မကွေးတိုင်းဒေသကြီး၊ ချောက်ခရိုင်၊ ရေနံချောင်းမြို့နယ်တာဝန်ခံ ဦးဟာခေါဂေသည် (၁၈.၅.၂၀၂၃)ရက်နေ့ နံနက်(၁၀:၀၀)နာရီအချိန်တွင် ရေနံချောင်းမြို့၊ ငွေဘုံသာရပ်ရှိ အုပ်ချုပ်ရေးမှူးရုံး၌ စားသုံးရန် မသင့်သည့် တားမြစ်ထားသော စားသောက်ကုန်များနှင့်ဆေးဝါးများအား ဒေသခံပြည်သူများ သိရှိစေရန်၊ စားသောက်ကုန်များကို ဝယ်ယူစားသုံးရာတွင် ဘေးကင်းလုံခြုံမှုရှိစေရေးအသိ၊ သတိဖြင့် မှန်ကန်စွာရွေးချယ်ဝယ်ယူနိုင်စေရန်နှင့် စားသုံးသူကာကွယ်ရေးဥပဒေ ၂၀၁၉ပါ ကုန်အညွှန်းအမှတ် အသားများအကြောင်း အသိပညာပေးဟောပြောဆွေးနွေးခဲ့ပါသည်။
ဆက်လက်၍ နေလယ်(၁၃:၀၀)နာရီအချိန်တွင် ရေနံချောင်းမြို့၊ မြို့နယ်အထွေထွေအုပ်ချုပ် ရေးဦးစီးဌာန၊ မြို့နယ်စည်ပင်သာယာရေးအဖွဲ့၊ မြို့နယ်ပြည်သူကျန်းမာရေးဦးစီးဌာနတို့နှင့် ပူးပေါင်း၍ ရေနံချောင်းမြို့၊ မြို့ပေါ်ရှိ ဆေးဆိုင်များအား ကွင်းဆင်းစစ်ဆေးကာ ဆိုရှယ်မီဒီယာ (Facebook) စာမျက်နှာပေါ် ရောင်းချနေသည့် ထောက်ခံချက်မရှိသည့် ဆေးဝါးများနှင့် တားမြစ် ထားသည့် ဆေးဝါးများအား ဆိုင်တင်ရောင်းချခြင်းမပြုရန်၊ မှတ်ပုံတင်ရှိပြီး တရားဝင်တင်သွင်း ထုတ်လုပ်ထားသည့် ဆေးဝါးများကိုသာ ဆိုင်တင်ရောင်းချရန်နှင့် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားများအား လုပ်ငန်းရှင်များအနေဖြင့် သိရှိလိုက်နာလာစေရန်တို့အား အသိပညာပေး ဆွေးနွေးခဲ့ကြောင်း သိရှိရပါသည်။
DOCA(မကွေး)