ပြည်တွင်းကုန်သွယ်မှုသတင်း

   ကရင်ပြည်နယ်၊ ဘားအံမြို့ရေပေါ်ဈေး၌ အောက်တိုဘာလ ဒုတိယပတ်အတွင်း ဒေသထွက် နှင့်အခြားဒေသထွက် ကုန်စိမ်းသီးနှံများ ဝင်ရောက်ကာ အရောင်းသွက်လျက်ရှိကြောင်း သိရသည်။

          ဈေးနှုန်းအနေဖြင့် ခရမ်းသီးတစ်ပိဿာလျှင် (၃၅၀၀) ကျပ်၊ ခရမ်းချည်သီး တစ်ပိဿာလျှင်       ( ၃၀၀၀ ) ကျပ်၊ ဂေါ်ဖီထုပ် တစ်ထုပ်လျှင် (၄၀၀၀) ကျပ်၊  လွှတ်တစ်ပိဿာလျှင် ( ၃၀၀၀ ) ကျပ်၊ ငရုတ်ပွ တစ်ပိဿာလျှင် (၃၅၀၀) ကျပ်၊ ခဝဲသီး တစ်ပိဿာလျှင် (၄၀၀၀) ကျပ်၊ ကြက်ဟင်းခါးသီး တစ်ပိဿာလျှင် (၄၀၀၀) ကျပ်၊ ရုံးပတေသီး တစ်ပိဿာလျှင် ( ၃၀၀၀ ) ကျပ်၊ ပဲထောင့်ရှည်သီး တစ်ပိဿာအစည်း ( ၆၀၀၀ )ကျပ်၊ ငရုတ်စိမ်းထောင့်ရှည် တစ်ပိဿာလျှင် ( ၆၀၀၀ ) ကျပ်၊ ကန်စွန်းရွက် တစ်စည်းလျှင်( ၂၅၀ )ကျပ်၊ ကင်ပွန်းချည်ရွက် တစ်စည်းလျှင် ( ၅၀၀ )ကျပ်၊ ချည်ပေါင်ရွက်(၃)စည်းလျှင် ( ၁၀၀၀ ) ကျပ်၊ ပူစီနံ တစ်စည်းလျှင် ( ၇၀၀ ) ကျပ်၊ နံနံပင် တစ်စည်းလျှင် ( ၁၀၀၀ ) ကျပ်၊ ဝါးမြစ်ပြုတ် တစ်ပိဿာလျှင် ( ၈၀၀၀ ) ကျပ် တို့ဖြစ် အရောင်း အဝယ် သွက်လျက်ရှိကြောင်း သိရသည်။

  ကရင်ပြည်နယ်ဒေသအတွင်း ယခုလိုကုန်စိမ်းသီးနှံဈေးနှုန်း အနည်းငယ်တက်ရခြင်းမှာ မိုးရာသီးကုန်ချိန်နှင့်ဆောင်းရာသီးအစပ်ကာလဖြစ်၍ စိုက်ခင်းမှသီးနှံများ အထွက်နှုန်းနည်းပလာခြင်း၊ သယ်ယူစရိတ်များခြင်းတို့ကြောင့်ဖြစ်ကြောင်းသိရသည်။

DOCA(  ကရင်)

   ၂၀၂၅ ခုနှစ်၊ အောက်တိုဘာလ ၁၇ရက်နေ့ ကယားပြည်နယ်၊ လွိုင်ကော်မြို့၊ သီရီမင်္ဂလာ ဈေးတွင် ဖြစ်ပေါ်နေသော စားဖိုဆောင်သီးနှံဈေးနှုန်းများမှာ ကြက်သွန်နီ တစ်ပိဿာလျှင် (၂၀၀၀)ကျပ်၊ ကြက်သွန်ဖြူ(ရှမ်းစ) တစ်ပိဿာလျှင်(၇၅၀၀)ကျပ်၊ ကုလားပဲခြမ်းတစ်ပိဿာ လျှင် (၆၅၀၀)ကျပ်၊ အာလူး တစ်ပိဿာလျှင် (၆၀၀၀)ကျပ်၊ ဆားတစ်ပိဿာလျှင် (၂၇၀၀)ကျပ်၊ သကြားတစ်ပိဿာလျှင်(၅၅၀၀)ကျပ်၊ ငရုတ်သီးခြောက်(အရှည်) တစ်ပိဿာလျှင်(၁၈၀၀၀)ကျပ်၊ ငရုပ်သီးခြောက်(အပု) တစ်ပိဿာလျှင်(၄၀၀၀၀)ကျပ်၊ ကန်စွန်းရွက်တစ်စည်းလျှင် (၄၀၀)ကျပ်၊ ဂေါ်ဖီထုပ်တစ်ထုပ်လျှင်(၁၀၀၀)ကျပ်၊ ပန်းဂေါ်ဖီတစ်ပွင့်လျှင်(၂၀၀၀)ကျပ်၊ ခရမ်းချဉ်သီးတစ်ပိဿာ လျှင်(၂၅၀၀)ကျပ်၊ ပဲတောင့်ရှည်တစ်စည်းလျှင်(၅၀၀)ကျပ်၊ ပဲနီလေးတစ်ပိဿာလျှင်(၁၂၅၀၀)ကျပ် ဖြင့် အရောင်းအဝယ်ဖြစ်လျက်ရှိကြောင်း သီရိမင်္ဂလာဈေးအတွင်းရှိ ဈေးသည်များထံမှ သိရှိရပါ သည်။

