ပြည်တွင်းကုန်သွယ်မှုသတင်း

      အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ ၂၀၂၄ခုနှစ်၊ မေလ(၂၂)ရက်နေ့မှ မေလ (၂၈)ရက်နေ့အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင်ကျေးရွာ၊ ကြာကန်စုကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက်ရောင်းချနေကြောင်းသိရှိရပါသည်။ ထိုသို့ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်တစ်ပိဿာလျှင် ကျပ်၂၀၀၀မှ ကျပ်၃၅၀၀အတွင်း၊ ဂေါ်ဖီထုပ်တစ်ထုပ်လျှင် ကျပ်၁၀၀၀မှ ကျပ်၃၅၀၀အတွင်း၊ ပန်းဂေါ်ဖီတစ်ထုပ်လျှင် ကျပ်၁၅၀၀မှ ကျပ်၃၀၀၀အတွင်း၊ အာလူးတစ်ပိဿာ)ကျပ်၁၈၀၀မှ ကျပ်၂၅၀၀အတွင်း၊ မုန့်လာဥနီတစ်ပိဿာလျှင် ကျပ်၁၅၀၀မှ ကျပ်၂၀၀၀အတွင်း၊ ရွှေဖရုံသီးတစ်လုံးလျှင် ကျပ်၉၀၀မှ ကျပ်၁၀၀၀အတွင်း၊ ဘူးသီးတစ်လုံးလျှင် ကျပ်၁၅၀၀မှ ကျပ်၅၀၀အတွင်း၊ မုန်ညှင်း(ထုပ်)တစ်ပိဿာလျှင် ကျပ်၅၀၀၀မှ ကျပ်၆၀၀၀အတွင်း၊ ကြက်သွန်နီ(ဆိပ်ဖြူ)တစ်ပိဿာလျှင် ကျပ်၁၄၀၀မှ ကျပ်၂၂၀၀အတွင်း၊ ကြက်သွန်ဖြူ(ရှမ်း)တစ်ပိဿာလျှင် ကျပ်၈၀၀၀မှ ကျပ်၁၁၀၀၀အတွင်း၊ ကြက်သွန်ဖြူ (ကြူကုတ်) တစ်ပိဿာလျှင် ကျပ်၁၁၀၀၀မှ ကျပ်၁၁၅၀၀အတွင်း၊ ချင်းတစ်ပိဿာလျှင် ကျပ်၈၅၀၀မှ ကျပ်၉၀၀၀အတွင်း၊ ဆလပ်ရွက်တစ်စည်းလျှင် ကျပ်၃၀၀မှ ကျပ်၄၀၀အတွင်း၊ ချဉ်ပေါင်ရွက်တစ်စည်းလျှင် ကျပ်၈၀မှ ကျပ်၁၂၀အတွင်း၊ ခရမ်းသီး  (ရှည်) တစ်ပိဿာလျှင် ကျပ်၂၂၀၀မှ ကျပ်၃၀၀၀အတွင်း၊ သံပရာသီးတစ်လုံးလျှင် ကျပ်၅၀မှ ကျပ်၁၅၀အတွင်း၊ ငရုတ်သီးစိမ်း (ကျောက်စိမ်း) တစ်ပိဿာလျှင် ကျပ်၂၀၀၀မှ ကျပ်၄၅၀၀အတွင်း၊ ဖရဲသီး (အကြီး၊ အလတ်၊ အသေး) တစ်လုံးလျှင် ကျပ်၃၅၀၀မှ ကျပ်၆၅၀၀အတွင်းဖြစ်ကြောင်းသိရှိရပါသည်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း၌ သံပရာသီးအလုံးပေါင်း (1184400)ကျော်၊ ခရမ်းသီး(ရှည်) ပိဿာပေါင်း (21770)ကျော်၊ ဘူးသီးအလုံးပေါင်း (15010) ကျော်၊ ရွှေဖရုံသီးအလုံးပေါင်း (7622)ကျော်၊ ဂေါ်ဖီထုပ်ပေါင်း (46100)ကျော်၊ ပန်းဂေါ်ဖီထုပ်ပေါင်း (23870)ကျော်၊ မုန်ညှင်းထုပ်(ပိဿာ) ပေါင်း (12840)ကျော်၊ ဖရဲသီးလုံးပေါင်း (28050) ကျော် အသီးသီးကုန်အဝင်ရှိကြောင်းသိရပါသည်။

