ကုန်သွယ်မှုသတင်းများ

          ဆော်ဒီအာရေးဗီးယားနှင့်ကူဝိတ်တို့သည် နှစ်နိုင်ငံအကြား ပိုင်းခြားထားသောဇုန်အတွင်း ရေနံတွေ့ရှိမှုအား မေလ ၂၆ ရက်နေ့က နှစ်နိုင်ငံပူးတွဲကြေညာခဲ့ကြောင်းသိရသည်။ အဆိုပါရှာဖွေ တွေ့ရှိမှုအား မြောက်ပိုင်း Wafra Wara-Burgan နယ်ပယ်ရှိ Wafra Joint Operations မှပြုလုပ်ခဲ့ ခြင်းဖြစ်ပြီး ပင်မ Wafra ကွင်း၏ မြောက်ဘက်ငါးကီလိုမီတာအကွာတွင်တည်ရှိသည်။ Wara-Burgan-1 အတွင်းရှိ Wara reservoir မှ ရေနံစိမ်းသည် API ဆွဲငင်အား ၂၆ မှ ၂၇ ဒီဂရီဖြင့် တစ်ရက်လျှင် စည် ၅၀၀ ကျော်နှုန်းစီးဆင်းလျှက်ရှိသည်။

    စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့နယ် အမှတ်(၂)ရပ်ကွက်တွင် ခရမ်းသီးပင်များစိုက်ပျိုးကာ မိသားစုစားဝတ်နေရေး အဆင်ပြေလျက်ရှိကြောင်း ခရမ်းသီပင်ကို စတင်စိုက်ပျိုးမည်ဆိုလျှင် ထယ်ရေးပြင်ရပြီး ပျိုးထောင်ကာ မိုးဦးကျကာလတွင် စိုက်ပျိုးရကြောင်း၊ ခရမ်းသီးပင်သည် စိုက်ပျိုးပြီးသုံးလအကြာတွင် အသီးကိုစတင်ခူးဆွတ် ရောင်းချရပြီး  တစ်ရက်ခြားတစ်ခါ ခူးဆွတ်ရကြောင်း၊ ခရမ်းသီးလှိုင်လှိုင်ပေါ်ချိန်တွင် ဖောက်သည်ပေးသည့်အပြင် မြို့မဈေးတွင်လည်း လက်လီ/လက္ကားရောင်းချကြောင်း သိရသည်။