ပြည်တွင်းကုန်သွယ်မှုသတင်း

       ၂၀၂၄ ခုနှစ်၊ မေလ၂၅ ရက်‌နေ့၊ ညနေ (၁၄း၀၀)နာရီအချိန်တွင် တနင်္သာရီတိုင်းဒေသကြီး၊  ထားဝယ်မြို့၊ အိမ်ရှေ့ပြင်ရပ်ကွက်၊ ရေးလမ်းရှိကောင်းဆက်ဟိန်းယာဉ်ရပ်နားစခန်းသို့ မြန်မာနိုင်ငံဆီကုန်သည်များနှင့် ဆီလုပ်ငန်းရှင်များအသင်းမှ ထားဝယ်ခရိုင်ဆီကုန်သည်များနှင့် ဆီလုပ်ငန်းရှင်များအသင်းသို့ ယာဉ်မောင်း ဦးချစ်ကို၊ ယာဉ်အမှတ်  4B /9723၊ Nissan DieseI မော်တော်ယာဉ်ဖြင့်တင်ဆောင်လာသော စားအုန်းဆီ (၁) ပေပါလျှင် ပိသာ ၁၁၀ ပါသည့်စားအုန်းဆီ ၇၀ ပေပါရောက်ရှိလာခဲ့သဖြင့် တိုင်းဒေသကြီးစားသုံးသူရေးရာဦးစီးမှူး ဦးစိုးဦးနှင့် တာဝန်ရှိသူများကသွားရောက်စစ်ဆေးခဲ့ကြောင်းသိရှိရပါသည်။ အဆိုပါစားအုန်းဆီ ၇၀ပေပါအား ထားဝယ်မြို့တွင်း၊ အိုးလုပ်ရပ်ကွက်၊ နိဗ္ဗာန်လမ်းရှိ ဦးဘိုသစ်၏ ယမုံလှိုင်ကုန်စုံဆိုင်အပါအဝင် အထိုင်ရောင်းချနေသည့် ဆီဆိုင် ၁၄ဆိုင်တို့မှ သတ်မှတ်ရည်ညွှန်းဈေးအတိုင်း ခွဲဝေရောင်းချပေးသွားမည်ဖြစ်ကြောင်းသိရှိရပါသည်။

DOCA(တနင်္သာရီ)

     ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်ရှိ ပဲမျိုးစုံရောင်းဝယ်ရေးပွဲရုံများတွင် ၂၀၂၄ခုနှစ် မေလအတွင်း ရောင်းဝယ်နေသော မတ်ပဲဈေးနှုန်းများမှာ ဈေးနှုန်းအတက်အကျဖြင့် ရောင်းဝယ်လျက်ရှိကြောင်း တွေ့ရပါသည်။

    ယခင်ဧပြီလစတုတ္ထပတ်တွင် ရောင်းဝယ်ခဲ့သော ဈေးနှုန်းများမှာ မတ်ပဲ ပိဿာ (၂၀) တစ်တင်းလျှင် (၁၀၂၀၀၀)ကျပ်မှ (၁၀၃၃၀၀)ကျပ်အထိ ပေါက်ဈေးနှုန်းဖြင့် အရောင်းအဝယ်ဖြစ်ခဲ့ပြီး မေလပထမပတ်တွင် ပိဿာ(၂၀) တစ်တင်း(၁၀၀၅၀၀) ကျပ်မှ (၁၀၁၀၀၀) ကျပ်အထိ ဈေးနှုန်းကျဆင်းသွားခဲ့ပါသည်။ မေလဒုတိယပတ်တွင်လည်း ဈေးနှုန်းတည်ငြိမ်မှုမရှိဘဲ ပိဿာ (၂၀) တစ်တင်း(၉၈၈၀၀) ကျပ်မှ (၁၀၁၀၀၀)ကျပ်ဖြင့် ရောင်းဝယ်ခဲ့ပြီး (၂၂.၅.၂၀၂၄)ရက်နေ့ မေလ တတိယပတ်တွင် မတ်ပဲ ပိဿာ(၂၀)တစ်တင်း (၁၀၄၀၀၀) ကျပ်မှ (၁၀၄၅၀၀)အထိ ဈေးအမြင့်ဖြင့် ရောင်းဝယ်လျက်ရှိပါသည်။

   တင်ပို့ရောင်းချမှုအနေဖြင့် ရန်ကုန်ဝယ်လက်သို့ အိတ် (၃၅၀)ဆံ့ ကားများဖြင့် တစ်ရက် (၂)စီး မှ(၃)စီးခန့်တင်ပို့နေရကြောင်း သိရှိရပါသည်။

