၂၄.၈.၂၀၂၃ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။
၂၄.၈.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မကွေးမြို့၊ ကုန်သည်များနှင့်စက်မှုလက်မှုလုပ်ငန်းရှင်များအသင်း (မကွေးကုန်စည်ဒိုင်) တွင် ပဲမျိုးစုံတို့မှာ ပုံမှန်အရောင်းအဝယ်ဖြစ်လျက်ရှိပြီး မိုးနှမ်းနှင့်မြေပဲသီးနှံများ စျေးကွက်အတွင်းသို့ စတင်ဝင်ရောက်လာပြီဖြစ်ပါသည်။ (၁၇-၈-၂၀၂၃)ရက်နေ့တွင်ဖြစ်ပေါ်လျက်ရှိသော မကွေးကုန်စည်ဒိုင်၏ သီးနှံစျေးနှုန်းများမှာ ပဲတီစိမ်း (၁၉)ပိဿာဝင် (၁)တင်းလျှင် (၅၈၀၀၀)ကျပ်၊ ပဲကြီးဖြူ ပြားကြီး (၁၉)ပိဿာဝင် (၁)တင်းလျှင် (၁၀၀၀၀၀)ကျပ်၊ ပဲကြီးဖြူ (လတ်) (၁၉)ပိဿာဝင် (၁)တင်းလျှင် (၉၅၀၀၀)ကျပ်၊ ပဲကြီးဖြူ (သေး) (၁၉)ပိဿာဝင် (၁)တင်းလျှင် (၈၈၀၀၀)ကျပ်၊ ကုလားပဲ (HL) (၁၉)ပိဿာဝင် (၁)တင်းလျှင် (၈၇၀၀၀)ကျပ်၊ စားတော်ပဲ (၂၀)ပိဿာဝင် (၁)တင်းလျှင် (၁၃၈၀၀၀)ကျပ်၊ နှမ်းနက် (စမုံ) (၁၅)ပိဿာဝင် (၁)တင်းလျှင် (၁၂၆၆၆၀)ကျပ်၊ နှမ်းဖြူ (၁၅)ပိဿာဝင် (၁)တင်းလျှင် (၁၄၁၆၀၀)ကျပ်၊ နှမ်းနီ (မကွေး) (၁၅)ပိဿာဝင် (၁)တင်းလျှင် (၁၁၆၀၀၀-၁၁၇၀၀၀)ကျပ်၊ မြေပဲတောင့်နီ (၂၅)ပေါင်လျှင် (၃၀၀၀၀-၃၂၀၀၀)ကျပ်၊ မြေပဲတောင့်ဖြူ (၂၅)ပေါင်လျှင် (၂၂၀၀၀-၂၄၀၀၀)ကျပ်တို့ဖြင့် အသီးသီးစျေးဖွင့်၍ အရောင်းအဝယ်ဖြစ်လျက်ရှိကြောင်း သိရှိရပါသည်။
အရောင်းအဝယ်ဖြစ်မှုမှာ ပဲတီစိမ်းတန်ချိန် (၅၀)ခန့်၊ ကုလားပဲတန်ချိန် (၃၀)ခန့်၊ ပဲကြီးဖြူတန်ချိန် (၅၀)ခန့်၊ နှမ်းဖြူတန်ချိန် (၁၀၀)ခန့်နှင့် မြေပဲတန်ချိန် (၂၀)ခန့် စသည်ဖြင့် အသီးသီးအရောင်းအဝယ်ဖြစ်နေကြကြောင်း လေ့လာသိရှိရပါသည်။
DOCA(မကွေး)
