ပြည်တွင်းကုန်သွယ်မှုသတင်း

     ရှမ်းပြည်နယ်၊ မိုးဗြဲမြို့မှလည်းကောင်း၊ ကရင်ပြည်နယ်၊ တောင်ငူမှလည်းကောင်း၊ မွန်ပြည်နယ်၊ မော်လမြိုင်မြို့မှလည်းကောင်း ဒညင်းသီးများ ဝင်ရောက်လျက်ရှိရာ ၂၀၂၃ခုနှစ်၊ ဇွန်လ(ပထမပတ်)တွင် ဒညင်းသီး ဈေးနှုန်းမှာ ရှယ်သီး အလုံး (၁၀၀) လျှင် ၉၀၀၀ကျပ်မှ ၁၂၀၀၀ကျပ်ထိ၊ သာမန်အရွယ်အစားအကြီးမှာ အလုံး (၁၀၀) လျှင် ၆၅၀၀ကျပ်မှ ၈၀၀၀ကျပ်ထိ၊ အလတ်မှာ (၁၀၀) လုံးလျှင် ၅၀၀၀ကျပ်မှ ၆၀၀၀ကျပ်ထိနှင့် အသေး အလုံး (၁၀၀) လျှင် ၄၀၀၀ကျပ်မှ ၅၀၀၀ကျပ်ထိတို့ဖြင့် အရောင်းအဝယ်ဖြစ်လျက်ရှိပါသည်။ အခွံပါ ဒညင်းသီးတစ်ပိဿာလျှင် ၂၅၀၀ကျပ်ရှိပြီး အရွယ်အစားစုံ ၆၅လုံးမှ ၇၀လုံးခန့်အထိပါဝင်ပါသည်။ ဈေးကွက်အတွင်း ဒညင်းသီးဝင်ရောက်မှု ပိုမိုများပြားလျက်ရှိပြီး ဈေးနှုန်းကျဆင်းနိုင်ကြောင်း သိရှိရပါသည်။

DOCA(ကယား)

   မကွေးတိုင်းဒေသကြီး၊ သရက်မြို့၏ မြို့မဈေးတွင် ကြက်သွန်နီ၊ ခရမ်းချဉ်သီးနှင့် ငရုတ်သီး(အစို)များကို သရက်မြို့၏ ပတ်ဝန်းကျင်ကျေးရွာများနှင့် အခြားစားဖိုဆောင်သီးနှံများကို အောင်လံနှင့် ပြည်မြို့တို့မှ ဝယ်ယူရောင်းချလေ့ရှိကြကြောင်း သိရှိရပါသည်။

