ပြည်တွင်းကုန်သွယ်မှုသတင်း

  ပြောင်းသီးနှံမှာမွေးမြူရေး အစားစပ်လုပ်ငန်း တွင်သုံးစွဲမှု များပြားခြင်း၊ ပြည်ပတင်ပို့ ခြင်း တို့ကြောင့်အရောင်းသွက်လျက်ရှိကြောင်း သိရပါသည်။  မန္တလေးတိုင်းဒေသကြီးအတွင်း ၂၀၂၄ - ၂၀၂၅ ခုနှစ်တွင် အစေ့ ထုတ်ပြောင်းစိုက်ပျိုးမှု  ၃၆၆၂၂  ဧက၊  ရိတ်သိမ်းမှု ၁၃၃၃၁ ဧက၊ အထွက် နှုန်း  ၄၉.၅၅  တင်း၊ အထွက်တင်းစုစုပေါင်း   ၆၆၀၅၉၁  တင်းဖြစ်ကြောင်းသိရပါသည်။  မန္တလေး ပွဲစား၊  ကုန်သည်စက်ပိုင်များမဟာကထိန်တော်အသင်းတွင်  ၂၀၂၅ခုနှစ်  သြဂုတ်လဒုတိယပတ် အတွင်း ဖြစ်ပေါ်သည့်အစေ့ထုတ်ပြောင်းစျေးမှာပြောင်းဖူးစေ့(ရှမ်း)၈၅၀၀၀ကျပ်နှင့်၈၆၀၀၀ကျပ်၊ ပြောင်းဖူးစေ့(စီပီ) ၈၆၀၀၀ကျပ်နှင့်၈၇၀၀၀ ကျပ်၊တစ်ပိဿာစျေးအနေ ဖြင့် ပြောင်းဖူးစေ့(ရှမ်း) ၁၅၇၄ကျပ်နှင့်၁၅၉၃ ကျပ်၊  ပြောင်းဖူးစေ့(စီပီ)  ၁၅၉၃ ကျပ် နှင့် ၁၆၁၁ ကျပ်စျေးတို့ဖြစ်ကြောင်း  သိ ရပါသည်။ ယခင်နှစ်ကာလတူ  တစ်ပိဿာစျေးမှာ ပြောင်းဖူးစေ့ (ဗမာ) ၁၃၄၃ကျပ် နှင့် ၁၃၅၂ ကျပ်၊ပြောင်းဖူးစေ့(ရှမ်း)နှင့်ပြောင်းဖူးစေ့ (စီပီ)၁၃၈၀ကျပ်နှင့်၁၃၈၉ကျပ်တို့ ဖြစ်ကြောင်း သိရပါ သည်။ယခုနှစ်စေျးနှင့်ယခင်နှစ်ကာလတူ စျေး နှိုင်းယှဉ်ပါက  တစ်ပိဿာလျှင် ၂၀၄ ကျပ်အထက် ပိုမိုရရှိကြောင်း သိရပါသည်။

DOCA(မန္တလေး)

