သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ချင်းပြည်နယ်ဦးစီးမှူးရုံးမှ ဦးလှမိုးနိုင်(လ/ထညွှန်မှူး)၊ ဦးကီးအောင်လိန်း(ဒု-ဦးစီးမှူး)၊ မြို့နယ်ရဲတပ်ဖွဲ့ရုံးမှ ဦးအောင်အောင်(မြို့နယ်ရဲတပ်ဖွဲ့မှူး) ပြည်နယ်အထူးစုံစမ်းစစ်ဆေးရေးဦးစီးဌာနမှ ဦးတင်မောင်သိန်း(ဦးစီးအရာရှိ)နှင့် ပြည်မြို့နယ်၊ အထွေထွေအုပ်ချုပ်ရေးဦးစီးဌာနမှ ဦးကျော်ဝင်းထွဋ် (ဒု-ဦးစီးမှူး)တို့သည် ၂၀၂၄ ခုနှစ်၊ မတ်လ ၆ ရက်နေ့၊ နံနက်(၁၀:၃၀)အချိန်တွင် ဟားခါးမြို့ ပြည်တော်ရပ်ကွက်ရှိ ကုန်စုံဆိုင်များအား ကွင်းဆင်းစစ်ဆေးခဲ့ကြောင်း သိရသည်။
စားသုံးသူရေးရာဦးစီးဌာန၊မိုးညှင်းခရိုင်ဦးစီးမှူးရုံးမှဦးဝင်းသိန်းဦး(ရုံးအုပ်)သည် ၆.၃.၂၀၂၄ရက်နေ့တွင် မိုးညှင်းခရိုင်ဦးစီးမှူးရုံး၌ ပလတ်စတစ်၊ ဖိုက်ဘာအိမ်သုံးပစ္စည်းရောင်းဝယ်ရေး လုပ်ငန်းရှင်များနှင့် တွေ့ဆုံဆွေးနွေးခဲ့ပါသည်။
ကချင်ပြည်နယ်၊ စားသုံးသူရေးရာဦးစီးဌာန ၊ ဗန်းမော်ခရိုင်ဦးစီးမှူးရုံးမှ ခရိုင်ဦးစီးမှူး ဦးအောင်ကျော်ဦးသည် ၅.၃.၂၀၂၄ ရက်နေ့တွင် ဗန်းမော်မြို့ အကောက်ခွန်ဦးစီးဌာနရုံး၌ ဌာနဆိုင်ရာများနှင့် ပို့ကုန် / သွင်းကုန် စီးပွားရေးလုပ်ငန်းရှင်(၂၅)ဦးအား စားသုံးသူကာကွယ်ရေး အသိပညာပေးဟောပြော ဆောင်ရွက်ခဲ့ပါသည်။
နိုင်ငံ့စီးပွားရန်ပုံငွေဖြင့် အရင်းမပျောက်မတည်ငွေ (၈) ဘီလီယံအား ပဲခူးတိုင်းဒေသကြီး အစိုးရအဖွဲ့၏ ကြီးကြပ်မှုဖြင့် ၂၀၂၃ခုနှစ်မှ စတင်အကောင်အထည်ဖော်ဆောင်ရွက်ခဲ့ရာ စိုက်ပျိုးရေးကဏ္ဍတွင် (၅.၅) ဘီလီယံ၊ မွေးမြူရေးကဏ္ဍတွင် ကျပ်(၁) ဘီလီယံ၊ အသေးစား၊ အငယ်စား၊ အလတ်စား၊ အကြီးစား (MSMES) ကဏ္ဍတွင် ကျပ်(၁.၅) ဘီလီယံ၊ သက်ဆိုင်ရာနိုင်ငံ့စီးပွားမြှင့်တင်ရေးလုပ်ငန်းအဖွဲ့များက ထုတ်ချေးခဲ့ခြင်းကို အောင်မြင်စွာဆောင်ရွက်နိုင်ခဲ့ပြီးဖြစ်ပါသည်။
မန္တလေးတိုင်းဒေသကြီး စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးသို့ စားသုံးသူများအနေဖြင့် ၎င်းတို့၏ထိခိုက်နစ်နာဆုံးရှုံးမှုများအား လူကိုယ်တိုင်သော်လည်းကောင်း၊ Website မှသော်လည်းကောင်း၊ CICC မှသော်လည်းကောင်း၊ ဖုန်းဖြင့်သော်လည်းကောင်း ဆက်သွယ်တိုင်ကြားလာခဲ့ရာ ၂၀၂၃-၂၀၂၄ ဘဏ္ဍာနှစ်၊ ဖေဖော်ဝါရီလအထိ တိုင်ကြားမှုပေါင်း (၄၉) မှုရှိခဲ့ရာ ဖြေရှင်းဆောင်ရွက်ပြီးစီးမှု (၄၂) မှုရှိပြီး ဖြေရှင်းရန်ကျန် (၇) မှုအား ဆက်လက်ဖြေရှင်းဆောင်ရွက်လျက်ရှိကြောင်း သိရှိရပါသည်။