DOCA(ပဲခူး)

      နတ်တလင်းခရိုင်၊ ပေါင်းတည်မြို့နယ် ဈေးကွက်အတွင်း ၂၀၂၄ခုနှစ်၊ မေလတတိယပတ်တွင် ဖြစ်ပေါ်ခဲ့သော အခြေခံစားကုန်များနှင့် အသားငါးဈေးနှုန်းများမှာ ကြက်သွန်ဖြူ(ကြူကုတ် တစ်ပိဿာ ၁၄၀၀ ကျပ်၊ အာလူး တစ်ပိဿာ ၃၂၀၀ ကျပ်၊ ကြက်သွန်ဖြူရှမ်းမွှာတစ်ပိဿာ ၁၂၀၀ ကျပ်၊ ကြက်သွန်နီ (ကြီး) တစ်ပိဿာ ၃၅၀၀ ကျပ်၊ ကြက်သွန်နီ(သေး) တစ်ပိဿာ ၂၅၀၀ ကျပ်၊ ငရုတ်ခြောက်တစ်ပိဿာ ၁၀၀၀၀ ကျပ်ဖြင့် ရောင်းချလျက်ရှိပါသည်။

      အသား/ငါးဈေးနှုန်းများမှာ  ဝက်သားတစ်ပိဿာ ၁၅၀၀၀ ကျပ်၊ အမဲသားတစ်ပိဿာ၁၄၀၀၀ ကျပ်၊ ငါးကြင်းတစ်ပိဿာ ၁၃၀၀၀ ကျပ်၊ ကြက်သား(ဗမာ) တစ်ပိဿာ ၁၈၀၀၀ ကျပ်၊ ကြက်သား (CP) ၁၆၀၀၀ ကျပ်နှုန်းတို့ဖြင့် ရောင်းချနေပါသည်။

    ပေါင်းတည်မြို့နယ်တွင် ၂၀၂၄ခုနှစ်၊ ယခုမေလတတိယပတ်တွင် ရောင်းချနေသော အခြေခံစားကုန်ဈေးနှုန်းများနှင့် အသား/ ငါး ဈေးနှုန်းများကို ယခင်ဧပြီလတတိယပတ် ဈေးနှုန်းများနှင့် နှိုင်းယှဉ်ပါက ကြက်သား(CP)ဈေးနှုန်း အနည်းငယ်မြင့်တက်ခဲ့ပြီး ကျန်ဈေးနှုန်းများမှာ ပုံမှန်နှုန်းဖြင့် ရောင်းချနေကြောင်း သိရှိရပါသည်။

DOCA(ပဲခူး)

     ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ် မြို့မညဈေးတွင် ရောင်းချနေသော ကြက်ဥ၊ ဘဲဥ၊ ဆေးဘဲဥ၊ ငုံးဥ ဈေးနှုန်းများမှာ ၂၀၂၄ ခုနှစ်၊ မေလတတိယပတ်တွင် ကြက်ဥ အရွယ်အစားလိုက်၍ ကြက်ဥ (လက်လီ) ဈေးနှုန်းများမှာ ကြက်ဥ (အကြီး)တစ်လုံး (၃၂၀)ကျပ်၊ ကြက်ဥ (အလတ်) တစ်လုံးလျှင်(၃၀၀)ကျပ်၊ ကြက်ဥ (အသေး) တစ်လုံးလျှင် (၂၈၀) ကျပ်၊ ဘဲဥ တစ်လုံးလျှင် (၄၀၀) ကျပ်၊ ဆေးဘဲဥ တစ်လုံးလျှင်(၄၅၀) ကျပ်၊ ငုံးဥ ဆယ်လုံးလျှင် (၇၅၀) ကျပ် ဈေးဖြင့် အရောင်းအဝယ်ဖြစ်ခဲ့ပြီး ယခင်မေလဒုတိယပတ်နှင့်နှိုင်းယှဉ်ပါက ဈေးအနည်းငယ် မြင့်တက်ခဲ့လျက်ရှိပါသည်။ ယခုမေလတတိယပတ်တွင် ကြက်ဥဈေးနှုန်း မြင့်တက်ရခြင်းမှာ ကြက်စာများဈေးမြင့်လာခြင်းနှင့် ရာသီဥတုပူပြင်းသောကြောင့် ကြက်များဥနှုန်း ကျဆင်းသွားခြင်းကြောင့်ဖြစ်ကြောင်း သိရှိရပါသည်။

