ပြည်တွင်းကုန်သွယ်မှုသတင်း

    မကွေးတိုင်းဒေသကြီး၊ မကွေးခရိုင်၊ မကွေးကုန်စည်ဒိုင်သို့ နှမ်းနှင့် ပဲမျိုးစုံသီးနှံများကို  မကွေးမြို့နယ်အတွင်းရှိ ကျေးရွာများနှင့် ရေနံချောင်း၊ နတ်မောက်မြို့များအပြင် မင်းဘူးမြို့နယ်ရှိ ကျေးရွာများမှလည်း လာရောက်ရောင်းချကြပြီး အရောင်းအဝယ်ဖြစ်လျက်ရှိသောဈေးနှုန်းများမှာ ၂၀၂၃ခုနှစ်၊ စက်တင်ဘာလ(စတုတ္တပတ်)တွင် ပဲတီစိမ်း(၁)ပိဿာလျှင် ကျပ်(၃၁၀၀)ဖြစ်ပြီး အောက်တိုဘာလ(ပထမပတ်)တွင် ကျပ်(၃၀၀၀)ဖြစ်၍ ကျပ်(၁၀၀)ဈေးလျော့ခဲ့ပြီး (၁)ရက်လျှင် (၃၀)ပိဿာဝင်အိတ်ဖြင့် အိတ်ရေ(၈၀)အိတ်ခန့် အရောင်းအဝယ်ရှိခဲ့ပါသည်။

    ကုလားပဲ(HL)(၁)ပိဿာလျှင် ယခင်အပတ်တွင် ကျပ်(၄၆၇၀)ဖြစ်ပြီး ယခုအပတ်တွင် ကျပ် (၄၆၆၀)ဖြစ်၍ ကျပ်(၁၀)ဈေးလျော့ခဲ့ကြောင်း၊ ကုလားပဲ(929)(၁)ပိဿာလျှင် ယခင်အပတ်တွင် ကျပ်(၄၇၄၀)ဖြစ်ပြီး ယခုအပတ်တွင် ကျပ်(၄၆၈၀)ဖြစ်၍ ကျပ်(၆၀)ဈေးလျော့ခဲ့ပြီး (၁)ရက်လျှင် (၃၀)ပိဿာဝင်အိတ်ဖြင့် ကုလားပဲ(HL)အိတ်ရေ(၁၄၀)အိတ်ခန့်၊ ကုလားပဲ(929)အိတ်ရေ(၆၀) အိတ်ခန့် အရောင်းအဝယ်ရှိခဲ့ပါသည်။

     ပဲကြီးဖြူ(၁)ပိဿာလျှင် ယခင်အပတ်တွင် ကျပ်(၅၁၁၀)ဖြစ်ပြီး ယခုအပတ်တွင်လည်း ကျပ် (၅၁၁၀)၊ ပဲကြီးမဲ(၁)ပိဿာလျှင် ယခင်အပတ်တွင် ကျပ်(၄၄၇၀)ဖြစ်ပြီး ယခုအပတ်တွင်လည်း ကျပ် (၄၄၇၀)၊ စားတော်ပဲ(၁)ပိဿာလျှင် ယခင်အပတ်တွင် ကျပ်(၆၆၅၀)ဖြစ်ပြီး ယခုအပတ်တွင်လည်း ကျပ်(၆၆၅၀)၊ စားတော်ပဲ(၁)ပိဿာလျှင် ယခင်အပတ်တွင် ကျပ်(၆၆၅၀)ဖြစ်ပြီး ယခုအပတ်တွင် လည်း ကျပ်(၆၆၅၀)၊ မတ်ပဲ(၁)ပိဿာလျှင် ယခင်အပတ်တွင် ကျပ်(၄၁၅၀)ဖြစ်ပြီး ယခုအပတ်တွင် လည်း ကျပ်(၄၁၅၀)ဖြစ်၍ ဈေးနှုန်းတည်ငြိမ်နေပြီး (၁)ရက်လျှင်(၃၀)ပိဿာဝင်အိတ်ဖြင့် ပဲကြီးဖြူ အိတ်ရေ(၁၀၀)အိတ်ခန့်၊ ပဲကြီးမဲအိတ်ရေ(၄၀)အိတ်ခန့်၊ စားတော်ပဲအိတ်ရေ(၂၀)အိတ်ခန့်၊ မတ်ပဲ အိတ်ရေ(၄၀)အိတ်ခန့် အရောင်းအဝယ်ရှိခဲ့ပါသည်။

    မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၆၅၀၀)ဖြစ်ပြီး ယခုအပတ်တွင် ကျပ် (၆၆၀၀)ဖြစ်၍ ကျပ်(၁၀၀)ဈေးမြင့်ခဲ့ကြောင်း၊ မြေပဲလုံးဆံနီ(၁)ပိဿာလျှင် ယခင်အပတ်တွင် ကျပ် (၇၆၀၀)ဖြစ်ပြီး ယခုအပတ်တွင် ကျပ်(၇၈၀၀)ဖြစ်၍ ကျပ်(၂၀၀)ဈေးမြင့်ခဲ့ပြီး (၁)ရက်လျှင် (၃၀)ပိဿာဝင်အိတ်ဖြင့် အိတ်ရေ(၄၀၀)အိတ်ခန့် အရောင်းအဝယ်ရှိခဲ့ပါသည်။

   မကွေးတိုင်းဒေသကြီးမှ မန္တလေးမြို့သို့တင်ပို့မှုအနေဖြင့် မြေပဲ(၂၀၀၀)အိတ်၊ ကုလားပဲ (၁၅၀၀)အိတ်နှင့် ရန်ကုန်မြို့သို့ မြေပဲ(၅၀၀)အိတ်၊ ကုလားပဲ(၅၀၀)အိတ်၊ ပဲတီစိမ်း(၁၄၇၀)အိတ်၊ စုစုပေါင်း(၅၉၇၀)အိတ်တို့ တင်ပို့ခဲ့ကြောင်း သိရသည်။

DOCA(မကွေး)

   မွန်ပြည်နယ်၊ မော်လမြိုင်မြို့၊ အမှတ်(၁)ဈေးကြီး၌  ၂၀၂၃ခုနှစ်၊ အောက်တိုဘာလ ပထမအပတ်အတွင်း ရောင်းချလျက်ရှိသောငါးခြောက်အမယ်များမှာ ငါးနှပ်ခြောက်(အာဗြဲခြောက်)၊ ငါးပုပ်ခြောက်၊ ငါးနီတူခြောက်၊ ငါးလိပ်ကျောက်ခြောက်၊ ငါးရွှေခြောက်၊ ငါးအူမြင်းခြောက်၊ ငါးကွင်းဆက်ခြောက်၊ ငါးတံခွန်ခြောက်(အကောင်သေး)၊ ငါးတံခွန်ခြောက်ခွဲခြမ်း၊ ငါးဖောင်ရိုးခြောက်၊ ငါးစာပြက်၊ ငါးစင်ရိုင်းခြောက်၊ ပုစွန်ခြောက်(အကြီး)၊ ပုစွန်ခြောက်(အလတ်)၊ ပုစွန်ခြောက် (အသေး)၊ ပုစွန်ခြောက်အခွံပါ အမှုန့်ခြောက်တို့ဖြစ်သည်။

