စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ဦးစီးအရာရှိ ဦးမျိုးဝင်းနိုင်နှင့် ဝန်ထမ်းများသည် ၂၆-၅-၂၀၂၃ ရက်နေ့ နံနက် ၀၉:၀၀ နာရီအချိန်တွင် တရုတ်လှကျေးရွာ၊ ဘားအံမြို့တွင် စားသုံးသူကာကွယ်ရေးဆိုင်ရာ အသိပညာပေးဟောပြောပွဲ ကျင်းပခဲ့ကြောင်း သိရှိရ ပါသည်။
အဆိုပါဟောပြောပွဲများတွင် စားသုံးသူရေးရာဦးစီးဌာနမှ ဦးစီးအရာရှိ ဦးမျိုးဝင်းနိုင်က စားသုံးသူရေးရာဦးစီးဌာန၏ မျော်မှန်းချက်၊ ရည်မှန်းချက်များအကြောင်း၊ စားသုံးသူအခွင့်အရေးများအကြောင်း၊ ထုတ်ကုန်လုံခြုံ စိတ်ချရမှုရှိသော အစားအသောက်နှင့် ကုန်စည်များကို စနစ်တကျ ရွေးချယ်ဝယ်ယူ စားသောက် သုံးစွဲတတ်စေရန်အတွက် ကုန်အညွှန်းအမှတ်အသားအကြောင်း၊ စီးပွားရေးလုပ်ငန်းရှင်များလိုက် နာရမည့်တာဝန်များအကြောင်းနှင့် စားသုံးသူများ အပြည့်အဝ ရရှိနိုင်ရန်နှင့် စားသုံးသူတို့၏ နစ်နာဆုံးရှုံးမှုများကို တိုင်ကြားနိုင်ရန်အတွက် စားသုံးသူပြန်ကြား ရေးနှင့် တိုင်ကြားမှုလက်ခံဆောင်ရွက်ရေးစင်တာ CICC ကိုလည်း ဖွင့်လှစ်ထားလျက်ရှိကြောင်း၊ စားသုံးသူများနစ်နာဆုံးရှုံးမှုရှိပါက တိုင်ကြားနိုင်ကြောင်း၊ တိုင်ကြားရာတွင် ဘယ်သူတွေက တိုင်ကြားနိုင်ကြောင်းနှင့် ဘယ်လိုကိစ္စတွေကို ဖြေရှင်းဆောင်ရွက်မပေးနိုင်ကြောင်းကို ကုန်စည်နှင့် ဝန်ဆောင်မှု အမျိုးအစားအလိုက် အကျယ်တဝင့် အသိပညာပေးဆွေးနွေး ပြောကြားခဲ့ပါသည်။ ဟောပြောပွဲတွင် စုစုပေါင်းဦးရေ (၃၀)ဦး တက်ရောက်ပြီး တက်ရောက်လာသူများကို လက်ကမ်းစာစောင်များ ဖြန့်ဝေခဲ့ကြောင်း သတင်းရရှိပါသည်။
DOCA(ကရင်)