ပြည်တွင်းကုန်သွယ်မှုသတင်း

     စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၃ ခုနှစ်၊ ဇွန်လ(၂၇)ရက်နေ့၊ နံနက်(၀၉:၀၀)နာရီအချိန်တွင် လွိုင်ကော်မြို့၊ မိုင်းလုံးရပ်ကွက်နှင့် ပန်ကန်းရပ်ကွက်ရှိ တော်ဝင်(၂) စက်သုံးဆီအရောင်းဆိုင်၊ ပြုံးပြုံးရွှင်စက်သုံးဆီအရောင်းဆိုင်နှင့် ကျော်လွင်စက်သုံးဆီအရောင်းဆိုင်များ၌ ပြည်နယ်ရေနံနှင့်ရေနံထွက်ပစ္စည်းဆိုင်ရာလုပ်ငန်းများ ထိန်းသိမ်းကြီးကြပ်ရေးဆပ်ကော်မတီနှင့်အတူ ကွင်းဆင်းဆောင်ရွက်ခဲ့ပါသည်။

     ထိုသို့ ကွင်းဆင်းဆောင်ရွက်ရာတွင် စက်သုံးဆီဆိုင်များ၏ နေ့စဉ်ရောင်းချမှုအခြေအနေများ၊ စက်သုံးဆီဆိုင်များတွင် စက်သုံးဆီဈေးနှုန်း ကြေညာသည့်(LED ဘုတ်)ဈေးနှုန်းနှင့် ပေးချေရသည့် ဈေးနှုန်းများကွာဟမှု ရှိ/မရှိ၊ စက်သုံးဆီဆိုင်များ ပြင်ပသို့ပီပါ(တိုင်ကီ)များဖြင့်ရောင်းချမှုရှိ/မရှိ၊ စက်သုံးဆီတင်သွင်း သိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက နေ့စဉ်သတ်မှတ်ထားသော နှုန်းထားများအတိုင်း ရောင်းချမှု ရှိ/မရှိ၊ စက်သုံးဆီများ၏ အချိန်အတွယ်ပမာဏနှင့် အလေးချိန် မှန်ကန်မှု ရှိ/မရှိတို့ကို ကွင်းဆင်းစစ်ဆေး ဆောင်ရွက်ခဲ့ကြောင်း သတင်းရရှိပါသည်။

DOCA(ကယား)

     ၂၀၂၃ခုနှစ်၊ ဇွန်လ (၁) ရက်နေ့မှ (၂၇) ရက်နေ့အတွင်း နမ့်ဆန်မြို့ဈေးတွင် အခြေခံစားကုန်များဖြစ်သော ပေါ်ဆန်းမွှေးတစ်ပြည်လျှင် (၆၀၀၀) ကျပ်၊ လုံးသွယ်မွှေးတစ်ပြည်လျှင် (၅၀၀၀) ကျပ်၊ မဂျမ်းတောတစ်ပြည်လျှင် (၄၅၀၀) ကျပ်နှုန်းဖြင့် အရောင်းအဝယ်ဖြစ်လျက်ရှိပါသည်။

     ကြက်သွန်နီလက်လီဈေးမှာ တစ်ပိဿာလျှင် (၂၇၀၀) ကျပ်၊ ကြက်သွန်ဖြူ(ကြူကုတ်)တစ်ပိဿာလျှင် (၈၀၀၀) ကျပ်၊ ရှမ်းတစ်ပိဿာလျှင် (၆၀၀၀) ကျပ်၊ ငရုတ်သီးခြောက်တစ်ပိဿာလျှင် (၂၀၀၀၀) ကျပ်၊ မန်ကျည်းသီးမှည့်တစ်ပိဿာလျှင် (၈၀၀) ကျပ်မှ (၁၂၀၀) ကျပ်အတွင်း၊ အာလူးတစ်ပိဿာလျှင် (၂၀၀၀) ကျပ်၊ ခရမ်းချဉ်သီးတစ်ပိဿာလျှင် (၁၅၀၀) ကျပ်မှ (၂၀၀၀) ကျပ်နှင့် ကြက်ဥတစ်လုံးလျှင် (၃၅၀) ကျပ်နှုန်းတို့ဖြစ်ပါသည်။

