ကုန်သွယ်မှုသတင်းများ
စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ်သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင်ရောက်သည့် လူသုံးကုန်နှင့် စားသောက်ကုန်ပစ္စည်းများ ရောင်းချလျက်ရှိကြောင်း ၊ ယခုအခါ ကန့်ဘလူမြို့မဈေးတွင် ရာသီပေါ်ဂွေးတောက်ရွက်များ ရောင်းချလျက်ရှိကြောင်း သိရသည်။
မြန်မာနိုင်ငံသည် စိုက်ပျိုးရေးကို အဓိကထား၍ လုပ်ကိုင်လျက်ရှိသောနိုင်ငံဖြစ်ပြီး စစ်ကိုင်းတိုင်းဒေသကြီး၊ ကန့်ဘလူမြို့နယ်တွင်လည်း စိုက်ပျိုးရေးလုပ်ငန်းများကို လုပ်ကိုင်လျက် ရှိပါသည်။
၂၅ ကြိမ်မြောက် အာဆီယံစီးပွားရေးအသိုက်အဝန်းကောင်စီ (AECC) အစည်းအဝေးတွင် ပါဝင်သည့် တာဝန်ရှိသူများက ဒေသတွင်းနှင့်ပိုမိုနက်ရှိုင်းသော ပူးပေါင်းဆောင်ရွက်မှုကို ဆွေးနွေး ခဲ့ကြောင်း မလေးရှားရင်းနှီးမြှုပ်နှံမှု၊ ကုန်သွယ်ရေးနှင့်စက်မှုဝန်ကြီးက မေလ ၂၅ ရက်နေ့တွင် ပြောကြားခဲ့သည်။ အစည်းအဝေးသဘာပတိအဖြစ် Tengku Zafrul Abdul Aziz က အရှေ့တောင် အာရှနိုင်ငံများအသင်း (အာဆီယံ) အဖွဲ့ဝင်များအကြား ဘုံအကျိုးစီးပွားများ မြှင့်တင်ရန် ကတိ ကဝတ်ပြုကာ ပူးပေါင်းဆောင်ရွက်သွားရန် ပြောကြားခဲ့သည်။
စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာနသည် စားသုံးသူကာကွယ်ရေးလုပ်ငန်းများ ဆောင်ရွက်လျက်ရှိသည့်အပြင် စားသုံးသူများ နေ့စဉ်ဝယ်ယူ သုံးစွဲလျက်ရှိသည့် အခြေခံစားသောက်ကုန်များ၏ ဈေးနှုန်း၊ ဈေးကွက်အခြေအနေများကို လေ့လာ၍ အပတ်စဉ်၊ လစဉ် အထက်အဆင့်ဆင့်သို့ တင်ပြဆောင်ရွက်လျက်ရှိပါသည်။
ပြင်သစ်သမ္မတ Emmanuel Macron ၏ အရှေ့တောင်အာရှနိုင်ငံသို့ လာရောက်လည်ပတ်စဉ်အတွင်း ဗီယက်နမ်နှင့် ပြင်သစ်တို့သည် မဟာဗျူဟာမြောက် ပူးပေါင်းဆောင်ရွက် ရေး စာရွက်စာတမ်း ၁၄ စောင်ကို လက်မှတ်ရေးထိုးခဲ့ကြောင်း ဗီယက်နမ်သတင်းအေဂျင်စီက ဖော်ပြချက် အရသိရသည်။ အသစ်ချုပ်ဆိုထားသော သဘောတူညီချက်များသည် ကာကွယ်ရေး၊ စိုက်ပျိုးရေး၊ သယ်ယူပို့ဆောင်ရေး၊ အာကာသ၊ သိပ္ပံ၊ နည်းပညာနှင့် နျူကလီးယားစွမ်းအင် အပါအဝင်ကဏ္ဍ များစွာကို လွှမ်းခြုံထားသည်။ ဗီယက်နမ်သိပ္ပံနှင့်နည်းပညာအကယ်ဒမီ၊ ပြင်သစ်ဗဟိုဌာန Nat
