သတင်းနှင့် လှုပ်ရှားမှုများ
စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦးဝင်းသိန်းဦး(ရုံးအုပ်)သည် ၁၀-၆-၂၀၂၄ ရက်နေ့တွင် မိုးညှင်းခရိုင်ဦးစီးမှူးရုံး၌ အီလက်ထရောနစ်ပစ္စည်းရောင်းဝယ်ရေးလုပ်ငန်းရှင်များနှင့် တွေ့ဆုံဆွေးနွေးခဲ့ပါသည်။
မွန်ပြည်နယ် သထုံမြို့နယ်၊ ဂေါ့ကျေးရွာရှိ ၅.၆.၂၀၂၄ ရက်နေ့ ကွန်ပျူတာတက္ကသိုလ် (သထုံ)တွင် ပြည်နယ်အစိုးရအဖွဲ့၏ စီမံမှုဖြင့် ဆန်၊ ဆီ၊ အသားငါး၊ ဟင်းသီးဟင်းရွက်စသည့် အခြေခံစားသောက်ကုန်များကို သတ်မှတ်ထားသည့် သက်သာသောဈေးနှုန်းတို့ဖြင့် မြို့နယ်အဆင့် အခြေခံစားသောက်ကုန်ပစ္စည်းများ ကုန်ဈေးနှုန်းတည်ငြိမ်ရေးကော်မတီမှ တာဝန်ရှိသူတို့က ဆက်လက်ရောင်းချပေးခဲ့ကြောင်း သိရသည်။
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဝန်ထမ်းများသည် ၂၀၂၄ ခုနှစ် ဇွန်လ ၆ ရက်နေ့၊ နေ့လယ် (၁၃း၀၀)နာရီအချိန်၌ ဗဟိုဈေးကြီး အတွင်းရှိ ကုန်စုံဆိုင်များနှင့် ဈေးအနီးတဝိုက်ရှိ စားသောက်ကုန်အရောင်းဆိုင်များအား သွားရောက်လျက် အသင့်သောက်အချိုရည်အမျိုးမျိုးနှင့်စပ်လျဉ်းပြီး ဈေးကွက်စောင့်ကြည့် စစ်ဆေးဆောင်ရွက်မှုများ ပြုလုပ်ခဲ့ကြောင်း သိရှိရသည်။
ရှမ်းပြည်နယ်(မြောက်ပိုင်း)၊ ကျောက်မဲခရိုင်၊ကျောက်မဲမြို့၊ စားသုံးသူရေးရာဦးစီးဌာန၊ ခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် (၆.၆.၂၀၂၄)ရက်နေ့ နံနက်(၁၀:၀၀)နာရီအချိန်တွင် ကျောက်မဲမြို့နယ်အတွင်းရှိ ရပ်ကွက်(၈)၌ ကုန်မျိုးစုံရောင်းဝယ်ရေးလုပ်ငန်းရှင်နှင့်တွေ့ဆုံပြီး ရောင်းချနေသည့် ကုန်စည်မျိုးစုံအား ဈေးကွက်စောင့်ကြည့် စစ်ဆေးခဲ့ကြောင်း သိရှိရပါသည်။
၆.၆.၂၀၂၄ ရက်နေ့တွင် စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် ပြည်နယ်ဦးစီးမှူးရုံးခန်း၌ ကြက်သွန်လုပ်ငန်းရှင်များနှင့် တွေ့ဆုံဆွေးနွေးခဲ့သည်။
ထိုသို့ ဆွေးနွေးရာတွင် မွန်ပြည်နယ်အတွင်းသို့ ကြက်သွန်ဝင်ရောက်မှုအခြေအနေ၊ ကုန်စည်စီးဆင်းမှုအခြေအနေ၊ ကြက်သွန်ထွက်ရှိရာဒေသမှ မွန်ပြည်နယ်အရောက်သယ်ယူ စရိတ်ကုန်ကျမှု၊ လက်ရှိဖြစ်ပေါ်နေသော ကြက်သွန်ဈေးနှုန်းအခြေအနေ၊ ပြည်နယ်အတွင်း ကြက်သွန်စားသုံးမှုနှင့်တွက်ခြေကိုက်မှုအခြေအနေများအား ဆွေးနွေးခဲ့ပါသည်။