မကွေးတိုင်းဒေသကြီး၊ ချောက်မြို့နယ်သည် မြန်မာနိုင်ငံ၏အပူပြင်းဆုံးဒေသဖြစ်ပြီး နှစ်စဉ် မိုးရွာသွန်းမှုနည်းပါးခြင်းကြောင့် အဓိကသီးနှံ(၁၀)မျိုးအနက် (ပဲတီစိမ်း၊ ပဲစဉ်းငုံ၊ မြေပဲ)တို့ကို အဓိကထားစိုက်ပျိုးပြီး နှမ်းသီးနှံကို အနည်းငယ်ခန့်သာစိုက်ပျိုးကြပါသည်။ ချောက်မြို့နယ်၌ မိုးနှမ်း၊ သီးနှံ (၂၆၀၀၀)ဧကအား ၂၀၂၃ခုနှစ်၊ မေလဆန်းပိုင်းတွင် စတင်စိုက်ပျိုးခဲ့ကြပြီး ယခုအခါ စတင်ရိတ်သိမ်းနေကြပြီဖြစ်ပါသည်။
(၁၅-၈-၂၀၂၃)ရက်နေ့တွင် ချောက်မြို့နယ်၊ မကျီးကန်ကျေးရွာအုပ်စု၊ စမ်းစုကျေးရွာရှိ ကွင်းအမှတ် (၂၉၅၄) တောင်သူဦးအေးသောင်း၏ မိုးနှမ်း(၁.၀၀)ဧကကွက်နှင့် ဂွေးချိုကျေးရွာအုပ်စု၊ ဂွေးချိုကျေးရွာ၊ ကွင်းအမှတ်(၂၃၅၁) တောင်သူဦးအေးသိန်း၏ မိုးနှမ်း(၂.၅၇)ဧကကွက်တို့တွင် စံကွက်ရိတ်သိမ်းမှုအခြေအနေများအား ချောက်ခရိုင်၊ စီမံအုပ်ချုပ်ရေးအဖွဲ့၊ မြို့နယ်စီမံအုပ်ချုပ်ရေးအဖွဲ့၊ စိုက်ပျိုးရေးဦးစီးဌာနနှင့် ခရိုင်/ မြို့နယ်လယ်ယာမြေစီမံခန့်ခွဲရေးအဖွဲ့များ၊ ကျေးရွာအုပ်ချုပ်ရေးမှူးများက ကွင်းဆင်းကြည့်ရှုအားပေးခဲ့ကြောင်းသိရပါသည်။
ဂွေးချိုကျေးရွာအုပ်စု၊ ဂွေးချိုကျေးရွာမှ တောင်သူဦးအေးသိန်း၏ မိုးနှမ်း(၂.၅၇)ဧကသည် မိုးရေရရှိမှုများ၍ တစ်ဧကလျှင် (၁၁.၈၆)တင်းနှုန်းထွက်ရှိပြီး မိုးအရနည်းပါးသည့် မကျီးကန်ကျေးရွာအုပ်စု၊ စမ်းစုကျေးရွာမှ တောင်သူဦးအေးသောင်း၏ မိုးနှမ်း(၁.၀၀)ဧကသည် တစ်ဧကလျှင် အထွက်နှုန်း (၈.၉၇) တင်းသာထွက်ရှိကြောင်းနှင့် ယခင်နှစ်တွင် မိုးနှမ်းတစ်ဧကစိုက်ပျိုးမှုကုန်ကျစရိတ်မှာ (၂၇၀၀၀၀) ကျပ်ရှိပြီး တစ်ဧကလျှင် (၆)တင်းနှုန်းထွက်ရှိကြောင်း၊ နှမ်းတစ်တင်းလျှင် (၅၀၀၀၀)ကျပ်ခန့်သာရရှိ၍ ယခုနှစ်တွင် မိုးနှမ်းတစ်ဧကစိုက်ပျိုးမှုကုန်ကျစရိတ်မှာ (၃၇၀၀၀၀)ကျပ်ခန့်ရှိခဲ့ပြီး ပျမ်းမျှနှမ်းတစ်ဧကလျှင် (၉)တင်းနှုန်းရရှိပါကြောင်း၊ လက်ရှိ၌ နှမ်းတစ်ဧကလျှင် (၇၆၀၀၀)ကျပ်ဖြစ်၍ တစ်ဧကအကျိုးအမြတ်အနေဖြင့် (၃၁၄၀၀၀) ကျပ်ခန့်ရရှိနိုင်ကြောင်း၊ စိုက်ပျိုးသူတောင်သူများ၏ ဝမ်းသာအားရပြောဆိုမှုများအား လေ့လာသိရှိရပါသည်။
