ပြည်တွင်းကုန်သွယ်မှုသတင်း

   ၂၀၂၃ ခုနှစ် ဇွန်လ ဒုတိယအပတ်အတွင်း ကန့်ဘလူ၊ ကျွန်းလှမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် (၄၅၀၀)ကျပ်၊ ဧရာမင်း တစ်ပြည် (၃၈၀၀)ကျပ်ဖြင့် ယခင် အပတ်တိုင်း တည်ငြိမ်လျက်ရှိကာ အရောင်းအဝယ် ဖြစ်လျှက်ရှိသည်။ ကြက်သွန်နီ မြစ်သား အမျိုးအစား လက်လီဈေးမှာ(အကြီး)တစ်ပိသာ(၃၀၀၀)ကျပ် ၊ (အလတ်) တစ်ပိသာ(၂၅၀၀)ကျပ် ၊ (အသေး) တစ်ပိသာ (၂၃၀၀)ကျပ် ယခင်အပတ်အတိုင်း တည်ငြိမ်ပြီး အရောင်းအဝယ်ဖြစ်လျက်ရှိသည်။ ကြက်သွန်ဖြူ လက်လီ ဈေးမှာ(ဗမာ)အလုံးကြီး တစ်ပိသာ (၈၀၀၀)ကျပ် ကြက်သွန်ဖြူ လက်လီဈေးမှာ (ဗမာ) အလုံးသေး တစ်ပိသာ (၆၅၀၀)ကျပ် ၊ ကြူကုတ် တစ်ပိသာ (၈၀၀၀)ကျပ် ယခင်အပတ်အတိုင်း တည်ငြိမ်လျက် ရှိပါသည်။ ဂျင်း တစ်ပိသာ (၁၂၀၀၀)ကျပ် ဖြစ်နေပြီး ယခင်အပတ်ထက် (၇၀၀၀)ကျပ် မြင့်တက်လျက်ရှိပါသည်။ ငရုတ်သီးခြောက် (၂၀၀၀၀)ကျပ် ယခင်အပတ်အတိုင်း တည်ငြိမ်လျက်ရှိပါသည်။ အာလူး တစ်ပိသာ  (၃၀၀၀)ကျပ် ယခင်အပတ်အတိုင်း တည်ငြိမ်ပြီး အရောင်းအဝယ်ဖြစ်လျက်ရှိပါသည်။

   ငရုတ်သီးစိမ်း တစ်ပိသာ (၄၀၀၀)ကျပ်  ယခင်အပတ်အတိုင်း တည်ငြိမ်လျက်ရှိပါသည်။ ခရမ်းချဉ်သီး တစ်ပိသာ (၁၈၀၀)ကျပ် ဖြစ်နေပြီး ယခင်အပတ်ထက် အနည်းငယ်မြင့် တက်လျက်ရှိ၊ ခရမ်းသီး  တစ်ပိသာ (၂၀၀၀) ကျပ် ယခင်ဈေးအတိုင်း တည်ငြိမ်လျက်ဖြင့် အရောင်းအဝယ်ဖြစ်လျက် ရှိပါသည်။  ပန်းဂေါ်ဖီ တစ်ပွင့်  (၁၈၀၀) ကျပ် ၊ ဂေါ်ဖီထုတ် တစ်ထုတ်လျှင်(၂၅၀၀)ကျပ် ယခင်အထက် (၅၀၀)ကျပ် မြင့်တက်လျှက်ရှိကြောင်း၊ ခါကြက်ဥ(တရုတ်) တစ်ပိသာာလျှင် (၅၀၀၀)ကျပ် ၊ ခါကြက်ဥ (ဗမာ) တစ်ပိသာလျှင် (၃၀၀၀)ကျပ် ယခင်အပတ်အတိုင်း တည်ငြိမ်နေကြောင်း၊ သံပုရာသီး တစ်လုံးလျှင် (၂၀၀) ကျပ် မှ (၃၀၀) ကျပ် ၊ ကန်ဇွန်းရွက် တစ်စည်းလျှင် (၁၀၀) ကျပ် နှုန်းဖြင့် အရောင်းအဝယ် ဖြစ်နေပြီး  ကုန်ဈေးနှုန်းများ အနည်းငယ်မြင့်တက်လာကြောင်း ဈေးသည်တစ်ဦးထံမှ သိရှိရပါသည် ။