    ၎င်းငါးခြောက်အမယ်စုံ၏ ဈေးနှုန်းများမှာ ငါးနှပ်ခြောက်(အာဗြဲခြောက်)(အကြီး)တစ်ပိဿာ လျှင် ကျပ်၄၀၀၀၀၊ ငါးနှပ်ခြောက်(အာဗြဲခြောက်)(အလတ်) တစ်ပိဿာလျှင် ကျပ်၃၂၀၀၀၀၊  ငါးနှပ်ခြောက်(အာဗြဲခြောက်)(အသေး) တစ်ပိဿာလျှင် ကျပ်၂၃၀၀၀၀၊ ငါးပုပ်ခြောက်တစ်ပိဿာလျှင် ကျပ်၂၅၀၀၀၊   ငါးနီတူခြောက်တစ်ပိဿာလျှင် ကျပ်၂၀၀၀၀၊   ငါးလိပ်ကျောက်ခြောက်တစ်ပိဿာလျှင် ကျပ်၂၄၀၀၀၊  ငါးရွှေခြောက်တစ်ပိဿာလျှင် ကျပ်၁၈၀၀၀၊  ငါးအူမြင်းခြောက်တစ်ပိဿာလျှင် ကျပ်၂၀၀၀၀၊   ငါးကွင်းရှပ်ခြောက် (အကြီး) တစ်ပိဿာလျှင် ကျပ်၄၂၀၀၀၊ ငါးကွင်းရှပ်ခြောက်(အလတ်)တစ်ပိဿာလျှင် ကျပ်၃၇၀၀၀၊ ငါးကွင်းဆက်ခြောက် (အသေး) တစ်ပိဿာလျှင် ၂၂၀၀၀ကျပ်မှ ၃၀၀၀၀ကျပ်အတွင်း၊ ငါးတံခွန်ခြောက်(အကောင်သေး) တစ်ပိဿာလျှင် ၁၂၀၀၀ကျပ်မှ ၁၃၀၀၀ကျပ်အတွင်း၊ ငါးတံခွန်ခြောက် ခွဲခြမ်းတစ်ပိဿာလျှင်  ၁၂၀၀၀ကျပ်၊  ငါးဖောင်ရိုးခြောက်တစ်ပိဿာလျှင် ကျပ်၁၈၀၀၀၊ ငါးစာပြက်တစ်ပိဿာလျှင်  ၂၀၀၀၀ကျပ်မှ ၂၂၀၀၀ကျပ်အတွင်း၊ ငါးစင်ရိုင်းခြောက်တစ်ပိဿာလျှင် ကျပ်၂၂၀၀၀၊ ပုစွန်ခြောက် (အကြီး) တစ်ပိဿာလျှင် ကျပ်၇၀၀၀၀၊  ပုစွန်ခြောက် (အလတ်) တစ်ပိဿာလျှင် ကျပ်၆၀၀၀၀၊  ပုစွန်ခြောက် (အသေး)တစ်ပိဿာလျှင် ကျပ်၄၅၀၀၀၊ ပုစွန်ခြောက်အခွံပါ အမှုန့်ခြောက်တစ်ပိဿာလျှင် ၂၀၀၀၀ကျပ်တို့ဖြစ်သည်။ အဆိုပါ ငါးခြောက်ဈေးနှုန်းများမှာ အပတ်စဉ်အလိုက် အနည်းငယ်အပြောင်းအလဲရှိနိုင်ကြောင်းသိရသည်။

DOCA(မွန်)

မွန်ပြည်နယ်၊ မော်လမြိုင်မြို့ကုန်စည်ဒိုင်တွင် ၂၀၂၃ခုနှစ်၊ အောက်တိုဘာလ ပထမအပတ်အတွင်းဖြစ်ပေါ်နေသော  ဆန်ဈေးနှုန်းအခြေအနေမှာ ပေါ်ဆန်းမွှေး အနိမ့်ဈေး (၁၀၈ပေါင်) တစ်အိတ်လျှင်         ကျပ်၁၀၃၀၀၀၊ ပေါ်ဆန်းမွှေး အနိမ့်ဈေး (၁၀၈ပေါင်) တစ်အိတ်လျှင် ကျပ်၁၀၆၀၀၀၊ ပေါ်ကျွဲ အမြင့်ဆုံး (၁၀၈ပေါင်) တစ်အိတ်လျှင် ကျပ်၉၅၀၀၀၊ ပေါ်ကျွဲ အနိမ့်ဈေး (၁၀၈ပေါင်) တစ်အိတ်လျှင် ကျပ်၉၈၀၀၀၊ ဧည့်မထ အနိမ့်ဆုံး (၁၀၈ပေါင်) တစ်အိတ်လျှင် ကျပ်၇၂၀၀၀နှင့် ဧည့်မထ အမြင့်ဆုံး (၁၀၈ပေါင်) တစ်အိတ်လျှင် ကျပ်၇၅၀၀၀တို့ဖြစ်ကြောင်းသိရှိရပါသည်။

