မန္တလေးတိုင်းဒေသကြီး၊ မိတ္ထီလာခရိုင်၊ သာစည်မြို့၊ ရွာကြီးရွာရှိ (SM-2) သောက်ရေသန့်စက်ရုံ အား (၁၃.၇.၂၀၂၆) ရက်နေ့၊ နံနက်(၁၀:၃၀) နာရီအချိန်တွင် ပြည်တွင်းကုန်သွယ်မှုဖွံ့ဖြိုးရေးနှင့် MSME လုပ်ငန်းများ ၊ ဖွံ့ဖြိုးတိုးတက်စေရေး၊ သက်ဆိုင်ရာထောက်ခံချက်များရှိ/မရှိနှင့် ကုန်အညွှန်းအမှတ်အသား ဖော်ပြခြင်းရှိ/မရှိ တို့ကို ဌာနဆိုင်ရာအဖွဲ့ဝင်များနှင့် စားသုံးသူရေးရာဦးစီးဌာနမှ မြို့နယ်တာဝန်ခံတို့ ပူးပေါင်း၍ ကွင်းဆင်းစစ်ဆေးခြင်းများကို ဆောင်ရွက်ခဲ့ကြောင်းသိရသည်။
ထိုသို့ကွင်းဆင်းစစ်ဆေးခဲ့ရာတွင် ပုဂ္ဂလိကရေသန့်စက်ရုံများအနေဖြင့် သက်ဆိုင်ရာဝန်ကြီးဌာန များ၏ ထောက်ခံချက်များရှိ/မရှိစစ်ဆေးခြင်း၊ စက်ရုံပတ်ဝန်းကျင်အခြေအနေ၊ ကုန်ကြမ်း/ကုန်ချောထား ရှိမှုအခြေအနေများ၊ ရေသန့်များထုတ်လုပ်ရာတွင် အရည်အသွေးပြည့်ဝအောင်ထုတ်လုပ်မှုအခြေအနေ များအားစစ်ဆေးခဲ့ပြီး စားသုံးသူများဘေးအန္တရယ်ကင်းရှင်းစွာ အသုံးပြုနိုင်စေရန် ထုတ်ကုန်လုံခြုံစိတ်ချ မှုရှိစေရန် သောက်ရေသန့်ဘူးများပေါ်တွင် ကုန်စည်အမျိုးအမည်၊ အသားတင်ပမာဏ၊ ထားသိုသိမ်းဆည်း မှုအညွှန်းများအား မြန်မာဘာသာဖြင့်ဖော်ပြရန်နှင့် ကုန်စည်များပေါ်တွင်ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများပြည့်စုံမှန်ကန်စွာဖော်ပြခြင်းရှိ/မရှိတို့ကိုလည်းစစ်ဆေးခဲ့ကြောင်း၊စက်ရုံအတွင်းအပြင်တို့၌သန့်ရှင်းရေးနှင့်ရေစီးရေလာကောင်းမွန်စေရန်၊ သတ်မှတ်အရည်အသွေးမည့်မီသော ကုန်စည်များကိုသာ ရောင်းချရန်မှာကြားခဲ့ပြီး ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်းသိရှိရပါသည်။
DOCA(မန္တလေး)