    ကြက်ဥ လက်လီဈေးနှုန်းမှာ (အကြီး)တစ်လုံး (၃၀၀)ကျပ်၊ (အသေး)တစ်လုံး (၂၅၀) ကျပ် ၊ ဘဲဥ တစ်လုံး (၃၅၀)ကျပ်ရှိသည် ။  ကန့်ဘလူ၊ ကျွန်းလှမြို့တို့၏ အသား /ငါး ဈေးနှုန်းများမှာ ကြက်သား(cp) (၁၂၀၀၀ )ကျပ် မှ (၁၄၀၀၀) ကျပ် ၊ ကြက်သား(ဗမာ) (၁၈၀၀၀ )ကျပ် မှ (၂၀၀၀၀) ကျပ် ၊ ဝက်သား တစ်ပိသာ (၁၈၀၀၀) ကျပ် မှ (၂၂၀၀၀) ကျပ် ၊ အမဲသာ တစ်ပိသာ (၁၁၀၀၀) ကျပ်မှ (၁၄၀၀၀) ကျပ် ယခင်မေလ နောက်ဆုံးအပတ်အတိုင်း ကြက်သား၊ ဝက်သား၊ အမဲသား ဈေးများမှာ တည်ငြိမ်လျက်ရှိပြီး၊ ငါးကြင်းအကောင်လိုက်နှင့် ငါးကြင်းခုတ်သားဈေးမှာ တစ်ပိသာ (၉၅၀၀) ကျပ် မှ (၁၆၀၀၀) ကျပ်၊ တီလားဗီးယားငါး တစ်ပိသာ (၆၀၀၀) ကျပ် မှ (၈၀၀၀) ကျပ်ဖြင့်  ငါးဈေးများမှာ ယခင်အပတ်ထက် အနည်းငယ်မြင့်တက်လျက်ရှိပြီး အရောင်းအဝယ်နေကြောင်း သိရပါသည်။

     စားသုံးဆီဈေးနှုန်းမှာ မြေပဲဆီသန့် တစ်ပိသာလျှင် (၁၄၀၀၀)ကျပ် မြေပဲဆီဈေးနှုန်းဟာ ယခင်အပတ်များနှင့်အတူ ဈေးတည်ငြိမ်လျက်ရှိပါသည်။ စားအုံးဆီ တစ်ပိသာလျှင် (၆၇၀၀)ကျပ်၊ ဆယ်ပိသာ တစ်ပုံးလျှင် (၆၆၀၀၀)ကျပ်  ယခင်အပတ်ထက် တစ်ပိသာ (၁၀၀၀)ကျပ်မြင့်တက်ကာ အရောင်းအဝယ်ဖြစ်နေကြောင်း ဈေးသည်တစ်ဦးထံမှ သိရသည်။

DOCA(စစ်ကိုင်း)

    မုံရွာမြို့၊ ချင်းတွင်းရတနာစျေး၌  ရောင်းချနေသောပုစွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်မှ ဝင်ရောက်ကြောင်း သိရပါသည်။ ပုစွန်၊ ငါးခြောက်စျေးနှုန်းများမှာ ဝင်ရောက်သည့်ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

