ တောင်သူများအနေဖြင့် အကျိုးအမြတ်ရရှိသည့် ခရမ်းသီး သီးနှံကို ပိုမိုစိုက်ပျိုးသင့်ပါကြောင်း ရေသားတင်ပြအပ်ပါသည်။

DOCA(မန္တလေး)

   မန္တလေးတိုင်းဒေသကြီး ၊ ကျောက်ဆည်ခရိုင်သည် ဆည်ရေသောက်ဒေသတစ်ခုဖြစ်သော ကြောင့် သီးနှံမျိုးစုံစိုက်ပျိုး ဖြစ်ထွန်းလျက်ရှိရာ စားဖိုဆောင်သီးနှံများဖြစ်သော ငရုတ် ၊ ကြက်သွန် သီးနှံများအပြင် ဆီထွက်သီးနှံများဖြစ်သော နေကြာ၊နှမ်း၊မြေပဲတို့ကိုလည်း စိုက်ပျိုးလျက်ရှိပါသည်။ ၄င်းသီးနှံများအနက် ဈေးကွက်ဝယ်လိုအားရှိသော မြေပဲသီးနှံကိုလည်း စီးပွားဖြစ်တိုးချဲ့စိုက်ပျိုးလာ ကြရာ ကျောက်ဆည်ခရိုင်အတွင်းတွင် မြေပဲဆောင်း စိုက်ပျိုးမှုအနေဖြင့် ၂၀၂၅-၂၀၂၆ဘဏ္ဍာနှစ် တွင် ကျောက်ဆည်မြို့နယ်တွင်(၂၁၇)ဧက ၊ စဉ့်ကိုင်မြို့နယ်တွင်(၃၃)ဧက ၊ မြစ်သားမြို့နယ်တွင် (၇၅၀)ဧက ၊ စုစုပေါင်း(၁၀၀၀)ဧက စိုက်ပျိုးထားရှိကြောင်း သက်ဆိုင်ရာဌာန၏ စာရင်းများအရ သိရှိရပါသည် ။ ဆောင်းမြေပဲ စိုက်ပျိုးရာတွင် စိုက်ကြောင်းဆွဲ အစေ့/အတောင့် ထယ်ဖုံးစနစ်ဖြင့် စိုက်ပျိုးကြကြောင်း၊ မိုးမြေပဲစိုက်ပျိုးမှု မျိုးအနေဖြင့် ပင်ပြန့်မျိုးပွားများကိုသာ အများဆုံး စိုက်ပျိုး ကြကြောင်း ၊ တစ်ဧက စိုက်ပျိုးမှု မျိုးအတောင့်(၄)တင်း စိုက်ပျိုးရပြီး မြေပဲအဆံ(၂၄)ပြည်ခန့် စိုက်ပျိုးကြကြောင်း ၊ တစ်ဧက စိုက်ပျိုးမှု ကုန်ကျစရိတ်အနေဖြင့် မျိုး ၊ သွင်းအားစု ၊ လုပ်သားခ အပါအဝင် စုစုပေါင်း(၅၅၀၀၀၀/-)ကျပ် ခန့်ကုန်ကျကြောင်း၊ အထွက်နှုန်းအနေဖြင့် (၃၅-၄၀)တင်းခန့် ထွက်ရှိခဲ့ပြီး ယခင်နှစ် မြေပဲဈေးနှုန်းအနေဖြင့် မြေပဲတောင့်တစ်တင်းလျှင် (၃၄၀၀၀/-)ကျပ် ၊ မြေပဲဆံ(၁)ပိဿာလျှင် (၇၅၀၀/-)ကျပ်၊ မြေပဲဆီတစ်ပိဿာလျှင်(၁၆၀၀၀/-)ကျပ်ဖြင့် ရောင်းဝယ်ခဲ့ပြီး  အကျိုးအမြတ်အနေဖြင့် စိုက်ပျိုးစရိတ် နှုတ်ပြီးပါက(၈၁၀၀၀၀/-)ကျပ် ဝန်းကျင်အကျိုးအမြတ်ရရှိ ကြောင်း၊ ယခုလက်ရှိ ပေါက်ဈေးအနေဖြင့်  မြေပဲတောင့်တစ်တင်းလျှင် (၃၆၀၀၀/-)ကျပ် ၊ မြေပဲဆံ တစ်ပိဿာလျှင်(၇၅၀၀/-)ကျပ် ၊ မြေပဲဆီတစ်ပိဿာလျှင်(၁၄၅၀၀/-)ကျပ်ဖြင့် ရောင်းဝယ်လျက်ရှိ ကြောင်း ၊ မြေပဲရောင်းဝယ်မှုအနေဖြင့် ဒေသတွင်းဆီစက်များမှလည်ဝယ်ယူမှုများရှိလို ပွဲရုံများ သို့လည်းတိုက်ရိုက်ရောင်းချကြောင်း ၄င်းမှတဆင့် ရန်ကုန် ၊ မန္တလေးမြို့များသို့ တင်ပို့ရောင်းချ လျက်ရှိကြောင်း ၊ မြေပဲသီးနှံစိုက်ပျိုးခြင်းဖြင့် မိသားစုအတွက် စားသုံးဆီဖူလုံစေသိအပြင်  အကျိုး အမြတ်များသော  မြေပဲသီးနှံများကို တိုးချဲ့ စိုက်ပျိုးသင့်ပါကြောင်း ရေးသားတင်ပြအပ်ပါသည်။

