ပြည်တွင်းကုန်သွယ်မှုသတင်း

မြင်းခြံမြို့ရှိ မြို့မစည်ပင်သာယာဈေး၌ ၂၀၂၄ ခုနှစ်၊ ဒီဇင်ဘာလ (၂၃)ရက်နေ့၊ နံနက် ၀၈:၀၀ နာရီအချိန်တွင် မြို့နယ်စည်ပင် သာယာရေးအဖွဲ့၊ ခရိုင်စားသုံးသူရေးရာဦးစီးဌာနနှင့် မြင်းခြံကုန် စည်ဒိုင်တို့ပူးပေါင်း၍ စားသုံးသူ ပြည်သူများ အခြေခံစားသောက်ကုန်များအား ဈေးနှုန်းချိုသာစွာဖြင့် ဝယ်ယူနိုင်စေရန် ပြည်သူ့သက်သာဈေး အရောင်းဆိုင်ဖြင့် ရောင်းချ ပေးခဲ့ပါသည်။

          အဆိုပါအရောင်းဆိုင်တွင် ဆန်တစ်ပြည်လျှင်(၃၅၀၀)ကျပ်၊ ကြက်ဥတစ်လုံးလျှင်(၄၀၀) ကျပ်၊ ဆိတ်သား(အသားသန့်) တစ်ပိဿာလျှင်(၁၆၀၀၀)ကျပ်၊ အရိုးနှင့်အသားပါတစ်ပိဿာ လျှင် (၁၄၀၀၀)ကျပ်၊ ကလီစာတစ်ပိဿာလျှင်(၁၁၀၀၀)ကျပ်၊ အရိုးအကြမ်း တစ်ပိဿာလျှင် (၄၀၀၀) ကျပ်၊ ဝက်သား(သုံးထပ်သား)တစ်ပိဿာလျှင်(၁၅၀၀၀)ကျပ်၊ အရိုးနှင့်အသားတွဲလျက် တစ်ပိဿာလျှင်(၁၃၀၀၀)ကျပ်၊ ကလီစာတစ်ပိဿာလျှင်(၈၀၀၀)ကျပ်၊ အရိုးကြမ်း တစ်ပိဿာ လျှင်(၃၅၀၀)ကျပ်၊ အမဲသား(အသားသန့်) တစ်ပိဿာလျှင်(၁၁၀၀၀)ကျပ်၊ အရိုးနှင့်အသားတွဲ လျက်တစ်ပိဿာလျှင်(၉၀၀၀)ကျပ်၊ ကလီစာတစ်ပိဿာလျှင်(၇၀၀၀)ကျပ်၊ အရိုးတစ်ပိဿာ လျှင်(၃၅၀၀)ကျပ် နှုန်းများဖြင့် ရောင်းချပေးခဲ့ပါသည်။ မြန်မာနိုင်ငံဆီကုန်သည်နှင့် ဆီလုပ်ငန်း ရှင်ကြီးများအသင်း (မြင်းခြံ)မှလည်း စားသုံးသူပြည်သူများ သက်သာသောဈေးနှုန်းဖြင့် ဝယ်ယူ နိုင်စေရေးအတွက် စားအုန်းဆီတစ်ပိဿာလျှင် (၈၅၅၀)ကျပ်နှုန်းဖြင့် ရောင်းချပေးခဲ့ကြောင်း သိရှိရပါသည်။

DOCA(မန္တလေး)

      ဂျူးဂျူး

       ပိန္နဲပင်သည် မြန်မာနိုင်ငံအနှံ့အပြားတွင် စိုက်ပျိုးဖြစ်ထွန်းလျက်ရှိသည်။ ယခုအခါတွင် ပိန္နဲသီးကင်းများ စတင်အသီးသီးချိန်ဖြစ်၍ ပေါ်ဦးပေါ်ဖျားခူးဆွတ်၍ ရောင်းချကြသည်။ ပိန္နဲသီးကင်း များကို ပအုန်းရည်ငပိဖျော်ဖြင့် သော်လည်းကောင်း၊ ငပိထောင်းများဖြင့် သော်လည်းကောင်း အတို့ အမြုပ်၍ စားရန်အတွက် အသီးကင်းများကို ဖြုတ်၍ရောင်းချကြသည်။ပိန္နဲကင်း ပြုတ်ပြီးသား တစ်ကွင်းလျှင် ကျပ်(၅၀၀)ခန့်မျှ ရှိကြောင်းသိရှိရပါသည်။

