ကုန်သွယ်မှုသတင်းများ
တောင်ငူမြို့ ညောင်ပင်ဈေးရှိ ဟင်းသီးဟင်းရွက်ဆိုင်များ၌ ပေါ်သော ရာသီစာ ဒန့်သလွန် သီးများ ပေါ်နေပြီဖြစ်ပါသည်။ ဒန့်သလွန်ပင်ကို အိမ်ခြံဝိုင်းများအတွင်း၌ စိုက်ပျိုးကြပါသည်။ ဒန့်သလွန် ပင်မှာ မြေကြီးပျော့သောနေရာတွင်စိုက်ပျိုးပါက မိုးများသောကာလတွင် အမြစ်မှ လဲသွား တတ်ပါသည်။ ထို့ကြောင့် ကုန်းမာသောနေရာများတွင် အများအားဖြင့် ဒန့်သလွန်ပင်အား စိုက်ပျိုး ကြပါသည်။
တောင်ငူမြို့ ညောင်ပင်ဈေးတွင် ဖေဖော်ဝါရီလအကုန်လောက်မှစ၍ ပဒက်စာများ ပေါ်နေပြီဖြစ် ပါသည်။ ပဒက်စာမှာ ယခုလိုနွေရာသီတွင်ပေါ်သော ရာသီစာ အစားအစာ တစ်မျိုးဖြစ်ပြီး ပဒက်စာကို အရံဟင်းဖြစ်သော ဟင်းချို၊ အချဉ်ရည်ဟင်း စသည့်အရည်သောက်ဟင်းများတွင် ပါဝင်ပစ္စည်း အဖြစ် အသုံးပြုကြပါသည်။
ဧရာဝတီတိုင်းဒေသကြီး ပုသိမ်မြို့နယ်တွင် ဒေသခံများထုတ်လုပ်သည့် ဒေသထွက်ကုန်များ ရောင်းအားသိသိသာသာ ကောင်းမွန်လာသည်ကို တွေ့ရသည်။ အထူးသဖြင့် ပုသိမ်ဟာလဝါ၊ ပုသိမ်ထီး၊ ငါးပိ၊ ငါးခြောက်၊ အခြားဒေသထွက်ကုန်များနှင့် လက်မှုပစ္စည်းများကို ခရီးသွားဧည့်သည်များက ပိုမိုဝယ်ယူလာကြကြောင်း ဒေသထွက်ကုန် ထုတ်လုပ်ဖြန့်ဖြူး ရောင်းချသူများထံမှ သိရသည်။
တောင်ငူခရိုင်၊အုတ်တွင်းမြို့နယ်တွင် ကြံစိုက်ဧက၁၃၉၀ရှိရာ ပြီးခဲ့သည့် ဖေဖော်ဝါရီလ ဒုတိယ ပတ်တွင် ကြံများအားလုံး ခုတ်သိမ်းပြီးစီးပြီး ဖြစ်သည်။ အုတ်တွင်းမြို့နယ် ဗောဓိကုန်းကျေးရွာရှိ သကြားစက်သည် ကြံစိုက်တောင်သူများ စိုက်ပျိုးရာသီတွင် စိုက်ပျိုးစရိတ်များ ချေးငွေများ ထုတ်ပေး သကဲ့သို့ ရရှိလာသော ကြံများကိုလည်း ဝယ်ယူပေးပါသည်။
ပဲခူးခရိုင်၊ ပျဉ်ပုံကြီးရှိ ကိုင်းတောရွာသစ်တွင် သံရည်ကျို ပုံလောင်းလုပ်ငန်းကို အများဆုံး လုပ်ကိုင်လျက်ရှိကြောင်း သိရှိရသည်။ သံရည်ကျိုလုပ်ငန်းအား လုပ်ဆောင်ရာတွင် ကုန်ကြမ်း အနေဖြင့် သံကျွတ် ၊ ကားအင်ဂျင်ဟောင်း၊ သံအထည်ဟောင်းများကို အသုံးပြုကြောင်း၊ ကုန်ကြမ်း များအား ဒေသအတွင်းမှပင် ဝယ်ယူကြောင်း သိရှိရသည်။ တစ်နေ့လျှင် နန်းဆွဲ တစ်တန်ခွဲ ထုတ်လုပ်လျက်ရှိပြီး တစ်လလျှင် ပျှမ်းမျှ ရက် ၃၀ ခန့် ထုတ်လုပ်ကြောင်း သိရှိရသည်။ တစ်နေ့ သံရည်ကျို ၄ တန်ထုတ်လုပ်ပြီး တစ်လပျှမ်းမျှ ၂၄ ရ
