ပြည်တွင်းကုန်သွယ်မှုသတင်းများ
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့တွင် ဥစားကြက်မွေးမြူရေးလုပ်ငန်း လုပ်ကိုင်မှုနည်းပါးခြင်းကြောင့် ဒေသတွင်း စားသုံးမှု မလုံလောက်၍ မန္တလေးတိုင်းဒေသကြီး၊ ပြင်ဦးလွင်မြို့နှင့် ရှမ်းပြည်နယ် တောင်ကြီးမြို့တို့မှ ဝယ်ယူ၍ အရောင်းအဝယ်ဖြစ်လျက်ရှိပါသည်။
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့တွင် ၂၀၂၄ ခုနှစ်၊ ဩဂုတ်လ (စတုတ္ထပတ်)တွင် ဖြစ်ပေါ်နေသော ဘိလပ်မြေ ဈေးနှုန်းများမှာ ကြံ့နှစ်ကောင် ဘိလပ်မြေ တစ်အိတ်လျှင် ကျပ်(၁၁၅၀၀)၊ အယ်လ်ဖာဘိလပ်မြေ တစ်အိတ်လျှင် ကျပ်(၁၁၅၀၀)၊ အပါချီဘိလပ်မြေ တစ်အိတ်လျှင် ကျပ်(၁၂၀၀၀)ဈေးဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။
တောင်ငူခရိုင် ဖြူးမြို့တွင် မြေပဲဆံ(အဖြူ) (အနီ)မှာ ယခင်လက တစ်ပိဿာလျှင် ၈၅၀၀ ကျပ်ရှိရာမှ သြဂုတ်လနောက်ဆုံးအပတ်တွင် တစ်ပိဿာလျှင် ၁၂၅၀၀ ကျပ်ဖြင့် ဈေးနှုန်း ၄၀၀၀ ကျပ်တက်ကြောင်းသိရှိရပါသည်။
ပင်မှည့်သီးများကို မိုးတွင်းအခါတွင် အပေါဆုံးတွေ့ရပါသည်။ ဗီတာမင်စီ၊ သံဓါတ်၊ အမျှင် ဓါတ်၊ ရေဓါတ်များပါဝင်ခြင်းကြောင့် ကျန်းမာရေးနှင့်ညီညွတ်ပြီး လူကြီး၊ လူငယ်မရွေး စားသုံးသင့်သည့် အသီးတစ်မျိုးဖြစ်ပါသည်။ ချိုချဉ်အရသာရှိပြီး ဓါတ်တိုးဆန့်ကျင်ပစ္စည်းများ ကြွယ်ဝစွာပါရှိသဖြင့် ခန္ဓာကိုယ်အတွင်းရှိ အဆိပ်တောက်များကို ဖယ်ရှားပေးပါသည်။
၂၀၂၄ ခုနှစ်၊ ဩဂုတ်လ စတုတ္ထအပတ်တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့ ဈေးကွက်ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၂၉၀၀၀) ကျပ်၊ ဆင်တံဆိပ် (50)kg တစ်အိတ်လျှင် (၃၁၀၀၀)ကျပ်၊ စိန်တံဆိပ် (50)kg တစ်အိတ်လျှင် (၃၁၀၀၀)ကျပ် ဖြစ်ပါသည်။ တာချီလိတ်မြို့ရှိ ဘိ
