ပြည်တွင်းကုန်သွယ်မှုသတင်း

 ခေတ်မီဖွံ့ဖြိုးတိုးတက်လာသည့် အချိန်ကာလများနှင့်အတူ လူနေမှုပုံစံများ၊ အစားအသောက် ပုံစံများ ပြောင်းလဲလာသည်မှာ နှစ်အတော်ကြာခဲ့ပြီးဖြစ်ပါသည်။ ဆက်လက်၍လည်း တိုးတက် ပြောင်းလဲမှုများ အစဉ်ဖြစ်ပေါ်နေမှာဖြစ်ပါ၍မိမိတို့အနေဖြင့် ကောင်းမွန်သည့်ပြောင်းလဲမှုများကို လက်ခံသင့်သလို ကျန်းမာရေးနှင့်ပတ်သက်၍ စားသောက်မှုပုံစံများ၌ သတိရှိစွာနေထိုင်စားသောက် ရန် အထူးလိုအပ်ပါသည်။

          ယနေ့မျက်မှောက်ခေတ်တွင် အစားအသောက်များကို နည်းလမ်းပေါင်းစုံဖြင့် ပြုပြင် ထုတ်လုပ်လာကြရာဝယ် ကောင်းမွန်သည့်ထုတ်လုပ်မှုများရှိသလို ကျန်းမာရေးကိုထိခိုက်စေနိုင် သည့် မမှန်မကန်ထုတ်လုပ်ကြသည်များလည်းရှိရာ မိမိတို့အနေဖြင့် ကျန်းမာရေးရှု့ထောင့်မှကြည့်ရှု့ တတ်ရန်နှင့် အသိပညာဗဟုသုတများ လူသားတိုင်းတွင်ရှိရန်လိုအပ်ပါသည်။ နည်းပညာအကူအညီ များနှင့်ပြုပြင်ထုတ်လုပ်သော အစားအစာများထက် သဘာဝအလျောက်စားသုံးနိုင်သည့် အသီးအနှံ များနှင့် ဆန်၊ ဆန်ကွဲ၊ ဂျုံ၊ ပြောင်း၊ ကောက်ညှင်းစသည်တို့ဖြင့် တိုက်ရိုက်ထုတ်လုပ်ထားသော သန့်ရှင်းလတ်ဆတ်သည့် မြန်မာ့မုန့်ပဲသွားရည်စာများကို စားသုံးခြင်းသည်ကျန်းမာရေးနှင့် ညီညွတ် ပြီး ခန္ဓာကိုယ်အတွက် အစာအဟာရဖြစ်စေသည့်အတွက် ဦးစားပေးစားသုံးသင့်ပါသည်။

          မြန်မာ့မုန့်ပဲသွားရည်စာများ စားသုံးခြင်းဖြင့် အခြေခံလူတန်းစားများ၏ အလုပ်အကိုင်များ အဆင်ပြေနိုင်၍ မိသားစုစားဝတ်နေရေးများအတွက်အထောက်အကူပြုပါသည်။ မြန်မာ့မုန့်ပဲသရေ စာများမှ မုန့်ပြားသလက်သည်လည်းစားသုံးမှုများသည့် မုန့်တစ်မျိုးဖြစ်ပြီး အစဉ်ရောင်းချလျက် ရှိရာ မုန့်ပြားသလက်တစ်ခုလျှင်(၃၀၀)ကျပ်၊ ဆိုင်ကယ်ဖြင့်လိုက်လံရောင်းချသော ဈေးသည်များမှလည်း မှာယူ၍ရောင်းချမှုရှိသောကြောင့် ဖောက်သည်ဈေးအနေဖြင့်တစ်ခုလျှင်(၂၅၀)ကျပ်ဖြင့် ရောင်းချ မှုရှိကြောင်း၊ မုန့်ပြားသလက်မှာ အရင်းအနှီးနည်းပါးပြီး ကုန်ကြမ်းအနေဖြင့် တစ်ရက်လျှင်ဆန်ကွဲ သုံးပြည်ခန့်ကြိတ်ခွဲ၍ ပြုလုပ်ရောင်းချရကြောင်း၊ အမျိုးအစားများအနေဖြင့် အဖြူ၊ အနီ ၊ ချဉ်ငန်စပ် ဟူ၍(၃)မျိုးကိုပြုလုပ်ရောင်းချကြောင်း၊ အနီမှာ ထန်းလျက်ဖြင့်ပြုလုပ်၍ အဖြူမှာ ပဲလွန်းပြုတ်ကို ထည့်ရပြီး၊ ချဉ်ငန်စပ်မှာ ငရုပ်သီးစိမ်း၊ ခရမ်းချဉ်သီး၊ နံနံပင်များကို ထည့်သွင်းပြုလုပ်ရကြောင်းနှင့် ချဉ်ငန်စပ်မှာ ကလေးလူကြီးအကြိုက်များပြီး အနီမှာလူကြီးများကြိုက်နှစ်သက်ကြောင်းနှင့် တစ်ရက် လျှင်(၄၀၀၀၀၊၅၀၀၀၀)ကျပ်ဝန်းကျင်ခန့် ရောင်းအားရှိကြောင်း မြင်းခြံမြို့၊ အမှတ်(၇)ရပ်ကွက်ရှိ မုန့်ပြားသလက်ရောင်းချသူတစ်ဦးထံမှ သိရသည်။

