ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီး၊ ကန့်ဘလူမြို့နယ်သည် စိုက်ပျိုးရေးလုပ်ငန်းကို အဓိကလုပ်ကိုင်ပြီး လယ်ယာထွက်ကုန်သီးနှံများအပြင် ဥယျာဉ်ခြံသီးနှံများကိုလည်း တစ်နိုင်တစ်ပိုင် စိုက်ပျိုးကြ ကြောင်းသိရသည်။ မြန်မာနိုင်ငံ၌ စိုက်ပျိုးလျက်ရှိသော နဂါးမောက်မျိုးများမှာ အပြင်အခွံအနီ ရောင်နှင့် အတွင်းသားအဖြူရောင်ရှိသောမျိုး၊ အပြင်ခွံအနီရောင်နှင့် အတွင်းသားအနီရောင်ရှိ သောမျိုး၊ အပြင်ခွံအဝါရောင်နှင့် အတွင်းသားအဖြူရောင်ရှိသောမျိုးတို့ ဖြစ်ကြောင်း သိရသည်။

          ကန့်ဘလူမြို့ပေါ်ရပ်ကွက်နှင့် ကန့်ဘလူမြို့နယ် ဆိတ်ဖူးမြောင်ကျေးရွာ၊ အင်ကြင်းစုကျေး ရွာနှင့် အခြားကျေးရွာများတွင် နဂါးမောက်ပင်များကို တစ်နိုင်တစ်ပိုင်စိုက်ပျိုးလျက်ရှိရာ ယခုအခါ ဒေသထွက်နဂါးမောက်သီးများ ဈေးကွက်အတွင်းရောင်းချလျက်ရှိကြောင်း၊ ဩဂုတ်လ ဒုတိယပတ် တွင် နဂါးမောက်သီးဈေးနှုန်းများမှာ အသေးတစ်လုံးလျှင် (၅၀၀မှ ၈၀၀)ကျပ်နှင့် အကြီးတစ်လုံးလျှင် (၁၂၀၀မှ ၁၅၀၀)ကျပ်ဖြင့် အရောင်းအဝယ်ဖြစ်လျက်ရှိကြောင်း၊ နဂါးမောက်သီးများသည် ဒေသထွက်ဖြစ်သည့်အတွက် ဈေးနှုန်းချိုသာခြင်း၊ အသီးလတ်ဆတ်မှုရှိကြောင်း သစ်သီးဆိုင်များမှ သိရှိရပါသည်။

DOCA (စစ်ကိုင်း)

             စစ်ကိုင်းတိုင်းဒေသကြီး၊ ရွှေဘိုခရိုင်၊ ဝက်လက်မြို့နယ်သည် လယ်ယာစိုက်ပျိုးရေး လုပ်ငန်းကို လုပ်ကိုင်ကြပြီး စပါးကို အဓိကထားစိုက်ပျိုးကြသည်။ နွေစပါး၊ နွေနှမ်းများကို ဖေဖော်ဝါရီ၊ မတ်လများတွင်စိုက်ပျိုးကြပြီးနွေနှမ်းအများဆုံးစိုက်ပျိုးကြကြောင်း၊ ဝက်လက်မြို့နယ် အတွင်းရှိ ကျေးရွာတစ်ရွာမှာ နွေနှမ်းစိုက်ဧက(၅၀၀)ခန့်ရှိကြောင်း၊နွေနှမ်းတွင် နှမ်းနက် အများဆုံး စိုက်ပျိုးကြကြောင်း၊ နွေနှမ်းကို ရေဖျန်းစိုက်ပျိုးကြပြီး မျိုး၊သွင်းအားစု၊လုပ်သားခအပါအဝင် (၁)ဧက ကျပ်(၂၀)သိန်းခန့်ကုန်ကျကြောင်း၊ စိုက်ပျိုးပြီး ချိန်မှ ရက်(၉၀)တွင် ရိတ်သိမ်းနိုင်ကြောင်း၊ ဂရုစိုက်ပြုစုမှုအပေါ် မူတည်၍ အထွက်နှုန်းမှာ (၁)ဧက လျှင် (၆)တင်းမှ (၂၀)တင်းအထိ ထွက်ရှိ ကြောင်း၊ဈေးကွက်အနေဖြင့် နှမ်းပွဲစားများက တောင်သူ လက်ဝယ်အရောက် လာရောက် ဝယ်ယူ ကြ၍ နှမ်းနက်(၁)တင်းလျှင် ကျပ် (၂၃၅၀၀၀/- မှ ၂၉၀၀၀၀/-) အထိ  နှမ်းအရည်အသွေး၊ ထွက်ရှိ သည့်အချိန်ကာလအလိုက်ဈေးနှုန်းကွာခြားလျှက်ရှိကြောင်း၊အထွက်နှုန်းကောင်းသော  တောင်သူ များ အနေဖြင့် အကျိုးအမြတ်များပိုမိုရရှိကြောင်း နှမ်းစိုက်တောင်သူ တစ်ဦးထံမှသိရှိရသည်။