DOCA(မွန်)

    မွန်ပြည်နယ်၊ မော်လမြိုင်မြို့ကုန်စည်ဒိုင်တွင် အောက်တိုဘာလ ပထမအပတ်အတွင်း ကြက်သွန်နီဈေးနှုန်းအခြေအနေမှာ မုံရွာကြက်သွန်နီ (အကြီး) တစ်ပိဿာလျှင် ကျပ်၂၈၀၀၊ မုံရွာကြက်သွန်နီ (အလတ်) တစ်ပိဿာလျှင် ကျပ်၂၈၀၀၊ မုံရွာကြက်သွန်နီ (အသေး) တစ်ပိဿာလျှင် ကျပ်၂၄၅၀၊ မလှိုင်ကြက်သွန်နီ (အကြီး) တစ်ပိဿာလျှင် ကျပ်၂၇၀၀၊ မလှိုင်ကြက်သွန်နီ (အလတ်) တစ်ပိဿာလျှင် ကျပ်၂၇၀၀၊ မလှိုင်ကြက်သွန်နီ (အသေး) တစ်ပိဿာလျှင် ကျပ်၂၄၀၀ဖြစ်ကြောင်းသိရသည်။

     ကြက်သွန်ဖြူဈေးနှုန်းအခြေအနေမှာ ကြူကုတ်တစ်ပိဿာလျှင် ကျပ်၇၄၀၀၊ ထူးလေးတစ်ပိဿာလျှင် ကျပ်၈၇၀၀၊ ထူးငါးတစ်ပိဿာလျှင် ကျပ်၉၂၀၀၊ ချင်း (ဥမ) တစ်ပိဿာလျှင် ကျပ်၂၅၀၀ဖြစ်ကြောင်းသိရပါသည်။ ယခုဈေးနှုန်းများသည် အပတ်စဉ်အလိုက် ပြောင်းလဲမှုရှိကြောင်းသိရှိရပါသည်။

DOCA(မွန်)

    မွန်ပြည်နယ်၊ မော်လမြိုင်မြို့ကုန်စည်ဒိုင်မှ အောက်တိုဘာလ ပထမအပတ်အတွင်း ရောင်းချသောပဲမျိုးစုံများမှာ ပဲတီစိမ်း(ရွှေဝါ)၊ ပဲတီစိမ်း၊ မတ်ပဲ၊ ပဲလွန်းဖြူ၊ ဘိုကိတ်၊ ပဲပုပ်၊ မြေပဲတို့ရောင်းချကြောင်းသိရသည်။  

     ယင်းပဲမျိုးစုံများ၏ ဈေးနှုန်းအခြေအနေမှာ ပဲတီစိမ်း(ရွှေဝါ) ၂၀ပိဿာဝင် တစ်တင်းလျှင် ကျပ်၆၈၀၀၀၊ ပဲတီစိမ်း ၂၀ပိဿာဝင် တစ်တင်းလျှင် ကျပ်၅၈၀၀၀၊ မတ်ပဲ ၂၀ ပိဿာဝင် တစ်တင်းလျှင် ကျပ်၈၀၄၀၀၊ ပဲလွန်းဖြူ ၂၀ပိဿာဝင် တစ်တင်းလျှင် ကျပ်၄၄၅၀၀၀၊ ဘိုကိတ် ၂၀ပိဿာဝင် တစ်တင်းလျှင် ကျပ်၄၈၅၀၀၊ ပဲပုပ် ၂၀ ပိဿာဝင် တစ်တင်းလျှင် ကျပ်၆၉၀၀၀၊ မြေပဲ ၂၀ပိဿာဝင် တစ်တင်းလျှင် ကျပ်၁၄၀၀၀၀ဖြစ်ကြောင်းသိရသည်။ ‌ ၎င်းငါးဈေးနှုန်းများသည် အပတ်စဉ်အလိုက် အပြောင်းအလဲရှိနိုင်ကြောင်းသိရှိရပါသည်။

DOCA(မွန်)