သတင်းနှင့် လှုပ်ရှားမှုများ
စားသုံးသူရေးရာဦးစီးဌာန ၊ စစ်ကိုင်းတိုင်းဒေသကြီး ၊ ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ၂၀၂၅ ခုနှစ်၊ မတ်လ ၃၁ ရက် နံနက်(၀၉:၃၀)နာရီအချိန်တွင် ကန့်ဘလူမြို့နယ် ဆီကိုယ်စားလှယ်၏ မန္တလေးမြို့ရှိစားအုန်းဆီကုမ္ပဏီမှ ခွဲတမ်းရစားသုံးဆီ(၁၈)ပေပါ(သို့) (၁၉၈၀) ပိဿာ ရောက်ရှိမှုအား ကွင်းဆင်းစစ်ဆေးခဲ့ကြောင်း သိရသည်။
စားသုံးသူရေးရာဦးစီးဌာန၊ သတင်းအချက်အလက်နည်းပညာနှင့် အရည်အသွေးစီမံခန့်ခွဲ ရေးဌာနခွဲ၊ ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာနစု (လှည်းကူး) ၏ ဓာတ်ခွဲခန်းများမှ ၂၀၂၅ ခုနှစ်၊ မတ်လအတွင်း လုပ်ငန်းရှင်ပေါင်း ၄၃ ဦးက အပ်နှံလာသော သီးနှံအမျိုးအစား ၁၆ မျိုး၊ စုစုပေါင်းနမူနာအရေအတွက် ၁၂၂ ခု၊ ဓာတ်ခွဲစမ်းသပ်မှုပေါင်း ၂၅၆ ခုကို ဓာတ်ခွဲစမ်းသပ်စစ်ဆေးခြင်းများ ဆောင်ရွက်နိုင်ခဲ့ပါသည်။
စစ်ကိုင်းတိုင်းဒေသကြီး၊ ကသာခရိုင်၊ ကုန်ဈေးနှုန်းတည်ငြိမ်ရေးလုပ်ငန်းအဖွဲ့၏ ကြီးကြပ်မှုဖြင့် ကသာခရိုင်၊ ကသာမြို့ပေါ်ရှိ ပြည်သူများအား (၁.၄.၂၀၂၅)ရက်နေ့တွင် မြို့တော်ခန်းမ၌ စားအုန်းဆီများကို ဆီကုန်သည် ဒေါ်ချိုတီမှ ရောင်းချပေးခဲ့ကြောင်း သိရှိရပါသည်။ အဆိုပါ စားအုန်းဆီရောင်းချမှုအား ကသာခရိုင်၊ စားသုံးသူရေးရာဦးစီးဌာနရှိ ဝန်ထမ်းများမှ သွားရောက် ကြီးကြပ်ခဲ့ကြပြီး သင့်တော်သောဈေးနှုန်းနှင့် ပြည်သူတစ်ဦးလျှင် (၅၀)ကျပ်သားနှုန်းဖြင့် စားအုန်းဆီ (၁၀) ပေပါအား ရောင်းချပေးခဲ့ကြောင်း
(၂၉.၃.၂၀၂၅ ) ရက်နေ့ နံနက် (၈း၃၀) အချိန်တွင် စစ်ကိုင်းတိုင်းဒေသကြီး ၊ တိုင်းဒေသကြီး အစိုးရအဖွဲ့ ဝန်ကြီးချုပ်၏ လမ်းညွှန်မှုနှင့်အတူ တိုင်းဒေသကြီးအစိုးရအဖွဲ့၊ ချင်းတွင်းခန်းမတွင် ဂုဏ်ယူဖွယ်ရာ မြန်မာ့သနပ်ခါးပြပွဲကို ကျင်းပဆောင်ရွက်ခဲ့ရာ တိုင်းဒေသကြီးအတွင်းရှိ တိုင်း/ခရိုင်/မြို့နယ်အဆင့် ဌာနဆိုင်ရာများ၊ NGO အသင်းအဖွဲ့များ မြန်မာ့သနပ်ခါး ချစ်မြတ်နိုးသူပြည်သူများ စုစုပေါင်း ( ၇၀၀ ) ဦးခန့် တက်ရောက်ခဲ့ကြောင်းသတင်းရရှိပါသည်။
၂၀၂၅ ခုနှစ်၊ ဧပြီလ ၁ ရက်နေ့၊ နေ့လယ် (၁၃း၀၀)နာရီအချိန်တွင် တနင်္သာရီတိုင်းဒေသကြီး အစိုးရအဖွဲ့၊ သယံဇာတရေးရာဝန်ကြီးအခန်း၌ တနင်္သာရီတိုင်းဒေသကြီးဓာတ်သတ္တု(ရွှေ)ရောင်းဝယ်ခြင်း ဝန်ဆောင်မှုလုပ်ငန်း ကနဦးစိစစ်ရေးအဖွဲ့၏ (၅/၂၀၂၅) ကြိမ်မြောက် လုပ်ငန်းညှိနှိုင်းအစည်းအဝေးအား ကျင်းပခဲ့ရာ အဖွဲ့ဝင် စားသုံးသူရေးရာဦးစီးဌာန၊ တိုင်းဦးစီးမှူးမှ တက်ရောက်ခဲ့ပါသည်။