DOCA(မကွေး)
ယခုအခါတွင် မိုးရာသီသို့ ရောက်ရှိလာပြီဖြစ်သဖြင့် ရာသီတုပ်ကွေးရောဂါများ အများအပြားဖြစ်ပွားလျက်ရှိကြောင်း သိရှိရပါသည်။ မကွေးမြို့ပေါ်ရှိဆေးဆိုင်များတွင် အိမ်သုံးဆေးဝါးများအား ဖျားနာမှုအတွက် အဓိကဝယ်ယူလျက်ရှိကြပါသည်။ အိမ်သုံးဆေးဝါးများမှာ ၂၀၂၃ခုနှစ်၊ ဩဂုတ်လ (ဒုတိယအပတ်) တွင် ဈေးနှုန်းများအတက်အကျရှိကြောင်းသိရှိရပါသည်။
၂၀၂၃ခုနှစ်၊ ဩဂုတ်လ(ဒုတိယအပတ်)တွင် မကွေးမြို့နယ်အတွင်းရှိ စျေးကွက်အတွင်း ဖြစ်ပေါ် လျက်ရှိသော အိမ်သုံးဆေးဝါးနှင့် အားဆေးများ၏စျေးနှုန်းများမှာ Decolgen (၁၀)လုံးပါ တစ်ကတ်လျှင် (၁၄၅၀)ကျပ်၊ Civit အလုံး (၁၀၀)ပါ တစ်ဘူးလျှင် (၁၅၀၀)ကျပ်၊ Paracetamol (၁၀)လုံးပါ တစ်ကတ်လျှင် (၃၀၀)ကျပ်၊ Biogesic (၁၀)လုံးပါ တစ်ကတ်လျှင် (၉၀၀)ကျပ်၊ Amoxicillin အလုံး (၁၀၀)ပါ တစ်ဘူးလျှင် (၅၇၀၀)ကျပ်၊ Bermeton အလုံး(၁၀၀)ပါ တစ်ဘူးလျှင် (၁၆၀၀)ကျပ်၊ Cetrine (၁၀)လုံးပါ တစ်ကတ်လျှင် (၁၅၀)ကျပ်၊ Enervon-C (၄)လုံးပါ တစ်ကတ်လျှင် (၁၄၅၀)ကျပ်၊ Oramin-G (၅)လုံးပါ တစ်ကတ်လျှင် (၃၂၅၀)ကျပ်၊ Becozinc (၁၀)လုံးပါ တစ်ကတ်လျှင် (၃၇၀၀)ကျပ်၊ Vitahome (၁၀)လုံးပါ တစ်ကတ်လျှင် (၁၇၅၀)ကျပ်၊ Supradyn (၁၀)လုံးပါ တစ်ကတ်လျှင် (၁၈၃၅၀)ကျပ်၊ SaRa (၁၀)လုံးပါ တစ်ကတ်လျှင် (၁၀၅၀)ကျပ်၊ Vitacee (၁၅)လုံးပါတစ်ကတ်လျှင် (၄၃၀၀)ကျပ်၊ Flemex (၁၀)လုံးပါ တစ်ကတ်လျှင် (၃၂၀၀)ကျပ်၊ Solmux (၄)လုံးပါတစ်ကတ်လျှင် (၁၁၀၀)ကျပ်၊ Wood (၁၅)လုံးပါ တစ်ဘူးလျှင် (၈၀၀၀)ကျပ်၊ Alexal (၁၀)လုံးပါ တစ်ကတ်လျှင် (၂၁၀၀)ကျပ်၊ Mexagrip (၄)လုံးပါ တစ်ကတ်လျှင် (၇၅၀)ကျပ်၊ ဓာတ်ဆား MPF တစ်ထုပ်လျှင် (၃၀၀)ကျပ်တို့ဖြင့်ရောင်းချလျက်ရှိကြောင်း ဆေးဆိုင်များမှလေ့လာသိရှိရပါသည်။
