ပြည်တွင်းကုန်သွယ်မှုသတင်း

      မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်တွင် ကွမ်းရွက်များကို ဧရာဝတီတိုင်းဒေသကြီး၊ ကနောင်၊ မြန်အောင်၊ ပဲခူးတိုင်းဒေသကြီး၊ ပေါက်ခေါင်း၊ ပေါင်းတလည်၊ စစ်ကိုင်းတိုင်းဒေသကြီး၊ မုံရွာမြို့တို့ရှိ ကွမ်းခြံများမှ တိုက်ရိုက်ဝယ်ယူရောင်းချကြောင်း၊ ကွမ်းသီးများကို ထားဝယ်မှ တိုက်ရိုက်တင်ပို့သည့် ပြည်မြို့ရှိ ကွမ်းဒိုင်မှတစ်ဆင့် မှာယူရောင်းချကြောင်း၊ ကွမ်းစားထုံးကို မကွေးမှဝယ်ယူရောင်းချပြီး နှပ်ဆေးနှင့်ဗမာဆေးကို မုံရွာနှင့်ပခုက္ကူမှ ဝယ်ယူရောင်းချကြောင်းသိရသည်။

     မင်းလှမြို့နယ်တွင် ကွမ်းသီး၊ ကွမ်းရွက် လက်လီ/ လက်ကားရောင်းချသည့်ဆိုင် (၁၀)ဆိုင်ခန့်ရှိပြီး ကွမ်းစိမ်းနှင့်ကွမ်းရွက်ဝါ(၂)မျိုးရှိသည့်အနက် ကွမ်းရွက်ဝါကိုပိုအစားများကြကြောင်းသိရှိရပါသည်။ ကွမ်းရွက်ဈေးနှုန်းအနေဖြင့် ၂၀၂၄ခုနှစ်၊ ဇွန်လ(စတုတ္ထပတ်)တွင် ကွမ်းရွက်ဝါ(၁) ပိဿာလျှင် ကွမ်းရွက်အကြီး၊ အသေးနှင့် ဝယ်ယူတင်သွင်းရသည့်နေရာဒေသအလိုက် ကျပ်(၁၀၀၀၀-၁၂၀၀၀)၊ ကွမ်းသီးခြမ်း (၁)ပိဿာလျှင် ကျပ်(၈၀၀၀)၊ ကွမ်းသီးစိပ်(၁)ပိဿာလျှင် ကျပ် (၈၀၀၀)၊ ကွမ်းစားထုံး(၁) လီတာ (၁)ဘူးလျှင် ကျပ် (၉၀၀-၁၀၀၀)၊ ကွမ်းစားနှပ်ဆေး (၁)ထုပ်လျှင် ကျပ်(၅၀၀-၆၀၀)၊ ဗမာဆေး(၁) ထုပ်လျှင် ကျပ်(၄၀၀-၅၀၀) စသည့်ဈေးနှုန်းများဖြင့် ရောင်းချလျက်ရှိကြောင်းသိရှိရပါသည်။

       အရောင်းအဝယ်အနေဖြင့် (၁)ရက်လျှင် ကွမ်းရွက်ပိဿာချိန်(၁၀)ပိဿာနှင့်အထက်ရောင်းချရပြီး ကွမ်းသီး၊ ကွမ်းစိပ်မှာ (၅)ပိဿာမှ (၆)ပိဿာထိပုံမှန်ရောင်းချရကြောင်း၊ ကွမ်းသီးနှင့် အခြားကွမ်းပစ္စည်း ဈေးနှုန်းများမှာ တည်ငြိမ်နေသော်လည်း ကွမ်းရွက်ဈေးနှုန်းမှာ ကွမ်းရွက်ထွက်ရှိရာဒေသများတွင် ကွမ်းရွက်များလှိုင်လှိုင်ထွက်ပေါ်နေ၍ ကွမ်းရွက်ဈေးနှုန်းမှာ ဇွန်လ(တတိယပတ်)ထက် ယခု(စတုတ္ထပတ်)တွင် ကျပ် (၂၀၀၀-၄၀၀၀)ဈေးနှုန်းလျော့ကျ၍ အရောင်းအဝယ်ဖြစ်လျက်ရှိကြောင်း အထက်မင်းလှ-သရက် ကားလမ်းဘေးရှိ ကွမ်းသီး၊ ကွမ်းရွက်ရောင်းချသည့် ကွမ်းဆိုင်ပိုင်ရှင်တစ်ဦးထံမှသိရှိရပါသည်။