   ယခင်တစ်ပတ်ဈေးနှုန်းများနှင့် နှိုင်းယှဉ်ကြည့်လျှင် ငရုတ်သီးခြောက် (အရှည်) တစ်ပိဿာ လျှင်(၁၀၀၀)ကျပ် ဈေးနှုန်းတက်သွားပြီး ကျန်စားဖိုဆောင်သီးနှံဈေးနှုန်းများ တည်ငြိမ်နေ ကြောင်း သိရှိရပြီး၊ ဈေးနှုန်းတက်သွားရခြင်းမှာလည်း ဝယ်ယူရောင်းချရသည့် အရင်းဈေးနှုန်း နှင့် သယ်ယူစရိတ်များကြောင့် တက်သွားရခြင်းဖြစ်ကြောင်း သုံးသပ်မိပါသည်။

DOCA(ကယား)

    ကျွန်းလှမြို့နယ်ရှိ ရပ်ကွက်ဈေးများတွင် ဒေသထွက် ပေါ်ဦးပေါ်ဖျား ခေါဆီ(ခေါ်) ကောက် ညှင်းပြားများကို  ဆောင်ဝင်ခါနီ စက်တင်ဘာ၊ အောက်တိုဘာလများတွင် စတင်ရောင်းချလျက် ရှိကြောင်းသိရှိရပါသည်။

          ကောက်ညှင်းပြားကို ပြုလုပ်ရန် ကောက်ညှင်းဆန်ကို ကျောက်ခဲ၊ သလဲများအပါအောင် ရွေးချယ် သန့်စင်ပြီး ကောက်ညှင်းဆန်ကိုရေဆေးပြီး အချိန်အတန်ကြာအောင်ရေစိမ်ထားရပါကြောင်း၊ ရေစိမ်၍ ရသော ကောက်ညှင်းဆန်များကို ပေါင်းအိုဖြင့်ပေါင်းပြီး ပေါက်ဆိန်၊ ပေါက်တူး၊ မောင်းတို့ဖြင့်ထည့်၍ ထုထောင်းပြီး အိစက်ညက်ညောသည့် အနေအထားရောက်မှ နှမ်းထောင်း /ဆီတို့ကိုသုံးပြီး ကောက်ညှင်းပြားများ ပြား၍ ငှက်ပျောဖက်/ပလပ်စတစ်အိတ်အကြည်ပေါ်တွင် အအေးခံပြီးလျှင် စားသုံးရသည့် ကောက်ညှင်းပြား များရရှိပြီး  ယခု စက်တင်ဘာလ စတုတ္ထပတ်တွင် ခေါဆီ(ခေါ်) ကောက်ညှင်းပြားဈေးနှုန်းအနေဖြင့် ခေါဆီ(ခေါ်)ကောက်ညှင်းပြား တစ်ခုလျှင် (၁၀၀)ကျပ်ဖြင့် ရောင်းချလျက်ရှိကြောင်း သိရသည်။

DOCA (စစ်ကိုင်း)