DOCA(မန္တလေး)

          မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် ကွမ်းရွက်များကို ဧရာဝတီ တိုင်းဒေသကြီး ကနောင်၊ မြန်အောင်၊ ပဲခူးတိုင်းဒေသကြီး ပေါက်ခေါင်း၊ ပေါင်းတလည်၊ စစ်ကိုင်း တိုင်းဒေသကြီး မုံရွာမြို့တို့ရှိကွမ်းခြံများမှ တိုက်ရိုက်ဝယ်ယူရောင်းချကြောင်း၊ ကွမ်းသီးများကို ထားဝယ်မှတိုက်ရိုက် တင်ပို့သည့် ပြည်မြို့ရှိ ကွမ်းဒိုင်မှတဆင့် မှာယူရောင်းချကြောင်း၊ ကွမ်းစား ထုံးကို မကွေးမှဝယ်ယူရောင်းချပြီး နှပ်ဆေးနှင့်ဗမာဆေးကို မုံရွာနှင့်ပခုက္ကူမှ ဝယ်ယူရောင်းချ ကြောင်း သိရသည်။

          မင်းလှမြို့တွင် ကွမ်းသီး၊ ကွမ်းရွက် လက်လီလက်ကားရောင်းချသည့်ဆိုင် (၉)ဆိုင် ခန့်ရှိပြီး ကွမ်းစိမ်းနှင့်ကွမ်းရွက်ဝါ(၂)မျိုးရှိသည့်အနက် ကွမ်းရွက်ဝါကိုပိုအစားများကြကြောင်း သိရှိရသည်။ ကွမ်းရွက်ဈေးနှုန်းအနေဖြင့် ၂၀၂၅ခုနှစ်၊ မတ်လ(တတိယပတ်)တွင် ကွမ်းရွက်ဝါ(၁) ပိဿာလျှင် ကွမ်းရွက်အကြီး၊ အသေးနှင့် ဝယ်ယူတင်သွင်းရသည့်နေရာဒေသအလိုက် ကျပ်(၄၀၀၀-၅၀၀၀-၆၀၀၀)၊ ကွမ်းသီးခြမ်း(၁)ပိဿာလျှင် ကျပ်(၂၄၀၀၀)၊ ကွမ်းသီးစိပ်(၁) ပိဿာလျှင် ကျပ် (၂၂၀၀၀)၊ ကွမ်းစားထုံး(၁)လီတာ(၁)ဘူးလျှင် ကျပ်(၁၈၀၀)၊ ကွမ်းစားနှပ်ဆေး (၁)ထုပ်လျှင် ကျပ် (၁၀၀၀)၊ ဗမာဆေး(၁)ထုပ်လျှင် ကျပ်(၇၀၀) စသည့်ဈေးနှုန်းများဖြင့် ရောင်းချလျက်ရှိကြောင်း သိရ သည်။