DOCA(ရန်ကုန်)

၃၀.၅.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

သာယာဝတီခရိုင်အတွင်းရှိ မြို့နယ်များတွင်ဧပြီလနောက်ဆုံးသီတင်းပတ်တွင် ဈေးနှုန်း မြင့်တက်လျက်ရှိပြီး ပိဿာ၂၀(၁တင်း)လျှင် ၁၀၂၁၀၀ကျပ်ဈေးနှုန်းဖြစ်ပြီး မေလပထမပတ် နှင့် မေလဒုတိယပတ်အတွင်းမှာတော့ ၁၀၀၃၀၀ ကျပ်ထိအနည်းငယ်ကျဆင်းလျက်ရှိပြီး မေလ နောက် ဆုံးပတ်အတွင်း၌ ပိဿာ ၂၀(၁တင်း)လျှင် ၁၀၄၆၀၀ကျပ်အထိ ပြန်လည်မြင့်တက်လာပြီး ဈေးနှုန်း များမှာ အတက်အကျ ဖြစ်နေလျက်ရှိပါသည်။
စီးထွက်မှုအနေဖြင့် ဧပြီလ တစ်လလုံးတွင် ရန်ကုန်မြို့သို့အိတ်လုံးရေ (၁၄၄၈၅၀) ခန့်ထိ တင်ပို့နိုင်ခဲ့ပါသည်။ယခုမေလ နောက်ဆုံးသီတင်းပတ်ထိ တင်ပို့မှုအနေဖြင့်(၁၃၅၆၀၀) အိတ်ခန့် တင်ပို့နိုင်ခဲ့ကြောင်း သိရှိရပါသည်။
DOCA(ပဲခူး)

     ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့တွင်ရှိသော ငါးမွေးကန်များ၏ အဓိက အစားအစာသည် ဖွဲနုများဖြစ်သည်။သာယာဝတီခရိုင်အတွင်းရှိ ဆန်စက်များ ကြိတ်ခွဲထုတ်လုပ်ရာမှ ထွက်ရှိသော ဆန်ထွက်ပစ္စည်းဖွဲနုများကို ဒေသတွင်း တိရိစ္ဆာန်အစားအစာအဖြစ် အသုံးပြုလျက်ရှိသလို အခြားသောစားသောက်ကုန်များအတွက်လည်း အသုံးပြုလျက်ရှိကြောင်းနှင့် အခြားသော တိုင်းနှင့်ပြည်နယ်များသို့လည်း တင်ပို့ရောင်းချလျက်ရှိကြောင်း သိရှိရပါသည်။ ဧပြီလ နောက်ဆုံးပတ်တွင်ဖွဲနု တစ်ပေါင်လျှင် ၂၅၀ကျပ် ဈေးဖြင့် ဖွဲနု(၆၀)ပေါင်တစ်အိတ်လျှင် ၁၅၀၀၀ ကျပ်၊ မတ်လနောက်ဆုံးပတ်တွင် တစ်ပေါင်လျှင် ၂၆၅ ကျပ်နှုန်းဖြင့် ဖွဲနုပေါင်(၆၀)တစ်အိတ်လျှင် ၁၅၉၀၀ကျပ်ဖြင့် အရောင်းအဝယ်ဖြစ်ကာ ဖွဲနုဈေးကွက် ဈေးငြိမ်လျက်ရှိကြောင်း သိရှိရပါသည်။

DOCA(ပဲခူး)