DOCA(မန္တလေး)

                    စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့နယ်ရှိ ချင်းတွင်းရတနာဈေး၊ မန်းကျည်းပင်ဈေး၊ သာစည်ဈေး၊ ဗန္ဓုလဈေး၊ ပြည်ထောင်စုဈေးနှင့်  ဝန်ထမ်းအိမ်ရာရှိ နန္ဒဝန်ဈေးသစ်တို့တွင် ဩဂုတ်လ ဒုတိယပတ်တွင် ရောင်းချ နေသော ကွမ်းသီးနှင့်ကွမ်းရွက်ဈေးနှုန်းများအနေဖြင့် ကွမ်းသီး (ရှယ်) ( ၁ ) ပိဿာလျှင်( ၃၁၀၀၀) ကျပ်ဖြင့်လည်းကောင်း၊ အလတ်စ ( ၁ )ပိဿာလျှင် ( ၂၅၀၀၀) ကျပ်ဖြင့်လည်းကောင်း၊ အသင့် ( ၁ ) ပိဿာလျှင် (၂၃၀၀၀)ကျပ်ဖြင့်လည်းကောင်း၊ ကွမ်းရွက် ( ရှယ်)  ( ၁ )ပိဿာလျှင် ( ၅၀၀၀) ကျပ်ဖြင့်လည်းကောင်း၊ အလတ်စား ( ၁ )ပိဿာလျှင် ( ၃၀၀၀) ကျပ်ဖြင့်လည်းကောင်း၊ အသင့် ( ၁) ပိဿာလျှင် ( ၂၀၀၀)ကျပ်ဖြင့် လည်းကောင်း၊ ပယ်ရွက် ( ၁ ) ပိဿာလျှင် ( ၁၀၀၀) ကျပ်ဖြင့် လည်းကောင်း ဈေးနှုန်းအသီးသီးဖြင့် ရောင်းချလျက်ရှိပြီး ကွမ်းရွက် ဈေးများ ကျဆင်းလျက်ရှိကြောင်း သိရသည်။

DOCA (စစ်ကိုင်း)

      စစ်ကိုင်းတိုင်းဒေသကြီး၊ မုံရွာမြို့၊ မကျည်းပင်ဈေးအတွင်း၌  ဈေးကွက်အတွင်း ရောင်းချ နေသော အာလူးသီးများကို ရှမ်းပြည်နယ်၊ နောင်ချိုမြို့၊ ကလောမြို့ ဒေသများနှင့် မန္တလေးတိုင်း၊ ပြင်ဦးလွင်ဒေသများတွင် စိုက်ပျိုးကြသည်။ ယခု ဩဂုတ်လဒုတိယပတ်အတွင်း ရောင်းချနေသော အာလူးဈေးနှုန်းမှာ အာလူး (၁) ပိဿာလျှင် (၅၅၀၀)ကျပ်မှ (၆၅၀၀) ကျပ်ဖြင့် အရောင်းအဝယ် ဖြစ်လျက်ရှိကြောင်း သိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ မုံရွာမြို့၊ မကျည်းပင်ဈေးအတွင်းတွင်  ပန်းဂေါ်ဖီများ ရောင်းချလျက် ရှိကြောင်းသိရှိရပါသည်။

    ယခု ဩဂုတ်လဒုတိယပတ် အတွင်း ရောင်းချနေသော ပန်းဂေါ်ဖီစိမ်းစျေးနှုန်းမှ ပန်းဖွင့်အကြီးတစ်ပွင့်လျှင်  ၂၅၀၀ ကျပ်၊ အသေးတစ်ပွင့်လျှင် (၁၀၀၀-၁၂၀၀)ကျပ် ဖြင့် ရောင်းချ လျက်ရှိကြောင်း သိရှိရသည်။

DOCA(စစ်ကိုင်း)