DOCA(မကွေး)

         မကွေးတိုင်းဒေသကြီးသည် ဆီထွက်သီးနှံဖြစ်သော မြေပဲ၊ နှမ်း၊ ကြက်သွန်နီနှင့် အခြားပဲမျိုးစုံကိုအဓိကထားစိုက်ပျိုးပြီး အခြားတိုင်းဒေသကြီးနှင့်ပြည်နယ်များသို့ တင်ပို့ရောင်းချလျက်ရှိသည်။

        မကွေးတိုင်းဒေသကြီးအတွင်းရှိ မကွေး၊ တောင်တွင်းကြီး၊ အောင်လံ၊ ရေနံချောင်း၊ ဆိပ်ဖြူနှင့် ပခုက္ကူကုန်စည်ဒိုင်တွင် နှမ်း၊ ကြက်သွန်နီနှင့် ပဲမျိုးစုံသီးနှံများ ပုံမှန်အရောင်းအဝယ်ဖြစ်လျက်ရှိပါသည်။ ၂၀၂၄ခုနှစ်၊ ဇွန်လ(စတုတ္ထပတ်)တွင် ကုန်စည်ဒိုင်များတွင် အရောင်းအဝယ်ဖြစ်ပေါ်နေသော ကုန်ပစ္စည်းများ၏ တစ်ပိဿာဈေးနှုန်းများမှာ မကွေးကုန်စည်ဒိုင်တွင် နှမ်းဖြူ ကျပ်(၉၂၆၅)၊ နှမ်းနီ ကျပ်(၈၁၃၀)၊ နှမ်းနက်(စမုံ) ကျပ် (၉၈၀၀)၊ နှမ်းညိုကြား ကျပ်(၇၆၆၅)၊ ပဲလွန်းဝါ ကျပ်(၂၆၀၀)၊ ပဲတီစိမ်း ကျပ်(၃၂၀၀)၊ ကုလားပဲ (929) ကျပ်(၄၃၄၀)၊ ကုလားပဲ (ဟော်လန်) ကျပ်(၄၂၉၀)၊ မြေပဲလုံးဆန်နီ ကျပ်(၇၂၀၀)၊ မြေပဲလုံးဆန်ဖြူ ကျပ်(၇၇၀၀)၊ ပဲကြီး(ဖြူ) ကျပ်(၃၉၅၀)၊ ပဲထောပတ် ကျပ်(၇၃၇၀)၊ မတ်ပဲ ကျပ်(၅၅၀၀)၊ ပဲစင်းငုံနီ ကျပ်(၇၃၀၀)၊ စားတော်ပဲ ကျပ် (၄၇၅၀)ဖြစ်ပြီး ယခင်အပတ်ထက် ယခုအပတ်တွင် နှမ်းဖြူ ကျပ်(၆၅)၊ နှမ်းညိုကြား ကျပ်(၂၀၀)ဈေးနှုန်းမြင့်တက်ခဲ့ပြီး နှမ်းနီ ကျပ်(၂၀၀)၊ ကုလားပဲ(929) ကျပ်(၈၀)၊ မြေပဲလုံးဆန်နီ ကျပ်(၅၀၀)၊ မြေပဲလုံးဆန်ဖြူ ကျပ်(၃၀၀)၊ ပဲတီစိမ်း ကျပ်(၅၀)၊  ကုလားပဲ (ဟော်လန်) ကျပ်(၈၀)၊ ပဲကြီးဖြူ ကျပ်(၂၆၀) ဈေးနှုန်းလျော့ကျခဲ့သည်။

