ကုန်သွယ်မှုသတင်းများ
ဖိလစ်ပိုင်နိုင်ငံ၌ ဒေသခံလယ်မြေများတွင် အယ်လ်နီညို သက်ရောက်မှုများ ရှိနေသော်လည်း ယခင်နှစ်စပါးထွက်ရှိမှု တန်ချိန် ၂၀.၀၅၉ သန်းနှင့် နှိုင်းယှဉ်ပါက ၄ ရာခိုင်နှုန်း ပိုမိုလျက် ၂၀၂၄ ခုနှစ်အတွင်း စပါးတန်ချိန် ၂၀.၈၈၁ သန်းခန့်အထိ ထွက်ရှိနိုင်မည်ဟု ဖိလစ်ပိုင် စိုက်ပျိုးရေးဦးစီးဌာနက ၂၁-၃-၂၀၂၄ ရက်နေ့တွင် ခန့်မှန်းချက်ထုတ်ပြန်ခဲ့သည်။
ပြည်ခရိုင်တွင် စပါးဈေးနှုန်းများမှာ ယခင်၂၀၂၃ခုနှစ်၊ မတ်လတွင် (၄၆)ပေါင်ပါ တင်း(၁၀၀)လျှင် ၁၅၀၀၀၀၀ကျပ်၊ ဆန် (၁၀၈)ပေါင်တစ်အိတ်လျှင် ၅၈၀၀၀ကျပ်ဖြင့်ရောင်းဝယ်လျက်ရှိပြီး၊ ယခု၂၀၂၄ ခုနှစ်၊ မတ်လတွင် စပါးဈေးနှုန်းမှာ တင်း(၁၀၀)လျှင် ၂၁၀၀၀၀၀ကျပ်၊ ဆန်တစ်အိတ်လျှင် ၇၈၀၀၀ကျပ်ဈေးနှုန်းဖြင့် အရောင်းအဝယ်ဖြစ်လျက်ရှိပါသည်။ စပါးဈေးနှုန်းမှာ ယခုနှစ် ဇန်နဝါရီလမှစ၍ ၂၁၀၀၀၀၀ကျပ်ဖြင့်ဈေးငြိမ်နေခဲ့ပြီး ဆန်ဈေးမှာ ယခင်လတွင် ၈၅၀၀၀ကျပ်မှ ယခုလတွင် ၇၈၀၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ပါသည်။ နွေစပါး
ကမ္ဘောဒီးယားနိုင်ငံသည် ၂၀၂၄ ခုနှစ် ပထမသုံးလပတ်တွင် ဆန် ၁၆၆၄၅၁ တန် တင်ပို့ခဲ့ပြီး ယခင်နှစ် အလားတူကာလက တန်ချိန် ၁၇၆၅၈၁ မှ ၅.၇ ရာခိုင်နှုန်း ကျဆင်းခဲ့ကြောင်း ကမ္ဘောဒီးယား နိုင်ငံဆန်စပါးအသင်းချုပ် (CRF) က ဖော်ပြခဲ့သည်။
အိန္ဒိယနိုင်ငံတွင် ပဲမျိုးစုံရောင်းဝယ်မှုလုပ်ငန်း၌ ပါဝင်လုပ်ဆောင်သူများအနေဖြင့် ၎င်းတို့ လက်ဝယ်တွင် သိုလှောင်ထားရှိသော ပဲမျိုးစုံလက်ကျန်ပမာဏကို အစိုးရ၏ အချက်အလက် စင်္ကြန်စနစ်သို့ အပတ်စဉ် တင်ပြစေရေး ကြပ်မတ်ရန်နှင့် ထိုသို့ တင်ပြသည့် ပဲလက်ကျန်ပမာဏ မှန်ကန်မှုကို စစ်ဆေးအတည်ပြုရန် ပြည်နယ်/ ပြည်ထောင်စုနယ်မြေ အစိုးရအဖွဲ့များသို့ အိန္ဒိယ ဗဟိုအစိုးရက ၁၀-၄-၂၀၂၄ နေ့တွင် ညွှန်ကြားခဲ့ကြောင်း သိရှိရသည်။
ပြည်ဈေးကွက်တွင် ယခုအချိန်ဖြစ်သော မတ်လ နောက်ဆုံးပတ်တွင် မန်ကျည်းမှည့်ဈေးနှုန်းများမြင့်တက်လာခဲ့ပါသည်။ မန်ကျည်းမှည့်မှာ ယခုကဲ့သို့သောနွေရာသီအချိန်တွင် လူနှင့်တည့်၍ ဆေးအဖြစ် စားသုံးကြသည့်အပြင် ဟင်းချက်၍လည်းစားသုံးကြသဖြင့် အိမ်တိုင်းလိုလို မန်ကျည်းမှည့်ကိုဆောင်ထားကြပါသည်။ ထို့ကြောင့် မန်ကျည်းမှည့်သည် အသုံးများပြီး အထွက်နှုန်းနည်းသောကြောင့် ယခုနှစ်မန်ကျည်းမှည့်ရာသီတွင် ဈေးနှုန်းများမြင့်တက်လာခြင်းဖြစ်ပါသည်။ ယခုနှစ် မန်းကျည်းမှည့်ရာသီချိန်တွင်ဖြစ်ပေါ်နေသော မန်ကျည်းသီးမှည့်ဈ