၃.၆.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၃.၆.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၃.၆.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
ကရင်ပြည်နယ်အတွင်း ရာဘာအစေးခြစ်လုပ်ငန်းများဆောင်ရွက်နေပြီဖြစ်ပြီး ၂၀၂၄ခုနစ်၊ မေလအတွင်း ဖြစ်ပေါ်လျက်ရှိသော RSS3 ရာဘာ ၁ပေါင်ဈေးနှုန်းမှာ ၂၀၀၀ကျပ်ဖြစ်ကြောင်းသိရှိရပါသည်။ ကာလတူဈေးနှုန်းနှိုင်းယှဉ်ချက်များအရ ယမန်နှစ်က RSS3 တစ်ပေါင်လျင် ၁၃၃၀ကျပ်ဖြစ်ပြီး ကျပ် ၆၇၀ခန့် ဈေးနှုန်းမြင့်တက်ခဲ့ကြောင်းသိရှိရပါသည်။
ကရင်ပြည်နယ်တွင် ရာဘာစိုက်ပျိုးသည့်ဧကမှာ ၂၇၁၂၇၁ဧကဖြစ်ကြောင်းနှင့် ယခုနှစ်အတွင်း ရာဘာဝယ်လိုအားကောင်းလာခဲ့ပြီး ဈေးနှုန်းမြင့်တက်ခဲ့ကြောင်းသိရှိရပါသည်။
DOCA(ကရင်)
စစ်ကိုင်းတိုင်းဒေသကြီး၊ ကန့်ဘလူခရိုင်၌ သီးနှံစိုက်ပျိုးရေးလုပ်ငန်းများအပြင် မိသားစုတစ်နိုင်တစ်ပိုင် စိုက်ပျိုးရလွယ်ကူသည့်ကွမ်းများကိုလည်း စိုက်ပျိုးကြသည်။ ကွမ်းကို မိမိတို့ယာကွက်များတွင်လည်းကောင်း၊ နေအိမ်ခြံဝင်းများတွင်လည်းကောင်း စိုက်ပျိုးကြကြောင်း၊ ကွမ်းကို မြို့ပေါ်ရပ်ကွက်များမှလည်းကောင်း၊ ခရိုင်အတွင်းရှိကျေးရွာများမှလည်းကောင်း လာရောက်ရောင်းချကြောင်း သိရှိရပါသည်။
၂၀၂၄ ခုနှစ်၊ မေလ နောက်ဆုံးပတ်အတွင်းဖြစ်ပေါ်နေသော ကန့်ဘလူခရိုင်၏ကွမ်းဈေးနှုန်းမှာ ကွမ်းရှယ်တစ်ပိဿာလျှင် ၂၄၀၀၀ကျပ်၊ ပယ်ရှယ်တစ်ပိဿာလျှင် ၁၃၀၀၀ကျပ်မှ ၁၅၀၀၀ကျပ်၊ ခြံပယ်တစ်ပိဿာလျှင် ၈၀၀၀ကျပ်စသည်ဖြင့်ရောင်းချလျက်ရှိကြောင်း၊ ကွမ်းဝင်ရောက်မှုပေါ်မူတည်၍ ဈေးနှုန်းအပြောင်းအလဲရှိကြောင်း ကွမ်းရောင်းဝယ်ရေးလုပ်ငန်းရှင်ထံမှသိရှိရပါသည်။
DOCA(စစ်ကိုင်း)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိသည့်အပြင် ကုန်စည်ဒိုင်များ၏သီးနှံဈေးနှုန်းများနှင့် အရောင်းအဝယ်ဖြစ်မှု တင်း/ တန် စာရင်းတို့ကို အပတ်စဉ်၊ လစဉ်တင်ပြလျက်ရှိပါသည်။