       ယခုလို မိုးဦးကျ မေလလယ်ကာလတွင် သရက်ပင်များမှ သရက်သီးပင်မှည့်များ လှိုင်လှိုင်  ပေါ်နေပြီဖြစ်ပါသည်။၂၀၂၄ခုနှစ် မေလနောက်ဆုံးပတ်တွင် သဲကုန်းမြို့နယ်တွင် ရိုးရိုးသရက်သီးမှည့် တစ်လုံး ၁၅၀-ကျပ်မှ ၂၀၀-ကျပ် နှင့် စိန်တစ်လုံး သရက်သီးတစ်လုံးလျှင် ၄၀၀-ကျပ်ဈေးရှိပါသည်။ သရက်သီးအစိမ်းထက် အမှည့်ကဈေးပိုရသလို သရက်သီးကို တန်ဖိုးမြှင့်ထုတ်လုပ်ပါက    ထိုထက်ပို၍ အခွင့်အလမ်းနှင့် ဈေးကွက် ပိုမိုရရှိမည် ဖြစ်ပါသည်။

     သရက်သီး၏ မျိုး၊ အနံ့၊ အရသာပေါ်မူတည်၍ အမှည့်ကိုထုပ်ပိုးပြင်ဆင်ကာ ပြည်ပပို့ကုန်   ရသလို တန်ဖိုးမြှင့်ထုတ်ကုန်အဖြစ် သရက်သီးအစိမ်းယို၊ အမှည့်ယို၊ သရက်ပြင်နှင့် သရက်သီးသနပ်  ဟူ၍ (၄)မျိုးခန့် ထုတ်လုပ်နိုင်ပါသည်။ အစိမ်းယိုနှင့် သရက်သီးသနပ်ကိုမူ သရက်သီးအစိမ်းမှ ထုတ်လုပ်၍ အမှည့်ယိုနှင့် သရက်ပြင်ကို သရက်သီးအမှည့်မှ ထုတ်လုပ်ပါသည်။ သရက်သီးသနပ်ကို ကျွန်ုပ်တို့  ဘိုးဘွားများလက်ထက်မှ ပြုလုပ်ရောင်းချစားသုံးလာ၍ အထူးတလည်မဖေါ်ပြတော့ပါ။ သရက်ပြင်ပြုလုပ်ခြင်းနှင့် သရက်ယိုပြုလုပ်ပုံခြင်းတူ၍ သရက်ပြင်မှာမူ ယိုထိုး၍ ဖြန့်ခင်းကာ ခြောက်သွေ့အောင် (၂)ရက်ခန့် နေပူလှမ်းပေးရပါသည်။ တချို့ဆိုလျှင် သရက်ပြင်ကို နေလှမ်း၍ ခြောက်သွေ့လျှင်လေးထောင့် အချပ်လေးများလှီးဖြတ်ကာ အလိပ်ကလေးများလိပ်၍ ပလတ်စတစ်ဘူးထဲထည့်ပြီး လှပစွာထုပ်ပိုး ရောင်းချသည်ကိုတွေ့ရပါသည်။ သရက်ပြင်သည် ခြောက်သွေ့လျှင် တာရှည် အထားခံသော သဘာဝသွားရည်စာတစ်မျိုးလည်းဖြစ်ရာ စားသုံးရာတွင် အန္တရာယ်ကင်း လူကြိုက်များသောမုန့်တစ်ခုအဖြစ် ဈေးကွက်လည်းရရှိနိုင်ပါသည်။

       မည်သို့ပင်ထုတ်လုပ်သည်ဖြစ်စေ ၊ ယခုလိုမိုးဦးကျကာလတွင် သရက်သီးကို တန်ဖိုးမြှင့်ထုတ်ကုန်အဖြစ် ထုတ်လုပ်ရောင်းချရန်အတွက် ကုန်ကြမ်းသရက်သီးများလည်း လှိုင်လှိုင်ပေါများသည့် အချိန်ကာလဖြစ်ပါသည်။ ထို့အတွက် အလုပ်အကိုင်အခွင့်အလမ်းနှင့် စီးပွားရေးအတွက် ရာသီ ပေါ် သရက်သီးကို ယခုထက်မက တန်ဖိုးမြှင့်ထုတ်ကုန်အဖြစ် ဈေးကွက်ထဲတွင်  နေရာယူနိုင်ရန်အတွက် ရေးသားတင်ပြလိုက်ရပါသည်။

DOCA(ပဲခူး)