   နေကြာသီးနှံမှာ ပြည်တွင်းစားဆီကြိတ်ခွဲခြင်းနှင့်ဆီစက်လုပ်များအတွက် အရေးပါသည့် စျေးကောင်းရသည့်အမယ်ဖြစ်ပြီး၊ ကျန်းမာရေးနှင့်ညီညွှတ်သည့် မပြည့်ဝဆီတစ်မျိုးဖြစ်ကြောင်း သိရပါသည်။ မန္တလေးတိုင်းဒေသကြီးတွင် နေကြာသီးနှံ ကို မိုးနေကြာ နှင့် ဆောင်းနေကြာ အဖြစ် စိုက်ပျိုးလျက်ရှိပြီး၊ ၂၀၂၄-၂၀၂၅ ခုနှစ်နေကြာစိုက်ပျိုးမှု ၁၈၆၁၉၅ ဧက၊ ရိတ်သိမ်းမှု ၁၈၄၂၂၇ ဧက၊ အထွက် ၂၄.၂၆တင်းနှုန်းနှင့် အထွက် ၄၄၆၉၃၅၁တင်း ဖြစ်ကြောင်းသိရပါသည်။ မန္တလေး ပွဲစား၊ ကုန်သည်စက်ပိုင်များ မဟာကထိန်တော်အသင်းတွင် ၂၀၂၅ ခုနှစ်သြဂုတ်လဒုတိယပတ် အတွင်း ဖြစ်ပေါ်လျက်ရှိသည့် ဆီနေကြာသီးနှံပေါက်စျေးမှာ ၃တင်းဝင် (၂၇ ပိဿာပါ) တစ်အိတ် လျှင် ၁၇၅၀၀၀ ကျပ်၊ တစ်ပိဿာလျှင် ၆၄၈၁ ကျပ်၊ နေကြာဖတ်တစ် ပိဿာလျှင် ၂၁၀ဝ ကျပ်နှင့် ၂၁၅ဝ ကျပ် ဖြစ်ပြီး၊ယခင်နှစ်ကာလတူ ပေါက်စျေးမှာ ၃တင်း တစ်အိတ်လျှင် ၁၄၀၀၀၀ကျပ်နှင့် ၁၅၀၀၀၀ ကျပ်၊ တစ်ပိဿာလျှင် ၅၁၈၅ ကျပ်နှင့် ၅၅၅၆ ကျပ်တို့ဖြစ်ကြောင်း သိရပါသည်။ ဆီနေကြာ ယခုနှစ်နှင့် ယခင်နှစ် ပေါက်စျေးနှိုင်းယှဉ်ပါက တစ်ပိဿာလျှင် ၉၂၅ ကျပ်စျေး ပိုမိုရရှိကြောင်း သိရပါသည်။

DOCA(မန္တလေး)

     စစ်ကိုင်းတိုင်းဒေသကြီး၊ ကန့်ဘလူခရိုင်တွင် မန်ကျည်းပင်များကို အခြားစားပင်သီးပင်များ ကဲ့သို့ ခြံဖွဲ့၍ စိုက်ပျိုးခြင်းမရှိသော်လည်း ကန့်ဘလူမြို့နယ်နေရာအနှံ့အပြားတွင် အများအပြား လေ့ကျပေါက်ရောက်ကြသည်။  မန်ကျည်းပင်သည် အေးမြသော အရိပ်ကိုပေးသည့်အပြင်  အရွက်၊ အသီး၊ အခေါက် တစ်ပင်လုံးနီးပါး လူတို့အတွက် အသုံးဝင်ပါသည်။ လယ်တော၊ ယာတောများနှင့် မိမိတို့အိမ်တွင် စားသုံး၍ပိုလျှံသည့် မန်ကျည်းသီးစိမ်းနှင့်မန်ကျည်းရွက်နုများကို ကန့်ဘလူမြို့မဈေး တွင်လာရောက်ရောင်းချကြောင်း သိရသည်။

     ၂၀၂၅ ခုနှစ်၊ ဩဂုတ်လ ဒုတိယပတ်အတွင်း မန်ကျည်းသီးစိမ်း တစ်ပြည်လျှင် (၅၅၀၀)ကျပ်၊ မန်ကျည်းသီးစိမ်း(၁)ဘူးလျှင် (၇၀၀)ကျပ်နှင့် မန်ကျည်းသီးစိမ်း (၁)ပုံလျှင်(၅၀၀)ကျပ်နှင့် မန်ကျည်း ရွက်နု(၁)ပုံလျှင် (၃၀၀)ကျပ်နှင့် မန်ကျည်းရွက်နု(၂)ပုံလျှင် (၅၀၀)ကျပ်ဖြင့်ရောင်းချကြောင်း၊ ရာသီ စာတစ်ခုဖြစ်သည့် မန်ကျည်းသီးစိမ်းနှင့် မန်ကျည်းရွက်နုများအား  အိမ်ရှင်မများဟင်းချက်ရာတွင် လည်းကောင်း၊ထမင်းဆိုင်များတွင်လည်း အသုံးပြုကြသဖြင့် အရောင်းအဝယ်သွက်လျက်ရှိကြောင်း မြို့မဈေးရှိ ကုန်စိမ်းရောင်းချသူတစ်ဦးထံမှ သိရှိရပါသည်။

DOCA (စစ်ကိုင်း)