   သရက်မြို့၊ မြို့မဈေး၌ ၂၀၂၃ခုနှစ်၊ ဇွန်လ၊ ဒုတိယအပတ်တွင် ရောင်းချလျက်ရှိသော စားဖိုဆောင်သုံးကုန်ဈေးနှုန်းများမှာ ကြက်သွန်နီတစ်ပိဿာလျှင် ကျပ်(၂၄၀၀)၊  ကြက်သွန်ဖြူ(ရှမ်းစ)တစ်ပိဿာလျှင် ကျပ်(၈၀၀၀)၊ ချင်းတစ်ပိဿာလျှင် ကျပ်(၅၈၀၀)၊ ငရုတ်သီး(ခြောက်)တစ်ပိဿာလျှင် ကျပ်(၁၅၀၀၀)၊ ငရုတ်သီး(စို)တစ်ပိဿာလျှင် ကျပ်(၅၀၀၀)၊ ကုလားအော်သီး (ခေါ်) ပင်နံသီး(စို)တစ်ပိဿာလျှင် ကျပ်(၂၀၀၀၀)၊ အာလူးတစ်ပိဿာလျှင် ကျပ်(၂၅၀၀)၊ ခရမ်းချဉ်သီး(ရှမ်း)တစ်ပိဿာလျှင် ကျပ်(၁၅၀၀)၊ ခရမ်းချဉ်သီး(ဗမာ)တစ်ပိဿာလျှင် ကျပ်(၂၀၀၀)ဖြစ်ပြီး ဇွန်လ၊ ပထမအပတ်နှင့်နှိုင်းယှဉ်လျှင် ကြက်သွန်ဖြူ(ရှမ်း)တစ်ပိဿာလျှင် ကျပ်(၂၀၀)၊ ချင်းတစ်ပိဿာလျှင် ကျပ်(၁၃၀၀)ဖြစ်၍ အတက်ဈေးဖြင့်လည်းကောင်း၊ ခရမ်းချဉ်သီး(ရှမ်း)တစ်ပိဿာလျှင် ကျပ်(၃၀၀)၊ ငရုတ်သီး(ခြောက်)တစ်ပိဿာလျှင် ကျပ်(၁၀၀၀)၊ ငရုတ်သီး(စို)တစ်ပိဿာလျှင် ကျပ်(၁၀၀၀)၊ ကုလားအော်သီး (ခေါ်) ပင်နံသီး(စို)တစ်ပိဿာလျှင် ကျပ်(၆၀၀၀)၊ အာလူးတစ်ပိဿာလျှင် ကျပ်(၅၀၀)၊ ခရမ်းချဉ်သီး(ဗမာ)တစ်ပိဿာလျှင် ကျပ်(၆၀၀)၊ ခရမ်းချဉ်သီး(ရှမ်း)တစ်ပိဿာလျှင် ကျပ်(၃၀၀)ဖြစ်၍ ဒေသထွက်သီးနှံများထွက်ပေါ်လာပါသဖြင့် အကျဈေးဖြင့်လည်းကောင်း ရောင်းချလျက်ရှိကြောင်း ဈေးရောင်းချသူ ဒေါ်ဂျမ်းထံမှ သိရပါသည်။

DOCA(မကွေး)

  မိုးရာသီကာလရောက်ရှိလာပြီဖြစ်သဖြင့် မကွေးမြို့ပေါ်ရှိ ပန်းအလှပင်၊ သီးပင်၊ စားပင်များစိုက်ပျိုးရောင်းချနေသောအရောင်းဆိုင်များ၌ အရောင်းအဝယ်သွက်လျက်ရှိကြောင်း သိရှိရပါသည်။

