စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်း၊ သိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ စားသုံးဆီများအား အခြေခံလူတန်းစားပြည်သူလူထုထံသို့ စနစ်တကျရောက်ရှိစေရေးနှင့် ဈေးနှုန်းသက်သာစွာ ဝယ်ယူနိုင်ရေးတို့အတွက် မွန်ပြည်နယ်ဈေးကား စိစစ်ကြပ်မတ်ရေးအဖွဲ့ကို ဖွဲ့စည်း၍ နေ့စဉ်ဈေးကားများဖြင့် ပြည်သူများသို့ ရောင်းချပေးနေမှုအား ကွင်းဆင်းကြပ်မတ်ဆောင်ရွက်လျက်ရှိရာ ပြည်နယ်ဦးစီးမှူး၏ လမ်းညွှန်မှုဖြင့် စစ်ဆေးရေးအရာရှိ ဦးဆောင်သောအဖွဲ့သည် (၉.၆.၂၀၂၃)ရက်နေ့၊ နံနက် (၀၈:၀၀) နာရီအချိန်တွင် မောင်ငံရပ်ကွက်ရှိ၊ မောင်ငံဈေးတွင် စားသုံးသူပြည်သူများသို့ မွန်ပြည်နယ် ဆီကုန်သည်နှင့် ဆီလုပ်ငန်းရှင်များအသင်းမှ စားအုန်းဆီ (၁) ပိဿာလျှင် (၄၅၀၀) ကျပ်ဖြင့် ရောင်းချနေမှုအား ကွင်းဆင်းစိစစ်ကြပ်မတ်ခဲ့ပါသည်။
ထိုသို့ကွင်းဆင်းကြီးကြပ်ရာတွင် စစ်ဆေးရေးအရာရှိက စားသုံးသူပြည်သူများ အဆင်ပြေ ချောမွေ့စွာဝယ်ယူနိုင်ရေး၊ စားအုန်းဆီများ သတ်မှတ်အရည်အသွေးစံချိန်စံညွှန်းများဖြင့် ပြည့်မီစေရေး၊ ကျန်းမာရေးနှင့် ညီညွတ်သော စားအုန်းဆီ သုံးစွဲနိုင်ရေး၊ ကမ္ဘာ့ဈေးနှုန်း ဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများဖြစ်ပေါ်စေရေး၊ အလေးချိန်ပြည့်ဝ မှန်ကန်မှုရှိစေရေးနှင့် စားအုန်းဆီဝယ်ယူရာ၌ စနစ်တကျရှိစေရေးတို့ကို ကြီးကြပ်ပူးပေါင်း ဆောင်ရွက်ခဲ့ကြောင်း သတင်းရရှိပါသည်။
DOCA(မွန်)