DOCA(မန္တလေး)

   မန္တလေးတိုင်းဒေသကြီး၊ ကျောက်ဆည်ခရိုင်သည် ဆည်ရေသောက်ဒေသတစ်ခု ဖြစ်သော ကြောင့်စပါး၊ပဲ၊ပြောင်း၊နှမ်းသီးနှံမျိုးစုံအောင်မြင်ဖြစ်ထွန်းလျက်ရှိရာ၄င်းသီးနှံများအနက် စပါးသီးနှံကို၂၀၂၅-၂၀၂၆ ဘဏ္ဍာနှစ်တွင် မိုးစပါးစိုက်ပျိုးမှုအနေဖြင့် ကျောက်ဆည်မြို့နယ်တွင်(၅၂၃၃၄)ဧက ၊ စဉ့်ကိုင်မြို့နယ်တွင်(၂၉၃၆၂)ဧက ၊ မြစ်သားမြို့နယ်တွင် (၅၅၄၈၅)ဧက၊စုစုပေါင်း(၁၃၇၁၈၁)ဧက စိုက်ပျိုးထားရှိပြီး ကျောက်ဆည်မြို့နယ်၌(၂၉၁၇၇)ဧက ၊ စဉ့်ကိုင်မြို့နယ်၌(၂၀၈၇၂)ဧက ၊ မြစ်သားမြို့နယ်၌(၁၀၉၂၂)ဧက ၊ စုစုပေါင်း (၆၀၉၇၁)ဧက ရိတ်သိမ်းခဲ့ကြောင်း သက်ဆိုင်ရာဌာန၏ စာရင်းများအရသိရှိရပါသည် ။ ကျောက်ဆည်မြို့နယ်အတွင်း မိုးစပါးကို အရည်အသွေးကောင်း ၊ စျေးကောင်းရရှိသော ဧရာပဒေသာစပါးနှင့်မနောသုခစပါး မျိုးများကို အဓိကထား စိုက်ပျိုးကြ ကြောင်း၊ မိုးစပါးစိုက်ပျိုးမှုတွင် ပျိုးထောင်စိုက်ပျိုးမှုနှင့်ပတ်ကြဲ စိုက်ပျိုးမှုများကို စိုက်ပျိုးကြကြောင်း၊ (၁)ဧကကုန်ကျစရိတ်အနေဖြင့် မျိုး၊သွင်းအားစု၊ လုပ်သားခ အပါအဝင်စုစုပေါင်း(၁၀၅၀၀၀၀)ကျပ်ဝန်းကျင်ခန့်ကုန်ကျကြောင်း ၊ ယခုအချိန်တွင် (မိုးစပါး)များ ဖြိုင်ဖြိုင်ရိတ်သိမ်းနေပြီဖြစ်ကြောင်း ၊ အထွက်နှုန်းအနေဖြင့် (၇၅-၈၀)တင်းခန့်ထွက်ရှိကြောင်း၊ (၁)ဧက အကျိုးမြတ်အနေဖြင့်(၈၇၀၀၀၀/-) ကျပ်ရရှိကြောင်း ၊ စပါးစိုက်ပျိုးသော တောင်သူတစ်ဦး၏ ပြောကြားချက်အရ သိရှိရပါသည် ။ ယခုလက်ရှိ စပါးစျေးနှုန်းအနေဖြင့် မနောသုခစပါး(မိုး) တင်း(၁၀၀)လျှင် (၁၄၀၀၀၀၀-၁၅၀၀၀၀၀)ကျပ် ၊ မနောသုခ ဆန်(သစ်) ၂၄ ပြည် တစ်အိတ်လျှင် (၅၅၀၀၀-၆၀၀၀၀/-)ကျပ် ၊ ဧရာပဒေသာစပါး တင်း(၁၀၀)လျှင် (၂၄၀၀၀၀၀-၂၅၀၀၀၀၀/-)ကျပ် ၊ ဧရာပဒေသာဆန်(သစ်) ၂၄ ပြည် တစ်အိတ်လျှင် (၉၀၀၀၀-၉၅၀၀၀)ကျပ် စျေးနှုန်းများဖြင့် အ‌ရောင်းအဝယ်ဖြစ်နေကြောင်း ပွဲစားများထံမှသိရှိရ ပါသည်။

