ပြည်တွင်းကုန်သွယ်မှုသတင်း

စစ်ကိုင်းတိုင်းဒေသကြီး၊ ကန့်ဘလူခရိုင် ကျွန်းလှမြို့ သစ်ရာမြိုင်ဈေးရှိ သစ်သီးဆိုင်များတွင် လိမ္မော်သီးများ အများအပြားရောင်းချလျက်ရှိကြောင်း၊ လိမ္မော်သီးများကို မန္တလေးမြို့ရှိ သစ်သီးပွဲရုံ များမှ မှာယူရောင်းချလျက်ရှိကြောင်း သိရသည်။

          လိမ္မော်သီးအမျိုးအစားများမှာ ပျားသံပုရာ၊ ပျားလိမ္မော်၊ ရွှေလိမ္မော်နှင့် အလုံးကြီးမျိုး စသည် ဖြင့်ရှိကြောင်း၊ ၂၀၂၅ ခုနှစ် ၊ မတ်လ တတိယပတ်အတွင်း ကျွန်းလှမြို့ရှိ သစ်သီးဆိုင်များတွင် လိမ္မော်သီးအလုံးကြီး(၁)လုံးလျှင် ၁၀၀၀ကျပ်၊ ရွှေလိမ္မော်သီး(၁)ပိဿာလျှင်၂၂၀၀၀ကျပ်၊ ပျားလိမ္မော် သီး(၁)ပိဿာလျှင် ၂၀၀၀၀ကျပ်ဖြင့် ရောင်းချလျက်ရှိကြောင်း၊ လူကြီးလူငယ်မရွေး ကြိုက်နှစ်သက် သည့်အတွက် လိမ္မော်သီးများ အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

စစ်ကိုင်းတိုင်းဒေသကြီး၊ ကန့်ဘလူခရိုင် ကျွန်းလှမြို့ သစ်ရာမြိုင်ဈေးရှိ သစ်သီးဆိုင်များတွင် ပန်းသီးများ အများအပြားရောင်းချလျက်ရှိကြောင်း၊ ပန်းသီးများကို မန္တလေးမြို့ရှိ သစ်သီးပွဲရုံများမှ မှာယူရောင်းချလျက်ရှိကြောင်း သိရသည်။

          ပန်းသီးအမျိုးအစားများမှာ အလုံးကြီးနှင့် အလုံးသေးနှစ်မျိုးရှိပြီး ၂၀၂၅ ခုနှစ် ၊ မတ်လ တတိယပတ်အတွင်း ကျွန်းလှမြို့ရှိ သစ်သီးဆိုင်များတွင် ပန်းသီးအလုံးကြီး(၃)လုံးလျှင် ၁၀၀၀၀ကျပ် (၁)လုံးလျှင် ၃၅၀၀ကျပ်၊ ပန်းသီးအလုံးသေး(၄)လုံးလျှင် ၁၀၀၀၀ကျပ်ဖြင့် ရောင်းချလျက်ရှိကြောင်း၊ လူကြီးလူငယ်မရွေး ကြိုက်နှစ်သက်သည့်အတွက် ပန်းသီးများအရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

စစ်ကိုင်းတိုင်းဒေသကြီး၊ ကန့်ဘလူခရိုင် ကျွန်းလှမြို့ သစ်ရာမြိုင်ဈေးရှိ သစ်သီးဆိုင်များတွင် စပျစ်သီးများ အများအပြားရောင်းချလျက်ရှိကြောင်း၊ စပျစ်သီးများကို မန္တလေးမြို့ရှိ သစ်သီးပွဲရုံများ မှမှာယူရောင်းချလျက်ရှိကြောင်း သိရသည်။