     ယခု ၂၀၂၃ခုနှစ်၊ ဇွန်လ၊ ဒုတိယအပတ်တွင် ရောင်းချနေသောဈေးနှုန်းများမှာ ပုစွန်ခြောက် (၁) ပိဿာလျှင် ကျပ် (၆၅၀၀၀) မှ ကျပ် (၈၅၀၀၀)၊ ငါးရံ့ခြောက် (၁) ပိဿာလျှင် ကျပ် (၅၅၀၀၀ မှ ၈၀၀၀၀)၊ ငါးပုတ်လုံးခြောက် (၁) ပိဿာလျှင် ကျပ် (၁၆၀၀၀ မှ ၁၈၅၀၀)၊  ငါးပုတ်သင် (၁) ပိဿာလျှင် ကျပ် (၁၅၀၀၀ မှ ၁၆၀၀၀)၊ အာဗြဲခြောက် (၁) ပိဿာလျှင် ကျပ် (၂၀၀၀၀ မှ ၂၂၀၀၀)၊ ငါးကျည်းခြောက် (၁) ပိဿာလျှင် ကျပ် (၃၅၀၀၀ မှ ၄၅၀၀၀)၊ ငါးနီတူခြောက် (၁) ပိဿာလျှင် ကျပ် (၁၂၀၀၀ မှ ၁၄၀၀၀)၊ ငါးဖန့်ဝိုင်း (ငါးပိကောင်) (၁) ပိဿာလျှင် ကျပ် (၁၅၀၀၀ မှ ၁၇၅၀၀) ရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှ သိရပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေး လုပ်ငန်းများအပြင် ပြည်တွင်းကုန်သွယ်ရေးဖွံ့ဖြိုးမှုလုပ်ငန်းများကို ဆောင်ရွက်လျက်ရှိရာ ရွှေဘိုခရိုင်အနေဖြင့် သနပ်ခါးကို စီးပွားဖြစ်စိုက်ပျိုးမှုနည်းပါးသော်လည်း သနပ်ခါးဈေးကွက်တွင် ရွှေဘို သနပ်ခါးဟူ၍ နာမည်ကျော်ကြားလျက်ရှိသည့် သနပ်ခါး ဈေးနှုန်း၊ ဈေးကွက်နှင့် အရောင်းအဝယ်ဖြစ်မှု အခြေအနေများကို သိရှိနိုင်ရန် ရွှေဘိုမြို့ရှိ သနပ်ခါးကုန်ကြမ်းနှင့် ကုန်ချော ရောင်းချသည့်လုပ်ငန်းရှင်အား ဆက်သွယ်မေးမြန်းခဲ့ပါသည်။ ရွှေဘိုမြို့ရှိ သမိုင်းဝင်ရွှေတန်ဆာဘုရား၏ တောင်ဘက် စောင်းတန်းတွင် ရွှေဘိုသနပ်ခါးကို အမှတ်တံဆိပ်အမျိုးမျိုးရိုက်နှိပ်၍ တစ်စုတစ်ဝေးတည်းရောင်းချကြပါသည်။ အဆိုပါ ဘုရားစောင်းတန်း၌ နေ့စဉ်နံနက်(၆:၀၀)နာရီအချိန်မှ ညနေ(၁၇:၀၀)နာရီ အချိန်ထိရောင်းချကြပြီး သနပ်ခါးဆိုင်ခန်းပေါင်း (၄၇)ခန်းရှိသော်လည်း လက်ရှိအချိန်တွင် (၂၅)ခန်းရောင်းချလျက်ရှိကြောင်း သိရှိရပါသည်။