DOCA(မန္တလေး)

      မွန်ပြည်နယ်၊ ကျိုက်ထိုမြို့နယ်ရှိ မလော့ချောင်ကျေးရွာသည် ကွမ်းရွက်စိုက်ပျိုးခြင်းကို စီးပွားဖြစ်လုပ်ကိုင်နေသည့် ကျေးရွာတစ်ရွာဖြစ်သည်။

          ကွမ်းစိုက်တောင်သူများသည် ကွမ်းစိုက်ပျိုးရန်မြေကိုရွေးချယ်ရာ၌ ရေမဝပ်သော နုန်းမြေ (သို့မဟုတ်) သဲနုန်းမြေသည် အကောင်းဆုံးဖြစ်သည်။ ဘောင်ပြုပြင်ခြင်းကို အကျယ် ၄ ပေ၊ အမြင့် ၆ လက်မဘောင်ပြုလုပ်ပြီး ဘောင်တစ်ခုနှင့်တစ်ခုကြား ၂ ပေခန့် ရေနှုတ်မြောင်း ချန်ထားရသည်။ ကွမ်းပင်သည် နွယ်ကပ်ပင်များဖြစ်သဖြင့် တိုင်များ လိုအပ်ပါသည်။ နေရောင်တိုက်ရိုက်မကျစေရန် အုန်းလက်၊ ဆီအုန်းလက်၊ ထန်းရွက်တို့ဖြင့် အမိုးအကာများ ပြုလုပ်ပေးရသည်။ ကွမ်ပင်တစ်ပင်နှင့်တစ်ပင်အကွာအဝေးကို ၁ ပေခန့် ကွာ၍ စိုက်ပျိုးရပြီး တစ်ဧကတွင် ကွမ်းပင် (၇၀၀၀) မှ (၈၀၀၀) ပင် ဝင်ဆန့်ကြောင်း သိရှိရသည်။

          ကွမ်းပင်တစ်ဧကစိုက်ပျိုးရန် ကွမ်းမျိုး၊ ဝါးတိုင်၊ အမိုးပစ္စည်းများ၊ သွင်းအားစု မြေဩဇာ၊ ပိုးသတ်ဆေး၊ ရေသွင်းခြင်းတို့အတွက် စုစုပေါင်းတစ်ဧကကုန်ကျစရိတ်မှာ ကျပ်သိန်း (၅၀) မှ (၆၅) သိန်းကုန်ကျကြောင်းသိရှိရသည်။ ကွမ်းများကို စတင်စိုက်ပျိုးချိန်မှ (၄) လမှ (၆) လ အကြာတွင် စတင်ခူးဆွတ်နိုင်ပြီး ကွမ်းပင်သက်တမ်းအပေါ်မူတည်၍ (၂၀) ရက် သို့မဟုတ် ၁၅ ရက်တစ်ကြိမ်ခူးဆွတ်နိုင်ပြီး တစ်ကြိမ်ခူးလျှင် ပိဿာ (၁၀၀) မှ (၁၅၀) ထိ ထွက်ရှိကြောင်း၊ တစ်နှစ်လျှင် ပိဿာ (၃၅၀၀) မှ (၄၀၀၀) ထိ ထွက်ရှိကြောင်း သိရှိရသည်။

          ကွမ်းပင်သည် မိုးရာသီတွင် အထွက်များသော်လည်း နွေရာသီပွဲလမ်းသဘင်များသော အချိန်တွင် ကွမ်းစျေးတက်လေ့ရှိသည်။ ဒီဇင်ဘာလတွင် ကွမ်းတစ်ပိဿာလျှင် ယာကွမ်း (၁၈၀၀၀) ကျပ်၊ ရောကွမ်း (၁၁၀၀၀) ကျပ်ခန့် ဈေးနှုန်းရရှိပြီး မွန်ပြည်နယ်နှင့် ပဲခူးတိုင်းများသို့ တင်ပို့ရောင်းချကြောင်း သိရှိရသည်။ ကွမ်းစိုက်တောင်သူများအနေဖြင့် ပထမနှစ်တွင် စိုက်ခင်း တည်ဆောက်စရိတ်များသော်လည်း ဒုတိယနှစ်မှစ၍ စိုက်ခင်း တည်ဆောက်စရိတ် မရှိတော့သဖြင့် အကျိုးအမြတ်ပိုမိုရရှိနိုင်မည် ဖြစ်ကြောင်း ရေးသားလိုက်ရပါသည်။