          စပျစ်သီးအမျိုးအစားများမှာ အလုံးသီးနှင့် အချွန်းသီး နှစ်မျိုးရှိကြောင်း၊ ၂၀၂၅ ခုနှစ် ၊ မတ်လ တတိယပတ်အတွင်း ကျွန်းလှမြို့ရှိ သစ်သီးဆိုင်များတွင် စပျစ်သီးအလုံး(၁)ပိဿာလျှင်၂၀၀၀၀ကျပ်၊ (၂၅)ကျပ်သားလျှင် ၅၀၀၀ကျပ်၊ စပျစ်သီးအချွန်း(၁)ပိဿာလျှင် ၂၀၀၀၀ကျပ်ဖြင့် ရောင်းချလျက်ရှိ ကြောင်း၊ လူကြီးလူငယ်မရွေး ကြိုက်နှစ်သက်သည့်အပြင် ရွှေရင်အေးဆိုင်များမှ ဝယ်ယူကြသည့် အတွက် စပျစ်သီးများ အရောင်းအဝယ်ဖြစ်လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

          ပြည်ထောင်စုနယ်မြေ၊ နေပြည်တော်အတွင်း ကြက်သွန်နီ စိုက်ပျိုးမှုများမှ ထွက်ရှိလာမှုနှင့် အမြိတ်ပေါ် အနေအထားများဖြင့် ဝင်ရောက်နေမှုရှိနေခဲ့ပါသည်။ ပျော်ဘွယ်နှင့် မိတ္ထီလာမှ ဝင်ရောက် မှုများ တွေ့ရှိလာရပြီး မြစ်သားကြက်သွန်ဝင်ရောက်မှု ပုံမှန်အနေအထားများရှိနေခြင်းတို့ကြောင့် ကြက်သွန်နီဈေးနှုန်း နိမ့်ကျလာမှုကို တွေ့ရှိလာရပါသည်။

          ကြက်သွန်ဖြူ(ရှမ်း)တွင် ဒေသတွင်းသို့ အောင်ပန်း၊ ပင်လောင်း၊ နောင်တရား၊ တီကျစ်တို့မှ ဝင်ရောက်မှုများ ရှိနေသဖြင့် ဒေသတွင်းလက်လီဈေးနှုန်းလျော့ကျမှုအနေအထားကို တွေ့ရပါသည်။

          ကြက်သွန်ဖြူ(ကြူကုတ်) သိုလှောင်ထားမှုများမှ ဈေးကွက်များသို့ဝင်ရောက်မှု အားကောင်းခဲ့ ပြီး အရည်အသွေးတွင်နိမ့်ကျမှုအခြေအနေများ ရှိနေပါသည်။ ကြက်သွန်ဖြူ (ရှမ်း) အသစ် ဝင်ရောက် မှုအားကောင်းခဲ့ပြီး ကြက်သွန်ဖြူ (ရှမ်း)သုံးစွဲမှု ပိုမိုလာသည့် အနေအထားကြောင့် ကြက်သွန်ဖြူ (ကြူကုတ်) ဈေးနှုန်းနိမ့်ကျမှုရှိလာခဲ့သည့် အနေအထားကို တွေ့ရပါသည်။

DOCA(နေပြည်တော်)

            တနင်္သာရီတိုင်းဒေသကြီးအတွင်း ပုလောမြို့နယ် ခန္တီရွာ၊ ရှပ်ပုံရွာများတွင် ရှပ်အခြောက် အများဆုံးထွက်ရှိပါသည်။ ယခုနှစ်မှာ ရေးမြို့နယ်ဘက်မှအဝင်နဲပြီး ပုလောဘက်မှ အဝင်အများဆုံး ဖြစ်သည်။ အစိမ်းခြောက်ဟုခေါ်သော အကောင်ကြီးအပြား ရှပ်ခြောက် (၁)ပိဿာလျှင် (၇၅၀၀၀) ကျပ် ၁ဗူးစျေးနှုန်းမှာ (၄၀၀၀)ကျပ်နှင့် အပြုတ်ခြောက်ဟုခေါ်သော အကောင်ငယ်အလုံး ရှပ်ခြောက် (၁)ပိဿာလျှင်(၅၀၀၀၀)ကျပ် ၁ဗူးစျေးနှုန်းမှာ (၄၀၀၀)ကျပ် ရှိကြောင်းသိရှိရပါသည်။

DOCA(တနင်္သာရီ)