ပဲတီစိမ်းမှာ မေလ၊ ပထမအပတ်မှစတင်၍ ရွှေဘိုဈေးကွက်တွင် အရောင်းအဝယ်ဖြစ်ခဲ့ကြောင်း၊ မေလ၊ လကုန်အပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲတီစိမ်းတစ်တင်းလျှင် (၆၃၀၀ဝိ/-)ကျပ် ပေါက်ဈေးရှိပြီး အရောင်းအဝယ်ဖြစ်မှုမှာ (၆၃၀၀)တင်း/ (၂၀၆)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲတီစိမ်းတစ်တင်းလျှင်(၆၁၇၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် ပဲတီစိမ်းတစ်တင်းလျှင်(၁၃၀ဝိ/-)ကျပ် ဈေးပိုမိုရရှိခဲ့ကြောင်း၊ ယခုအပတ်တွင် ယခင်အပတ်ထက် ပဲတီစိမ်းဈေးနှုန်းများမြင့်တက်လာသည့်အပြင် ဝင်ရောက်မှုမှာလည်းများလာကြောင်း ရွှေဘိုမြို့ ပဲ၊ နှမ်းကုန်စည်ဒိုင်ရှိတာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။
DOCA(စစ်ကိုင်း)
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ကုန်စည်ဒိုင်များ၏သီးနှံဈေးနှုန်းများနှင့် အရောင်းအဝယ်ဖြစ်မှုတင်း/ တန် စာရင်းတို့ကို အပတ်စဉ်၊ လစဉ်တင်ပြလျက်ရှိပါသည်။
ဇန်နဝါရီလ၊ ဒုတိယအပတ်မှစတင်၍ ရွှေဘိုဈေးကွက်သို့ ပဲစဉ်းငုံ(နီ)များစတင်ဝင်ရောက်ခဲ့ပြီး မေလ၊ လကုန်အပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲစဉ်းငုံ(နီ)တစ်တင်းလျှင်(၁၄၀၀၀ဝိ/-) ကျပ်ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ (၉၀၀)တင်း/(၂၉)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲစဉ်းငုံ(နီ)တစ်တင်းလျှင် (၁၃၅၀၀ဝိ/-)ကျပ် ပေါက်ဈေးရှိခဲ့သဖြင့် ယခုအပတ်တွင် ယခင်အပတ်ထက် ပဲစဉ်းငုံ(နီ)တစ်တင်းလျှင် (၅၀၀ဝိ/-)ကျပ်ဈေးပိုမိုခဲ့သည့်အပြင် ဝင်ရောက်သမျှအရောင်းအဝယ်ဖြစ်လျက်ရှိကြောင်း ရွှေဘိုမြို့ ပဲ၊ နှမ်းကုန်စည်ဒိုင်ရှိတာဝန်ရှိသူများနှင့် ဆက်သွယ်မေးမြန်မှုအရ သတင်းရရှိပါသည်။
DOCA(စစ်ကိုင်း)
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူခရိုင်ဦးစီးမှူးရုံးအနေဖြင့် စားသုံးသူကာကွယ်ပေးရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျှက်ရှိပြီး ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံစီးပွားဖွံ့ဖြိုးတိုးတက်စေရန်ဟူသော မျော်မှန်းချက်နှင့်အညီ အသင်းအဖွဲ့များ အစုအဖွဲ့များဖွဲ့စည်းပေးပြီး ပိုမိုအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ပွဲရုံးများ၏ သီးနှံဈေးနှုန်းများနှင့် အရောင်းအဝယ်ဖြစ်မှုများကိုလည်း တင်း/ တန် စာရင်းတို့ဖြင့် အပတ်စဉ်၊ လစဉ် တင်ပြလျက်ရှိပါသည်။
