ဟင်းလျာများတွင် အနံ၊ အရသာပိုမို ကောင်းမွန်စေရန် ထည့်သွင်းရသော ဟင်းခတ် အမွှေးအကြိုင်တစ်ခုဖြစ်သော နံနံပင်ကို မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်၊ သမော်အင်း၊ မုန်းမြင့်၊ အင်းဒေါင့်၊ ဘိုကုန်း၊ ဇီးကိုင်းစသည့်ကျေးရွာများ၌ တစ်နိုင်တစ်ပိုင် စိုက်ပျိုးကြသလို စီးပွားဖြစ်လည်း စိုက်ပျိုးကြကြောင်း သိရသည်။
နံနံပင် (၁)ဧကလျှင် မျိုးထုတ် (၂၈)ထုပ်ခန့် စိုက်ပျိုးရပြီး မျိုး(၁)ထုပ်လျှင် ကျပ်(၂၀၀၀၀)ဖြင့် ဝယ်ရကြောင်း၊ စတင်စိုက်ပျိုးပြီး (၄၅)ရက်အကြာတွင် ရောင်းချ၍ရနိုင်ပြီဖြစ်ကြောင်း၊ မျိုးဘိုး၊ ထွန်ယက်ခ၊ မြေပြုပြင်ခ၊ အခြားသွင်းအားစုအပါအဝင် ကျပ်(၁၀)သိန်းခန့် ကုန်ကျကြောင်း၊ (၁)ဧကလျှင် ပိဿာချိန်(၁၈၀၀)ခန့်ထွက်ရှိပြီး (၁)ပိဿာလျှင် ကျပ်(၁၀၀၀)ဖြင့် ရောင်းချရ၍ အကျိုးအမြတ်အနေဖြင့် ကျပ်(၈)သိန်းရရှိကြောင်း၊ ယခုဆောင်းရာသီကာလသည် နံနံပင်များအထူး ဖြစ်ထွန်းသည့်အတွက် အခြားကာလရရှိသည့်ဈေးနှုန်းထက် နည်း၍ဈေးကောင်းမရရှိသဖြင့် အကျိုး အမြတ်မှာ ယခင်ထက်နည်းကြောင်း၊ ထွက်ရှိလာသော နံနံပင်များကို ပွင့်ဖြူမြို့ပေါ်ရှိ သီးနှံဒိုင် များသို့တင်ပို့ပြီး ဈေးကွက်ရှိရာ မကွေး၊ မင်းဘူးနှင့် မင်းလှမြို့များသို့ တင်ပို့ရောင်းချကြောင်း မုန်းမြင့်ကျေးရွာနေ တောင်သူတစ်ဦးထံမှ သိရှိရပါသည်။
DOCA(မကွေး)