   ရွှေဘိုမြို့၊ ရွှေတန်ဆာသနပ်ခါးတန်းတွင်ရောင်းချသည့် သနပ်ခါးများကို မုံရွာခရိုင်၊ အရာတော်မြို့ နယ်မှ အဓိကထား၍ဝယ်ယူရပြီး ကန့်ဘလူခရိုင်အတွင်းရှိကျေးရွာများနှင့် ရွှေဘိုခရိုင်အတွင်းရှိ ကျေးရွာများမှလည်း ဝယ်ယူရရှိကြောင်း သိရှိရပါသည်။ သနပ်ခါးများကို ယခင်နည်းတူ ပွဲစားများမှ တစ်ဆင့် ချိတ်ဆက်ဝယ်ယူရကြောင်း၊ သနပ်ခါးအပွေးပေါ်မူတည်၍ ခြံပြတ်ဈေးဖြင့်ဝယ်ယူရကြောင်း၊ ဝယ်ယူပြီးသနပ်ခါးများကို ဝယ်ယူသူမှ သနပ်ခါးပင်တူးခ၊ ကိုင်းဖြတ်ခနှင့် ကားဖြင့်သယ်ယူ ပို့ဆောင်ခများ အပြင် သနပ်ခါးအရိုင်းပင်ကို ဈေးကွက်တွင်ရောင်းပန်းလှစေရန် အရိုင်းပင်ရေဆေးခများ ကုန်ကျခံရ ကြောင်း၊ လုပ်သားခအနေဖြင့် အပင်တူးခတစ်ဦးလျှင် စရိတ်ငြိမ်းတစ်ရက် (၁၀၀၀ဝိ/-) ကျပ်ဖြင့်လည်းကောင်း၊ အရိုင်းပင်ရေဆေးခအနေဖြင့် တစ်ပင်လျှင် (၃၀ဝိ/-)ဖြင့်လည်းကောင်း၊ အပင်ဖြတ်ခ(စက်ဖြင့်)အနေဖြင့် တစ်ပင်လျှင် (၂၀ဝိ/-)ကျပ်မှ (၂၅ဝိ/-)ကျပ်ဖြင့်လည်းကောင်း ငှားရမ်းကြရကြောင်း၊ ကားသယ်ခအနေဖြင့် အရာတော်မြို့နယ်မှဝယ်ယူပါက အပင်(၅၀၀)လျှင် (၈၀၀၀ဝိ/-)ဖြင့် ကားကြုံတင်၍ရသော်လည်း ကန့်ဘလူခရိုင်မှဝယ်ယူပါက ကားကြုံမရှိသဖြင့် တင်မည့်သနပ်ခါးချောင်း နည်းသည်ဖြစ်စေ၊ များသည်ဖြစ်စေ SKART ကားအပြတ်ငှားရမ်းရကြောင်း၊ တစ်စီးလျှင် တစ်သိန်းခွဲပေးရကြောင်း သိရှိရပါသည်။

   ရွှေဘိုမြို့ ရွှေတန်ဆာသနပ်ခါးတန်းတွင် စိန်မင်းမျိုးနှင့် နှစ်ရှည်မျိုးတို့ကို ရောင်းချကြပြီး စိန်မင်းမျိုးသည် ဈေးပိုရကြောင်း သိရှိရပါသည်။ ရောင်းချရာတွင် သနပ်ခါးအပွေးပေါ်မူတည်၍ တစ်တုံးလျှင်(၂၀ဝိ/-) ကျပ်မှ (၃၅၀ဝိ/-)ကျပ်ထိ ရောင်းဈေးရှိကြောင်း၊ အပင်ဖြတ်များကို အချောင်းလိုက်ရောင်းချပါက တစ်ချောင်းလျှင် (၇၀၀ဝိ/-)ကျပ်မှ (၂၅၀၀ဝိ/-)ကျပ်ထိ ရောင်းဈေးရှိပြီး တစ်ချောင်းလျှင် (၁၀)ဖြတ်ရရှိကြောင်း၊ ဈေးကွက်အနေဖြင့် ယခင်ကလာရောက်ဝယ်ယူသူများသော်လည်း ယခုအချိန်တွင် Online မှရောင်းချရမှုမှာ များပြားကြောင်း၊ Online ဈေးကွက်အနေဖြင့် ရန်ကုန်နှင့် ဧရာဝတီဘက်မှ အဝယ်များကြောင်း၊  မြို့ပေါ်နှင့်အနီးဝန်ကျင်မှလည်း အဝယ်ရှိကြောင်း၊  အနယ်နယ်အရပ်ရပ်သို့ ခရီးသွားသူများမှလည်း ရောင်းချရန်နှင့် အမှတ်တရ လက်ဆောင်ပေးရန်အတွက် ဝယ်ယူသည်များလည်း အနည်းငယ်ရှိကြောင်း သိရှိရသည်။ သနပ်ခါးတန်းတွင် ပုံမှန်ရောင်းချသည့် ဈေးသည်အရေအတွက် နည်းပါးရခြင်းမှာ ခေတ်အခြေအနေအရ ယခင်ကထက်ကိုယ်တိုင်ဝယ်ယူသည့်သူ နည်းပါးပြီး Online ဈေးကွက်တွင်ကျယ်လာသည်နှင့်အမျှ ရောင်းချသည့်ဆိုင်ခန်းထက် နေရာကျယ်ဝန်းသည့်အိမ်တွင် ထုတ်ပိုးခြင်များဆောင်ရွက်၍ Online မှ မှာယူသည်များကို ပေးပို့ရခြင်းကြောင့်ဖြစ်ကြောင်း၊ သနပ်ခါးကို ကုန်ကြမ်းအနေဖြင့် ရောင်းချသည့်အပြင် အသင့်လိမ်းနိုင်သည့် စက်သွေးသနပ်ခါးခဲ၊ လက်သွေးသနပ်ခါးခဲ၊ သနပ်ခါးအမြစ်မှုန့်၊ သနပ်ခါး အပွေးမှုန့်များကို ကုန်ချောအဖြစ်ထုတ်လုပ် ရောင်းချကြကြောင်း၊ ဆိုင်သို့လာရောက်ဖွင့်လှစ်ခြင်းမရှိဘဲ အိမ်တွင် Onlineဖြင့် ရောင်းချခြင်းများပြုလုပ်နေသော်လည်း မိမိယူထားသည့်ဆိုင်ခန်းနေရာအတွက် ဆိုင်ခန်းခကို ရွှေတန်ဆာဘုရား ရွှေချရန်အတွက် လစဉ်ကုသိုလ်ရစေရန်အတွက် သတ်မှတ်နှုန်းထားအတိုင်း လှူဒါန်းကြကြောင်း သိရှိရပါသည်။