      ပိန္နဲသီးတွင် ဗီတာမင်အေ၊ ဗီတာမင်စီ၊ သတ္တုဓါတ်နှင့် ကာဗွန်ဟိုက်ဒရိတ်ဓါတ်များ ကြွယ်ဝစွာ ပါဝင်သည်။ လူသားတိုင်းအတွက် ကျန်းမာရေးနှင့် ညီညွတ်သော အသီးအနှံဖြစ်သည်။

DOCA(ဧရာဝတီ)

          မန္တလေးစျေးကွက်အတွင်း သံပုရာသီးနှင့်  သံပုယိုသီးဝင်ရောက်မှုအနေဖြင့်   ဒီဇင်ဘာလ စတုတ္ထပတ်တွင် အနည်းငယ်လျော့နည်းသွားပြီး သီးနှံစျေးနှုန်းအငယ်မြင့်သွားကြောင်း သိရှိရပါ တယ်။ စျေးကွက်အတွင်းရောက်ရှိလာသည့်သံပုရာသီးမှာ    တောင်အင်းမြောက်အင်း ကျေးရွာ၊ မီချောင်းတပ်ကျေးရွာတို့မှာ စိုက်ပျိုးထွက်ရှိသည့်အသီးများနှင့် သံပုယိုသီးမှာ ရွှေစာယံ ကျေးရွာ၊  မီးသွေးဘုတ်ကျေးရွာတို့မှစိုက်ပျိုးထွက်ရှိသည့်အသီးများပိုမိုဝင်ရောက်ပြီး၊ မန္တလေးတိုင်းဒေသကြီး ရှိအခြားမြို့နယ်များ နှင့်   စစ်ကိုင်းတိုင်းဒေသကြီးတို့မှလည်း   ဝင်ရောက်ကြောင်း   သိရှိရပါတယ်။

သံပုရာသီးနှင့်သံပုယိုသီးများမှာ မိုးရာသီတွင် ပိုမိုထွက်ရှိပြီး၊ ဆောင်းရာသီတွင် ထွက်ရှိမှုလျော့ကျ သည့်အတွက် စျေးအနည်းငယ်မြင့်တက်ကြောင်း သိရှိရပါတယ်။   သံပုရာသီးများအား ဖျော်ရည် အဖြစ်သုံးစွဲခြင်းနှင့်သံပုယိုသီးအား ယိုစုံနှင့်စားသောက်ကုန်လုပ်ငန်းများတွင် သုံးစွဲမှုများပြားပြီး ကျန်းမာ‌‌ရေးဓါတ်စာအဖြစ် အသုံးပြုခြင်းတို့ကြောင့် စျေးကွက်အတွင်း ရောင်းအားကောင်းသည့် အတွက် စျေးကောင်းရသီးနှံဖြစ်ကြောင်း သိရှိရပါတယ်။ မန္တလေးမြို့၊ မဟာအောင်မြေမြို့နယ်၊  ၄၁ လမ်း၊ဝေယံထွန်းစျေး၊ကုန်စိမ်းသီးနှံများ လက္ကားရောင်းချသည့်စျေးတွင် အသီးအရွယ်အစားအလိုက် စျေးအနည်းငယ်ကွာခြားမှုရှိပြီး၊ ဒီဇင်ဘာလစတုတ္ထပတ်အတွင်းဖြစ်ပေါ်လျက်ရှိသော  သံပုရာသီး လက္ကားစျေးမှာ ၂၅လုံးလျှင် ၃၀၀ဝိ/- နှင့် ၄၀၀ဝိ/- စျေး၊  သံပုယိုသီးလက္ကားစျေးမှာ ၂၅ လုံးလျင် ၁၅၀ဝိ/- နှင့်   ၂၀၀ဝိ/-စျေး၊   သံပုယိုချဉ်ထုတ်တစ်ထုတ်(တစ်ပိဿာပါ)လျင်  လက္ကားစျေး ၅၀၀ဝိ/- နှင့် ၆၀၀ဝိ/- စျေးအသီးသီးရောင်းချလျက်ရှိပြီး၊ လက်လီစျေးမှာ သံပုရာသီးတစ်လုံးလျင် ၂၀ဝိ/- နှင့် ၂၅ဝိ/-စျေး၊သံပုယိုသီးတစ်လုံးလျှင် ၁၀ဝိ/- နှင့် ၁၅ဝိ/- စျေးတို့ဖြင့် ရောင်းချလျက်ရှိကြောင်း ကုန်စိမ်း ရောင်းချသူတစ်ဦး၏ ပြောပြချက်အရ သိရှိရပါတယ်။