       တစ်ပတ်အတွင်း တန်ချိန်(၇၅၀)ခန့်အရောင်းအဝယ်ဖြစ်ခဲ့ပြီး ရန်ကုန်မြို့သို့ ကုလားပဲအိတ်(၃၀၀၀)၊ မန္တလေးမြို့သို့ နှမ်းအိတ်(၂၀၀၀)၊ ပဲတီစိမ်းအိတ်(၂၀၀၀) စုစုပေါင်းအိတ်(၇၀၀၀)တင်ပို့ခဲ့ကြောင်းသိရသည်။

      တောင်တွင်းကြီးကုန်စည်ဒိုင်တွင် တစ်ပိဿာဈေးနှုန်းများမှာ ပဲစင်းငုံ(နီ) ကျပ်(၇၃၀၀)၊ ကုလားပဲဝါ(သေး) ကျပ်(၃၉၅၀)၊ ကုလားပဲဟော်လန် ကျပ်(၄၂၂၅)၊ မြေပဲလုံးဆန်နီ ကျပ်(၇၀၀၀)၊ မြေပဲလုံးဆန်ဖြူ ကျပ်(၇၅၀၀)၊ ပဲကြီးဖြူ ကျပ်(၄၅၀၀)၊ မတ်ပဲ ကျပ်(၅၉၀၀)ဖြစ်ပြီး ယခင်အပတ်ထက် ယခုအပတ်တွင် ပဲကြီးဖြူ ကျပ်(၅၀)၊ မတ်ပဲ ကျပ်(၇၀၀)၊ ဈေးနှုန်းမြင့်တက်ခဲ့ပြီး ကုလားပဲ(ဟော်လန်) ကျပ်(၅၅)၊ ပဲစင်းငုံ(နီ) ကျပ်(၅၀)၊ မြေပဲလုံးဆန်နီ ကျပ်(၅၀၀) ဈေးနှုန်းလျော့ကျခဲ့သည်။

     အောင်လံကုန်စည်ဒိုင်တွင် နှမ်းဈေးနှုန်းမှာ ယခင်အပတ်ဈေးနှုန်းအတိုင်း ပြောင်းလဲမှုမရှိဘဲ ပဲစင်းငုံနီမှာ ကျပ်(၇၃၀၀)၊ ကုလားပဲ(မြကြေး) ကျပ်(၄၄၅၀)၊ ကုလားပဲ (ဟော်လန်) ကျပ်(၄၃၂၅)၊ ပဲကြီး(သစ်) ကျပ်(၄၈၅၀)၊ မြေပဲဆီဆန်(နီ) ကျပ်(၇၄၀၀)၊ မတ်ပဲ ကျပ်(၅၄၂၅)ဖြစ်ပြီး ယခင်အပတ်ထက် ယခုအပတ်တွင် ပဲကြီး(သစ်) ကျပ်(၅၀)၊ မြေပဲလုံးဆန်(နီ) ကျပ်(၁၀၀)ဈေးနှုန်းမြင့်တက်ခဲ့ပြီး ပဲစင်းငုံ(နီ)ကျပ်(၈၀)၊ ကုလားပဲ (ဟော်လန်) ကျပ်(၇၅)၊ ကုလားပဲ (မြကြေး) ကျပ်(၅၀)ဈေးနှုန်းလျော့ကျခဲ့ပါသည်။ တစ်ပတ်အတွင်း တန်ချိန်(၈၂.၃) ခန့်အရောင်းအဝယ်ဖြစ်ခဲ့ကြောင်းသိရသည်။ 

      ရေနံချောင်းကုန်စည်ဒိုင်တွင် ကြက်သွန်နီ ကျပ်(၁၆၀၀-၂၀၀၀)ဖြစ်ပြီး ယခင်အပတ်အတိုင်း ဈေးနှုန်းပြောင်းလဲမှုမရှိဘဲ တစ်ပတ်အတွင်း တန်ချိန်(၉၇.၉၇)ခန့်အရောင်းအဝယ်ဖြစ်ခဲ့ကြောင်းသိရသည်။  