     နမ့်ဆန်မြို့၏ အသား/ငါးဈေးနှုန်းများမှာ ကြက်သား (CP) တစ်ပိဿာလျှင် (၁၁၀၀၀) ကျပ်၊ ဒေသကြက်တစ်ပိဿာလျှင်(၁၅၀၀၀) ကျပ်မှ (၂၀၀၀၀) ကျပ်အထိ၊ အမဲသားတစ်ပိဿာလျှင် (၂၀၀၀၀) ကျပ်၊ ဝက်သားတစ်ပိဿာလျှင် (၁၉၀၀၀) ကျပ်မှ (၂၄၀၀၀) ကျပ်အထိ၊ ငါးကြင်းတစ်ပိဿာလျှင် (၈၀၀၀) ကျပ်မှ (၁၆၀၀၀)ကျပ်အထိရောင်းဝယ်နေကြောင်း သိရှိရပါသည်။

     စားသုံးဆီဈေးနှုန်းများမှာ နေကြာဆီတစ်ပိဿာလျှင် (၁၂၀၀၀) ကျပ်၊ ပဲဆီတစ်ပိဿာလျှင် (၂၄၀၀၀) ကျပ်နှင့် စားအုန်းဆီတစ်ပိဿာလျှင် (၁၀၀၀၀) ကျပ်တို့ဖြင့် အသီးသီးရောင်းဝယ်နေကြောင်း နမ့်ဆန်မြို့နယ်အတွင်းရှိ ဈေးသည်များထံမှသိရှိရပါသည်။

DOCA(ရှမ်း)

   စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ရွှေဘို၊ ကလေး၊ ကသာနှင့် ကန့်ဘလူခရိုင်များအနေဖြင့် ၂၀၂၃ခုနှစ်၊ မေလတွင် မန္တလေးတိုင်း‌ဒေသကြီးသို့ (၂၃၄၀၀၀)အိတ်၊ ရန်ကုန်တိုင်း ဒေသကြီးသို့ (၁၆၆၀၀၀)အိတ်၊ မ‌ကွေးတိုင်းဒေသကြီးသို့ (၃၀၀၀)အိတ်၊ ရှမ်း(တောင်)သို့ (၁၆၀၀၀) အိတ်၊ ရှမ်း(မြောက်)သို့ (၁၆၀၀၀)အိတ်၊ နေပြည်တော်သို့ (၄၉၀၀၀)အိတ်၊ ကချင်ပြည်နယ်သို့ (၁၀၀၀၀) အိတ်၊ စုစုပေါင်း(၄၉၄၀၀၀)အိတ်၊ တန်အားဖြင့် (၂၄၇၀၀)စီးထွက်ခဲ့ပြီး ၂၀၂၃ခုနှစ်၊ ဇွန်လတွင် မန္တလေး တိုင်း‌ဒေသကြီးသို့ (၁၀၃၆၈၀)အိတ်၊ ရန်ကုန်တိုင်းဒေသကြီးသို့ (၇၅၉၅၀)အိတ်၊ မ‌ကွေးတိုင်းဒေသကြီးသို့ (၁၂၀)အိတ်၊ ရှမ်း(တောင်)သို့ (၂၃၀၀၀)အိတ်၊ ရှမ်း(မြောက်)သို့ (၂၃၅၀၀)အိတ်၊ နေပြည်တော်သို့ (၃၁၅၀၀)အိတ်၊ ကချင်ပြည်နယ်သို့ (၆၅၀၀) အိတ်၊ စုစုပေါင်း(၂၆၄၂၅၀)အိတ်၊ တန်အားဖြင့် (၁၃၂၁၂.၅) စီးထွက်ခဲ့သည့်အတွက် ယခင်လနှင့် ယခုလနှိုင်းယှဉ်ပါက ယခုလတွင် အိတ်ရေ(၂၂၉၇၅၀)၊ တန်အားဖြင့် (၁၁၄၈၇.၅) လျော့နည်းစီးထွက်ခဲ့ပါကြောင်း လေ့လာသိရှိရပါသည်။