DOCA(မကွေး)
အိမ်ရှင်မများအတွက် မရှိမဖြစ်သော စားဖိုစောင်သီးနှံတစ်မျိုးဖြစ်သည့် ကြက်သွန်နီမှာ ဈေးမြှင့်တက်လျက်ရှိပါသည်။ ၂၀၂၃ခုနှစ်၊ ဩဂုတ်လ(ဒုတိယပတ်)တွင် ကြက်သွန်နီကုန်ဝယ်ဒိုင်သို့ အနယ်နယ်အရပ်ရပ်မှ ကြက်သွန်နီများအရောင်းအဝယ်ဖြစ်လျက်ရှိပြီး ဈေးနှုန်းအနေဖြင့် ဒိုင်ဖြတ်လက်ကားဈေးမှာ ယောစ(ဂျွန်) ထိပ်စတစ်ပိဿာလျှင် (၂၅၀၀-၂၄၅၀)ကျပ်၊ အလတ်စတစ်ပိဿာလျှင် (၂၂၀၀-၂၁၅၀)ကျပ်၊ အနိမ့်စတစ်ပိဿာလျှင် (၁၈၀၀)ကျပ်၊ မြင်းခြံခရိုင်၊ တမိုက်သာမြို့နယ်မှ ကြက်သွန်နီဈေးမှာ ထိပ်စတစ်ပိဿာလျှင် (၂၄၀၀)ကျပ်၊ အလတ်စတစ်ပိဿာလျှင် (၂၃၅၀)ကျပ်၊ အနိမ့်စတစ်ပိဿာလျှင် (၂၃၀၀)ကျပ်၊ မုံရွာပုလဲစ ထိပ်စတစ်ပိဿာလျှင် (၂၃၇၅)ကျပ်ဈေးဖြင့် အရောင်းအဝယ်ဖြစ်ခဲ့ပြီး အဝင်ကုန်ချိန်အနေဖြင့် တစ်နေ့လျှင် ကုန်ချိန်(၂၅၀၀၀-၆၅၀၀၀)အထိအရောင်းအဝယ်ဖြစ်နေကြောင်း ကုန်သည်များထံမှသိရှိရပါသည်။
ဆိပ်ဖြူကုန်စည်ဒိုင်၏ ဒိုင်ပြတ်လက်ကားဈေးမှာ ထိပ်စတစ်ပိဿာလျှင် (၂၃၀၀)ကျပ်၊ အလတ်စတစ်ပိဿာလျှင် (၂၀၀၀)ကျပ်၊ အနိမ့်စတစ်ပိဿာလျှင် (၁၈၀၀)ကျပ်ဖြစ်ပြီး ကုန်အဝင်ပိဿာချိန်မှာ နေ့စဉ် ပိဿာချိန် (၁၀၀၀၀-၂၀၀၀၀)အထိအရောင်းအဝယ်ဖြစ်နေပါသည်။ ပခုက္ကူမြို့မစည်ပင်သာယာဈေးတွင် ရောင်းချနေသောလက်လီဈေးမှာ ကြက်သွန်နီအရည်အသွေးကိုလိုက်၍ ထိပ်စတစ်ပိဿာလျှင် (၂၆၀၀) ကျပ်၊ အလတ်စတစ်ပိဿာလျှင် (၂၄၀၀)ကျပ်၊ အနိမ့်စတစ်ပိဿာလျှင် (၂၃၀၀)ကျပ်ဖြင့် ရောင်းချလျက်ရှိပါသည်။ တင်ပို့မှုအနေဖြင့် မြန်မာပြည်အောက်ပိုင်း၊ မြဝတီမြို့များသို့ တင်ပို့လျက်ရှိကြောင်း ကုန်သည် ပွဲစားများထံမှသိရှိရပါသည်။
DOCA(မကွေး)