   ပန်းအလှပင်များကို ကိုယ်တိုင်ပျိုးထောင်၍ မြေဩဇာကျွေးစိုက်ပျိုးကြပြီး စိုက်ပျိုးသောအပင်များမှာ ၂၀၂၃ခုနှစ်၊ ဇွန်လ၊ ဒုတိယအပတ်တွင် စံပါယ်ပင်အိတ်ကြီး (၁) ပင်လျှင် ကျပ် (၂၅၀၀)၊ အိတ်သေး (၁) ပင်လျှင် ကျပ် (၁၅၀၀)၊ ဇွန်ပန်းပင် (၁) ပင်လျှင် အကြီးအသေးပေါ်မူတည်၍ ကျပ် (၁၅၀၀)မှ ကျပ် (၂၅၀၀)၊ ဇလပ်ပင် (၁) ပင်လျှင် ကျပ် (၂၅၀၀)၊ မလေးစကားပန်းအလှပင် (၁) ပင်လျှင် ကျပ် (၅၅၀၀)၊ ရွက်လှပင် (၁) ပင်လျှင် ကျပ် (၂၅၀၀)၊ နှင်းဆီပင် (၁) ပင်လျှင် အကြီးအသေးပေါ်မူတည်၍ ကျပ် (၂၅၀၀) မှ ကျပ် (၃၀၀၀)၊ သနပ်ခါးပင် (၁) ပင်လျှင် ကျပ် (၃၅၀၀)၊ ဇီဇဝါပင် (၁) ပင်လျှင် ကျပ် (၃၀၀၀) မှ ကျပ် (၃၅၀၀)၊ ထန်းအလှပင် (၁) ပင်လျှင် ကျပ် (၂၅၀၀) မှ ကျပ် (၃၀၀၀)၊ လက်ကီးဂမုန်းပင် (၁) ပင်လျှင် ကျပ် (၄၀၀၀) မှ ကျပ် (၄၅၀၀)၊ မြတ်လေးပင် (၁) ပင်လျှင် ကျပ် (၂၅၀၀)၊ ယင်းမာပင် (၁) ပင်လျှင် အကြီးအသေးပေါ်မူတည်၍ ကျပ် (၂၅၀၀) မှ ကျပ် (၃၀၀၀)၊ အာဆီယံသပြေ (၁) ပင်လျှင် ကျပ် (၁၅၀၀) မှ ကျပ် (၂၀၀၀)၊ ရိုးရိုး (သပြေ) (၁) ပင်လျှင် ကျပ် (၁၅၀၀) တို့ဖြင့်ရောင်းချကြပြီး သီးပင်၊ စားပင်များအ‌နေဖြင့် သရက်ပင် (၁) ပင်လျှင် ကျပ် (၁၅၀၀) မှ ကျပ် (၂၀၀၀)၊ ဂွေးပင် (၁) ပင်လျှင် ကျပ် (၂၀၀၀) မှ ကျပ် (၂၅၀၀)၊ သင်္ဘောပင် (၁) ပင်လျှင် ကျပ် (၁၀၀၀) မှ ကျပ် (၁၅၀၀)၊ မာလကာပင်များကို ကိုင်းကူးပျိုးထောင်၍စိုက်ပျိုးကြပြီး (၁) ပင်လျှင် ကျပ် (၃၀၀၀) မှ ကျပ် (၃၅၀၀)၊ သံပရာပင် (၁) ပင်လျှင် ကျပ် (၂၀၀၀) မှ ကျပ် (၂၅၀၀)၊ ရှောက်ပင် (၁) ပင်လျှင် ကျပ် (၂၅၀၀) မှ ကျပ် (၃၀၀၀)၊ ပိန္နဲပင် (၁) ပင်လျှင် ကျပ် (၂၅၀၀) မှ ကျပ် (၃၀၀၀) တို့ဖြင့် အရောင်းအဝယ်ဖြစ်လျက်ရှိကြောင်း ပန်းအလှပင်၊ သီးပင်၊ စားပင်စိုက်ပျိုးရောင်းချသူများထံမှ မေးမြန်းသိရှိရပါသည်။

DOCA(မကွေး)

    မကွေးမြို့၊ မြို့မဈေး၌ ပုံမှန်ရောင်းချနေသော ကြက်သား၊ ဝက်သား၊ အမဲသားများအပြင် ရန်ကုန်မြို့မှ ငါးမျိုးစုံ၊ ရေချိုပုစွန်၊ ငါးမြစ်ချင်းကြီး၊ ကြက်ဥနှင့် ရခိုင်ပြည်နယ်၊ စစ်တွေမြို့နှင့် အမ်းမြို့တို့မှ ငါးပိ၊ ငါးခြောက်များပါဝင်ရောက်လျက်ရှိပြီး ဒေသနှင့်ပစ္စည်းအမျိုးအစားအလိုက် အရောင်းအဝယ် ဖြစ်လျက်ရှိပါသည်။

