သတင်းနှင့် လှုပ်ရှားမှုများ
ဧရာဝတီတိုင်းဒေသကြီး မအူပင်ခရိုင်၊ ညောင်တုန်းမြို့နယ် စားသုံးသူရေးရာဦးစီးဌာနမှ အသင့်စားခေါက်ဆွဲခြောက် အမျိုးမျိုးတို့တွင် ကုန်အညွှန်းအမှတ်အသားဖော်ပြထားခြင်း ရှိ/ မရှိ ဈေးကွက်စောင့်ကြည့်စစ်ဆေးခြင်းကို (၈.၁၀.၂၀၂၄)ရက်နေ့ နံနက် (၁၀:၀၀) နာရီအချိန်က ညောင်တုန်းမြို့မဈေး၊ တာကွေ့ဈေးအတွင်းရှိ ကုန်စုံဆိုင်များအား ဈေးကွက်စောင့်ကြည့်စစ်ဆေးခြင်း လုပ်ငန်းအား ဆောင်ရွက်ခဲ့ကြောင်း သိရသည်။
(၈.၁၀.၂၀၂၄) ရက်နေ့ နေ့လယ် (၁၄:၀၀)နာရီ အချိန်က ဧရာဝတီတိုင်းဒေသကြီး၊ မအူပင်ခရိုင်၊ စားသုံးသူရေးရာဦးစီးဌာနမှ ဈေးကွက်ရောက်ကုန်စည်များဖြစ်သော အသင့်စားမုန့်အမျိုးမျိုးနှင့် စပ်လျဉ်း၍ ဈေးကွက် စောင့်ကြည့် စစ်ဆေးခြင်းများကို စားသုံးသူရေးရာဦးစီးဌာနနှင့် သက်ဆိုင်ရာ တာဝန်ရှိသူ အသီးသီးတို့က မြို့ပေါ်ရပ်ကွက် ( ၄ )ခု၌ ဆောင်ရွက်ခဲ့သည်။
ပဲခူးတိုင်းဒေသကြီး၊ သာယာဝတီခရိုင်၊ လက်ပံတန်းမြို့ မြို့မဈေးအတွင်း/ အပြင်ရှိ ကုန်စုံဆိုင်များသို့ ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုဖြင့် သာယာဝတီခရိုင်ဦးစီးမှူးကြီးကြပ်၍ ခရိုင်ဦးစီးမှူးရုံးမှ ဝန်ထမ်းများသည် နေ့စဉ် သွားရောက်စစ်ဆေးဆောင်ရွက်လျက်ရှိရာ (၂၃-၉-၂၀၂၄) ရက်နေ့တွင် ဆီများရောင်းချနေမှုအခြေအနေများကိုသိရှိရန် ကွင်းဆင်းဆောင်ရွက်လျက်ရှိပါသည်။
ဧရာဝတီတိုင်းဒေသကြီး ၊ မအူပင်ခရိုင်၊ ဓနုဖြူမြို့နယ် လင်းရောင်းခြည် ဆန်စက်လုပ်ငန်းသို့ စားသုံးသူရေးရာဦးစီးဌာနမှ တာဝန်ရှိသူများက (၉.၁၀.၂၀၂၄) ရက်နေ့ နံနက် (၁၀:၀၀)နာရီအချိန်က ဆန်စက်လုပ်ငန်းရှင် ဦးဝင်းအောင်နှင့် တွေ့ဆုံ၍ ဆန်စက်လုပ်ငန်းဖွံ့ဖြိုးတိုးတက်စေရေးနှင့် စပါးဆန်ဈေးကွက်အခြေအနေ ထုတ်ကုန်လုံခြုံစိတ်ချရမှုရှိစေရေး ကွင်းဆင်းစစ်ဆေးဆောင်ရွက်ခဲ့သည်။
စားသုံးသူရေးရာဦးစီးဌာန၊ ဧရာဝတီတိုင်းဒေသကြီးဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် ပန်းတနော်မြို့ပေါ်တွင် အွန်လိုင်းစနစ်ဖြင့် ရောင်းချခြင်းလုပ်ငန်းဆောင်ရွက်သည့် လုပ်ငန်းရှင်များအား ၎င်းတို့၏လုပ်ငန်းများအတွက် မှတ်ပုံတင်ရယူ၍ ဆောင်ရွက်စေရန် အသိပညာပေးခြင်းကို (၉.၁၀.၂၀၂၄) ရက်နေ့ ၊နံနက် (၁၁:၀၀)နာရီအချိန်တွင် ပန်းတနော်မြို့နယ် အနောက်ပိုင်းရပ်ကွက် ဗိုလ်ချုပ်အောင်ဆန်းလမ်း စားသုံးသူရေးရာဦးစီးဌာန အစည်းအဝေးခန်းမတွင် ဟောပြောခဲ့ပါသည်။