     ဆိပ်ဖြူကုန်စည်ဒိုင်တွင် ကြက်သွန်နီ(သစ်) ကျပ်(၁၁၀၀-၁၇၀၀)ဖြစ်ပြီး ယခင်အပတ်အတိုင်း ဈေးနှုန်းပြောင်းလဲမှုမရှိဘဲ  တစ်ပတ်အတွင်း တန်ချိန်(၃၄.၂၉)ခန့်အရောင်းအဝယ်ဖြစ်ခဲ့ကြောင်းသိရသည်။

      ပခုက္ကူကုန်စည်ဒိုင်တွင် ကုလားပဲ (929) ကျပ်(၄၂၉၀)၊ ပဲတီစိမ်း ကျပ်(၃၂၅၀)၊ ပဲစင်းငုံ ကျပ်(၇၃၁၀) ဖြစ်ပြီး ယခင်အပတ်ထက် ယခုအပတ်တွင် ကုလားပဲ(929) ကျပ်(၁၁၀)၊  ပဲတီစိမ်း ကျပ်(၁၀၀)၊ ပဲစင်းငုံ  ကျပ် (၇၀)ဈေးနှုန်းလျော့ကျခဲ့ပါသည်။  တစ်ပတ်အတွင်း တန်ချိန်(၇၀)ခန့်အရောင်းအဝယ်ဖြစ်ခဲ့ကြောင်း သိရှိရပါသည်။

DOCA(မကွေး)

     ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့တွင်ရှိသော ငါးမွေးကန်များ၏ အဓိကအစားအစာမှာ ဖွဲနုများဖြစ်သည်။ သာယာဝတီခရိုင်အတွင်းရှိ ဆန်စက်များကြိတ်ခွဲထုတ်လုပ်ရာမှ ထွက်ရှိသော ဆန်ထွက်ပစ္စည်းဖွဲနုများကို ဒေသတွင်းတိရိစ္ဆာန်အစားအစာအဖြစ် အသုံးပြုလျက်ရှိသကဲ့သို့ အခြားသောစားသောက်ကုန်များအတွက်လည်းအသုံးပြုလျက်ရှိကြောင်းနှင့် အခြားသောတိုင်းနှင့်ပြည်နယ်များသို့လည်း တင်ပို့ရောင်းချလျက်ရှိကြောင်းသိရှိရပါသည်။ ၂၀၂၄ခုနှစ်၊ မေလ နောက်ဆုံးပတ်တွင် ဖွဲနုတစ်ပေါင်လျှင် ၂၆၅ကျပ်ပေါက်ဈေးရှိခဲ့ပြီး ဇွန်လ ပထမပတ်မှ နောက်ဆုံးပတ်အထိ ဖွဲနုတစ်ပေါင်လျှင် ၂၆၀ကျပ်ဈေးနှုန်းဖြင့် ဖွဲနု (၆၅)ပေါင်ပါ တစ်အိတ်လျှင် ၁၆၉၀၀ကျပ်ဈေးနှုန်းဖြင့် လက်ကားဈေးရောင်းချရပြီး လက်လီဈေးနှုန်းအနေဖြင့် (၆၅) ပေါင်ပါ တစ်အိတ်လျှင် ၁၉၀၀၀ကျပ်ဈေးနှုန်းဖြင့်ရောင်းချရကြောင်း ဆန်စက်ပိုင်ရှင်တစ်ဦးထံမှသိရှိရပါသည်။

DOCA(ပဲခူး)

နေပြည်တော်၊ ရန်ကုန်၊ မန္တလေး နှင့် ပုသိမ်မြို့ကြီးများ၏ အခြေခံစားကုန်(လက်လီ)၊ ပြည်ပပို့ကုန်၊ စက်သုံးဆီ နှင့် ရွှေဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယနေ့ ကာလတူ နှိုင်းယှဉ်၍ ပြုစုတင်ပြအပ်ပါသည်။

၂၈.၆.၂၀၂၄ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။