  ရွှေဘိုသနပ်ခါးအနေဖြင့် အချိန်အခါကိုလိုက်ပြီး Online ဈေးကွက်တွင်ကျယ်လာသော်လည်း ယခင်နှစ်ထက် ရောင်းအားအနည်းငယ်ကျသဖြင့် Online ဈေးကွက်အပြင် ကိုယ်တိုင်ဝယ်ယူသည်များလည်း ယခင်ကကဲ့သို့ ပုံမှန်အရောင်းအဝယ်ဖြစ်ရန် မျှော်လင့်လျက်ရှိကြောင်း သတင်းရရှိပါသည်။

DOCA(စစ်ကိုင်း)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူ မြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏ မျှော်မှန်းချက်တာဝန်ကိုလည်း အ ကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မစည်ပင်သာယာဈေးတွင် ငါးမျိုးစုံ ရောင်းချလျက်ရှိပြီး ၂၀၂၃ခုနှစ်၊ ဇွန်လ၊ ဒုတိယပတ်အတွင်း ဖြစ်ပေါ်နေသော ငါးလက်လီဈေးနှုန်းများမှာ ငါးရံ့အကောင်လိုက် တစ်ပိဿာလျှင် (၁၀၀၀၀)ကျပ်၊ တီလားဗီးယားအကောင်သေး တစ်ပိဿာလျှင် (၄၀၀၀)ကျပ်၊ တီလားဗီးယားအကောင်ကြီး တစ်ပိဿာလျှင် (၇၀၀၀)ကျပ်၊ ငါးကြင်း တစ်ပိဿာ လျှင် (၉၀၀၀)ကျပ်၊ ငါးဖယ် တစ်ပိဿာလျှင် (၈၀၀၀)ကျပ်၊ ငါးမုတ် တစ်ပိဿာလျှင် (၆၅၀၀)ကျပ်၊ ငါးမြင်း တစ်ပိဿာလျှင် (၆၅၀၀)ကျပ်၊ ငါးဘတ် တစ်ပိဿာလျှင် (၁၆၀၀၀)ကျပ်၊ ငါးဂျောင်း တစ်ပိဿာလျှင် (၁၀၀၀၀)ကျပ်၊ ငါးမြင်းခုတ်သား တစ်ပိဿာလျှင် (၁၀၀၀၀)ကျပ်၊ ငါးကြင်းခုတ်သား တစ်ပိဿာလျှင် (၁၄၀၀၀)ကျပ်၊ ငါးဖယ်ခြစ် တစ်ပိဿာလျှင် (၂၀၀၀၀)ကျပ်၊ ပုစွန်ဆိတ် တစ်ပိဿာလျှင် (၇၀၀၀)ကျပ်နှင့် ပုစွန်ထုပ် တစ်ပိဿာလျှင် (၄၀၀၀၀)ကျပ်ဖြင့် အရောင်းအဝယ်ဖြစ်လျက်ရှိပါသည်။