ကန့်ဘလူပွဲရုံများအနေဖြင့် ၂၀၂၄ ခုနှစ်၊ မေလအတွင်းပွဲရုံသို့ဝင်ရောက် အရောင်းအဝယ်ဖြစ်နေသောသီးနှံအမျိုးအစား၏ ဒေသပေါက်ဈေးနှုန်းများအဝင်/အထွက် တင်းများ၏ အရောင်းအဝယ်ဖြစ်မှအခြေအနေများမှာ ကုလားပဲ v2(၃၆၇.၅)တင်း ဈေးနှုန်း မှာ(၈၃၀၀၀)ကျပ်၊ ကုလားပဲ ၉၂၉(၂၇၅၄)တင်းဈေးနှုန်းမှာ (၈၀၀၀၀)ကျပ်၊ ကုလားပဲ ထိုင်ဝမ်(၂၂၀.၅)တင်း ဈေးနှုန်းမှာ(၇၃၀၀၀)ကျပ်၊ မတ်ပဲ ထွက်တိုး အမျိုးအစား(၁၄၅၂)တင်း ဈေးနှုန်းမှာ(၉၇၀၀၀)ကျပ်၊ မတ်ပဲ ဂျပန်အမျိုးအစား(၂၉၅.၅)တင်း ဈေးနှုန်းမှာ(၉၄၀၀၀)ကျပ်၊ ပဲတီစိမ်း(၆၀)တင်း ဈေးနှုန်းမှာ(၆၃၀၀၀)ကျပ်၊ ပဲစဉ်းငုံ(နီ)(၁၉၂)တင်း ဈေးနှုန်းမှာ (၁၃၀၀၀၀)ကျပ်၊ ပဲစဉ်းငုံ (ဖြူ)(၅၄)တင်း ဈေးနှုန်းမှာ (၁၂၀၀၀၀)ကျပ်၊ ကြက်ဆူ(၂၈.၅)တင်း ဈေးနှုန်းမှာ (၂၉၅၀၀)ကျပ်၊ ထောပတ်ပဲ(၈၁)တင်း ဈေးနှုန်းမှာ(၁၂၀၀၀၀)ကျပ်၊ စွန်တာနီပဲ(၂၁)တင်း ဈေးနှုန်းမှာ (၆၀၀၀၀)ကျပ်၊ ပဲဇီးကွက်(၄၅)တင်း ဈေးနှုန်းမှာ(၆၀၀၀၀)ကျပ်၊ နေကြာ(၁၂၇.၅)တင်း ဈေးနှုန်းမှာ (၃၃၀၀၀)ကျပ်၊ နံနံစေ့(၁၀၈)တင်း ဈေးနှုန်းမှာ(၃၁၀၀၀)ကျပ် အသီးသီးပေါက်ဈေးရှိကြောင်း သိရှိရပါသည်။
ယခုရာသီကာလမှာဆိုလျှင်တော့ ကုလားပဲများလှိုင်လှိုင်ထွက်ရှိချိန်ဖြစ်ပြီး ပဲတီစိမ်းသည့် ယခုမေလမှာ စတင်ဝင်ရောက်သောသီးနှံဖြစ်ပါသည်။ ယခင် ဧပြီလ ပေါက်ဈေးနှုန်းနှင့်နှိုင်းယှဉ်ပါက ကုလားပဲအမျိုးအစားအလိုက် တစ်တင်းလျှင်(၄၀၀၀/၅၀၀၀)ကျပ်၊ ပဲတီစိမ်း တစ်တင်းလျှင် (၁၀၀၀၀) ကျပ်နှင့် ပဲစဉ်းငုံ(ဖြူ/နီ)၊ စွန်တာနီပဲ၊ ပဲဇီးကွက်ဈေးနှုန်းများ အနည်းငယ်မြင့်တက်လာပြီး ကြက်ဆူစေ့ဈေးနှုန်းမှာ အနည်းငယ်ကျဆင်းလျက်ရှိကြောင်းနှင့် ကုလားပဲအမျိုးအစားများအလိုက် အဝင်များဆုံးကျေးရွာများဖြစ်သည့် တန်ဆည်မြို့နယ်၊ မူးတိန်၊ မူးဂွ၊ မူးကျင်း၊ ကျွန်းလည်၊ နားတောင်းကျကျေးရွာများနှင့် ကန့်ဘလူမြို့နယ်၊ စန္ဒယား၊ ကျောက်အိုင်၊ တပေါင်၊ ချောင်းစောက်ကျေးရွာများမှ အဝင်အများဆုံးဖြစ်ပြီး မိမိတို့ပွဲရုံမှသီးနှံများကို မန်းလေးမြို့ဇောတိကပွဲရုံ တစ်ခုတည်းကိုသာ တင်ပို့ရောင်းချလျှက်ရှိကြောင်း ကန့်ဘလူမြို့ပေါ်ရှိ ပွဲရုံပိုင်ရှင်တစ်ဦးထံမှ သတင်းရရှိသည်။