       ကျွန်းလှမြို့နယ်ရှိ ကျေးရွာများတွင် စိုက်ပျိုးရေးလုပ်ငန်းများကို လုပ်ကိုင်လျက်ရှိရာ စားဖို ဆောင်သီးနှံဖြစ်သည့် ပဲတောင့်ရှည်သီး၊ ချဉ်ပေါင်ရွက်၊ ဆူးပုတ်ရွက်၊ ရုံးပတီသီး၊ ခရမ်းသီး နှင့်  ကန်ဇွန်းရွက်များကို စိုက်ပျိုးလျက်ရှိသည့်အနက် ကန်ဇွန်းရွက်ကိုလည်း တစ်ပိုင်တစ်နိုင် စိုက်ပျိုး၍ ရောင်းချလျက်ရှိကြောင်း သိရသည်။

          စက်တင်ဘာလ စတုတ္ထပတ်အတွင်း ရောင်းချနေသော ကန်ဇွန်းရွက် ဈေးနှုန်းများမှာ ကန်ဇွန်းရွက်  တစ်စီးလျှင်(၁၀၀)ကျပ်၊ (၃)စီးလျှင်(၂၀၀)ကျပ် တို့ဖြင့်လည်းကောင်း၊ ဂွေးတောက်ရွက် ဈေးနှုန်းမှာ လက္ကား(၁)ပိဿာလျှင်(၁၈၀၀)ကျပ်၊လက်လီ(၁)ပိဿာလျှင်(၂၀၀၀)ကျပ် ဈေးနှုန်းဖြင့် အရောင်းအဝယ်ဖြစ်လျက် ရှိကြောင်းသိရသည်။

DOCA (စစ်ကိုင်း)

    မြန်မာနိုင်ငံသည် ယဉ်ကျေးမှုအစဉ်အလာကြီးမားသောနိုင်ငံဖြစ်ပြီး သက်ကြီးရွယ်အို အဘိုး အဘွားများ၊ မိဘ၊ ဆရာသမားများအား သားသမီး၊ မြေး၊ မြစ်များနှင့် တပည့်တပန်းများက စုပေါင်း ၍ဖြစ်စေ၊ တစ်ဦးချင်းအနေဖြင့်ဖြစ်စေ ပူဇော်ကန်တော့ကြပါသည်။ မိဘဘိုးဘွား၊ ဆရာသမားများ ထံတွင် အပြစ်ရှိသမျှတို့ကို သည်းခံခွင့်လွှတ်၊ ကျေအေးနားလည်ပေးပါရန်နှင့် လေးစားသမှုဖြင့် ငြိမ်းချမ်းမှုကို ဖော်ဆောင်ပေးသည့် မင်္ဂလာရှိသော နေ့ကောင်းရက်မြတ်ဖြစ်ပါသည်။ ပျော်ရွှင်စရာ သီတင်းကျွတ်အခါသမယမှာ လူကြီးမိဘ၊ ဆရာသမားများ၊ သက်ကြီးဝါကြီးများကို သီတင်းကျွတ် ကန်တော့ဖို့အတွက် မုန့်ခြင်းနှင့် ကန်တော့်ချင်သူတွေအတွက် ကန်တော့ခြင်းတွေအနေနဲ့ ပါဝင်တဲ့ မုန့်အမျိုးအစားနှင့် အရေအတွက်ပေါ်မူတည်ပြီး အနည်းဆုံး ကျပ် (၂၀၀၀၀) ကနေ ကျပ် (၁) သိန်းကျော်အထိရှိပြီး တန်ဖိုးမြင့်ခြင်းတွေက အရောင်းပါးပြီး ၊ ဈေးနှုန်းအသင့်အတင့်ရှိသော မုန့်ခြင်း များမှာ အရောင်းအဝယ်သွက်ကြောင်း သိရှိရပါသည်။ မုန့်စုံပုံးမျိုးစုံက ဈေးနှုန်းမျိုးစုံရှိပြီး အနည်းဆုံးကျပ် (၃၀၀၀၀)ကနေ ကျပ် (၁၀၀၀၀၀)အထိရှိပြီး ကိတ်မျိုးစုံကန်တော့ချင်များအတွက် ဈေးနှုန်း ကျပ် (၅၀၀၀) ကနေ ကျပ် (၅၀၀၀၀) အထိရှိပြီး အခြားသော မုန့်မျိုးစုံဖြင့် ကန်တော့သူ များအတွက်လည်း မြန်မာ့မုန့်မျိုးစုံနှင့် နိုင်ငံခြားမုန့်မျိုးစုံရောင်းချသည့် အရောင်းအဝယ်သွက်လျက် ရှိကြောင်း သိရှိရပါသည်။

DOCA(ပဲခူး)