ပခုက္ကူကုန်စည်ဒိုင်တွင် အညာဒေသမှ အဓိကစိုက်ပျိုးထုတ်လုပ်သော ပဲစဉ်းငုံနီ၊ ပဲတီစိမ်း၊ ကုလားပဲမျိုးစုံ၊ ပဲနီပြား၊ ထောပတ်ပဲ၊ ပဲလွန်း၊ အခြားပဲနှင့် နှမ်းမျိုးစုံများအရောင်းအဝယ်ဖြစ်လျက်ရှိပါသည်။ ၂၀၂၃ခုနှစ်၊ ဩဂုတ်လ(ဒုတိယပတ်)တွင် ပဲစဉ်းငုံနီဈေးမှာ အနည်းငယ်တက်လျက်ရှိပြီး ဩဂုတ်လ (တတိယပတ်) ၏ အရောင်းအဝယ်ဖြစ်မှုဈေးနှုန်းမှာ တစ်တင်းလျှင် (၁၀၂၀၀၀-၁၀၆၂၀၀)ကျပ်၊ ကုလားပဲဝါလုံးကြီး( 929 )တစ်တင်းလျှင် (၈၇၀၀၀)ကျပ်၊ ပဲတီစိမ်းကြီးမှာ အရည်အသွေးကိုလိုက်၍ တစ်တင်းလျှင် (၄၅၀၀၀-၅၅၀၀၀) ကျပ်၊ ပဲတီစိမ်းသေးတစ်တင်းလျှင် (၇၂၂၀၀)ကျပ်၊ မတ်ပဲတစ်တင်းလျှင် (၆၀၀၀၀-၇၀၀၀၀)ကျပ်၊ ကုလားပဲဖြူလုံးကြီး(v2)တစ်တင်းလျှင် (၈၈၅၀၀)ကျပ်၊ ပဲဇီးကွက်တစ်တင်းလျှင် (၅၁၀၀၀)ကျပ်၊ ပဲပိစပ်တစ်တင်းလျှင် (၅၉၀၀၀)ကျပ်၊ မန်ကျည်းသီးမှည့်တစ်ပိဿာလျှင် (၇၈၀)ကျပ်ဖြင့် ဥပုသ်နေ့မှလွဲ၍ အရောင်းအဝယ်ဖြစ်နေကြောင်း ကုန်စည်ဒိုင်မှသိရှိရပါသည်။
ယခုတစ်ပတ်၏ အရောင်းအဝယ်ဖြစ်မှုမှာ ပဲစဉ်းငုံနီ (၇၀၀) အိတ်၊ ကုလားပဲဝါလုံးကြီး(929) (၃၀၀)အိတ်၊ ပဲတီစိမ်းကြီး(၂၁၀၀)အိတ်၊ ပဲတီစိမ်းသေး(၂၅၀၀) အိတ်၊ ပဲဇီးကိက် (၁၅၀) အိတ်၊ မတ်ပဲ(၅၀၀) အိတ်၊ ပဲပိစပ် (၁၅၀)အိတ်အရောင်းအဝယ်ဖြစ်နေပါသည်။
ပဲနှမ်းတင်ပို့မှုအနေဖြင့် မြန်မာပြည်အောက်ပိုင်း၊ ရန်ကုန်တိုင်းဒေသကြီးသို့ အဓိကတင်ပို့ပြီး ယခုအပတ်တွင် ပဲတီစိမ်းမှာ အများဆုံးဖြစ်ပြီး အခြားပဲများမှာ ပဲယင်း၊ ကုလားပဲအမျိုးမျိုးနှင့် နှမ်းညိုများကိုတင်ပို့လျက်ရှိကြောင်း ကုန်သည်ပွဲစားများထံမှသိရှိရပါသည်။
DOCA(ပဲခူး)
တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။
တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။
၂၃.၈.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