          အရောင်းအဝယ်အနေဖြင့် (၁)ရက်လျှင်ကွမ်းရွက်ပိဿာချိန် (၁၀)ပိဿာနှင့်အထက် ရောင်းချ ရပြီး ကွမ်းသီး၊ ကွမ်းစိပ်မှာ(၅)ပိဿာမှ (၇)ပိဿာထိပုံမှန်ရောင်းချရပါကြောင်း၊ ယခင် မတ်လ (ဒုတိယပတ်)နှင့်နှိုင်းယှဉ်ပါက ယခုတစ်ပတ်တွင် ကွမ်းရွက်မှာ ကျပ်(၄၀၀၀-၅၀၀၀) ဈေးနှုန်း လျော့ကျခဲ့ပြီး ကွမ်းသီးခြမ်းမှာ ကျပ်(၈၀၀၀)ဈေးနှုန်းမြင့်တက်လာကြောင်း၊ ယခုအချိန်သည် ကွမ်းစိုက်ပျိုးထွက်ရှိရာ ဒေသများ၌ ကွမ်းအထွက်နှုန်းများ လှိုင်လှိုင်ထွက်ရှိနေ၍ ကွမ်းဈေးနှုန်းမှာ လျော့ကျရခြင်းဖြစ်ပြီး ကွမ်းသီးမှာ နိုင်ငံခြားသို့တင်ပို့မှုများသောကြောင့် ဈေးနှုန်းမြင့်တက်ရခြင်း ဖြစ်ကြောင်း  အထက်မင်းလှ- သရက်ကားလမ်းဘေးရှိ ကွမ်းသီး၊ ကွမ်းရွက်ရောင်းချသည့် ကွမ်းဆိုင် ပိုင်ရှင်တစ်ဦးထံမှ သိရှိရပါသည်။

DOCA(မကွေး)

           ဘုရင့်နောင်ဆန်စပါးကုန်စည်ဒိုင်သို့ ၁၉.၃.၂၀၂၅ ရက်နေ့တွင် ပဲခူး(အရှေ့) မှ ရှယ်စ ၂၁၂၀ အိတ်ဝင်ရောက်လာပြီး ဈေးနှုန်းမှာ ၆၈၀၀၀ မှ ၇၀၀၀၀ ကျပ်၊ ဆန်ကြမ်းထိပ်စအိတ်ရေ ၂၀၁၀ နှင့် ဈေးနှုန်းမှာ ၆၇၀၀၀ မှ ၆၈၀၀၀ ကျပ်၊ လက်စအိတ်ရေ ၁၄၇၂ နှင့် ဈေးနှုန်းမှာ ၆၆၀၀၀ မှ ၆၇၀၀၀ ကျပ်၊ ၂၅မတ်ဆန်အိတ် ၁၀၂၀ နှင့် ဈေးနှုန်းများမှာ ၆၄၀၀၀ မှ ၆၅၀၀၀ ကျပ်၊ ဆန်ကွဲအိတ်ရေ ၃၉၆၀ နှင့် ဈေးနှုန်းများမှာ ၄၈၅၀၀ မှ ၅၂၀၀၀ ကျပ်တိုဖြစ်ကြောင်းသိရှိရပြီး ပဲခူး(အနောက်) မှ ရှယ်စ ၂၃၈၉ အိတ်၊ ဆန်ကြမ်းထိပ်စအိတ် ၁၆၃၂၊ လတ်စအိတ်ရေ ၁၅၆၀၊ ဆန်ကွဲအိတ်ရေ ၃၈၇၂၊ ဧရာဝတီတိုင်းမှ ရှယ်စ ၂၄၅၃ အိတ်၊ ဆန်ကြမ်းထိပ်စ ၁၈၇၅ အိတ်၊ လတ်စ ၁၅၅၈ အိတ်၊ ၂၅% ၉၆၀ နှင့် ဆန်ကွဲအိတ် ရေ ၁၉၅၃ တို့ဝင်ရောက်ကြောင်းသိရှိရပြီး ဆန်သစ်များဝင်ရောက်လာပါသဖြင့် ဆန်ဈေးနှုန်းအနည်း ငယ်အေးကြောင်းနှင့် ဈေးနှုန်းများမှာလည်း တူညီမှုရှိကြောင်း သိရှိရပါသည်။

DOCA(ရန်ကုန်)

