သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ကချင်ပြည်နယ် ဦးစီးမှူးရုံးမှ စစ်ဆေးရေးမှူး(၂)ဦးသည် ၆.၅.၂၀၂၂ ရက်နေ့တွင် ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာန၊ အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ စည်ပင်သာယာရေးအဖွဲ့၊ ကျန်းမာရေးဦးစီးဌာနတို့နှင့်ပူးပေါင်း၍ မြစ်ကြီးနားမြို့အတွင်းရှိ ဆေးနှင့်ဆေးပစ္စည်း အရောင်းဆိုင်များ၊ စတိုးဆိုင်များအား ကွင်းဆင်းစစ်ဆေးခဲ့ပါသည်။
(၈-၅-၂၀၂၂)နေ့ နံနက် (၈:၀၀)နာရီ အချိန်တွင် မင်းပြားမြို့ မြိုနယ် စီမံအုပ်ချုပ်ရေး အစည်းအဝေးခန်းမ၌ (၈-၅-၂၀၂၂)ရက်နေ့တွင် ကျရောက်သည့် ကမ္ဘာ့ကြက်ခြေနီနေ့ အထိမ်းအမှတ် အခမ်းအနားကို ကျင်းပခဲ့ရာ မြို့နယ်စီမံအုပ်ချုပ်ရေး အဖွဲ့ဝင်များ၊ ဌာနဆိုင်ရာများ၊ ကြက်ခြေနီတပ်ဖွဲ့ဝင်များနှင့် လူမှုရေးအသင်းအဖွဲ့များ စုစုပေါင်း (၅၃)ဦးတက်ရောက်ခဲ့ကြပါသည်။
ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ် ငပိတောင်း၊ ငပိကြော်လုပ်ငန်း လုပ်ကိုင်သူ လုပ်ငန်းရှင် ကိုရဲရင့်ကျော်သည် ၄.၅.၂၀၂၂ ရက်နေ့တွင် ငပိထောင်း၊ ငပိကြော်များ ထုတ်ပိုးရောင်းချနိုင်ရေး ငပုတောမြို့နယ်တာဝန်ခံအား လာရောက်တွေ့ဆုံကြောင်း သိရှိရပါသည်။ စားသုံးသူရေးရာဦးစီးဌာန၊ ငပုတောမြို့နယ်တာဝန်ခံ ဒေါ်မြင့်မြင့်စန်းမှ ထုတ်ပိုးရောင်းချသော ကုန်စည်များနှင့်ပတ်သက်၍ ငပိထောင်း၊ ငပိကြော်လုပ်ငန်းလုပ်ကိုင်လိုသူ လုပ်ငန်းရှင်အား ထုတ်ပိုးရောင်းချသောကုန်စည်များ၏ ကုန်အမှတ်တံဆိပ်
ဧရာဝတီတိုင်းဒေသကြီး၊ ပုသိမ်ခရိုင်၊ ရေကြည်မြို့နယ်စားသုံးသူရေးရာဦးစီးဌာနမှ မြို့နယ်တာ၀န်ခံ ဒေါ်ချယ်ရီမြင့်နှင့် ၀န်ထမ်းများသည် (၃.၅.၂၀၂၂)ရက်နေ့ နံနက် (၁ဝး၃၀)နာရီတွင် မြို့နယ် စည်ပင်သာယာရေးအဖွဲ့၊ မြန်မာနိုင်ငံရဲတပ်ဖွဲ့၊ မီးသတ်တပ်ဖွဲ့များနှင့် ပူးပေါင်း၍ ရေကြည်မြို့နယ်၊ ငါးသိုင်းချောင်းမြို့သစ်ရပ်ကွက်ရှိ မုန့်မျိုးစုံရောင်းချသောဆိုင် (၄)ဆိုင်သို့ သွားရောက်ကွင်းဆင်းစစ်ဆေးခဲ့ပါသည်။
ရှမ်းပြည်နယ်(မြောက်ပိုင်း) စားသုံးသူရေးရာဦးစီးဌာန၊ ဒုတိယပြည်နယ်ဦးစီးမှူးရုံးမှ ဦးစီးအရာရှိ ဒေါ်ခင်မာကြည်သည် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ စားသုံးသူကာကွယ်ရေး အသိပညာပေး Talk Showအား (၄.၅.၂၀၂၂) ရက်နေ့ နံနက်(၁ဝး၀၀)နာရီအချိန် လူထုအခြေပြုဗဟိုဌာန (Community Centre) ခန်းမတွင် ပြုလုပ်ခဲ့ကြောင်း သိရှိရပါသည်။