DOCA(မန္တလေး)

          မိတ္ထီလာ ဈေးကွက်အတွင်းသို့ နိုဝင်ဘာလဆန်းပိုင်းမှစ၍ မလှိုင် ၊ မြင်းခြံ  ၊ မြစ်သား ၊ ပခုက္ကူ မြို့များမှ(မိုး)ကြက်သွန်နီ(အသစ်)များနှင့် (အဟောင်း)များ ဝင်ရောက် လျှက်ရှိကြောင်း ၊ မိတ္ထီလာ နယ်တွင် (မိုး)ကြက်သွန်နီစိုက်ပျိုးမှုမရှိဘဲ ၊ (နွေ) ကြက်သွန်နီများကိုဒီဇင်ဘာလဆန်းပိုင်းမှစ၍ စတင် စိုက်ပျိုးနေပြီဖြစ်ကြောင်း သိရပါ သည်။၊

မိတ္ထီလာ ဈေးကွက်သို့ ဒီဇင်ဘာလ တတိယ ပတ်အတွင်း ကြက်သွန်နီ   ဝင်ရောက်မှု အနေ ဖြင့် တရက်လျှင် (အသစ်)(အဟောင်း) ပိဿာချိန် နှစ်သောင်း ၊ သုံးသောင်း ဝင်ရောက်လျှက်ရှိပြီး အရောင်း/အဝယ်ဖြစ်လျှက်ရှိကြောင်း ၊  ပြည်ပတင်ပို့မှု အနေဖြင့် တရုတ် ၊ ဗီယက်နမ်နိုင်ငံများ သို့ မြဝတီ နှင့် မော်လမြိုင်မြို့ဘက်မှတင်ပို့မှုရှိကြောင်း ၊ ပြည်တွင်း ပုံမှန်တင်ပို့မှုအနေဖြင့် ရန်ကုန် ၊ ပဲခူး ၊ တာချီလိတ်မြို့များသို့ အမှာရှိသလောက်တင်ပို့မှုများရှိကြောင်း ၊  ကြက်သွန်နီ ( အဟောင်း) လက် ကျန်အနေဖြင့် ပိဿာချိန် (၁)သိန်းကျော်ခန့် ကျန်ရှိသေးနေကြောင်း ၊ ယခုအပတ် တွင် ကြက်သွန်နီ ဈေးနှုန်းအနေဖြင့် ကြက်သွန်နီ(သစ်)လက်ကား  တစ်ပိဿာလျှင်အနိမ့်စ ၁၀၀၀ မှ ရှယ်စ မှာ၃၀၀၀/ ကျပ်ထိရှိ ကြောင်းနှင့်ကြက်သွန်နီ (ဟောင်း) တစ်ပိဿာလျှင် ၂၀၀၀-၂၅၀၀ /ကျပ်ရှိကြောင်း၊  လက်လီ ဈေးနှုန်း အနေဖြင့် ကြက်သွန်နီ(သစ်) တစ်ပိဿာလျှင်(၁၅၀၀-၃၅၀၀/)ကျပ် နှင့် (အဟောင်း) တစ်ပိဿာလျှင်( ၃၀၀၀-၃၅၀၀/) ကျပ် ဖြင့် အရောင်းအဝယ်ဖြစ်လျှက်ရှိကြောင်း ဈေးကွက်မှ စုံစမ်းသိ ရှိရပါသည်။