           ရန်ကုန်တိုင်းဒေသကြီး လှိုင်မြို့နယ်  သီရိမင်္ဂလာဈေးအတွင်းသို့ နေ့စဉ် ဟင်းသီးဟင်းရွက်၊ သစ်သီး၊ ပန်းများဝင်ရောက်လျက်ရှိရာ အောင်ပန်း၊ တောင်ကြီး၊ ကလော၊ ဟဲဟိုး၊ အင်းလေး၊ မှော်ဘီ၊ တိုက်ကြိး၊ တွံတေး၊ ကျောင်းကုန်း၊ ရွှေညောင်၊ ညောင်နှစ်ပင်၊ ခရမ်း၊ သုံးခွ၊ ဝါးနက်ချောင်း၊ ဧရာဝတီတိုင်း၊ပဲခူးတိုင်း၊ မန္တလေးတိုင်းတို့မှ ၁၆.၃.၂၀၂၅ မှ ၂၀.၃.၂၀၂၅ ရက်နေ့တွင် ဟင်းသီးဟင်းရွက်ကုန်ချိန် ပိဿာချိန်ပေါင်း (၄၃၂၃၇၅၀) ကား (၅၀၄) စီးဝင်ရောက် ကြောင်း၊ ပြင်ဦးလွင်၊ ကလော၊ မိုးကုတ်၊ တောင်ကြီး၊ အောင်ပန်း၊ ဘီးလင်း၊ တပ်ကုန်း၊ ရဲမွန်၊ ရေး၊ အင်းမ၊ မှော်ဘီ၊ တိုက်ကြိး၊ မန္တလေး ၊ သီပေါ၊ ကျိုက်ကော်၊ မော်လမြိုင်၊ ပုပ္ပါး၊ ကျောက်ဆည်၊ တောင်ငူ၊ တွံတေး၊ ထားဝယ်၊ ကြံခင်း၊ ခရမ်းတို့မှ သစ်သီးများ ကုန်ချိန်ပိဿာချိန်ပေါင်း (၄၂၅၆၀၀) ကား(၄၉) စီးဝင်ရောက် ကြောင်းနှင့် ကလော၊ ဟဲဟိုး၊ ပြင်ဦးလွင်၊ တောင်ကြီး၊ ရွှေတောင်၊ ငွေတောင်၊ လှည်းကူး၊ ကျွန်းကလေး၊ ဇီးဖြူကုန်း၊ တွံတေး၊ ကော့မှူး၊ ညောင်တုန်း၊ နေပြည်တော်တို့မှ ပန်းများ ကုန်ချိန်ပိဿာချိန်(၁၆၈၅၃၀) ကား (၁၆၈) စီးဝင်ရောက်ကြောင်း သိရှိရပါသည်။

DOCA(ရန်ကုန်)

            ထားဝယ်မြို့၊ သစ်သီးဈေးကွက်အတွင်း မရမ်းသီးမှည့်များ ဝင်ရောက်လျက်ရှိပါသည်။ မရမ်းသီးကို ဒီဇင်ဘာလ တတိယပတ်လောက်မှ စတင်ဝင်ရောက်ခဲ့ပြီး လုံးသေးများကို ရာသီစာအဖြစ် မရမ်းသီးထောင်း၍ ဟင်းအဖြစ်စားသုံးကြပါသည်။ စတင်ဝင်ရောက်ချိန်တွင် မရမ်းသီး ၁၀  လုံးလျှင် ၅၀၀၀ ကျပ်ထိ ဈေးရှိခဲ့ပြီး၊ ဇန်နဝါရီလတွင်  ၃၀၀၀ ကျပ်ဝန်းကျင် ထိဈေးရှိပြီး၊ ယခု မတ်လတွင် မရမ်းသီးများ ရင့်မှည့်လာပြီး ဈေးနှုန်းလည်းကျဆင်းခဲ့ပါတယ်။ အချို့အိမ်ရှင်မများ အနေနှင့် ယခုလိုမရမ်းသီး ၁၀ လုံးလျှင် ၁၅၀၀ ကျပ်မှ ၂၀၀၀ ကျပ်ဝန်းကျင် ဈေးပေါချိန်တွင် မရမ်းသီးများကို ပါးပါးလှီး၍ နေလှမ်းပြီး အခြောက်ထိန်းသိမ်းထားရှိကာ မိုးကာလ ခရမ်းချဉ်သီး ရှားပါးသည့်ချိန်တွင် ခရမ်းချဉ်သီးအစား မရမ်းသီးခြောက်နှင့် ဟင်းများချက်ပြုတ် စားသောက်ကြပါ သည်။ မရမ်းသီးအမှည့်မှာ ချဉ်ချိုမွှေးအရသာရှိသည့်အတွက် အချဉ်ကြိုက်သူများက မရမ်းသီးမှည့်များကို နှစ်သက်ကြပါသည်။ ယခု လတ်တလော မရမ်းသီးမှည့် ဈေးကွက်အနေနှင့် ၁၀ လုံးလျှင် ၁၅၀၀-၁၀၀၀ ကျပ်ထိ ဈေးကွက်တွင် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(တနင်္သာရီ)