     ငါးဈေးနှုန်းများအား ယခင်ဇွန်လ ပထမပတ်နှင့်နှိုင်းယှဉ်ပါက ငါးရံ့အကောင်လိုက် တစ်ပိဿာလျှင်(၂၀၀၀)ကျပ်၊ ငါးကြင်း တစ်ပိဿာလျှင် (၅၀၀)ကျပ်၊ ငါးကြင်းခုတ်သား တစ်ပိဿာလျှင် (၂၀၀၀)ကျပ်၊ တီလားဗီးယားအကောင်သေး တစ်ပိဿာလျှင် (၂၀၀၀)ကျပ်၊ တီလားဗီးယားအကောင်ကြီး တစ်ပိဿာလျှင် (၁၀၀၀)ကျပ်ဈေးနှုန်းကျဆင်းပြီး အခြားငါးဈေးနှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိကြောင်း မြို့မစည်ပင်သာယာဈေးအတွင်းရှိ ငါးဒိုင်များမှ သတင်းရရှိပါသည်။

DOCA(စစ်ကိုင်း)

     ကယားပြည်နယ်၊ လွိုင်ကော်မြို့တွင် ၂၀၂၃ခုနှစ်၊ ဇွန်လ၊ ဒုတိယအပတ်အတွင်း စားသုံးဆီဈေးနှုန်းများမှာ ပဲဆီလက်ကားတစ်ပိဿာလျှင် (၁၆၀၀၀) ကျပ်၊ လက်လီတစ်ပိဿာလျှင် (၁၇၀၀၀) ကျပ်၊ နှမ်းဆီလက်ကားတစ်ပိဿာလျှင် (၁၃၀၀၀) ကျပ်၊ လက်လီတစ်ပိဿာလျှင် (၁၄၀၀၀) ကျပ်၊ နေကြာဆီလက်ကားတစ်ပိဿာလျှင် (၁၃၀၀၀) ကျပ်၊ လက်လီတစ်ပိဿာလျှင် (၁၄၅၀၀) ကျပ်နှင့် စားအုန်းဆီလက်ကားတစ်ပိဿာလျှင် (၈၇၀၀) ကျပ်နှင့် လက်လီတစ်ပိဿာလျှင် (၈၈၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

    ယခင်မေလ၊ ဒုတိယအပတ်တွင် ပဲဆီဈေးနှုန်းမှာ လက်ကားတစ်ပိဿာလျှင် (၁၃၅၀၀) ကျပ်၊ လက်လီတစ်ပိဿာလျှင် (၁၄၀၀၀) ကျပ်၊ နှမ်းဆီဈေးနှုန်းမှာ လက်ကားတစ်ပိဿာလျှင် (၁၃၀၀၀) ကျပ်၊ လက်လီတစ်ပိဿာလျှင် (၁၃၀၀၀) ကျပ်၊ နေကြာဆီဈေးနှုန်းမှာ လက်ကားတစ်ပိဿာလျှင် (၁၃၀၀၀) ကျပ်၊ လက်လီတစ်ပိဿာလျှင် (၁၄၅၀၀) ကျပ်နှင့် စားအုန်းဆီဈေးနှုန်းမှာ လက်ကားတစ်ပိဿာလျှင် (၈၇၀၀) ကျပ်နှင့် လက်လီတစ်ပိဿာလျှင် (၈၈၀၀) ကျပ်တို့ဖြစ်ခဲ့ပြီး  ယခုဇွန်လ၊ ဒုတိယအပတ်နှင့် ယခင်မေလ၊ ဒုတိယအပတ်ဈေးနှုန်းတို့ကိုနှိုင်းယှဉ်ကြည့်လျှင် ပဲဆီလက်လီတစ်ပိဿာလျှင် (၃၀၀၀) ကျပ်နှင့် လက်ကားတစ်ပိဿာလျှင် (၂၅၀၀) ကျပ်ခန့်မြင့်တက်လာခဲ့ပြီး ကျန်စားသုံးဆီဈေးနှုန်းများမှာ တည်ငြိမ်လျက်ရှိကြောင်း စားသုံးဆီအရောင်းဆိုင်တစ်ဆိုင်ထံမှ သိရှိရပါသည်။

DOCA(ကယား)