DOCA(မန္တလေး)

        မွန်ပြည်နယ်၊ မုဒုံမြို့တွင် မြို့အနီးပတ်ဝန်းကျင်နှင့် ကျေးရွာများ၌ စိုက်ပျိုးထားကြသည့် ဆောင်းသီးနှံ ရွှေဖရုံသီးများ အောင်မြင်ဖြစ်ထွန်းပြီး စျေးကောင်းရရှိကာ တောင်သူများ အဆင်ပြေလျက်ရှိသည်။

       မုဒုံမြို့နယ်တွင် ဆောင်းသီးနှံများကို မိုးစပါးများရိတ်သိမ်းပြီးချိန် ဒီဇင်ဘာလမှစ၍ ပန်းဂေါ်ဖီ၊ ဖူးစားပြောင်း၊ ပဲတောက်ရှည်၊ ခရမ်းသီး၊ မုန်လာဥဖြူ၊ ကြက်ဟင်းခါးသီး၊ ဟင်းနုနွယ်၊ ကျောက်ဖရုံသီး၊ ရွှေဖရုံသီး စသည့် ဟင်းသီးဟင်းရွက်များကို စိုက်ပျိုးကြကြောင်း၊ မြေတစ်နေရာတည်းတွင် သီးနှံတစ်မျိုးထဲ ဆက်တိုက်စိုက်ပျိုးပါက ပိုးမွှားရောဂါအန္တရာယ်များ ကျရောက်ဖျက်စီးမှုများသဖြင့် သီးနှံအလှည့်ကျ စိုက်ပျိုးကြကြောင်း၊ ရွှေဖရုံပင်များကို စိုက်ပျိုးရာတွင် စိုက်ခင်းများ ရေမဝပ်စေရန် အထူးဂရုပြုရပြီး အပင်မစိုက်မီ လယ်ယာမြေ ထယ်ထိုး၍ မြေပြုပြင်ရခြင်း၊ သဘာဝဓာတ်မြေသြဇာ စနစ်တကျ ထည့်သွင်းခြင်း လုပ်ငန်းများကို ဆောင်ရွက်ရကြောင်း၊ အပင်များကို များသောအားဖြင့် မြေပေါ်တွင် လျှောက်သွားစနစ်ဖြင့် စိုက်ပျိုး၍ ရက် ၁၀၀ ခန့်အကြာတွင် စတင်ခူးဆွတ်နိုင်ကြောင်း ဖယ်ဒိုကျေးရွာနေ တောင်သူတစ်ဦးက ပြောသည်။

       ရွှေဖရုံသီးများကို မြို့ပေါ်စျေးများအပြင် အခြားဒေသများမှ ကုန်စိမ်းကုန်သည်များက ရွှေဖရုံသီးအပါအဝင် အခြားဟင်းသီးဟင်းရွက်များကို လာရောက်ဝယ်ယူကြပြီး ရွှေဖရုံသီး တစ်လုံးလျှင် အရွယ်အစားအလိုက် ငွေကျပ် ၁၅၀၀ မှ ၄၀၀၀ ကျပ်အထိ ရရှိကာ ရွှေဖရုံစိုက်ခင်း တစ်ဧကလျှင် အလုံးရေ ၁၅၀၀ မှ ၂၀၀၀ ထွက်ရှိကြောင်း သိရသည်။

DOCA(မွန်)