သတင်းနှင့် လှုပ်ရှားမှုများ
ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်တွင် (၉) ရက်နေ့၊ နံနက်ပိုင်းမှစ၍ မြို့နယ်ကုန်ဈေးနှုန်းတည်ငြိမ်ကျဆင်းရေးအဖွဲ့မှ အခွန်လွတ်ဈေး၊ မြို့မဈေး၊ ရပ်ကွက်များတွင် ကြက်ဥများအား ဈေးနှုန်းသက်သာစွာဖြင့် ရောင်းချပေးလျက်ရှိပါကြောင်း သိရှိရပါသည်။
ရေကြည်မြို့နယ်ရုံးမှ မြို့နယ်တာဝန်ခံနှင့် ဝန်ထမ်းများသည် (၉.၁၂.၂၀၂၄) ရက်နေ့၊ နေ့လယ် (၁၃:၀၀) နာရီအချိန်တွင် မြို့နယ်ပြန်/ဆက်ဦးစီးဌာနနှင့် ပူးပေါင်း၍ အ.မ.က လှည်းဆိပ်ကျောင်းတွင် ဆရာမ (၅) ဦး၊ ကျောင်းသား/ ကျောင်းသူ (၁၀၆) ဦးတို့အား စားသုံးသူအသိပညာပေးဆိုင်ရာ သိကောင်းစရာများအား ဟောပြောခဲ့ပါ သည်။
ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်သည် စိုက်ပျိုးရေးကို အဓိကထား၍ လုပ်ကိုင်ပါသည်။ တောင်သူများအနေဖြင့် တစ်ဖက်တစ်လှမ်းမှ မိသားစုအပိုဝင်ငွေ ရရှိနိုင်သည့် ဆံပင် လုပ်ငန်းကိုလည်း လုပ်ကိုင်နေသည်ကို တွေ့ရသည်။ ကောင်းသန့်ဆံပင်လုပ်ငန်းကို (၂၀၂၃) ခုနှစ်ခန့်က စတင်လုပ်ခဲ့ပြီး သက်တမ်းတစ်နှစ်ကျော် ရှိလာခဲ့ရာ ဆံပင်ရုံများ/ဆံပင်ဒိုင်များ ပေါ်ပေါက်လာပြီး ဒေသဖွံ့ဖြိုးတိုးတက်မှုများ ရှိလာပါသည်။
ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဝါးခယ်မမြို့နယ်တာဝန်ခံ ဦးအောင်မိုးသည် (၉.၁၂.၂၀၂၄) ရက်နေ့ ညနေ(၁၅:၀၀)နာရီအချိန်တွင် ပြန်ကြားရေးနှင့်ပြည်သူ့ ဆက်ဆံရေးဦးစီးဌာနတို့နှင့်ပူးပေါင်း၍ စားသုံးသူ ပြည်သူများအား ဝါးခယ်မမြို့နယ်၊ ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ လူထုအခြေပြုဗဟိုဌာန၊ Community Centre ခန်းမတွင် စားသုံးသူအသိပညာပေး Talk Show ပြုလုပ်ခဲ့ပါသည်။
(၆.၁၂.၂၀၂၄)ရက်နေ့ နံနက်(၁၀:၀၀)နာရီအချိန်တွင် စားသုံးသူရေးရာဦးစီးဌာနမှ ညောင်တုန်းမြို့နယ် တာဝန်ခံရုံးမှ ဦးအောင်လွင် မြို့နယ်ဦးစီးမှူးသည် ညောင်တုန်းမြို့ အွန်လိုင်းရောင်းချသူ လုပ်ငန်းရှင်(၁၀)ဦးအား မြို့နယ်အထွေထွေအုပ်ချုပ်ရေးဦးစီးမှူးရုံး အစည်းအဝေးခန်မသို့ ဖိတ်ကြား၍ အွန်လိုင်းမှတ်ပုံတင်ခြင်းနှင့်စပ်လျည်း၍ အသိပညာပေးဆွေးနွေး ဟောပြောခြင်းပြုလုပ်ခဲ့သည်။