DOCA(စစ်ကိုင်း)

    တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်းနှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

    ၂၀၂၃ ခုနှစ်၊ ဇွန်လ စတုတ္ထအပတ်တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့ ဈေးကွက်ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၃၉၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၄၉၀၀)ကျပ်၊ စိန်တံဆိပ် (50)kg တစ်အိတ်လျှင် (၁၅၂၀၀)ကျပ် ဖြစ်ပါသည်။ တာချီလိတ်မြို့ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၂၇၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၃၇၀၀)ကျပ်၊ စိန်တံဆိပ် (50)kg တစ်အိတ်လျှင် (၁၃၉၀၀)ကျပ် ဖြစ်ပါသည်။

    ကျိုင်းတုံမြို့ရှိ ဇွန်လ စတုတ္ထအပတ် ဓာတ်မြေဩဇာဈေးနှုန်းများမှာ ပုလဲ (MEP) (50)kg တစ်အိတ်လျှင် (၉၈၀၀၀)ကျပ်၊ တီဆူပါ (လေဆာ) (50)kg တစ်အိတ်လျှင် (၂၀၀၀၀) ကျပ်၊ တီဆူပါ (may) (50)kg တစ်အိတ်လျှင် (၂၀၀၀၀)ကျပ်၊ ချာန (သုံးမျိုးစပ်) (50)kg တစ်အိတ်လျှင် (၁၄၂၀၀၀)ကျပ် ဖြစ်ပါသည်။ တာချီလိတ်မြို့အတွင်းရှိ ဓာတ်မြေဩဇာဈေးနှုန်းများမှာ ပုလဲ (၄၆%) (50)kg တစ်အိတ်လျှင် (၁၄၄၇၀၀)ကျပ်၊ ကွန်ပေါင်း (၁၅ပတ်လည်) (50)kg တစ်အိတ်လျှင် (၁၃၅၉၀၀)ကျပ်၊ ကွန်ပေါင်း (50)kg တစ်အိတ်လျှင် (၁၃၅၉၀၀)ကျပ် ဖြစ်ပါသည်။

   ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ ဘိလပ်မြေဈေးနှုန်းများမှာ ယခင်မေလ စတုတ္ထပတ်နှင့် နှိုင်းယှဉ်ပါက ကျားတံဆိပ်နှင့် စိန်တံဆိပ်သည် ဈေးနှုန်းအနည်းငယ်မြှင့်တက်လာပြီး ဆင်တံဆိပ်သည် ဈေးနှုန်းအနည်းငယ်ကျဆင်းလျက်ရှိပါသည်။ တာချီလိတ်မြို့ရှိ ဘိလပ်မြေ‌ဈေးနှုန်းများမှာ ယခင်မေလစတုတ္ထအပတ်နှင့် နှိုင်းယှဉ်ပါက ကျားတံဆိပ်နှင့် စိန်တံဆိပ်သည် ဈေးနှုန်းအနည်းငယ်မြှင့်တက်လာပြီး ဆင်တံဆိပ်သည် ဈေးနှုန်းအနည်းငယ်ကျဆင်းလျက်ရှိပါသည်။ ကျိုင်းတုံမြို့ရှိ ဓာတ်မြေဩဇာဈေးနှုန်းအနေဖြင့် တည်ငြိမ်လျက်ရှိပြီး တာချီလိတ်မြို့တွင် ယခင်မေလ စတုတ္ထပတ်ထက် ဈေးနှုန်း အနည်းငယ်မြှင့်တက်လျက်ရှိပါသည်။

DOCA(ရှမ်း)