     သြဂုတ်လဒုတိယပတ်အတွင်း မန္တလေးကုန်စိမ်းစျေးကွက်သို့ရွှေပဲသီးဝင်ရောက်မှု လျော့နည်းသည့်အတွက် စျေးအနည်းငယ်တက်သွားကြောင်း သိရပါသည်။ မန္တလေးမြို့ ၄၁လမ်းဈေး နှင့် သီရိမာလာဈေးတို့တွင် မန္တ‌လေးတိုင်းဒေသကြီး၊ ပြင်ဦးလွင်မြို့နှင့် ရှမ်းပြည်နယ်ဒေသတို့မှ ထွက်ရှိသော ရွှေပဲသီးသီးနှံများ ဝင်ရောက်ကြောင်း သိရပါသည်။ ၂၀၂၅ ခုနှစ် သြဂုတ်လဒုတိယ ပတ်အတွင်း ရွှေပဲသီးတောင့်တစ်ပိဿာလျှင် လက္ကားစျေး  ၆၅၀၀ ကျပ်နှင့် ၇၅၀၀ ကျပ်၊ လက်လီစျေး ၈၅၀၀ ကျပ်နှင့် ၉၀၀၀ ကျပ်၊ ‌ရွှေပဲသီး အရွက်(၁၀ စည်းပါ)တစ်စည်းလျှင် လက္ကား စျေး ၈၀၀၀ ကျပ်နှင့် ၈၅၀၀ ကျပ်၊ လက်လီစျေး ၉၀၀၀ ကျပ်နှင့် ၁၀၀၀၀ ကျပ်ဖြင့် ရောင်းချ လျှက်ရှိပြီး၊ဝင်ရောက်မှုလျော့နည်းသော်လည်း အရောင်းသွက်လျက်ရှိကြောင်း  ကုန်စိမ်းရောင်းချ သူတစ်ဦးထံမှ သိရပါသည်။

DOCA(မန္တလေး)

  မန္တလေးဈေးကွက်အတွင်းသို့ ပြင်ဦးလွင်ဒေသနှင့်ရှမ်းပြည်နယ်တောင်ပိုင်း ဒေသများမှ ထွက်ရှိသည့်ခါကြက်ဥ(ခေါ်)မုန်လာဥနီ  ကုန်စိမ်းများ ဝင်ရောက်လျက်ရှိပြီး၊ မိုးရာသီလမ်းပန်း ဆက်သွယ်ရေးအခက်အခဲကြောင့် ဝင်ရောက်မှုနည်းသည့်အတွက် စျေးအနည်းငယ်တက်သွား ကြောင်း သိရပါသည်။ ဈေးကွက်အတွင်းတွေ့ရသော ခါကြက်ဥ(ခေါ်)မုန်လာဥနီကုန်စိမ်းမှာ ဒေသမျိုးမုန်လာဥနီနှင့် ထိုင်ဝမ်မျိုး မုန်လာဥနီအမျိုးအစား(၂)မျိုးရှိပြီး တစ်နှစ်ပတ်လုံးဝင် ရောက်သည့်ကုန်စိမ်း အမယ်တစ်မျိုးဖြစ်ပါသည်။ မန္တလေးမြို့၊ ၄၁လမ်းဈေး နှင့်သီရိမာလာ စျေး တို့တွင်  ၂၀၂၅ ခုနှစ်သြဂုတ်လဒုတိယပတ်အတွင်းဖြစ်ပေါ်လျက်ရှိသော ပေါက်ဈေးမှာ တစ်ပိဿာ လျှင် လက္ကားဈေး မုံလာဥနီ (ဒေသမျိုး) ၃၀၀၀ကျပ်နှင့် ၃၅၀၀ကျပ်၊ မုံလာဥနီထိုင်ဝမ်မျိုး ၈၅၀၀ ကျပ်နှင့် ၉၀၀၀ ကျပ်၊ လက်လီဈေးအနေဖြင့် မုန်လာဥနီ ဒေသမျိုး ၄၀၀၀ကျပ်နှင့် ၅၀၀၀ကျပ်၊ မုန်လာဥနီ ထိုင်ဝမ်မျိုး ၉၅၀၀ကျပ်နှင့် ၁၀၀၀၀ ကျပ်တို့ဖြစ်ကြောင်းသိရပါသည်။

DOCA( မန္တလေး)