DOCA (မွန်)

           ပဲခူးတိုင်းဒေသကြီး၊ ပြည်ပဲမျိုးစုံဈေးကွက်အတွင်း ပြည်တွင်းအဝယ်ရှိသော ပဲများနှင့် ပြည်တွင်းစားသုံးမှုများပြီး ဒေသတွင်းဝယ်လိုအားများသော ပဲများသာ လက်လီ/ လက်ကား ရောင်းဝယ်မှုဖြစ်လျက်ရှိခဲ့ကြပါသည်။ မတ်ပဲနှင့် ပဲစင်းငုံသီးနှံများမှာ လက်ကားရောင်းဝယ်မှုအဖြစ်များခဲ့ကာ ကုလားပဲ၊ ထောပတ်ပဲ၊ ပဲနီပြား စသည့် သီးနှံများကတော့ ပြည်ဈေးကွက်အတွင်း   ပြည်တွင်းစားသုံးမှုများသည့်အတွက် လက်လီ သမားအပြင် လက်ကားဝယ်ယူမှုလည်း ရှိခဲ့ကြပါသည်။ ထိုပဲများ၏ နှစ်အလိုက် နှစ်ကုန်ဖြစ်သော ဒီဇင်ဘာလအတွင်း ကာလတူအချိန်ဖြစ်ပေါ်ခဲ့သော ဈေးနှုန်းများကို လေ့လာရာတွင် အောက်ပါအတိုင်း တွေ့ရှိရပါသည် -

စဉ်        ပဲအမျိုးအစား          ၂၀၂၃            ၂၀၂၄            ၂၀၂၅           တင်းဈေး

                                      ဒီဇင်ဘာ        ဒီဇင်ဘာ        ဒီဇင်ဘာ        (ကျပ်)

၁။      မတ်ပဲ                     ၈၂၀၀၀          ၉၅၀၀၀        ၈၅၆၀၀        

၂။       ပဲစင်းငုံ                     ၉၃၀၀၀        ၁၀၂၀၀၀        ၇၉၀၀၀        

၃။      ကုလားပဲ                 ၉၄၀၀၀         ၉၅၅၀၀         ၈၁၀၀၀                            

၄။      ထောပတ်ပဲ              ၁၀၅၀၀၀       ၁၃၅၀၀၀      ၁၁၀၀၀၀                

၅။      ပဲနီပြား          ၁၀၀၀၀၀       ၁၄၅၀၀၀       ၁၆၀၀၀၀                  

        မတ်ပဲသီးနှံအနေဖြင့် (၃)နှစ်တာ ကာလအလိုက် ဈေးနှုန်းနှိုင်းယှဉ်မှု အခြေအနေအရ ၂၀၂၃ ခုနှစ်ဒီဇင်ဘာလမှာတော့ မတ်ပဲသီးနှံတစ်တင်းလျှင် (၈၂၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး ၂၀၂၄ခုနှစ်၊ ဒီဇင်ဘာလတွင် မတ်ပဲတစ်တင်းကို (၉၅၀၀၀)ကျပ်ဖြင့် တစ်တင်းလျှင် (၁၃၀၀၀)ကျပ်ခန့် ဈေးမြင့်တက်လာခဲ့ပြီး ယခုနှစ်ဖြစ်သော ဒီဇင်ဘာတွင် ပဲတစ်တင်းကို (၈၅၆၀၀)ကျပ်ဖြင့် တစ်တင်းကို (၉၄၀၀)ကျပ် ဈေးပြန်ကျလာခဲ့ပါသည်။

     ပဲစင်းငုံသီးနှံသည် ၃ နှစ်တာ ကာလ ဈေးနှုန်းနှိုင်းယှဉ်မှုအရ  ၂၀၂၃ ခုနှစ်ဒီဇင်ဘာလတွင် ပဲတစ်တင်းလျှင် (၉၃၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး ၂၀၂၄ခုနှစ်၊ ဒီဇင်ဘာလတွင် ပဲတစ်တင်းကို (၁၀၂၀၀၀)ကျပ်ဖြင့် တစ်တင်းလျှင် (၉၀၀၀)ကျပ် ဈေးမြင့်လာခဲ့ပြီး ၂၀၂၅ခုနှစ်၊ ဒီဇင်ဘာလတွင် ပဲတစ်တင်းကို (၇၉၀၀၀)ကျပ်ဖြင့် တစ်တင်းကို (၂၃၀၀၀)ကျပ် ဈေးများပြန်လည် ကျဆင်းလာတာတွေ့ရပါသည်။

