သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ ကယားပြည်နယ်ဦးစီးမှူးရုံးမှ ၂၀၂၅ခုနှစ်၊ ဖေဖော်ဝါရီလ ( ၂၄ ) ရက် နေ့ နံနက်(၁၀:၀၀)နာရီအချိန်တွင် လွိုင်ကော်မြို့၊ လောဓမ္မရပ်ကွက်ရှိ မုန့်မျိုးစုံ ရောင်းချနေသော အရောင်းဆိုင်များ၌ မြန်မာနိုင်ငံစားသုံးသူကာကွယ်ရေးကော်မရှင်၏ (၂/၂၀၁၉) ပါ ကုန်အညွှန်း အမှတ်အသားသတ်မှတ်ချက်များနှင့် ကိုက်ညီမှုရှိ/မရှိ ဈေးကွက်စောင့်ကြည့်စစ်ဆေးဆောင်ရွက်ခဲ့ပါသည်။
မြိတ်ခရိုင်စားသုံးသူရေးရာဦးစီးဌာနသည် မြို့နယ်စည်ပင်သာယာရေးအဖွဲ့၊ဗဟိုစာရင်း အင်းအဖွဲ့ စသောသက်ဆိုင်ရာဌာနဆိုင်ရာများနှင့်ပူးပေါင်း၍ အသင့်စားမုန့်အမျိုးမျိုး၌ ကုန် အညွှန်းအမှတ်အသားပြည့်စုံစွာ ဖော်ပြပါရှိစေရေးအတွက် ၂၀၂၅ခုနှစ်၊ ဖေဖော်ဝါရီလ(၂၁) ရက်နေ့၊ နံနက်(၁၀း၀၀)အချိန်တွင် မြိတ်မြို့၊ ဆိပ်ငယ်ရပ်၊ စည်ပင်သာယာစျေးကြီးအတွင်းရှိ စားသောက်ကုန်မျိုးစုံ ရောင်းချနေသောအရောင်းဆိုင်များသို့ ကွင်းဆင်းစစ်ဆေးခဲ့ကြောင်း သိရှိရပါသည်။
စားသုံးသူရေးရာဦးစီးဌာန၊ ကော့သောင်းခရိုင်ဦးစီးမှူး ဒေါ်မြသီတာ (ဦးစီးအရာရှိ)သည် ၂၀၂၅ ခုနှစ် ဖေဖော်ဝါရီလ ၁၇ ရက်နေ့ (၅:၀၀) အချိန်တွင် ကော့သောင်းမြို့နယ် ခရိုင်ဆီကုန် သည်နှင့်ဆီလုပ်ငန်းရှင်များအသင်း အစည်းအဝေးခန်းမ၌ ကော့သောင်းမြို့နယ် စားသုံးဆီ လက် လီ အရောင်းဆိုင်များနှင့် တွေ့ဆုံခဲ့ ကြောင်းသိရှိရပါသည်။
ကော့သောင်းခရိုင်ဆန်ကုန်သည်များအသင်းသည်ကော့သောင်းခရိုင်အတွက်လိုအပ်သည့်ဆန်များကိုရန်ကုန်တိုင်းဒေသကြီးမှ ဆန်တန်(၁၂၀၀)၊အိတ်ရေ(၂၄၀၀၀) အား MV ဇဗ္ဗူအောင် စက်လှေဖြင့် (၂၃.၂.၂၀၂၅) ရက်နေ့တွင်ကော့သောင်းမြို့သို့ရောက်ရှိလာကြောင်းသိရှိရပါသည်။
ရေကြည်မြို့နယ်၊ မြို့နယ်တာဝန်ခံရုံးတွင် ၂၀.၂.၂၀၂၅ ရက်နေ့၊ နံနက် (၁၀:၀၀) နာရီအချိန်တွင် ရေကြည်မြို့နယ်တာဝန်ခံသည် ဆန်စက်လုပ်ငန်းရှင်များနှင့် တွေ့ဆုံ၍ MYRO မှတ်ပုံတင်ရန် ကျန်ရှိသောဆန်စက်များအား အမြန်ဆုံးမှတ်ပုံတင်ဆောင်ရွက်ရန်နှင့် MRF မှ သတ်မှတ်ပေးထားသော ဆန်သတ်မှတ်ရည်ညွှန်းဈေးအတိုင်း ရောင်းချရန်နှင့် ဆန်ဈေးနှုန်း၊ ဈေးကွက်အခြေအနေများကိုတွေ့ဆုံ၍ အသိပညာပေးခဲ့ကြောင်း သိရှိရပါသည်။
DOCA(ဧရာဝတီ)
