တောင်ငူခရိုင်၊ ဖြူးမြို့နယ်၊ ကညွတ်ကွင်းမြို့ အခြေခံပညာအထက်တန်းကျောင်းတွင် ကျောင်းသား ၊ ကျောင်းသူများအား သိသင့်သိထိုက်သည့် အသိပညာဗဟုသုတများရရှိစေရန် ရည်ရွယ်၍ စားသုံးသူရေးရာ ဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ အသိပညာပေးဟောပြောပွဲကို(၉-၇-၂၀၂၆)ရက်နေ့ နံနက်(၁၀:၀၀)နာရီအချိန်တွင် ယင်းကျောင်း၌ ကျင်းပပြုလုပ်ခဲ့ပါသည်။
ဟောပြောပွဲတွင် စားသုံးသူရေးရာဦးစီးဌာန၊ တောင်ငူခရိုင်၊ဖြူးမြို့နယ် တာဝန်ခံ ဒေါ်သန္တာစိုး၊ ဒု-ဦးစီးမှူးက စားသုံးသူအခွင့်အရေးနှင့် တာဝန်များအကြောင်း၊ကုန်စည်နှင့်ဝန်ဆောင်မှုများအပေါ် စားသုံးသူများ နစ်နာဆုံးရှုံးမှု မဖြစ်ပေါ်စေရန်နှင့် စားသုံးသူနစ်နာဆုံးရှုံးမှုများ ဖြစ်ပေါ်ပါက တိုင်ကြား နိုင်ခြင်း၊ ကုန်စည်များ ဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်သင့်ကြောင်း သတိပြုရမည့် အချက် များကို အသိပညာပေးရှင်းလင်းပြောကြားခဲ့ပါသည်။
ဆက်လက်၍ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ဦးစီးအရာရှိ၊ ဒေါ်အိမာဟိန်းက လူငယ်နှင့် ပေါင်းသင်းဆက်ဆံရေး၊လူငယ်နှင့်ကျန်းမာရေး လူငယ်နှင့် ဘဝအကြောင်း၊ လူငယ်နှင့် ကိုယ်ကျင့်တရား၊ လူငယ်နှင့်ပညာရေးခေါင်းစဉ် အသီးသီးဖြင့် ရှင်းလင်းပြောကြားခဲ့ပြီး ဟောပြော ပွဲသို့ကျောင်းသား/ကျောင်းသူ(၁၇၀)ဦး တက်ရောက်ခဲ့ပြီး တက်ရောက်လာသော ကျောင်းသား/ ကျောင်းသူများအား မေးခွန်း များ မေးမြန်းခဲ့ပြီး ကျောင်းသုံးပစ္စည်းများဆုချီးမြှင့်ပေးခဲ့ပါသည်။
DOCA(ပဲခူး)