       ကုလားပဲ သီးနှံမှာ ဒေသတွင်း ပဲခွဲစက်သမားများ အဓိကဝယ်ယူမှုရှိသည့် ပဲဖြစ်ခဲ့ပြီး နှစ်အလိုက် ဈေးနှုန်းနှိုင်းယှဉ်မှုအရ ၂၀၂၃ ခုနှစ်ဒီဇင်ဘာလတွင် ကုလားပဲတစ်တင်းလျှင် (၉၄၀၀၀) ကျပ်ဖြင့် အရောင်းအဝယ်ဖြစ်ခဲ့ပြီး ၂၀၂၄ခုနှစ်၊ ဒီဇင်ဘာလတွင် ပဲတစ်တင်းကို (၁၀၂၀၀၀) ကျပ်ဖြင့် တစ်တင်းလျှင် (၉၀၀၀)ကျပ် ဈေးမြင့်လာခဲ့ပြီး ၂၀၂၅ခုနှစ်၊ ဒီဇင်ဘာလတွင် ပဲတစ်တင်းကို (၇၉၀၀၀)ကျပ်ဖြင့် တစ်တင်းကို (၂၃၀၀၀)ကျပ် ဈေးများပြန်လည်ကျဆင်းလာတာ တွေ့ရပါသည်။

     ထောပတ်ပဲသီးနှံမှာ (၃)နှစ်စာဈေးနှုန်းနှိုင်းယှဉ်မှုအရ ၂၀၂၃ ခုနှစ်ဒီဇင်ဘာလတွင် ထောပတ်ပဲတစ်တင်းလျှင် (၁၀၅၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး ၂၀၂၄ခုနှစ်၊ ဒီဇင်ဘာလတွင် ပဲတစ်တင်းကို (၁၃၅၀၀၀)ကျပ်ဖြင့် တစ်တင်းလျှင် (၃၀၀၀၀)ကျပ် ဈေးမြင့်လာခဲ့ပြီး ၂၀၂၅ခုနှစ်၊ ဒီဇင်ဘာလတွင် ပဲတစ်တင်းကို (၁၁၀၀၀၀)ကျပ်ဖြင့် တစ်တင်းကို (၂၅၀၀၀)ကျပ် ဈေးများပြန်လည် ကျဆင်းလာတာတွေ့ရပါသည်။

        ပဲနီပြားသီးနှံမှာ ဒေသတွင်းဝယ်လက်များရှိသည့်အတွက် တစ်နှစ်ထက်တစ်နှစ် ဈေးနှုန်းများမြင့်တက်လာတာ တွေ့ရပါသည်။ နှစ်အလိုက်ဈေးနှုန်းများကို နှိုင်းယှဉ်ကြည့်လျှင် ၂၀၂၃ ခုနှစ်ဒီဇင်ဘာလတွင် ပဲနီပြားတစ်တင်းလျှင် (၁၀၀၀၀၀)ကျပ်ဖြင့် အရောင်းအဝယ်ဖြစ်ခဲ့ပြီး ၂၀၂၄ခုနှစ်၊ ဒီဇင်ဘာလတွင် ပဲတစ်တင်းကို (၁၄၅၀၀၀)ကျပ်ဖြင့် တစ်တင်းလျှင် (၄၅၀၀၀)ကျပ် ဈေးမြင့်လာခဲ့ပြီး ၂၀၂၅ခုနှစ်၊ ဒီဇင်ဘာလတွင် ပဲတစ်တင်းကို (၁၆၀၀၀၀)ကျပ်ဖြင့် တစ်တင်းကို (၁၅၀၀၀)ကျပ် ဈေးများဆက်လက်မြင့်တက်လာခဲ့တာကို တွေ့ရှိရပါသည်။

     ထို့ကြောင့် ပြည်မြို့ရှိပဲဈေးကွက်ရှိ ပဲများ၏ (၃)နှစ်ဆက်တိုက် နှိုင်းယှဉ်မှု့ကိုကြည့်လျှင် ပဲနီပြားသီးနှံတစ်မျိုးတည်းသာ   ဆက်တိုက်ဈေးနှုန်းများမြင့်တက်လာကြောင်း လေ့လာသိရှိရပါသည်။

DOCA(ပဲခူး)