   (၅-၆-၂၀၂၃) ရက်နေ့မှ (၉-၆-၂၀၂၃) ရက်နေ့အတွင်း မကွေးမြို့၊ မြို့မစျေးတွင်ရောင်းချလျက်ရှိသော အခြေခံစားကုန်ဈေးနှုန်းများမှာ ရွှေဘိုပေါ်ဆန်း (၁) ပြည်လျှင် ကျပ် (၅၄၀၀)၊ မြောင်းမြပေါ်ဆန်း (၁) ပြည်လျှင် ကျပ် (၄၇၀၀)၊ ကုန်းဇောင်း (ဧရာပဒေသာ) (၁) ပြည်လျှင် ကျပ် (၄၅၀၀)၊ မြောင်းမြ (ဧရာပဒေသာ) (၁) ပြည်လျှင် ကျပ် (၄၂၀၀)၊ ကြက်သွန်နီလက်လီစျေးမှာ (ကြီး) (၁) ပိဿာလျှင် ကျပ် (၂၅၀၀)၊ (လတ်) (၁) ပိဿာလျှင် ကျပ် (၂၃၀၀)၊ (သေး) (၁) ပိဿာလျှင် ကျပ် (၂၀၀၀)၊   ကြက်သွန်ဖြူလက်လီစျေးမှာ (ကြူကုတ်)  (၁) ပိဿာလျှင် ကျပ် (၇၂၀၀)၊ (ရှမ်း) (၁) ပိဿာလျှင် ကျပ် (၆၀၀၀)၊ ငရုတ်သီးခြောက် (အရှည်) (၁) ပိဿာလျှင် ကျပ် (၁၇၀၀၀)၊ မန်ကျည်းသီးမှည့် (၁) ပိဿာလျှင် ကျပ် (၅၀၀၀) မှ ကျပ် (၇၀၀၀)၊ ဆား (၁) ပိဿာလျှင် ကျပ် (၅၀၀) မှ ကျပ် (၁၂၀၀)၊ အာလူး (၁) ပိဿာလျှင် ကျပ် (၂၈၀၀) မှ ကျပ် (၃၀၀၀)၊ ခရမ်းချဉ်သီး (၁) ပိဿာလျှင် ကျပ် (၁၅၀၀) မှ ကျပ် (၂၀၀၀)၊       ကြက်ဥလက်လီစျေးမှာ တစ်လုံးလျှင် ကျပ် (၂၃၀) မှ ကျပ် (၂၈၀)၊ အသားငါးစျေးနှုန်းများမှာ ကြက်သား (CP) (၁) ပိဿာလျှင် ကျပ် (၈၀၀၀) မှ ကျပ် (၁၄၀၀၀)၊ ကြက်သား (ဗမာ) (၁) ပိဿာလျှင် ကျပ် (၁၀၀၀၀) မှ ကျပ် (၁၆၀၀၀)၊ ဝက်သား (၁) ပိဿာလျှင်ကျပ် (၁၆၀၀၀) မှ ကျပ် (၁၈၀၀၀)၊ အမဲသား (၁) ပိဿာလျှင် ကျပ် (၁၀၀၀၀) မှ ကျပ် (၁၆၀၀၀) ကျပ်၊ ဆိတ်သား (၁) ပိဿာလျှင် ကျပ် (၁၈၀၀၀) မှ ကျပ် (၂၀၀၀၀)၊ ငါးကြင်း (၁) ပိဿာလျှင် ကျပ် (၁၀၀၀၀) မှ ကျပ် (၁၆၀၀၀)၊ စားသုံးဆီစျေးနှုန်းမှာ ပဲဆီ (၁) ပိဿာလျှင် ကျပ် (၁၂၅၀၀)၊ နှမ်းဆီ (၁) ပိဿာလျှင် ကျပ် (၁၂၅၀၀)၊ ရောဆီ (၁) ပိဿာလျှင် ကျပ် (၆၆၀၀)၊ စားအုန်းဆီ (၁) ပိဿာလျှင် ကျပ် (၆၅၀၀) ဖြင့် အသီးသီးအရောင်းအဝယ်ဖြစ်လျက်ရှိကြောင်း မြို့မစျေးအတွင်းရှိ စျေးသည်များထံမှ သိရှိရသည်။

DOCA(မကွေး)