DOCA(စစ်ကိုင်း)
စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့နယ်တွင် မိသားစုစားဝတ်နေရေးအတွက် ရာသီပေါ်သီးနှံစိုက်ပျိုးခြင်းလုပ်ငန်းအပြင် မိသားစုတစ်နိုင်တစ်ပိုင်အနေဖြင့် ခဝဲသီးကိုစိုက်ပျိုးရောင်းချကြပါသည်။ ခဝဲသီးကိုမိမိတို့ကုန်ကွက်များနှင့် အိမ်ခြံဝင်းများအတွင်းတွင် စင်ထိုးစိုက်ပျိုးခြင်းနှင့် မြေလျှောက်စိုက်ပျိုးခြင်းနှစ်မျိုးကို မြေအောက်ရေတင်စနစ်ဖြင့်စိုက်ပျိုးကြပါသည်။ ခဝဲသီးများကို ကန့်ဘလူမြို့နယ်အတွင်းကျေးရွာများနှင့် မြို့ပေါ်ရပ်ကွက်များမှလာရောက်ရောင်းချကြောင်းသိရှိရပါသည်။
ခဝဲသီး၏ ကျန်းမာရေးအကျိုးအာနိသင်များဖြစ်သည့် ကင်ဆာဖြစ်နှုန်းကိုလျော့ချပေးခြင်း၊ နှလုံးကိုကျန်းမာစေခြင်း၊ အရိုးသိပ်သည်းဆကိုကောင်မွန်စေခြင်း၊ သွေးသန့်စင်ပေးနိုင်ခြင်း၊ ဝမ်းမှန်စေခြင်း၊ အရေပြားကျန်းမာစေခြင်း၊ ခုခံအားကောင်းစေခြင်း၊ အသားဝါရောဂါဖြစ်နိုင်ချေကိုလျော့နည်းစေခြင်း၊ ဆီးချိုသွေးချိုရောဂါဖြစ်ပွားနိုင်ချေလျော့နည်းစေခြင်း၊ ရောင်ရမ်းမှုကိုသက်သာစေခြင်း၊ အစာအိမ်နှင့် ပတ်သက်သည့်ရောဂါများသက်သာစေခြင်း၊ သွေးအားနည်းခြင်းကိုကာကွယ်ပေးခြင်းနှင့် ကိုယ်အလေးချိန်ထိန်းသိမ်းရာမှာလည်း အထောက်အကူဖြစ်စေခြင်း စသည့်အကျိုးအာနိသင်များရှိသည့်အတွက် ခဝဲသီးကိုများများစားသုံးသင့်ကြောင်း သိရှိရပါသည်။
ယခု၂၀၂၄ခုနှစ်၊ မေလနောက်ဆုံပတ်အတွင်းဖြစ်ပေါ်နေသော ကန့်ဘလူမြို့၏ခဝဲသီးဈေးနှုန်းမှာ ၂၅ကျပ်သားလျှင်(၈၀၀)ကျပ်၊ (၅၀)ကျပ်သားလျှင်(၁၅၀၀)ကျပ်၊ တစ်ပိဿာလျှင် (၃၀၀၀)ကျပ်ဈေးနှုန်း စသည်ဖြင့်ရောင်းချလျက်ရှိကြောင်း ကန့်ဘလူမြို့မစည်ပင်သာယာဈေးတွင် ကုန်စိမ်းသီနှံရောင်းချနေသောဈေးသည်တစ်ဦးထံမှ သိရှိရပါသည်။
DOCA(စစ်ကိုင်း)
၂.၆.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