DOCA(ပဲခူး)

     သထုံခရိုင်အတွင်းရှိမြို့နယ်များတွင် မေလဒုတိယအပတ်တွင် စပါး၊ ဆန်ဈေးနှုန်းမှာ တည်ငြိမ်လျက်ရှိကြောင်း သိရှိရပါသည်။ မေလဒုတိယအပတ်တွင် သထုံခရိုင်အတွင်းမှ အခြားတိုင်းဒေသကြီးနှင့် အခြားခရိုင်မြို့နယ်များသို့ ဆန်စီးထွက်မှုနှုန်းမှာ မော်လမြိုင်ခရိုင်သို့ (၄၅၀၀)အိတ်ခန့်၊ ကရင်ပြည်နယ်သို့ (၁၂၀၀)အိတ်ခန့်၊ စုစုပေါင်း(၅၇၀၀)အိတ်ခန့်၊ တန်ချိန်အားဖြင့်(၂၇၅) တန်ခန့် စီးထွက်ခဲ့ပါသည်။ ယခုမေလတတိယအပတ်တွင် မော်လမြိုင်ခရိုင်သို့ (၃၄၀၀) အိတ်ခန့်၊ ကရင်ပြည်နယ်သို့ (၁၈၅၀)အိတ်ခန့်၊ စုစုပေါင်း(၅၂၅၀)အိတ်ခန့်၊ တန်ချိန်အားဖြင့် (၂၅၀)တန်ခန့် စီးထွက်ခဲ့ပြီး ယခင်အပတ်နှင့် နှိုင်းယှဉ်ပါက အနည်းငယ်လျှော့၍ စီးထွက်ခဲ့ပါသည်။

   သထုံခရိုင်အတွင်းသို့ မေလဒုတိယအပတ်တွင်ဆန်စီးဝင်မှုနှုန်းမှာ ရန်ကုန်တိုင်းဒေသကြီးမှ (၁၁၀၀)အိတ်ခန့်၊ ပဲခူးတိုင်းဒေသကြီးမှ (၁၂၀၀) အိတ်ခန့်၊ စုစုပေါင်း (၂၃၀၀)အိတ်ခန့် တန်ချိန်အားဖြင့် (၁၁၀) တန်ခန့်စီးဝင်ခဲ့ပြီး၊ ယခုမေလ၏ တတိယအပတ်တွင် ရန်ကုန်တိုင်းဒေသကြီးမှ (၁၃၀၀)အိတ်ခန့်၊ ပဲခူးတိုင်းဒေသကြီးမှ (၁၅၀၀)အိတ်ခန့်၊ စုစုပေါင်း (၂၈၀၀)အိတ်ခန့် တန်ချိန်အားဖြင့် (၁၃၅) တန်ခန့်စီးဝင်ခဲ့ပြီး ယခင်အပတ်နှင့် နှိုင်းယှဉ်ပါက အနည်းငယ်ပို၍ စီးဝင်ခဲ့ကြောင်းသိရှိရပါသည်။

     သထုံခရိုင်အတွင်း၌ မေလတတိယအပတ်တွင် စပါး၊ ဆန်ဈေးနှုန်းများမှာ စပါးတင်း (၁၀၀)လျှင်ဒေသပေါက်ဈေး ကျားပျံဟိုတယ် (၃၅၀၀၀၀၀)ခန့်၊ ပေါ်ဆန်းဝါ (၃၃၀၀၀၀၀)ခန့်၊ ကမာကြည် (၂၈၀၀၀၀၀)ခန့်၊ ဧည့်မထ (၁၉၀၀၀၀၀)ခန့်နှင့် (၂၄)ပြည်ဝင်ဆန်တစ်အိတ်လျှင် ကျားပျံဟိုတယ် (၁၅၅၀၀၀)ခန့်၊ ပေါ်ဆန်းဝါ (၁၄၈၀၀၀)ခန့်၊ ကမာကြည် (၁၀၇၀၀၀)ခန့်၊ ဧည့်မထ (၇၇၀၀၀)ခန့်ရှိပြီး ယခုအပတ်တွင် စပါးဆန်ဈေးနှုန်းမှာအကျဘက်သို့ ဦးတည်ခဲ့ပြီး ဆန်ဈေးမှာယခင်အပတ်တိုင်းတည်ငြိမ်လျှက်ရှိကြောင်း သိရှိရပါသည်။

DOCA(မွန်)