   မကွေးတိုင်းဒေသကြီး၊ သရက်ခရိုင်၊ မင်းလှမြို့အနီးရှိ ဥယျာဉ်ကျေးရွာသည် အိမ်ခြေ (၂၁၀) ခန့်ရှိပြီး စိုက်ပျိုးရေးကို အများဆုံးလုပ်ကိုင်ကြပါသည်။ တောင်ယာလုပ်ကိုင်သူများသည် မိုးဦးကျချိန်တွင် နှမ်းကိုအဓိကထားစိုက်ပျိုးကြကြောင်း၊ နှမ်းနှင့်အတူ ပဲစင်းငုံ၊ ဝါ စသောသီးနှံတို့ကိုလည်း သီးညှပ်စိုက်ပျိုးကြကြောင်း သိရပါသည်။

    နှမ်းစိုက်ပျိုးရာတွင် ဆည်မြောင်း၊ ရေကန်မရှိသောဒေသဖြစ်၍ ရေသွင်းစိုက်ပျိုးခြင်းများမရှိဘဲ မိုးရေကိုသာအားထား၍ စိုက်ပျိုးကြကြောင်း၊ နှမ်းမျိုးဝယ်ယူရာ၌ (၁) ပြည်လျှင် ကျပ် (၇၀၀၀) ဖြင့် (၁) ဧကအတွက် နှမ်းမျိုး (၂) ပြည်ခန့်အသုံးပြုရကြောင်း၊ မိုးဦးကျချိန်တွင်စိုက်ပျိုးသော နှမ်းဖြစ်သည့်အတွက် ပိုးသတ်ဆေးအသုံးပြုမှုနည်းပါးသည့်အပြင် သဘာဝဓာတ်မြေဩဇာဖြစ်သော နွားချေးမြေဆွေးကိုသာ အများဆုံးအသုံးပြုကြကြောင်း၊ နှမ်းစိုက်ပျိုးပြီး (၃) လ (သို့မဟုတ်) (၄) လအကြာတွင် ရိတ်သိမ်းလေ့ရှိပြီး မိုးကောင်းလျှင် နှမ်းအထွက်နှုန်းမှာ (၁) ဧကလျှင် (၁၂) တင်းကျော်ထွက်လေ့ရှိကြောင်း၊ ရာသီဥတုဖောက်ပြန်၍ မိုးမမှန်သည့်နှစ်များတွင် နှမ်းအထွက်နှုန်းမှာ (၁၀) တင်းအောက်လျော့ကျကြောင်း၊ ယခင်နှစ်တွင် မိုးနှမ်းဈေးမှာ (၁) တင်းလျှင် ကျပ် (၈၀၀၀၀) ခန့်ရရှိကြောင်း၊ ယခုနှစ်တွင် မိုးနှမ်းမှာမူ စိုက်ပျိုးဆဲကာလဖြစ်၍ ဈေးနှုန်းမှာ မသိရှိသေးပါကြောင်း၊  ရိတ်သိမ်းပြီးသောနှမ်းများကို များသောအားဖြင့် အထက်မင်းလှမြို့ရှိ ပွဲရုံများသို့ ရောင်းချလေ့ရှိကြောင်းနှင့် နှမ်းစိုက်ပျိုးခြင်းသာမက ကုလားပဲ၊ ပဲတီစိမ်း၊ မြေပဲတို့အပြင် စားဖိုဆောင်သီးနှံများဖြစ်ကြသော ခရမ်းချဉ်သီး၊ ဘူးသီး၊ ပြောင်း၊ ဖရုံ၊ သခွား၊ ရုံးပတီသီး၊ ကန်စွန်းတို့ကိုလည်း ရာသီအလိုက် စိုက်ပျိုးကြကြောင်း ဥယျာဉ်ကျေးရွာနေ နှမ်းစိုက်တောင်သူ ဒေါ်ဌေး၏ပြောကြားချက်အရ သိရှိရပါသည်။

DOCA(မကွေး)